لماذا؟

[saskon]

أنا شايف فى ناس كتير بتبيع بنادق بعينها بعد استعمال أيام أو أسابيع قليلة و أقصد و أحدد البندقيتين البام والكرال !!! وطبعا ده معناه ان فى مشاكل فى البندقيتين دول ولكن طبعا أى حد بيبيع لا يذكر الأسباب وبيقول انه عايز يغير يعنى جايبها من كام يوم أو من كام أسبوع وعايز يغير؟ طبعا أسباب غير منطقية بالمرة! ومع افتراض حسن النية فأعتقد أن الأسباب الرئيسية تنحصر فى :
- ثقل وزن البندقية ( البام)
- عدم دقة نشان البنادق
- حدوث فك للنشان نتيجة القوة
- رد الفعل قوى جدا مما يؤثر على الصياد أو الرامى
- كسر السوستة (الكرال)
- الصوت العالى أثناء الضرب

رجاء من الإخوة الأعضاء نفى أو تأكيد الأسباب عاليه والتى تؤدى للبيع السريع لهذه البنادق.

[dr_mohasan]

عند حق, الموضوع ده كتير جدا وبشكل غريب وخاصة مع البندقية الكرال , مع ان اللى بيبيع بيكون يادوب ماستعملش البندقية غير اسبوع او اتنين , وإشمعنى مع الأنواع دى بالذات , هل ممكن حد يفيدنا ؟؟؟؟؟؟؟؟؟

[tarekvb]

.............................................

[mishofun79]

انا عن نفسي عندي 2 بندقيه بام و بصراحه البام معايا مدفع لا اجد بها اي عيب و بالنسبه لموضوع فك الناشنكان الخلفي نتيجة قوة البندقيه اعتقد دي لا يمكن اعتبارها مشكله لانها مجرد ان تغير المسمار ب 1.5 جنيه تختفي و انا كنت ناوي ابيع واحده لاكن صرفت نظر و هذا للامانه البندقيه دي رائعه و فلته من فلتات الصين

[dr_mohasan]

يا باشا لو قررت تبيع ياريت تقوللى وأكون شاكر جدا

[saskon]

المشاركة الأصلية كتبت بواسطة mishofun79

انا عن نفسي عندي 2 بندقيه بام و بصراحه البام معايا مدفع لا اجد بها اي عيب و بالنسبه لموضوع فك الناشنكان الخلفي نتيجة قوة البندقيه اعتقد دي لا يمكن اعتبارها مشكله لانها مجرد ان تغير المسمار ب 1.5 جنيه تختفي و انا كنت ناوي ابيع واحده لاكن صرفت نظر و هذا للامانه البندقيه دي رائعه و فلته من فلتات الصين

معلهش ممكن اسأل حضرتك ليه شارى بندقيتين من نفس النوع؟؟ أقصد حضرتك تاجر ولا إيه؟

[adel_7768]

يا جماعه اغلب البنادق الهاي باور فيها مشاكل من القوه المفرطه زي فك المسامير وعدم دقة الناشينكان الخلفي ومافيش بندقية مافيهاش عيب والكرال الناس بتبيعها لان سعرها متزبزب يوم في الطالع ويوم في النازل اما البام فهي بندقية حافظه مركزها علي طول دي فعلا بجد مدفع وبالنسبه عشان تقل وزنها ياسيدي العب شهر حديد وهي تبقي ميه ميه

[يونس]

لا عيوب لاجديد
و انا عاوز اخبر سيادتكم عن جندي مصري في القوات المسلحه سنه 2008 هو في الدفاع الجوي عند شراء مصر
صفقه صواريخ دفاع جوي حديثه عندما استلمت الوحدات الصواريخ و بعد اول نوبه تدريب قام حسا بعمل 21تعديل علي الصاروخ ده مما قام الخبره الروس بالتمسك باخذه معاهم في حاله العوده
يمكن تحدث سلاحك بطريقه مبهره

[mishofun79]

المشاركة الأصلية كتبت بواسطة saskon

معلهش ممكن اسأل حضرتك ليه شارى بندقيتين من نفس النوع؟؟ أقصد حضرتك تاجر ولا إيه؟

يا ريت اكون تاجر هههههه بس الموضوع مش كده... انا كان عندي واحده شاريها من حوالي سنه و بعدين واحد قريبي من سوهاج شافها فطلب مني اشتريلو و احده و بعد ما اشتريت لقيتو بيتصل يقولي انو اشتري فبصراحه اتكسفت اقول له بس مندمتش لاني عارف قيمة هذه البندقيه

[saskon]

المشاركة الأصلية كتبت بواسطة mishofun79

يا ريت اكون تاجر هههههه بس الموضوع مش كده... انا كان عندي واحده شاريها من حوالي سنه و بعدين واحد قريبي من سوهاج شافها فطلب مني اشتريلو و احده و بعد ما اشتريت لقيتو بيتصل يقولي انو اشتري فبصراحه اتكسفت اقول له بس مندمتش لاني عارف قيمة هذه البندقيه

فيه عضو فى المنتدى أعتقد اسمه نيازى بيدور على واحدة استعمال نضيف ممكن تعرضها عليه لأن الراجل تعب علشان يلاقى مستعمل كسر زيرو مش لاقى

[احمد هاشم]

اخى العزيز
السلام عليكم
انا كان معايا بندقيه بام وبعتها
ولاكن انا بعتها لانى مفيش صيد ادامى غير اليمام وحرام استعمل بندقيه بهذه القوة مع هذا الطائر الصغير

[saskon]

المشاركة الأصلية كتبت بواسطة احمد هاشم

اخى العزيز
السلام عليكم
انا كان معايا بندقيه بام وبعتها
ولاكن انا بعتها لانى مفيش صيد ادامى غير اليمام وحرام استعمل بندقيه بهذه القوة مع هذا الطائر الصغير

أ. أحمد تقصد إيه بكلمة "حرام" هل كما نقول الرشة -بتفرتك- الطير يعنى بتبوظه وتدمره ولا إيه؟ لأن مثلا الخرطوش ممكن تصطاد بيها غزلان وبرده ممكن تصطاد بيها حمام ويمام فالقوة هنا مش العامل الرئيسى.