احسن اسعار الرش و الصوت فى القاهره 12-4-2011

[tiesto]

السلام عليكم
اتمنا دوام الصحه والعافيه للجميع
انا حبيت بس اساعد الناس اللى عوزه تشترى رش و صوت ذخيره فا انا خدت لفه محترمه النهرده بين تاكسى و ميكروباص و اتوبيس و مترو لمده 8 ساعات بدور على طلقه 8 مللى صوت المانى rws المهم قلبت الدنيا لقيت نوعين المانى واحد uma و ده منتشر جدا و واحد umis و ملقيتش اللى انا عوزه رغم ان النوعين الالمانى دول كربونه تبق الاصل و نفس الاداء من ال rws, و طبعا التركى موجود عند السوبر ماركت كمان المهم قولت اسال عن الرش كمان و انواعه لقيت ان احسن اسعار للرش و الصيد عند الاهليه اللى فى العتبه و الناس تعاملها محترم و مفيش اى مشاكل و زوق و زى الفل و المحل كان فاضى الساعه 5 العصر , انا مش بعمل اعلان و لا حاجه بس للاسف صدمت لما لقيت الناس مهتميه بشخص معين بدون ذكر اسماء و كان حصلتله مشكله و الناس بتقف جنبه و هوا بيغلى عليهم بالفرق ده بصراحه كتيير فحبيت اوضح حاجه مش لما تعوز تجيب ارخص سعر متسمعش كلام حد انزل لف لو هتجيب كميه لو مش كميه الفروق مش اكتر من جنيه للطلقه الصوت و فى حدود 10 جنيه فى علبه الرش هتلاقى الفرق ده متسمعوش كلام حد و انزلو لفو و انا مش مع حد ولا تبع حد ولا اى حاجه انا زي اي حد فيكم مواطن عادى عندى هوايه الصيد و الرمايه بس
السلام عليكم

[Batman]

مشكور على مجهودك - لكنك لم تذكر اى اسعار ؟؟ سواء للصوت او الرش ؟؟ و ذلك للعلم . . .
تحياتى . . .

[احمد العوضى]

المشاركة الأصلية كتبت بواسطة tiesto

السلام عليكم
اتمنا دوام الصحه والعافيه للجميع
انا حبيت بس اساعد الناس اللى عوزه تشترى رش و صوت ذخيره فا انا خدت لفه محترمه النهرده بين تاكسى و ميكروباص و اتوبيس و مترو لمده 8 ساعات بدور على طلقه 8 مللى صوت المانى rws المهم قلبت الدنيا لقيت نوعين المانى واحد uma و ده منتشر جدا و واحد umis و ملقيتش اللى انا عوزه رغم ان النوعين الالمانى دول كربونه تبق الاصل و نفس الاداء من ال rws, و طبعا التركى موجود عند السوبر ماركت كمان المهم قولت اسال عن الرش كمان و انواعه لقيت ان احسن اسعار للرش و الصيد عند الاهليه اللى فى العتبه و الناس تعاملها محترم و مفيش اى مشاكل و زوق و زى الفل و المحل كان فاضى الساعه 5 العصر , انا مش بعمل اعلان و لا حاجه بس للاسف صدمت لما لقيت الناس مهتميه بشخص معين بدون ذكر اسماء و كان حصلتله مشكله و الناس بتقف جنبه و هوا بيغلى عليهم بالفرق ده بصراحه كتيير فحبيت اوضح حاجه مش لما تعوز تجيب ارخص سعر متسمعش كلام حد انزل لف لو هتجيب كميه لو مش كميه الفروق مش اكتر من جنيه للطلقه الصوت و فى حدود 10 جنيه فى علبه الرش هتلاقى الفرق ده متسمعوش كلام حد و انزلو لفو و انا مش مع حد ولا تبع حد ولا اى حاجه انا زي اي حد فيكم مواطن عادى عندى هوايه الصيد و الرمايه بس
السلام عليكم

تسلم ايدك والمفروض الى عايذ يشترى حاجه يلف ويسال حتى عشان يفهم وبعد كده يشترى غالى رخيص المهم يفهم

[amr_320]

فين الاسعار ؟

[xman]

نصيحة ممتازة . وفي انتظار نتاءج الجولة؟

[Mohamed Mahmoud]

بارك الله فيك فين باة الاسعار

[tarekvb]

احلى حاجة قولتها فى كلامك الناس اللى بتغلى وطبعا انت راجل ذكى لانك مقولتش الاسم بس احنا شعب بنحب تحل الكلمات المتقاطعة وطبعا اتعرف بالمعلومة اللى انت قولتها بس على فكرة كل بايعين المنتدى هيزعلو منك انت بقيت فى نظرهم وحش وبتقول ان بره الاسعار اقل ربنا يباركلك وبوفقك وميحرمناش من نزلاتك اللى بتبين الناس

[Batman]

المشاركة الأصلية كتبت بواسطة tarekvb

احلى حاجة قولتها فى كلامك الناس اللى بتغلى وطبعا انت راجل ذكى لانك مقولتش الاسم بس احنا شعب بنحب تحل الكلمات المتقاطعة وطبعا اتعرف بالمعلومة اللى انت قولتها بس على فكرة كل بايعين المنتدى هيزعلو منك انت بقيت فى نظرهم وحش وبتقول ان بره الاسعار اقل ربنا يباركلك وبوفقك وميحرمناش من نزلاتك اللى بتبين الناس

و هو اصلا قال اى اسعار ؟؟؟؟؟؟؟؟؟؟ لنتأكد و نحكم و نعرف ؟؟؟؟؟؟؟؟؟؟
و لا هو اى كلام و خلاص ؟؟؟؟؟؟؟؟ ايه التهريج ده و الاستخفاف بالعقول ؟؟؟؟؟؟؟؟؟؟

[tarekvb]

المشاركة الأصلية كتبت بواسطة batman

و هو اصلا قال اى اسعار ؟؟؟؟؟؟؟؟؟؟ لنتأكد و نحكم و نعرف ؟؟؟؟؟؟؟؟؟؟
و لا هو اى كلام و خلاص ؟؟؟؟؟؟؟؟ ايه التهريج ده و الاستخفاف بالعقول ؟؟؟؟؟؟؟؟؟؟

احنا بنتكلم على مبدا ان لما يكون فى حد بيبع حاجة بسعر اعلى وحد عرف ان فى محل مبيبعها بسعر اقل لازم يكتب اسم المحل ويقول ان فى سعر اقل فى المكان الفلانى وعتقد ان كل الاعضاء هنا ناس محترمين وعلى قد عالى من الفهم والخبرة والتفكير ومحدش يقدر يستخف بحد .... وخلى عصابك هادية وبلاش نرفزة وافهم الموضوع الاول

[Batman]

المشاركة الأصلية كتبت بواسطة tarekvb

احنا بنتكلم على مبدا ان لما يكون فى حد بيبع حاجة بسعر اعلى وحد عرف ان فى محل مبيبعها بسعر اقل لازم يكتب اسم المحل ويقول ان فى سعر اقل فى المكان الفلانى وعتقد ان كل الاعضاء هنا ناس محترمين وعلى قد عالى من الفهم والخبرة والتفكير ومحدش يقدر يستخف بحد .... وخلى عصابك هادية وبلاش نرفزة وافهم الموضوع الاول

مين قالك ان انا متنرفز ؟؟؟ و عيب اوى تقولى افهم الموضوع !!!!!!
انا متابع مداخلاتك من فتره و كل مداخلاتك فقط فى مواضيع عروض البيع لتقليل السعر و خلاص !! و كل همك الروم الصوت و عدم وجود زر امان للوالتر بى99 !!!
اكيد طبعا المبدأ محدش ابدا يختلف عليه - لكن فين الاسعار ؟؟؟ ولا هو كلام و خلاص ؟؟ و طبعا ده تخصص حضرتك !!و هو كلام كلام كلام و خلاص !!
طبعا انا مش حخلص من ردك لكنى مقدما لن ارد عليك !!

[tarekvb]

المشاركة الأصلية كتبت بواسطة batman

مين قالك ان انا متنرفز ؟؟؟ و عيب اوى تقولى افهم الموضوع !!!!!!
انا متابع مداخلاتك من فتره و كل مداخلاتك فقط فى مواضيع عروض البيع لتقليل السعر و خلاص !! و كل همك الروم الصوت و عدم وجود زر امان للوالتر بى99 !!!
اكيد طبعا المبدأ محدش ابدا يختلف عليه - لكن فين الاسعار ؟؟؟ ولا هو كلام و خلاص ؟؟ و طبعا ده تخصص حضرتك !!و هو كلام كلام كلام و خلاص !!
طبعا انا مش حخلص من ردك لكنى مقدما لن ارد عليك !!

لو انك عارف انك مش هتخلص من ردى مكنتش رديت وعلى العموم كويس ان المعلومة دى عندك وان كنت معرفتش ترد اصلا لانك لما اتكلمت مسكت كل نقطة انت قولتها ورديتلك عليها انت معرفتش تعمل كيدا وارجع اقولك كلمة مبدا يعنى فكر وتخطيط او اتفاق على سياسة عامة ملهاش دعوة بذكر السعر خالص ويعنى ايه تقليل السعر وخلاص يعنى ايه وخلاص هى دى حاجة متسهلش الكلام فيها وايه الغلط ان يكون كل همى فى الروم وبس وهو انا لازم افتى فى كل حاجة دى نقطة ليا مش عليا وبالنسبة للولتر الناس انقسمت عليه وناس قالو فيه امان وناس قالو لا فكان لازم نقول المعلومة اللى نعرفها ومصدرها وانا قولت ان شريف ضيف هو اللى قال كيدا اشكرك على كلامك ليا لانه كلة فى مصلحتى ومدح فيا بس انت واضح انك متابع مداخلتى كويس اوى بس مذكرتهاش خالص والا مكنتش دخلت الدخلة دى منا كنت قاعد فى حالك ياعم باتمان ... واوعى تنسى انت قولت مش هرد عليك مقدما سلام

[smsmn8888]

يوةةةة
يابني فين السعر انت مش نزلت ولفيت ولقيت الاسعار زى الفل كامممممممممممممممم

[emoo]

ياريت تكون اسعار اقل يعني مثل ال8مم الالماني العلبه 150 جنيه ياسلام او علبه الرش 2 البرو مجنم 250 رشه ب15 جنيه او الولتر بي 99 ب1300 جنيه ياجماله انا من محبي التعاون للحصول علي اقل سعر بس بفعل مش كلام وبس
يا طارق وجودك اصبح بجد بنسبالي كوميدي جدا كلامك كله في كل المواضيع ليس له اي اهميه فقط الكلام وكتير بيكون كوميدي علشان ملوش مبدا او مضمون مفيد لكلام كلام وكل الناس بتبييع وتشتري عادي جدا

[tiesto]

السلام عليكم
يا جماعه انا مقدرش اقول اسعار بس انا بقولك اقل سعر عند الاهليه عاوز تعرف السعر كام بالظبط ممكن تعدى على اى تاجر جمبك و تسال على اللى انتا عاوزه و تسال بردو فى الاهليه بس و بعدين متو عرفين سعات الاسعار تكون عند حد اقل من حد و الموضوع متغير بطريقه مش مفهومه انا حبيت ادل اللى هينزل اليومين دول بس على ارخص مكان مش اكتر و لو حد راح عند الاهليه و لقاها اغلى من مكان تانى ياريت يقولنا عشان انا بردو مش حويط ولا شيخ حاره تجار السلاح يمكن فى مكان مرحتوش سهوا او معرفوش اساسا انا راجل جديد مع السلاح و خبرتى باماكن بيعه و كده بردو محدوده و شكرا على مشاركات الجميع سواء كانت مؤيده او معارضه او تريقه
بس اللى عاوز يعرف الاسعار كام بالظبط انا مقدرش اقول و حط نفسك مكانى هتلاقى اللى بيقول ده ليه مصلحه و ده مش عارف ايه و ده مدايق من فلان فا عاوز يضربه و الكلام ده انا لا بحب حد ولا ليا مصلحه مع حد انا راجل حر بشترى بفلوسى من اللى يعجبنى يعنى كلهم زى بعض بالنسبالى المهم الاقى اللى انا عوزه بارخص سعر ولا ايه ؟
سلام عليكم

[amr saber]

معلش مش فاهم يعني الاهليه عندهم البرو ماجنوم ب15 جنيه؟؟؟؟؟؟؟ نمره 2 ؟؟؟؟؟؟؟

معلش كنت عاوز اسألك علي الماستر بوينت نمره اتنين ال250؟؟؟؟؟؟

والنمره واحد ال500 بكام لو تعرف ومتشكرين جداااااااا وتسلم ايدك
وجزاك الله عنا خيرا

[بكار]

مشكوووووووووووووووووووووووووووووور

[emoo]

thanx teisto for your info. see you man
انا زيك عايز ارخص مكان بس لو ممكن نعرف الاسعار هيكون افضل