إستفسار عن ترخيص الصيد

[ahmedel_rayies]

السلام عليكم ورحمة الله وبركاته

الإخواء الأعضاء

تحياتى للجميع

أرجوا المساعدة ﻷنى كنت محتاج أعمل رخصة صيد خرطوش أو رصاص، لو حد يعرف الإجراءات والشروط ياريت يقولى عليها وكمان البنادق الخرطوش والرصاص أحسنهم إيه وبكام.

وهل الخرطوش أفضل فى الصيد أم الرصاص.

وجزاكم الله خير

أخوكم
أحمد عادل

[وليدعادل]

هو معلش ايه نوع الصيد اللي بيسنخدم فيه الرصاص الحي
الرش ممكن تصطاد بيه حاجات كتير مع اختلاف قوة البندقيه و سرعة الرشه و الخرطوش ليه الصيد بتاعه بردوا منهم البط و هو طاير و طريقة استدعائه و كده
لكن الصيد الرصاص دا انا مش عارف ممكن تصطاد بيه ايه بصراحه .....؟

[waleedrahmy]

الصيد يبقي خرطوش

[sameer]

الخرطوش بيجيب كل حاجة سواء كانت طايرة او واقفة وممكن يوقع اكتر من طيرة بضربة واحدة

[وليدعادل]

ايوا ياجماعه بس انا كده هابهدل الطير مش هاصطاده
يعني مثلا تخيل كده خرطوش هاضرب بيه يمامه ماهي بعد ماتقع مش هاتبقي يمامه هاتبقي منخهل و مش هايبقي فيها حاجه تتاكل دا قصدي يعني

[m_mostafa14]

فعلا لو حد يقدر يفيدنا في شروط استخراج رخصة بندقية خرطوش للصيد
يا ريت مايبخلش علينا بالمعلومة
وأكيد في ناس في المنتدى مرخصة خرطوش
افيدونا جزاكم الله خيرا

[waleedrahmy]

المشاركة الأصلية كتبت بواسطة m_mostafa14

فعلا لو حد يقدر يفيدنا في شروط استخراج رخصة بندقية خرطوش للصيد
يا ريت مايبخلش علينا بالمعلومة
وأكيد في ناس في المنتدى مرخصة خرطوش
افيدونا جزاكم الله خيرا

الترخيص للصيد كان مغلق تماما قبل الثورة وتلاه الترخيص للدفاع

[hoka]

يقال ان ترخيص الصيد مقفول
بالنسبه للمفاهيم الخاطئه عن البندقيه الخرطوش وانها تنفع لكل واى صيد فده خاطى وكذلك الرش وللمقارنه بينهم فى صيد اليمام وتدميره فحسب نوعيه الرش وحسب نوعيه طلقه الخرطوش(العيار)
بس معظم استخدامات الخرطوش فى البط والحمام واليمام القمرى
وايضا التماسيح لو حد يسمع عن كده
اما الرش فهو للاهداف الثابته اى كانت حجمها ويختلف عن الرصاص الحى فى نوعيه القوه الدافع سواء هواء او بارود فى البنادق الحيه
واعيره الرش بتوصل لحد عيار 50 وده اصلا اكبر من المقذوف الحى ولكن اقل مدى
علشان كده بنقول ان الطريده هى اللى بتختارلك سلاحك وحسب مهارتك هاتعرف توظف اقل سلاح معاك فى صيد الطريده اللى انت عاوزها
بس
سلام عليكم

[unknown]

حضرتك طالما هتصطاد حمام احسنلك اشترى حاجة رش هاى باور هتبقى ارخص ومش محتاجة ترخيص
الصيد بالرصاص بيكون للصيد البرى الثقيل مثل الحيوانات المتوحشة او الخنزير البرى او الوعول على سبيل المثال
اما صيد الغزلان مثلا فبيكون بخرطوش عيار 24
وطبعا انواع الصيد هذه اعتقد انها غير متواجدة فى مصرنا الحبيبة

[الشبح المصرى]

يا جماعة ياريت اللى يتكلم بس يتكلم عن علم بلاش تعقيد الناس على الفاضى واعتبرو ان اللى بيسال ده اخوك او قريبك وعاوز مساعدة وبلاش كل واحد يعمل وصى على الاخرين وانه هو العاقل واللى ادامه قاصر ومش عارف مصلحته ياريت بقى نتغير ونحب الخير لبعض الراجل بيحب الخرطوش وصيد الخرطوش تقولو هات رش واصل اليمامة هتتقطع ومش عارف ايه وكلام طبعا غلط بكل المقاييس والاخ اللى بيقول ان ان مافيش بط فى مصر كلام غلط طبعا لان مصر من اكبر الدول اللى بيهاجر ليها انواع كتير من الطيور وفى رجلات كتير بتطلع فى مواسم معينة واوقات معينة ثانيان وده المهم السوال اللى الاخ ساله محدش جاوب عليه الاجراءات بتاعت الرخصة وكانه سر مثلا والاخوة هنا خايفين عليه احسن يعرف وياذى نفسه هههههههه لا حول ولا قوة الا بالله يا جماعة ياريت تساعدو الناس مش تعقدوهم بالنسبة للاخ اللى بيسال الاجراءات كالاتى شهادة باطنة ونظر ونفسية وعصبية تفيد بانك قادر على حمل سلاح ثانيا فيش وتشبيه ثالثا صورة البطاقة واربع صور شخصية وشيك فى البنك ب7 جنيه مصرى باسم مدير الامن كتامين رابعا وده الاهم انك تجيب شهادة من اى نادى رمياة معتمد فى الاتحاد المصرى للرماية بانك رامى وبتشارك فى البطولات الدولية والمحلية وفى حاجة لترخيص بندقية خرطوش وتستنى من شهر لتلاتة ودلوقتى التراخيص اسهل من ايام مبارك وشكرا للجميع

[HANINIE]

المشاركة الأصلية كتبت بواسطة الشبح المصرى

يا جماعة ياريت اللى يتكلم بس يتكلم عن علم بلاش تعقيد الناس على الفاضى واعتبرو ان اللى بيسال ده اخوك او قريبك وعاوز مساعدة وبلاش كل واحد يعمل وصى على الاخرين وانه هو العاقل واللى ادامه قاصر ومش عارف مصلحته ياريت بقى نتغير ونحب الخير لبعض الراجل بيحب الخرطوش وصيد الخرطوش تقولو هات رش واصل اليمامة هتتقطع ومش عارف ايه وكلام طبعا غلط بكل المقاييس والاخ اللى بيقول ان ان مافيش بط فى مصر كلام غلط طبعا لان مصر من اكبر الدول اللى بيهاجر ليها انواع كتير من الطيور وفى رجلات كتير بتطلع فى مواسم معينة واوقات معينة ثانيان وده المهم السوال اللى الاخ ساله محدش جاوب عليه الاجراءات بتاعت الرخصة وكانه سر مثلا والاخوة هنا خايفين عليه احسن يعرف وياذى نفسه هههههههه لا حول ولا قوة الا بالله يا جماعة ياريت تساعدو الناس مش تعقدوهم بالنسبة للاخ اللى بيسال الاجراءات كالاتى شهادة باطنة ونظر ونفسية وعصبية تفيد بانك قادر على حمل سلاح ثانيا فيش وتشبيه ثالثا صورة البطاقة واربع صور شخصية وشيك فى البنك ب7 جنيه مصرى باسم مدير الامن كتامين رابعا وده الاهم انك تجيب شهادة من اى نادى رمياة معتمد فى الاتحاد المصرى للرماية بانك رامى وبتشارك فى البطولات الدولية والمحلية وفى حاجة لترخيص بندقية خرطوش وتستنى من شهر لتلاتة ودلوقتى التراخيص اسهل من ايام مبارك وشكرا للجميع

افصحت وافدت شكرا