إلي كل من يريد شراء مسدس روم ألماني 9ملل .. اتفضل ادخل

[dr mohamed kamal]

المشاركة الأصلية كتبت بواسطة الأفوكاتو

اولا كل سنة وانتم طيبين بمناسبة عيد العمال واهدي لكل عضو فيكم (شاكوش ومفك) هدية بدل الهدية بتاعت كل سنة (المنحة يا ريس) ، وبهذه المناسبة وعلشان محدش من الأعضاء يزعل مني ويقول انت بتفكر في نفسك وانت بتقول وانت بتعيد ، انا هاثبت لكم حسن نيتي ، انا حبيت اعمل الموضوع الفجر علشان بكرة الصبح يكون جاهز للي يحب يشارك فيه ، انا هاعدي انهاردة علي المحل اللي عنده الروم الـ9ملل وأوصيه علي كام حتة تاني ، بس قبل كدة يهمني اعرف كام واحد عايز يشتري وطبعا السعر معروف 2500 جنيه (جديدة) 9ملل ، وانا طبعا ماليش دعوة بالبيع والشراء انت هتشتري من المحل وهتدقع للمحل وانا مجرد بخدم لاني سألته وانا بشتري مسدسي زي ما زكرت في موضوعي ، قولتله عندك منها تاني قاللي في حتة او اتنين في المخزن او في البيت علشان السرقة اللي كانت ايام الثورة ، وقولتله ان في ناس عايزة منها قاللي خلاص شوف عايزين كام قطعة وعدي عليا وقولي وانا اتصرف فيهم ، فياريت اللي عايز يقول علشان احاول اجمع عدد الناس اللي عايزة واقوله مثلا عايزين (كذا) ويحاول يتصرف فيهم ، لأنه شكله مخزن بضاعة من قبل الثورة ، ولما يحضرهم هاقول علي العنوان وكل واحد يروح ياخد حاجته ، وارجوكم بلاش رسايل عالخاص بخصوص البيع والشراء لأني اقسم لكم بالله اني لست بتاجر انا لسة من شهر كنت عامل موضوع بقول فيه اموت والاقي روم 9 ملل جديدة وربنا وفقني الحمد لله يعني زي زيكم ، وحد ممكن يقوللي طيب ما تقولنا عالمحل ويبقي مننا ليه علي طول أقوله المحل ده بيفتح كل فين وفين علشان صاحبه علي طول مسافر (شكله بيجيب حاجات من بره الله اعلم) وانا كدة كدة كل يوم بفوت عليه لأنه في طريق بيتي وهنزل انهاردة ان شاء الله الساعة 6 مساء واللي عايز يقول علشان نعرف نجمع اعداد ويمكن اعرف اجيب خصم لو في كمية كبيرة وربنا يوفق الناس كلها .
خالص تحياتي للجميـــــــــــــــــــــع

حبيب قلبى الاستاذ / الافوكاتو إنى أعلم إنك تسعى لخدمة الاعضاء الكرام من منطلق حبك لهم وللمنتدى و من منطلق خوفى و حبى لك وللاعضاء أيضا أرجوا من حضرتك إلغاء هذا الموضوع لان مسدسات الصوت أصبحت مجرمة بقرار وليس بقانون , و أذ أشكرك لتعاونك و حبك للمنتدى و خوفك على الاعضاء ,تحياتى للجميع