مسدس رش ساقية

[Ishak105]

ما هو سعر ( مسدس رش ساقية نمرة 2،حديد صلب يعمل برصاص دفع 22مم ) بالعلم انها مصري الصنع وانها ومستعمل ارجو الافادة علي معرفة السعر التقريبي لانها معروض علي :-
ارجو المساعدة وشـــكرراااًً

[ahmadkader]

المشاركة الأصلية كتبت بواسطة ishak105

ما هو سعر ( مسدس رش ساقية نمرة 2،حديد صلب يعمل برصاص دفع 22مم ) بالعلم انها مصري الصنع وانها ومستعمل ارجو الافادة علي معرفة السعر التقريبي لانها معروض علي :-
ارجو المساعدة وشـــكرراااًً

مافيش أى حاجة بالمواصفات دى خالص فى السوق المصرى و عن خبرة ، و سيبك من اللى بيقولك طلقات دافعة لأنه فى الغالب مش عارف يعنى إيه طلقة دافعة فى الأصل ، المسدس ده فى الأصل مسدس كبسول 6 ميللى و ملعوب فيه و هتلاقى الماسورة نفسها واسعة جدا على طلقة الرش بما معناه إن مافيش أى توجيه للطلقة ، المسدسات دى معمولة هنا فى ورش تحت السلم

[Ishak105]

الف شكر الي الاخ احمد علي المعلومة والاهتمام

[Android man]

انا شوفتو قبل كده وهو عبارة عن مسدس ساقية بيتحط فيه الرصاص ابو جنية الي مشنشر من قدام ومحطوط رشاية في نهاية الساقية من ناحية الماسورة وده ممنوع يا معلم

[Ishak105]

* ممنوع ليه ؟
* سعرة كام بالتقريب ؟
* هل هو فعال مثل بالبندقية ضغض الهواء ؟

[ahmadkader]

المشاركة الأصلية كتبت بواسطة android man

انا شوفتو قبل كده وهو عبارة عن مسدس ساقية بيتحط فيه الرصاص ابو جنية الي مشنشر من قدام ومحطوط رشاية في نهاية الساقية من ناحية الماسورة وده ممنوع يا معلم

أنا كمان شوفته كتير قبل كدا و هو مسدس تعبان جدا ، و صناعته تعبانة جدا و مالوش أى لازمة خالص و نصيحتى للأخ اللى عايز يشتريه يجربه الأول و يشوف تأثيره و إلا يبقى بيرمى فلوسه فى الأرض ، و إذا كان يقصد يشتريه اللى هو معروض على مصراوى ب 850 جنيه يبقى يوفر فلوسه أحسن عشان دى نصباية ، و اللى هييجى يبيعهولك كمان هيقولك إنه دكتور و بيمارس الرماية و بالأمارة لما يجى يبيعهولك مش هيرضى يجربهولك و هيقولك أصلى مستعجل ، نصيحة تجرب أى حاجة قبل ماتشتريها

[Ishak105]

الشكر الخاص بالعبقري أ/ احـــمـــــد
بالفعل هو المسدس المعروض على مصراوى ب 850 جنيه
وقمت بالاتصال بها قال انه بيبيعوا علشان جيلة واحد من الخارج

[ahmadkader]

المشاركة الأصلية كتبت بواسطة ishak105

الشكر الخاص بالعبقري أ/ احـــمـــــد
بالفعل هو المسدس المعروض على مصراوى ب 850 جنيه
وقمت بالاتصال بها قال انه بيبيعوا علشان جيلة واحد من الخارج

لا شكر على واجب ، خلى بالك بس من الإعلانات اللى على مصراوى بيبقى فيها إشتغالات كتير

[adel152]

المشاركة الأصلية كتبت بواسطة ahmadkader

أنا كمان شوفته كتير قبل كدا و هو مسدس تعبان جدا ، و صناعته تعبانة جدا و مالوش أى لازمة خالص و نصيحتى للأخ اللى عايز يشتريه يجربه الأول و يشوف تأثيره و إلا يبقى بيرمى فلوسه فى الأرض ، و إذا كان يقصد يشتريه اللى هو معروض على مصراوى ب 850 جنيه يبقى يوفر فلوسه أحسن عشان دى نصباية ، و اللى هييجى يبيعهولك كمان هيقولك إنه دكتور و بيمارس الرماية و بالأمارة لما يجى يبيعهولك مش هيرضى يجربهولك و هيقولك أصلى مستعجل ، نصيحة تجرب أى حاجة قبل ماتشتريها

أستاذ ورئيس قسم يااستاذ احمد.
ربنا دايما يقدرك على نصيحة الاعضاء بما فيه الصالح.
شكرا
وتحياتى

[بسام سعيد]

ابتعد اخي الفاضل عن اي مسدسات معدلة هذا غير قانوني بالاضافة الى ما قد يحدثة من خطورة عليك اثناء الاستخدام
تقبل مروري

[ahmadkader]

الله يكرمكم يا جماعة على عبارات الثناء ، و أنا شخصيا كان فيه واحد عايز يبيعلى مسدس زى ده ، و قعد يحلف بقى إن المسدس ده مافيش منه و يمدح فيه ، و كان أسلوبه ناعم و لازم تصدقه ، و لولا إنى و لله الحمد متمرمط فى عالم الأسلحة كنت إتدبست تدبيسة العمر و كنت أخدته منه ، لذلك وجب عليا التنبيه طبعا ، عشان ماينفعش أحد أعضاء المنتدى هنا يتنصب عليه كدا وش و إحنا هنا موجودين

[BOB20102008]

المشاركة الأصلية كتبت بواسطة ahmadkader

الله يكرمكم يا جماعة على عبارات الثناء ، و أنا شخصيا كان فيه واحد عايز يبيعلى مسدس زى ده ، و قعد يحلف بقى إن المسدس ده مافيش منه و يمدح فيه ، و كان أسلوبه ناعم و لازم تصدقه ، و لولا إنى و لله الحمد متمرمط فى عالم الأسلحة كنت إتدبست تدبيسة العمر و كنت أخدته منه ، لذلك وجب عليا التنبيه طبعا ، عشان ماينفعش أحد أعضاء المنتدى هنا يتنصب عليه كدا وش و إحنا هنا موجودين

ربنا يخليك لينا وللمنتدا الجميل داه الدنيا لسه بخير