الحقنى يا" قنصل " بالإجابه ......

[AizO]

السلام عليكم

فى الحقيقه انا ذكرت اسم "القنصل" لأنه عارف معلومات رائعه

ومن الشخصيات الرائعه بالمنتدى ومليئ بالعلم

واكيد منكم كتير رائعين بعالم الاسلحه اكتر منى بكتيييييييييييييييير

انا محتاج اعرف ازاى اقدر اميز بين السلاح "الحى" والسلاح "الصوت" من على بعـــــــــــد ؟؟؟؟؟

الحقونــــــــــــــى بالإجابه من فضلكم

[osama2011]

من علي بعد مستحيل ولا من علي قرب الا اذا شديت الاجزاء وشفت الماسوره مسدوده ولا مفتوحة
وفي انتظار رأي الباشا الكبير بتاعنا الاستاذ جمال نصر (القنصل)

[mahmoud el masry]

من صوتة

[جوبا]

يا رجالة مش لازم المصورة تبقى مسدودة عادي في ناس بتفك السد ، والاكتر من كده بقى عالم النصب الواسع إنه يبقى صوت ومتغيره المصورة كمان ، أو المسورة مفتوحة وفي انواع من مسدسات الصوت بيبقى بداية المصورة فيها شخشان وبعد كده قلاووز ، فالمهم إن المسدس بيبان من خامته ديت حاجة وكمان تتفحص المسورة والخزنة كويس وتتأكد إن الخزنة مش متوسعة ولا حاجة وإن شخشنات الماسورة كاملة من الاول للآخر وشكرا

[doos99]

تقدر تعرف المسدس اما يضرب من علي بعد عن طريق صوته و دي معلومه لا يعرفها الا من يقتنى سلاحين صوت و حى في المسدس الحى يكون صوت الرصاصه مكتوم علي عكس مسدسات الصوت يكون الصوت عالي

[elnawawy]

من علي بعد صعب او يمكن مستحيل لاكن من القرب ممكن تميز الصوت اللي مش متعدل عن طريق الماسورة ومعرفتك بأنواع الصوت والحقيقي والله واعلم
وفي انتظار القنصل ايضا وباقي الخبراء

[braveheart]

مسحيل .. لازم يضرب بيه عشان تعرف .. بس أهم حاجة متكونش الضربة دي متوجهة ليك ..

[mr vigo]

لو عرفت أنت تميز الصوت من الحي يبقه مالوش لازمه المسدس الصوت

لان المفروض محدش يعرف يميزه وإلا فقد قيمته التهديديه

لكن بعض العلماء بتقول ان طلقة الصوت بيكون صوتها زي الصوت الفاضي
انما الطلقه الحي بيكون بصوت مكتوم ومليان وصوت خافض شويه عن الحي
لان المقذوف في الحي بيخرج من الماسوره وبيخترق طبقات الهواء الخارجيه وبيعمل تشتيت فيها وتمزيق للطبقه دي
وده اللي بيدي طبنجة الحي صوت مكتوم لان الطلقه بتخترق حاجز الصوت وطبقاته وبالتالي بتعمل بطأ نسبي وده اللي بيخلي صوتها اقل
وده المبدأ اللي بيخلي طبنجة الصوت ذات الماسوره الصغيره بتدي صوت زي الحي والماسوره الطويله لا

انما الطبنجة الصوت بيخرج منها بارود وبس مش مقذوفات وبالتالي بتخرج بسرعه أكثر وبتدي صوت أعلى
ولتلافي ده بيتجه البعض لطبنجات الصوت ذات الماسوره القصيره عشان يتفادو النقص الصوتي ده

على فكره الكلام ده بيتبع علم الفيزياء

[احمد العوضى]

يا اخى الكريم فارق كبير بين صوت الحى والصوت اولا لان الضغط المتولد الذى ينتج عنه فصل القاذف عن المقذوف ضغط جبار يادى الى صوت قوى وليس عالى اما الضغط المتولد نتيجة تمذيق قطعة البلستك التى توجد فى مقدمة الطلقه الميته لا تحتاج الى ضغط كبير وبنان عليه يخرج الصوت عالى وليس قوى ولاكن كم انسان عنده القدره على التفريق بين الاذعاج الناتج عنهم ومن يستطيع ان يتحمل ان يكون تقديره خطء فيقول انه صوت ويطلع حى وساعتها ميطلعش عليه نهار تانى ولاكن ماذلت عن رائى ان الصوت لا يصلح للدفاع عن النفس تقبل مرورى اما من ناحيت اخطراق الهواء فالطلقه الحيه سرعتها تفوق سرعه الصوت بمراحل والطبقات العاليه من الذبذبه لا يستطيع ان يسمعها الانسان

[احمد العوضى]

معلومه هامه لا تحاول ان تدخل معى اى واحد حامل سلاح فى مشاده لمجرد انك احسست ان الى فى يده صوت لان من الممكن ان يكون تقديرك خاطء وفى هذه الحاله سوف يحدس مالا يحمد عقباه وان كنت انت حامل الصوت فلا تحاول الضرب الموجه الى الخصم ولاكن اضرب طلقه تحذيريه فى الهواء ومن علا بعد واجعل للسلاح رهبه فى يدك فلا تكثر من اطلاق الاعيره فى الفاضى وان لم يرتدع الخصم فحاول ان تنسحب باى وسيله ممكنه ولاكن تاكد ان فاعلية السلاح الصوت او الحى فى حامله وليس فى صوته لانى كما اوضحت ان مع الاذعاج والتوتر العصبى ليس من السهل التركيذ ةالمخاطره بالصواب والخطء

[mr vigo]

ده شرح لكلامي بشكل عملي

[AizO]

المشاركة الأصلية كتبت بواسطة mr vigo

لو عرفت أنت تميز الصوت من الحي يبقه مالوش لازمه المسدس الصوت

لان المفروض محدش يعرف يميزه وإلا فقد قيمته التهديديه

لكن بعض العلماء بتقول ان طلقة الصوت بيكون صوتها زي الصوت الفاضي
انما الطلقه الحي بيكون بصوت مكتوم ومليان وصوت خافض شويه عن الحي
لان المقذوف في الحي بيخرج من الماسوره وبيخترق طبقات الهواء الخارجيه وبيعمل تشتيت فيها وتمزيق للطبقه دي
وده اللي بيدي طبنجة الحي صوت مكتوم لان الطلقه بتخترق حاجز الصوت وطبقاته وبالتالي بتعمل بطأ نسبي وده اللي بيخلي صوتها اقل
وده المبدأ اللي بيخلي طبنجة الصوت ذات الماسوره الصغيره بتدي صوت زي الحي والماسوره الطويله لا

انما الطبنجة الصوت بيخرج منها بارود وبس مش مقذوفات وبالتالي بتخرج بسرعه أكثر وبتدي صوت أعلى
ولتلافي ده بيتجه البعض لطبنجات الصوت ذات الماسوره القصيره عشان يتفادو النقص الصوتي ده

على فكره الكلام ده بيتبع علم الفيزياء

السلام عليكم

متشكر كتير على كلامك الرائع

بس يعنى انا مستغرب شويه من كلامك الخاص بأن ممكن استخدم مسدس الصوت للتهديد

بأوقات ما

هل بييجى اوقات ممكن استخدم مسدس الصوت كشئ للتهديد ؟؟؟

[mr vigo]

أنا قصدي بأنك كشخص عادي لو عرفت تميز المسدس الصوت عن الحي
فحيقدر أي شخص تاني عاوز يعتدي عليك أنه يميزه

وبالتالي اهم نقطه في المسدس الصوت هو تشابهه مع الحي

[بدر]

الاخوة الافاضل
اسمحولى اعقب على نقطة هامة جدا وهى هل الاخ السائل يقصد الفرق بين الصوت وخلافة اعتقد ان سؤالة من غير ضرب نار ازاى من الشكل يعرف الفرق
والسؤال الاهم من بعد اد اية
طبعا لو المسافة قريبة ممكن من مجرد النظر فى الماسورة
ولو مقدرتش تاخد بالك نظرا لقلة الضوء يبقى عامل الشكل بس دة يتطلب خبرة كبيرة وان تكون على دراية باشكال المسدسات الحية المتداولة
مسدسات الصوت دائما دهانها لميع شويه دة غير بعض العيوب فى التقفيل والفنشج وصب المسدس
تحياتى

[Consul]

الأخوة الأعزاء الأفاضل...بارك الله فيكم جميعا ومشكورين على إجتهاداتكم وإستنتاجاتكم وأراؤكم...وأعتقد وفي رأيي الشخصي أنها جميعا صحيحة وكلها تتفق وتجمع على شيئين مهمين...أولا...لا تتعب نفسك في التفكير ولا تحير نفسك وتعامل مع أي شخص قادم نحوك وفي يده سلاح يهددك به على أنه حي...إفترض الأسوأ حتي تتصرف بطريقة صحيحة وحكيمة وتجنب نفسك ما لا يحمد عقباه...الموضوع لا يحتمل عنتريات وليست لعبة قمار أو ضرب من الحظ...يا خسران يا كسبان...لأن الخسارة هنا لا تعوض وثمنها فادح وقد تكلف الإنسان حياته...ثانيا إذا كنت تحمل معك مسدس صوت فأحرص دائما على هيبته ورهبته...ولا تخرجه إلا عند اللزوم ولا تلوح به أو تظهره عمال على بطال ولا تتسرع في إستعماله لأنه سيكتشف سريعا أنه صوت وغير فعال وحتى لا تفقد مصداقيتك خصوصا لو كان الشخص الذي يهددك قريبا منك وفي يده مسدس أو سكين أو حتى مطواه.. فمسدس الصوت ليس بسلاح ردع...وإنما ( للمجاملة في الأفراح ) وللترهيب فقط من بعيد فهو يعتمد في المقام الأول على الحالة النفسية لخصمك وإقناعه بأنه حي وبث الخوف والرعب في نفسه ومنعه من مهاجمتك...فلو إستعملته عن قرب ستعطيه المبرر لإستعمال العنف معك أكثر بدافع الخوف والحماية والدفاع عن نفسه...حفظنا الله وإياكم وجنبنا هذه المواقف وسلمنا من كل شر اللهم آمين...بالنسبة لموضوع التفرقة بين مسدس الصوت والحي من بعيد...لا يستطيع أحد أن يفرق في الشكل بينهما من بعيد...ولكن الصوت في الإثنين يفرق...فالمسدس الحي صوته إنفجار مدوي مكتوم بفعل المقذوف الذي يمزع ويخترق الهواء ويحدث خلخلة وإرتجاج وتشعر به أكثر في منطقة سكنية ووسط العمارات...أما مسدس الصوت له صوت فرقعة عالية كأنه بمبة كبيرة ولا يحدث معه أي إحساس بالخلخلة أو الإرتجاج...نقطة أخيرة أود توضيحها أن كل من يحمل سلاح حي بالطبع يعرف أنه رادع وقاتل وبالتالي يكون حريص على ألا يصيب أحد بأذي فتجده دائما حذر في مسكته ويحكم قبضته عليه ويوجه ماسورته لأعلى في إتجاه السماء أو لأسفل في إتجاه الأرض...أما من يحمل مسدس الصوت فهو أول شخص يعرف أنه غير فعال ولا يؤذي عصفورة...فتجده غير مهتم بمسكته ولا بإتجاه الماسورة...لا تفرق معه...طبعا هذا تحليل نفسي...ورأي وإنطباع شخصي يحتمل الصواب والخطأ وليست بقاعدة...رغم أن لكل قاعدة شواذ...خالص تحياتي...

[AizO]

المشاركة الأصلية كتبت بواسطة consul

الأخوة الأعزاء الأفاضل...بارك الله فيكم جميعا ومشكورين على إجتهاداتكم وإستنتاجاتكم وأراؤكم...وأعتقد وفي رأيي الشخصي أنها جميعا صحيحة وكلها تتفق وتجمع على شيئين مهمين...أولا...لا تتعب نفسك في التفكير ولا تحير نفسك وتعامل مع أي شخص قادم نحوك وفي يده سلاح يهددك به على أنه حي...إفترض الأسوأ حتي تتصرف بطريقة صحيحة وحكيمة وتجنب نفسك ما لا يحمد عقباه...الموضوع لا يحتمل عنتريات وليست لعبة قمار أو ضرب من الحظ...يا خسران يا كسبان...لأن الخسارة هنا لا تعوض وثمنها فادح وقد تكلف الإنسان حياته...ثانيا إذا كنت تحمل معك مسدس صوت فأحرص دائما على هيبته ورهبته...ولا تخرجه إلا عند اللزوم ولا تلوح به أو تظهره عمال على بطال ولا تتسرع في إستعماله لأنه سيكتشف سريعا أنه صوت وغير فعال وحتى لا تفقد مصداقيتك خصوصا لو كان الشخص الذي يهددك قريبا منك وفي يده مسدس أو سكين أو حتى مطواه.. فمسدس الصوت ليس بسلاح ردع...وإنما ( للمجاملة في الأفراح ) وللترهيب فقط من بعيد فهو يعتمد في المقام الأول على الحالة النفسية لخصمك وإقناعه بأنه حي وبث الخوف والرعب في نفسه ومنعه من مهاجمتك...فلو إستعملته عن قرب ستعطيه المبرر لإستعمال العنف معك أكثر بدافع الخوف والحماية والدفاع عن نفسه...حفظنا الله وإياكم وجنبنا هذه المواقف وسلمنا من كل شر اللهم آمين...بالنسبة لموضوع التفرقة بين مسدس الصوت والحي من بعيد...لا يستطيع أحد أن يفرق في الشكل بينهما من بعيد...ولكن الصوت في الإثنين يفرق...فالمسدس الحي صوته إنفجار مدوي مكتوم بفعل المقذوف الذي يمزع ويخترق الهواء ويحدث خلخلة وإرتجاج وتشعر به أكثر في منطقة سكنية ووسط العمارات...أما مسدس الصوت له صوت فرقعة عالية كأنه بمبة كبيرة ولا يحدث معه أي إحساس بالخلخلة أو الإرتجاج...نقطة أخيرة أود توضيحها أن كل من يحمل سلاح حي بالطبع يعرف أنه رادع وقاتل وبالتالي يكون حريص على ألا يصيب أحد بأذي فتجده دائما حذر في مسكته ويحكم قبضته عليه ويوجه ماسورته لأعلى في إتجاه السماء أو لأسفل في إتجاه الأرض...أما من يحمل مسدس الصوت فهو أول شخص يعرف أنه غير فعال ولا يؤذي عصفورة...فتجده غير مهتم بمسكته ولا بإتجاه الماسورة...لا تفرق معه...طبعا هذا تحليل نفسي...ورأي وإنطباع شخصي يحتمل الصواب والخطأ وليست بقاعدة...رغم أن لكل قاعدة شواذ...خالص تحياتي...

السلام عليكم

بصراحه لا استطيع ان اعبر لكم عن مدى سعادتى بإجابه القنصل على سؤالى

وبطريقه رائعه وجميله ومتدينه

ولكن من الاجمل ان حظيت بصفحتين من الاجابات على سؤالى وكانت

كلها علميه ومقنعه ومفيده جدا

فشكرا لكل من قام بالرد على سؤالى لأنه ان عبر عن شئ

فإنما يعبر عن مدى احترام الاعضاء وتفاعلهم ومتابعتهم ومساعدتهم لكل من يحتاج اليهم

بأى وقت

شكرا جزيلا لكم جميعا والله الموفق

[mr vigo]

كلامي قريب جدا من كلام الاستاذ جمال
اللي اتكلمت فيه عن نقطة اختراق حاجز طبقات الهواء لهذا يقوم بإصدار صوت مكتوم قليلا لكن صوت انفجاري في نفس الوقت ولهذا يختلف عن مسدس الصوت

إذا كنت انت من تحمل المسدس الصوتي
إحرص على شيئين

1/ هيئتك العامه
يعني متمسك المسدس وانت لابس الترننج او شورت او كان سنك صغير ومتاحولش انك تظهره قدام الناس بتباهي لان ده ممكن يعملك تشكيك في مصداقية السلاح نفسه


2/ امساكك لللمسدس
يجب ان تتجنب ان تصوب للخصم طالما كان بعيد عنك بشكل يلفت النظر لشكل المسدس ونوعه
بمعني ماتحاولش تستثير الخصم بشكل انه يخليه يقرب منك عشان يختبر السلاح من رد فعلك تجاهه
من اطلاق في المليان او تهويش وبس
وحاول دايما تخلي السلاح ظاهر ومش ظاهر برضه يعني تحطه في ظهرك ويكون برضه بيظهر بشكل خفيف
لان المنظر ده بيثبت وجود سلاح معاك ومش عاوز تستعمله والطريقه دي برضه بتقلق شويه


ولو كان السلاح موجه ليك

حاول دايما ماتقفش وتستفز الخصم لآنه ممكن يكون فعلا حي ويضرب عليك ولو بغباوه او سوء تصويب
وده خطر جدا جدا بالذت لو كان بعيد عنك
ولو كان قريب منك ممكن تحاول تتفادى المسدس بالالتفاتف من مسار المسدس الى اليمين او اليسار
مع مسك المسدس ومن ثم توجيه ضربه الى عين الخصم بالاصابع أو كلة اليد للأنف
لان مسار المسدس معروف طبعا انه مستقيم وبالتالي لن تصاب لو كنت الى الجوانب بعكس السكين
ولو دورت على اليوتيوب حتلاقي فيديوهات للدفاع عن النفس قدام المسدس
لكن تحت اي ظرف ماتغامرش الا وقت الخطر الاقصى يعني وقت التهديد لعيلتك او لعرضك ولازم تدافع
واحرص دايما على استخدام عنصر الامان في الدفاع أي التفادي للخطر
وتحت امرك اي وقت

[AizO]

متشكر كتــــــــــــــــــتير

مستر فيجو حقيقى رد كتير جميل ورائع

[احمد العوضى]

المشاركة الأصلية كتبت بواسطة mr vigo

ده شرح لكلامي بشكل عملي

يا اخى انا تعقيبى على ان الطبقات العاليه من الذبذبه لا يسمعها الانسان ولم اشكك لحظه فى ان الطلقه حين تخطرق الهواء تحدس صوت ولاكنى اقول ان تردده اعلا من ان يسمعه الانسان وان ما يسمعه الانسان ويميذه هوى صوت الانفجار ان كان قوى ومكتوم نوعا ما فهو حى اما ان كان عالى ومسرسع فهوى صوت وبتشبيه بين قطعه من الحديد وذنها طن وابعادها متر مكعب وقطعه اخرى من الحديد وذنها 300كيلو وابعادها متر مكعب عندما يسقطو على الارض مين الى صوتها اعلا ومين الى تهذ الارض رغم انخفاض صوتها على فكره انا كنت ضابط فى ال777

[Hany Ekram]

--------------------------------------------------------------------------------

الاخوة الاعزاء,

برجاء الافادة عن مسدس يضرب رصاص صوت و رصاص مطاطي و اسمه Panzer و سعره 1950 جنيه بدون طلفات و تيم بيعه بالبطاقة و استلامه بعدها بيومين و ذلك لتسليم بيانات الشاري بدار الاسلحة و الذخيرة و فهل هذا المسدس موجود بالفعل بما انكم اكثر خبرة مني في هذا المجال و لانني من المبتدئين في مجال السلاح .

و لكم جزيل الشكر
للتواصل
ايميل : hekram@hotmail.com
موبايل: 0122188891

[AizO]

المشاركة الأصلية كتبت بواسطة hany ekram

--------------------------------------------------------------------------------

الاخوة الاعزاء,

برجاء الافادة عن مسدس يضرب رصاص صوت و رصاص مطاطي و اسمه panzer و سعره 1950 جنيه بدون طلفات و تيم بيعه بالبطاقة و استلامه بعدها بيومين و ذلك لتسليم بيانات الشاري بدار الاسلحة و الذخيرة و فهل هذا المسدس موجود بالفعل بما انكم اكثر خبرة مني في هذا المجال و لانني من المبتدئين في مجال السلاح .

و لكم جزيل الشكر
للتواصل
ايميل : hekram@hotmail.com
موبايل: 0122188891

السلام عليكم

اخى العزيز انا حاولت ادور على النت على النوع اللى بتحكى عنه

بس فى الحقيقه كانت بتطلعى صور دبابات بالاسم دا

وما لقيت اى نوع من انواع المسدسات اسمه كدا

واتمنى من اصدقائى الاعزاء المشاركه بمساعدتك

[Hany Ekram]

اشكرك اخي علي مرورك الكريم ,
ولكن اخي يعمل بالاسكندرية و وجده عند السجلابي
و انا بالقاهرة و بالمحل لفادة ان من يريد شراءه لابد من حضوره شخصيا لاخذ بياناته
و تسليمها الي دار الاسلحة و الذخيرة و اسلام المسدس بعد يومين
و انا مسخسر ان ادفع اي مبلغ في مسدس صوت فقط
لانه لايثمن من جوع زي ما احنا كلنا عارفين , اقصد انه لا يصلح للردع
لان اخي قام بنحربته و اغادني انه به ميزة الردع بالصوت و ايضا الاصابة بكدمات عند اصابة احد به
برصاصه المطاطي حيث ان الرصاصة قامت باخترق اليكل الذي قام بالتصويب عليه

و شكرا مرة اخري علي ردك