النوريكا جت نورت البيت

[Consul]

المشاركة الأصلية كتبت بواسطة messam

سعادة الباشا قنصل المجموعة لية عظيم الشرف مرورك الكريم على الموضوع وان شاء الله نرفع راسك دايما وتشوفالأبداع بتاع ابو فارس-- بس كان فى استفسار بسيط بخصوص تغيير الجلبة هل تنصح بتغيرها عند محل من محلات الأسلحة ولا انا ممكن أحاول مع العلم ان انا كنت بغير جلب البندقية الرمسيس بس دة كان من 15 سنة تقريبا وشكرا مشاركتك العطرة

يا خسارة الرجالة...وعلى رأي زميلي ودفعتي في kg1 الفنان الراحل عبد الفتاح القصري...هيهات...واخد العروسة second hand يا أبو فارس...وزنتها قبل ما تأخذها علشان تعرف الفرق ولا نسيت...ده إنت راجل طيب بصحيح...بس العروسة كان لازم تتجوز...على رأي أخي وحبيبي وأنتيمي وزميلي في أولى إعدادي الفنان سمير غانم...وعموما إنت من حقك 4...الأولي تتجوزها...والثانية تتجوزها برضو...والثالثة برضو تتجوزها...والرابعة...تكسب فيها ثواب...بس بصراحة ما كنتش منتظر منك إنك تكسب ثواب من أول واحدة...شكلك كده مش ها تعرف تكمل المجموعة يا أبو الفراس...ما علينا وخلينا في المهم...الرمسيس مننا وعلينا بنت حلال وطيبة وأقل حاجة بترضيها وتبقي مبسوطة وراضية...مافيهاش مشكلة...لكن النوريكا جيت خواجاية من بتوع اليومين دول سوستها قوية وعايزة منجلة علشان تعرف تسيطر عليها وتفكها...وترجع تربطها تاني...يستحسن أول مرة تروح للطفشجي ( فني الأسلحة ) شريف عنوانة 100 شارع شبرا قريب من محطة مترو روض الفرج ويعملها صيانة بالمرة ويشحمها ويزيتها ويروقهالك آخر روقان...بس أقعد معاه ما تسيبهاش لوحدها وراقبه بعينك وإعرف الخطوات وطريقة إخراج السوستة والبستون وكيفية تغيير الجلبة...وممكن بعد كده طالما عندك إستعداد ومتوفر عندك عدة كفاية تبقي تعمل لها الصيانة بنفسك...وماتكشفهاش على حد غريب...( طبعا أنا بأضحك وأهزر معاك علشان بأحبك وبأعتذر وآسف لو هزاري ضايقك )...خالص تحياتي وتقديري واحترامي...