اخترت مغ الكرال الماجنم

[sehso]

أخوانى الكرام تحيه طيبه
عندى بندقيه كرال ماجنم وغلبت فى النيشان بتاعها وأخيرا أشتريت تليسكوب صغير ماركة نوريكا 4*20 وكنت مبسوط بيه لكنه ينفك بعد 5 ضربات من البندقيه لرد الفعل القوى بتاعها وحاولت تثبيته
بكل الطرق لدرجة أنى لزقته بأمير وشوهت مكان تركيبه عند محاوله تنظيف الأمير ولكن لا فائده برضه بيقع بعد كذا ضربه على فكره انا غيرت السوسته بالسوسته الجامو الاصليه فارجو اذا كان حد عنده حل اكون شاكر له

[sayed allaa]

انت تركب استوبر كبير على طول الحزين ( استوبر مسطرة )
اسأل عليه
و انا معنديش خلفية عن اسعاره اوي اخر مرة سمعت رقم 150 بس كان كبير
معرفش الصراحة فيه موضوع مثبت فيه كل ارقام المحلات كلم اقرب محل ليك و اسأله على السعر
و نصيحة اخوية هات من فتح الله
فتح الله غالي شوية و رخم حبتين
بس احسن بكتير من كل التجار و حجاته مضمونة ده من تعاملاتي معاه
و فيه برده محل شريف ابو الضيف الناس بتشكر فيه
بس انا متعاملتش معاه قبل كده خالص

[احمد فتحي]

انا مش عارف هي معنداك ليه حاول تظبط النشان براحه وهي هتلاقيها حلوه بس ليا استفسار هل هي بتيجي فين الرشه يعني بعيد عن الهدف بكتير ولا حجات بسيطه

[sehso]

السلام عليكم
اولا شكرى للاخ سيد والاخ احمد على أهتمامهم
أنا حاسأل على الستوبر المسطره وأشوف تأثيره أيه ولكن هل يوجد طريقه لأصلاح مكان الأمير على الجسم
والرشه دائما بتيجى فوق الهدف بالنشان العادى وانا منزل الشيز على الأخر وحتى بالتلسكوب نفس الحكايه
أنا غيرت السوسته عند فتح الله والفنى شال الفيبره اللى تحت السوسته المكونه من تلات حلقات وطولها حوالى8سم وركب حدافه من الأمام بصراحهالبندقيه بقت أنعم لكن حاسس أنه ضعفت
أرجو النصيحه ولكم جزيل الشكر

[mahmoud11144]

انا كنت قرات موضوع وصاحب الموضوع كانت عندة نفس المشكلة علي ما اعتقد واشتري القاعدة المسترة من عند الاستاذ هشام سمير وكان سعرها 150 او130 جنية مش فاكر بصراحة ..
ارجو ان اكون افتك..

[Mr_mody]

من الواضح ان كرال عيبها هو النشنكان بس من كتر اراء السادة الافاضل هنا شايفها كويسة بما اني لسة معنديش اي بنادق و كنت عايز اجيب رمسيس بي زهلت بسعرها بعد الثورة 900 لية يعني! انا كنت اسمع انها ب 600 بس انا مش عارف من المصنع تعملها كام و الصراحة انا عايز بندقية جديدة كويسة كبداية فلو حد يقدر يقترح لي حاجة يا ريت و مشكورين كتير

[dr_mohasan]

المشاركة الأصلية كتبت بواسطة mr_mody

من الواضح ان كرال عيبها هو النشنكان بس من كتر اراء السادة الافاضل هنا شايفها كويسة بما اني لسة معنديش اي بنادق و كنت عايز اجيب رمسيس بي زهلت بسعرها بعد الثورة 900 لية يعني! انا كنت اسمع انها ب 600 بس انا مش عارف من المصنع تعملها كام و الصراحة انا عايز بندقية جديدة كويسة كبداية فلو حد يقدر يقترح لي حاجة يا ريت و مشكورين كتير

لو عايز حاجة مضمونة , صناعة أسبانى , متوسطة القوة , قطع غيار متوفرة , نشانات فسفورى , تقفيل نضيف جدا
يبقى خليك فى النوريكا سبورت
بندقية رائعة
تحياتى وبالتوفيق ان شاء الله