محتاج مساعدتكم انا مبتدأ

[وليد سالم]

المشاركة الأصلية كتبت بواسطة mostafabedo

شكرا جدا علي ردك الجميل واهتمامك بس انا كنت حابب استفسر عن حاجة هو كل اللي انا بصطادة لازم اكله يعني مينفعش اسيبه لاني ساكن في برج وهو من اعلي المباني في المنطقة وكدة فلو طلعت واصطدت من فوقيه اللي هيقع هياخد غلبه كبيرة عشان اجيبه وانا عايز اصطاد عشان اتعلم الرماية اما للاكل فهروح مكان مفتوح اتسلي عليهم و معلش عشان اطمن هو اليمام طعمه حلو ؟؟؟

ماينفعش يا درش انك تصطاد لمجرد هواية الصيد فقط بمعني انك لما تصوب سلاحك علي طير لازم تكون متاكد انك هتعرف تجيبة من المكان اللي وقع فية والا يكون صيده محرم عليك
في ناس كتير وانا منهم طلعنا طلعات صيد واكيد في طيور بنضربها ومش بنعرف نجيبها بس ده بيكون غصب عننا بمعني ان الطير بعد قنصة بيطير مسافة وممكن يقع داخل فيلا او مكان يصعب عليك انك تجيبة منه لكن اني اضربة فقط لحبي للهواية وارضاء نفسي ومش في نيتي اني اجيبة فده حرام شرعا لاذهاق روح دون اي سبب
انصحك ان لا تقوم بالتصويب علي اي شيئ الا اذا كنت متاكد انك هتعرف تجيبة
ومتصوبش علي طائر غير محلل للاكل كالصقور والبوم مثلا اما ضرب الغراب فلا شيئ عليك بتاتا اضربة
اما عن طعم اليمام فهو اجمل من طعم لحم الحمام ولكن حجمه ضئيل عن الحمام بس لذيذ

واتمني لك كل التوفيق بعون الله