فرد خرطوش لعبة .. هو ده الحل

الأفوكاتو · 11-04-01, 10:35 PM

والله الموضوع جه معايا بالصدفة البحتة ، من شوية كنت بتفرج عالنت علي صور الخرطوش وكنت كاتب علي جوجل old guns وأثناء ما انا بتفرج لاقيت صورة مسدس الواد يوسف (يوسف ده يبقي اخو اسلام صاحبي ، اخوه الصغير) المهم المسدس ده علي شكل فرد خرطوش وهو مسدس لعبة بلاستيك طبعا كان نازل في رمضان اللي فات ، اول ما شوفته فكرني بيوم الوقفة بتاعت العيد الصغير لما انا والعيال كنا سهرانين عند اسلام في المحل وقاعدين نهزر ويوسف يرخم علينا بالمسدس ده وفاكر لما اخدته منه وضربت طلقة خرز بلاستيك في الواد سامح صاحبنا والله العظيم وربنا شاهد علي كلامي سامح خدها وقال اه (اه المكتومة دي بتاعة رصاصة الأفلام العربي وشمس الزناتي اللي كان كله ضرب نار) ما علينا وحط ايده علي علي مكان الضربة (كتفه الشمال انا فاكر) وراح ناطط لفوق ونازل تاني (مش عارف ليه ، ايه لازمتها الحركة دي ما شوفتهاش في شمس الزناتي) وراح سكت لمدة 3 او 4 ثواني وكان بيجز علي سنانه (كل ده حصل طبعا في جزء من الثانية او ثانية واحدة ) اللي عرفته بعد كدة (بعد ما اتغفلت واخدت نصيبي من سامح وعملت نفس الحركات اللي هو لسة عملها اظاهر دي طقوس الناس اللي بتتألم من المسدس ده) عرفت اد ايه المسدس ده غبي والراجل الصيني اللي عمله غبي ورخم والله يسامحه (بجد حاجة تانية خااااااااااالص غير المسدسات الخرز ) مش عارف ليه هي ماكنتش غالية كمان كانت بتباع في العيد اللي فات بـ15 جنيه يعني سعرها عادي بالنسبة لباقي المسدسات اللعبة بس كانت غبية ، المهم طقت في دماغي (طبعا الفضا وحش) روحت لاسلام وطلبت منه مسدس يوسف بتاع العيد اللي فات قاللي (اهو عندك مرمي تحت البنك) يقصد طبعا البنك الخشب اللي في المحل ، طلعتها وكانت متربة نضفتها وجربتها لاقيتها شغالة قولتله عندك منها جديد قاللي لا لسة ما جبتش بضاعة رمضان والعيد المهم اتفقت معاه اسرق المسدس بتاع يوسف كام يوم اعمل عليه تجربة من غير ما يوسف يعرف عشان هايعمل مناحة ويقعد يعيط (مع العلم انه مش بيستعملها ومرمية تحت البنك متربة) بس هو كدة ، المهم اخدتها وانا مقتنع انها قوية بالخرز البلاستيك (قوية جدا كمان) ولكن طلبت معايا اركبلها خرز تاني بس نفس المقاس بتاع البلاستيك وفضلت افكر ايه اللي ينفع ايه اللي ينفع ومالاقيتش غير البلي اللي بيركب في العجل اللي عند العجلاتي وفعلا روحت جبت شوية من عند عم مرزوق العجلاتي وحطيته مكان البلي البلاستيك وضربت ، لاقيت نفس القوة تقريبا بتاع البلاستيك مع ملاحظة ان البلي التاني اتقل من البلاستيك حاجة بسيطة ولكن طالع قوي بس لسة ماجربتهاش في سامح علشان مجاش انهاردة واوعدكو اول ما اجربها فيه او في البني ادم عامة اقولكم النتيجة ، واسف علي الاطالة
ودي صورة المسدس اللي بتكلم عنه (شبه الخرطوش) بس لعبة من لعب الأطفال
ودي صور البلي بتاع عم مرزوق الله يكرمه مخدش فلوسه

zmbugany · 11-04-01, 10:44 PM

ههههههههههههههه ياترى سامح صاحبك الى بتجرب فية كل دة لسة عايش
الموضوع جميل تقبل تحياتى

mosho · 11-04-02, 08:41 AM

وده عامل كام؟؟؟

a.helwan · 11-04-02, 06:25 PM

ههههههههههههههههههه جامده يا افوكاتو .. بس مش حل رادع عايزين حاجه اقوي

ولو ان الدنيا بقت امان عن الاول الحمد لله وان شاء الله البلد تستقر اكتر ويعود الامن احسن من الاول

الأفوكاتو · 11-04-02, 07:12 PM

لأ طبعا انا ماقولتش انه حل رادع ولو حتي بنسبة صغيرة ، الكلمة اللي في العنوان (فرد خرطوش لعبة هو ده الحل) مجرد كلمة بتعبر عن غريق يتعلق بقشاية زي ما بيقولو ولكن هو فعلا لا يعد حل اطلاقا بس هي والله طقت في دماغي اني اجربها وانا طبعا متاكد اني لو ضربت بيها علي موحا (سامح) مش هتخرمه يعني ولا حاجة ولكن انا بحب اجرب ، الواحد طهق من كتر ما كان مش عارف يعمل حاجة وكل الناس جربت تعمل سبراي الشطة والفلفل وجربنا حركة الكربون والماسورة البلاستيك وكله تحس انها مش فعالة ، ولكن الحمد لله الوضع اصبح افضل كتير بس مش تمام 100% بردو بس كويس (شغال) وربنا يحفظ شعب مصر العظيم ياااااارب

fidodido · 11-04-03, 12:59 PM

سلملى على سامح

سامح عاشور · 11-04-03, 01:24 PM

أنا عايز هليكوبتر.

emadreda1 · 11-04-03, 03:52 PM

أنا حعمل حملة ضدك لأنقاذ سامح المسكين
شاركو معانا لأنقاذ سامح

محمد دويدار · 11-04-03, 04:53 PM

الاخ مش واخد بالو من حاجه مهمه
المسدس البلاستك ده هيبوظ بعد ضرب عدد صغير جدا من الكور الحديد لان خامته مش متينه و متستحملش كده خلى بالك بقي قبل ما يبوظ و يوسف يقلبها مناحه:d

zeromero · 11-04-03, 05:40 PM

ههههههههههههههههههه جامده بنا معاك يا سامح

الأفوكاتو · 11-04-06, 06:31 PM

إلي الأخ محمد دويدار : لا يا باشا هو البلي طالع في الصورة تحس انه كبير شوية ولكن هو في الحقيقة نفس مقاس الخرز البلاستيك بتاع مسدس الخرز بتاع العيال في العيد ، ومعتقدش انها هتبوظ بعد فترة قليلة ممكن بعد فترة كبيرة ماشي لكن مرات قليلة دي مش عارف .. صعب ، بقولك مسدس غبي

fikra · 11-04-06, 09:50 PM

والله يا أخى أنا عجبنى جداً طريقة سردك للموضوع .... على فكرة أنتا موهوب .

وبالحق الله يكرمك اما تلاقى الروم التسعة ملى احجزلى معاك واحد أصل بدور عليه أنا كمان

وتقبل مرورى

GOLDER · 11-04-07, 12:32 PM

الباشا باين عليه مفترى

الأفوكاتو · 11-04-07, 06:42 PM

شكرا يا عم ياللي بتقول مفتري (انت بالطريقة دي هتخليني اعمل عفو ملكي عن سامح واجي اجرب فيك انت) انت حر ، تحياتي ...

kemohabib · 11-04-08, 08:01 AM

اشتري فرد خرطوش لعبه وانقذ مصيلحي قصدي سامح

سامح عاشور · 11-04-09, 11:15 AM

اقتباس:

المشاركة الأصلية كتبت بواسطة الأفوكاتو

شكرا يا عم ياللي بتقول مفتري (انت بالطريقة دي هتخليني اعمل عفو ملكي عن سامح واجي اجرب فيك انت) انت حر ، تحياتي ...

موافقة

haha

11-04-01, 10:35 PM	#1
الأفوكاتو صياد قديم تاريخ التسجيل: Apr 2011 المدينه: الجيزة المشاركات: 1,294 معدل تقييم المستوى: 16	فرد خرطوش لعبة .. هو ده الحل والله الموضوع جه معايا بالصدفة البحتة ، من شوية كنت بتفرج عالنت علي صور الخرطوش وكنت كاتب علي جوجل old guns وأثناء ما انا بتفرج لاقيت صورة مسدس الواد يوسف (يوسف ده يبقي اخو اسلام صاحبي ، اخوه الصغير) المهم المسدس ده علي شكل فرد خرطوش وهو مسدس لعبة بلاستيك طبعا كان نازل في رمضان اللي فات ، اول ما شوفته فكرني بيوم الوقفة بتاعت العيد الصغير لما انا والعيال كنا سهرانين عند اسلام في المحل وقاعدين نهزر ويوسف يرخم علينا بالمسدس ده وفاكر لما اخدته منه وضربت طلقة خرز بلاستيك في الواد سامح صاحبنا والله العظيم وربنا شاهد علي كلامي سامح خدها وقال اه (اه المكتومة دي بتاعة رصاصة الأفلام العربي وشمس الزناتي اللي كان كله ضرب نار) ما علينا وحط ايده علي علي مكان الضربة (كتفه الشمال انا فاكر) وراح ناطط لفوق ونازل تاني (مش عارف ليه ، ايه لازمتها الحركة دي ما شوفتهاش في شمس الزناتي) وراح سكت لمدة 3 او 4 ثواني وكان بيجز علي سنانه (كل ده حصل طبعا في جزء من الثانية او ثانية واحدة ) اللي عرفته بعد كدة (بعد ما اتغفلت واخدت نصيبي من سامح وعملت نفس الحركات اللي هو لسة عملها اظاهر دي طقوس الناس اللي بتتألم من المسدس ده) عرفت اد ايه المسدس ده غبي والراجل الصيني اللي عمله غبي ورخم والله يسامحه (بجد حاجة تانية خااااااااااالص غير المسدسات الخرز ) مش عارف ليه هي ماكنتش غالية كمان كانت بتباع في العيد اللي فات بـ15 جنيه يعني سعرها عادي بالنسبة لباقي المسدسات اللعبة بس كانت غبية ، المهم طقت في دماغي (طبعا الفضا وحش) روحت لاسلام وطلبت منه مسدس يوسف بتاع العيد اللي فات قاللي (اهو عندك مرمي تحت البنك) يقصد طبعا البنك الخشب اللي في المحل ، طلعتها وكانت متربة نضفتها وجربتها لاقيتها شغالة قولتله عندك منها جديد قاللي لا لسة ما جبتش بضاعة رمضان والعيد المهم اتفقت معاه اسرق المسدس بتاع يوسف كام يوم اعمل عليه تجربة من غير ما يوسف يعرف عشان هايعمل مناحة ويقعد يعيط (مع العلم انه مش بيستعملها ومرمية تحت البنك متربة) بس هو كدة ، المهم اخدتها وانا مقتنع انها قوية بالخرز البلاستيك (قوية جدا كمان) ولكن طلبت معايا اركبلها خرز تاني بس نفس المقاس بتاع البلاستيك وفضلت افكر ايه اللي ينفع ايه اللي ينفع ومالاقيتش غير البلي اللي بيركب في العجل اللي عند العجلاتي وفعلا روحت جبت شوية من عند عم مرزوق العجلاتي وحطيته مكان البلي البلاستيك وضربت ، لاقيت نفس القوة تقريبا بتاع البلاستيك مع ملاحظة ان البلي التاني اتقل من البلاستيك حاجة بسيطة ولكن طالع قوي بس لسة ماجربتهاش في سامح علشان مجاش انهاردة واوعدكو اول ما اجربها فيه او في البني ادم عامة اقولكم النتيجة ، واسف علي الاطالة ودي صورة المسدس اللي بتكلم عنه (شبه الخرطوش) بس لعبة من لعب الأطفال ودي صور البلي بتاع عم مرزوق الله يكرمه مخدش فلوسه الصور المصغرة للصور المرفقة __________________ خالص تحياتي للجميـــــــــــــــــــــــــــــع " لا يجب أن تقول كل ما تعرف . . ولكن يجب أن تعرف كل ما تقول "

11-04-01, 10:44 PM	#2
zmbugany صياد جديد تاريخ التسجيل: Feb 2011 المشاركات: 49 معدل تقييم المستوى: 6	رد: فرد خرطوش لعبة .. هو ده الحل ههههههههههههههه ياترى سامح صاحبك الى بتجرب فية كل دة لسة عايش الموضوع جميل تقبل تحياتى __________________ يارب احفظ مصر

11-04-02, 08:41 AM	#3
mosho صياد نشيط تاريخ التسجيل: Mar 2011 المدينه: الجيزة المشاركات: 261 معدل تقييم المستوى: 7	رد: فرد خرطوش لعبة .. هو ده الحل وده عامل كام؟؟؟

11-04-02, 06:25 PM	#4
a.helwan صياد متفاعل تاريخ التسجيل: Mar 2011 المدينه: حــلــوان المشاركات: 60 معدل تقييم المستوى: 6	رد: فرد خرطوش لعبة .. هو ده الحل ههههههههههههههههههه جامده يا افوكاتو .. بس مش حل رادع عايزين حاجه اقوي ولو ان الدنيا بقت امان عن الاول الحمد لله وان شاء الله البلد تستقر اكتر ويعود الامن احسن من الاول __________________ من لم يخطئ، لم يجرب شيئاً جديداً

11-04-02, 07:12 PM	#5
الأفوكاتو صياد قديم تاريخ التسجيل: Apr 2011 المدينه: الجيزة المشاركات: 1,294 معدل تقييم المستوى: 16	رد: فرد خرطوش لعبة .. هو ده الحل لأ طبعا انا ماقولتش انه حل رادع ولو حتي بنسبة صغيرة ، الكلمة اللي في العنوان (فرد خرطوش لعبة هو ده الحل) مجرد كلمة بتعبر عن غريق يتعلق بقشاية زي ما بيقولو ولكن هو فعلا لا يعد حل اطلاقا بس هي والله طقت في دماغي اني اجربها وانا طبعا متاكد اني لو ضربت بيها علي موحا (سامح) مش هتخرمه يعني ولا حاجة ولكن انا بحب اجرب ، الواحد طهق من كتر ما كان مش عارف يعمل حاجة وكل الناس جربت تعمل سبراي الشطة والفلفل وجربنا حركة الكربون والماسورة البلاستيك وكله تحس انها مش فعالة ، ولكن الحمد لله الوضع اصبح افضل كتير بس مش تمام 100% بردو بس كويس (شغال) وربنا يحفظ شعب مصر العظيم ياااااارب __________________ خالص تحياتي للجميـــــــــــــــــــــــــــــع " لا يجب أن تقول كل ما تعرف . . ولكن يجب أن تعرف كل ما تقول "

11-04-03, 12:59 PM	#6
fidodido مشرف قسم السوق تاريخ التسجيل: Mar 2011 المدينه: كورنيش مصر القديمه - القاهره المشاركات: 1,030 معدل تقييم المستوى: 17	رد: فرد خرطوش لعبة .. هو ده الحل سلملى على سامح

11-04-03, 01:24 PM	#7
سامح عاشور صياد متفاعل تاريخ التسجيل: Mar 2011 المدينه: أرض الله المحروسة - الأسكندرية المشاركات: 178 معدل تقييم المستوى: 6	رد: فرد خرطوش لعبة .. هو ده الحل أنا عايز هليكوبتر.

11-04-03, 03:52 PM	#8
emadreda1 صياد جديد تاريخ التسجيل: Nov 2010 المشاركات: 16 معدل تقييم المستوى: 6	رد: فرد خرطوش لعبة .. هو ده الحل أنا حعمل حملة ضدك لأنقاذ سامح المسكين شاركو معانا لأنقاذ سامح

11-04-03, 04:53 PM	#9
محمد دويدار صياد متفاعل تاريخ التسجيل: Feb 2011 المدينه: بني سويف المشاركات: 106 معدل تقييم المستوى: 6	رد: فرد خرطوش لعبة .. هو ده الحل الاخ مش واخد بالو من حاجه مهمه المسدس البلاستك ده هيبوظ بعد ضرب عدد صغير جدا من الكور الحديد لان خامته مش متينه و متستحملش كده خلى بالك بقي قبل ما يبوظ و يوسف يقلبها مناحه:d __________________ الكلمه احيانا تكون اقوى من الرصاص ...

11-04-03, 05:40 PM	#10
zeromero صياد متفاعل تاريخ التسجيل: Mar 2011 المدينه: القاهرة المشاركات: 176 معدل تقييم المستوى: 6	رد: فرد خرطوش لعبة .. هو ده الحل ههههههههههههههههههه جامده بنا معاك يا سامح

11-04-06, 06:31 PM	#11
الأفوكاتو صياد قديم تاريخ التسجيل: Apr 2011 المدينه: الجيزة المشاركات: 1,294 معدل تقييم المستوى: 16	رد: فرد خرطوش لعبة .. هو ده الحل إلي الأخ محمد دويدار : لا يا باشا هو البلي طالع في الصورة تحس انه كبير شوية ولكن هو في الحقيقة نفس مقاس الخرز البلاستيك بتاع مسدس الخرز بتاع العيال في العيد ، ومعتقدش انها هتبوظ بعد فترة قليلة ممكن بعد فترة كبيرة ماشي لكن مرات قليلة دي مش عارف .. صعب ، بقولك مسدس غبي __________________ خالص تحياتي للجميـــــــــــــــــــــــــــــع " لا يجب أن تقول كل ما تعرف . . ولكن يجب أن تعرف كل ما تقول "

11-04-06, 09:50 PM	#12
fikra صياد متفاعل تاريخ التسجيل: Feb 2011 المشاركات: 63 معدل تقييم المستوى: 6	رد: فرد خرطوش لعبة .. هو ده الحل والله يا أخى أنا عجبنى جداً طريقة سردك للموضوع .... على فكرة أنتا موهوب . وبالحق الله يكرمك اما تلاقى الروم التسعة ملى احجزلى معاك واحد أصل بدور عليه أنا كمان وتقبل مرورى __________________ إن العـبد ليحرم الـــــــرزق بذنب يصنعه إن العبد ليحرم الصـــــــلاة بذنب يصنعه إن العبد ليحرم قيام الليل بذنب يصنعه

11-04-07, 12:32 PM	#13
GOLDER صياد جديد تاريخ التسجيل: Mar 2011 المشاركات: 27 معدل تقييم المستوى: 6	رد: فرد خرطوش لعبة .. هو ده الحل الباشا باين عليه مفترى

11-04-07, 06:42 PM	#14
الأفوكاتو صياد قديم تاريخ التسجيل: Apr 2011 المدينه: الجيزة المشاركات: 1,294 معدل تقييم المستوى: 16	رد: فرد خرطوش لعبة .. هو ده الحل شكرا يا عم ياللي بتقول مفتري (انت بالطريقة دي هتخليني اعمل عفو ملكي عن سامح واجي اجرب فيك انت) انت حر ، تحياتي ... __________________ خالص تحياتي للجميـــــــــــــــــــــــــــــع " لا يجب أن تقول كل ما تعرف . . ولكن يجب أن تعرف كل ما تقول "

11-04-08, 08:01 AM	#15
kemohabib صياد متفاعل تاريخ التسجيل: Jan 2011 المدينه: القاهره المشاركات: 216 معدل تقييم المستوى: 7	رد: فرد خرطوش لعبة .. هو ده الحل اشتري فرد خرطوش لعبه وانقذ مصيلحي قصدي سامح

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لعبة رماية ظريفة جدا	w-m-a	ادوات الصيد الثقيله	3	12-03-10 09:45 AM
فيديو..واحد بيضرب بمسدس رش في جسمه...عشان تصدقوا ان مسدسات الرش لعبة ليس اكثر	hokaboka	بنادق ضغط الهواء ومتعلقاتها	22	11-07-11 05:27 PM
بندقيتي تصدر صوت عالي ايه الحل؟؟؟	abosamer	الورشة	7	10-09-03 09:23 PM
بقع على جراب البندقيه !! ايه الحل	ابن سوهاج	بنادق ضغط الهواء ومتعلقاتها	5	10-09-03 05:44 PM
مشاكل الازواج و الحل هنا ؟	smsmn8888	الصيد العام	9	10-07-31 12:16 PM