اسعار السلاح الاسكندريه اليوم الجمعه و شوية نصائح 3/18

[hemi afifi]

التونا 400 الي 500 حسب المحل و مش قايل ال600 اللي سمعتها في محل واحد بس و بينزل كله مفتوح
التونا علي كلام اللي جرب مبينطرش فارغ لما بيتقلب بلي نفس مشكلة البي 29 و ده شفته النهارده بس في مسدسين منهم واحد مع صاحب محل هوا اللي قايلي
البي29 1000 الي 1400 و مش موجود خالص نادر لو لقيت محل فيه وده سعر هلامي بالنسبه للاسبوع اللي فات و مش حينزل مفتوح تاني علي كلام صاحب محل برده والله اعلم
الفايبر الساقيه 650 لجميع الاطوال بس موجود حته واحده 4.5 انش و في محل تاني الماسوره ال6 انش ب 850 و فيه فصال
الايكول بلو c06 ب1500 و فيه فصال
البنادق الرش الكرال نمره اتنين ب 1200 و النوريكا 56 ب 1000 و النوريكا 73 مش موجوده
المسدسات الbb co2 ضغط الهواء البلي الحديد فاشله بلسان صاحب المحل و غاليه علي الفاضي و عن تجربه انا ضربت بالرش و البلي النشان زباله و القوه متوسطه لو الانبوبه جديده و لما بتفضا بيبقا مالوش لزمه
انا مش تاجر و كاتب اللي سامعه و محدش يطلب مني اجبله حاجه و لو حد عايز مساعده بس انا تحت امره
موضوع ان باب الاستيراد مقفول سامعه من صاحب محل النهارده و المحل هو فتح الله محطة مصر و بيقول ان اللي بيبيع دلوقتي اللي كان مخزن و ان السلاح بيخلص بالتدريج و حيغلا لما يبتدي يشح فعلا و الهوجه اللي علي البي 29 هي اللي عملت كده في الاسعار
الاسعار دي من اكتر من محل مش محل واحد

[mr vigo]

الف شكر ليك


لكن واضح ان بعض الاسعار نزلت وبعضها زي ماهو

[Batman]

يعنى البى 29 الى موجود على 1400 جم هل هو مفتوح ؟؟

[osha966]

يا جماعة الأستيراد مش مقفول ولا حاجة .. الحكاية ان التجار كانو متعودين يشتروا بالأجل والآن لا توجد شركة بتصدر بالأجل كله كاش- عشان كده ..

[m.e]

ههههههههه والله انا كان قلبى حاسس باشتغالت التونا دى كل تاجر عايز يمشى بضاعه بيخش المنتدى ويقول افتكاسة ومنشوفش وشه تانى مشاركة او مشاركتين بالكتير ويهرب وشوفو بنفسكم وعلشان احنا شعب طيييييييييييب ما بنصدق ونجرى على الحاجه واحنا مغميين من نغير من نفكر بس عادى بكرة نتعلم (ياريت نتعلم) ومحدش بيتعلم ببلاش وشكرا يا hemi على معلوماتك انتا مش عارف انتا بتعمل معايا ومعا الناس بتاعت المنتدى واجب اد ايه بمعلوماتك دى
شكرآ

[smsmn8888]

للاسف الاغلبية مقفول موضوع انة الطلقة مش بتخرج بعد الضرب تا شئ اكيد واتمني غير ذلك

[hemi afifi]

الرد بالترتيب
mr.vigo لا شكر علي واجب يا باشاش
batman اللي ب 1400 ده كان عنده 1400 الاسود و 1200 النيكل و ده لأنه من الرساله القديمه اللي بتتفتح عادي و محل تاني ب1100 مقفول و اللي حيجنني ان الناس واقفه قدامه صف طيب بتشترو ايه مهو مقفول خلاص ميسواش 700 ولا 800
osha966 تعددت الاسباب و الموت واحد انا فاهم كلامك بس اللي حنوصله من اي حاجه ان السلاح حيشح بالتدريج و علي فكره اللي قايلي مدير فرع فتح الله محطة مصر
m.e مفيش حاجه بتشد اجزاء يا معلم و انت عارف الخطه التانيه ايه متقولش للاعداء بقا و الماسنجر حعمله دلوقتي
اsmsmn8888 اللي اتقالي بالحرف انساااا تشوف المفتوح تاني اللي نازل من البي 29 كله فيه صليبه بعد الطبه الالن و التونا الجديد كله مفتوح

[goodzila]

ده انت كنت فرحتني وكنت هتخليني انزل اسكندريه اجبلي شويه بس كده الاسعار ديه عاليه قوي قوي وشكرا

[سمسم]

مشكور على تعبك

[BooGY]

الف شكر يا ذوق وربا يسهل والاسعار تبقى فى النازل لحد ما كل واحد فى المنتدى يجيب اللى هو عاوزه بسعر كويس

[سيدخالد]

والله دى شىء جميل والاسعار كده فى النازل وكمان ارخص من عندنا فى الجيزة بكتير وربنا يوفق الجميع

[eng.mahmoud]

اطلب من كل اصحابى والمشتركين فى المنتدى الوقوف يد واحدة لمكافحة جشع المستورد فتح الله الذى احتكر السوق ورفع جملة كل الاسلحة حتى لا يأكل احد عيش من جانبة وادعو الاخوة التجار لوقف شراء الاسلحة من هذا الرجل كى يتم ردعة ومحدش يفتكر ان انا او هشام سمير او ابو ضيف مستوردين ياجماعة كلنا بنجيب من الراجل دة لان هو الوكيل الوحيد فى مصر لانى كلمت شركة ايكول فى تركيا علشان اشترى منهم فرفضوا وقالولى احنا لينا وكيل اسمة فتح الله مينفعش نتخطاة ونبعتلك روح اشترى منة فمحدش يضحك عليكوا ويفهمكوا انوا مستورد لان كل التجار اللى فى المنتدى بيجيبوا من فتح الله ولازم نقاطع الراجل دة على الاقل لمدة اسبوع الدنيا مش هتخرب لكن الاسبوع دة هيرجع الاسعار تانى زى زمان

[Ahmed Nada]

المشاركة الأصلية كتبت بواسطة eng.mahmoud

اطلب من كل اصحابى والمشتركين فى المنتدى الوقوف يد واحدة لمكافحة جشع المستورد فتح الله الذى احتكر السوق ورفع جملة كل الاسلحة حتى لا يأكل احد عيش من جانبة وادعو الاخوة التجار لوقف شراء الاسلحة من هذا الرجل كى يتم ردعة ومحدش يفتكر ان انا او هشام سمير او ابو ضيف مستوردين ياجماعة كلنا بنجيب من الراجل دة لان هو الوكيل الوحيد فى مصر لانى كلمت شركة ايكول فى تركيا علشان اشترى منهم فرفضوا وقالولى احنا لينا وكيل اسمة فتح الله مينفعش نتخطاة ونبعتلك روح اشترى منة فمحدش يضحك عليكوا ويفهمكوا انوا مستورد لان كل التجار اللى فى المنتدى بيجيبوا من فتح الله ولازم نقاطع الراجل دة على الاقل لمدة اسبوع الدنيا مش هتخرب لكن الاسبوع دة هيرجع الاسعار تانى زى زمان

الكلام ده مهم, وبصراحة أنا أول مرة أعرف ان فتح الله هو الوكيل الوحيد ل "ايكول", برجاء ان اللاستاذ شريف ابو ضيف يؤكد هذا الكلام لأنه عنده كذا محل, كده ممكن نعرف نعمل ايه لما نحب نقاطع و نقاطع مين

[waleedrahmy]

المشاركة الأصلية كتبت بواسطة ahmed nada

الكلام ده مهم, وبصراحة أنا أول مرة أعرف ان فتح الله هو الوكيل الوحيد ل "ايكول", برجاء ان اللاستاذ شريف ابو ضيف يؤكد هذا الكلام لأنه عنده كذا محل, كده ممكن نعرف نعمل ايه لما نحب نقاطع و نقاطع مين

فتح الله وكيل لشركات كتير في مصر

[tarekvb]

المشاركة الأصلية كتبت بواسطة smsmn8888

للاسف الاغلبية مقفول موضوع انة الطلقة مش بتخرج بعد الضرب تا شئ اكيد واتمني غير ذلك

يعنى الراجل بيقول شايفه فى محلات الاسكندرية وملوش اى مصلحة وبيقول مفتوح انت جاى وبتقول مقفول يعنى الراجل بتعنا اللى عامل الموضوع كداب ؟؟؟ ولا عشان حضرتك بتبيعه ب550 ؟؟؟؟

[piglet.ehab]

انا كنت عرضت مسدسى الكرال قبل كده ولكن بعرضه تانى اهو بسعر مفيش زيه وهو 450 جنيه مع العلم ان المسدس جديد ولم يطلق منه الا خزنة واحدة للتجربة والمسدس بيضرب طلقات بلى وصوته قوى جدااااا وانا من اسكندرية يا جماعة

[mooddyyonline]

على فكرة يا عفيفى فى حتة بلو سى 06 عند فتح اللة ب 1300 بس من غير علبة

[hemi afifi]

الاسعار و المسدسات اللي انا كنت متكلم عليها من 20 يوم الكلام دلوقتي اختلف خالص الاسعار و موضوع مقفول و مفتوح دي كمان اختلفت انا كنت كل جمعه بنزل اجيب اسعار المحلات كلها و اكتبها بس بطلت بسبب الطريقه الغير محترمه و الاسلوب المستفذ عديم الربايه اللي البياعين بيتعاملوا بيه لما الواحد بيسأل و يقلب في الحاجه و انا دلوقتي لا اتعامل الا مع فتح الله محطة مصر ناس محترمه و اسعار معقوله و حتا فتح الله محطة الرمل الناس هناك فيها كام واحد التعامل معاهم زباله و ده ميمنعش ان الباقيين كويسين من البياعين

[waleedrahmy]

المشاركة الأصلية كتبت بواسطة hemi afifi

الاسعار و المسدسات اللي انا كنت متكلم عليها من 20 يوم الكلام دلوقتي اختلف خالص الاسعار و موضوع مقفول و مفتوح دي كمان اختلفت انا كنت كل جمعه بنزل اجيب اسعار المحلات كلها و اكتبها بس بطلت بسبب الطريقه الغير محترمه و الاسلوب المستفذ عديم الربايه اللي البياعين بيتعاملوا بيه لما الواحد بيسأل و يقلب في الحاجه و انا دلوقتي لا اتعامل الا مع فتح الله محطة مصر ناس محترمه و اسعار معقوله و حتا فتح الله محطة الرمل الناس هناك فيها كام واحد التعامل معاهم زباله و ده ميمنعش ان الباقيين كويسين من البياعين

ا/محمد والانسة دينا من البياعيين المحترميين