رجاء مراجعه الموضوع التالى وتحكيم حضراتكم فى فعل مشرف القسم

[sadaany]

ده كان ردى على المشرف بخصوص حزف المشاركتين وياريت حضرتكم لو ترجعوا للمشاركتين اللى اتحزفو حتى يتبين لحضرتكم حقيقه الموضوع
اولآ ياسياده المشرف مش من حق حضرتك تحزف مشاركتى اللى ببين فيها حقيقه الانسان ده وانى ادعى عليه او لا دى حاجه ترجعلى وحضرتك استخدمت حقك فى غير محله وانا اشتكى الى القنصل وباقى افراد الاداره يحكموا بيننا وبعدين حضرتك بتعتزرلى بعد محزفت مشاركتى بدون اذنى على الرغم من عدم مخالفتها القواد بحجه ان انا قولت حسبى الله ونعم الوكيل وده لصالح الاستاذ الكزاب والذى لم يحترم المنتدى والاعضاء وفعل فعل المنافقين حيث انه وعد الكثير وبعد كده البيه بيختفى وميردش على حد بعد ميكون سوحك فى المشوار وضيع وقتك ومجهودك وفى الاخر بيجادل كمان ده بدل متلغى الموضوع بتاعه حفاظآ على الاعضاء الكرام وعلى مصداقيه المنتدى والله انا مش عارف معنى اللى عملته ده ايه غير انك بتعمل لصالح صاحب الموضوع لو ان حضرتك ليك علاقه بيه لان صاحب الموضوع لم يهتم بالدعاء وانى صاحب حق وكلمنى حتى ليعتذر فحضرتك زعلان عليه اوى ليه ولو حضرتك صادق فى خوفك عليه كنت كما ذكرت كنت مسحت الدعاء فقط وليس المشاركتين التى توضح حقيقه هذا الشخص والله انا هتجنن من اللى انتا عملته ومشعارف الاقى لسياتك مبرر ولو المشاركه دى اتمسحت هكتبها تانى فى جميع الاقسام لحد ما حد من كبار المنتدى يفصل بيننا لانى اجد فى تصرف حضرتك خلل كبير فى طريقه تصرفك معايا
http://www.egypthunt.net/showthread.php?t=10367&page=6
ده لينك الصفحه التى تم حزف مشاركتى منها

[Mohamed Mahmoud]

السلام عليكم
يعنى حضرتك لو عملت الموقف دة معايا وانا روحت قايل ليك حسبى الله ونعم الوكيل مش هتزعل
تانى حاجة دة لفظ يعتبر غير مستحب ان احنا نقولة لبعض على المنتدى
ثم بعت ليك على الخاص وقولت لحضرتك عندك حق فى زعلك بس غلطان فى الاسلوب ولم اعتذر
دة يعتبر تطاول على عضو من الاعضاء غير مسموح بة
وعلى فكرة فى مشاركات كتير من اعضاء اخرين بيقلوا نفس كلام حضرتك ولم تحذف لانها لاتضمن اى تطاول
وانا من حقى كمشرف انى احذف المشاركة مادام فيها تطاول خصوص ان العضو اعتذر على التاخير
وربنا يسمحك على تطاولك عليا و اتهامى بانى على علاقة بصاحب الموضوع اللى واللة العظيم معرفة ولا كلمتة ولا شوفتة قبل كدة

[smsmn8888]

في نقطة بس مهم ان تم وضع قواعد لعدم تكرر المشاركات وشكرااا

[العربى]

الاخ المحترم صاحب الشكوى تحياتى ليك
اولا احنى ضد كل عضو مستهتر وغير ملتزم بمواعيده او بيكون بيستهبل على الاعضاء بضرب الاسعار كماذكرت فى مشاركاتك وليس لنا (اداره السوق) مصلحه مع عضو بعينه فى قسم السوق لان مجال اعمالنا ليس له صله بتجاره الاسلحه ماشى ولكن برغم من ذلك فانت للاسف مخالف لقوانين المنتدى ولذلك تم حذف مشاركتك واليك قوانين المنتدى حتى تدرك ما خالف فيه وتم حذف مشاركتك من اجله





* شروط الكتابه بقسم السوق
1- قبل ان تقوم بكتابه اي موضوع فى هذا القسم تاكد من انك تتحمل المسئوليه القانونيه بمفردك اذا كنت تبيع ماهو مخالف لقوانين جمهورية مصر العربيه .. يجب على العضو الرجوع للقانون للاطلاع على المنتجات المحظوره قانوناً .
2- على المشتري توخي الحذر عند الشراء من الاعضاء .. واذكركم بان المنتدى لا يتدخل فى اي صفقات بيع او شراء تتم فى هذا القسم باي شكل من الاشكال .. وهذه الخدمه مجانيه تماماً .. وبناء عليه فالمنتدى لا يتحمل اي مسئوليه عن اي صفقه تجاريه تتم بين الاعضاء عبر استخدام المنتدى .. نحن لا نضمن جوده المنتجات او معقولية السعر او مصداقيه التاجر .. كل هذه الاشياء يجب ان تتاكد منها بنفسك قبل الشراء.
3- لا يسمح بكتابه اي مواضيع للشكوى او للتحذير من اي عضو من اعضاء المنتدى .. المنتدى ملتزم بالحياديه تجاه هذه المنازعات .. فهو ليس طرفاً بها .. ولن يتدخل فى حلها.
4- عند كتابه عرض سلعه يجب مراعاة وضع النقاط الآتيه لكل منتج :
الماركه او الشركه المنتجه
دوله الصنع
صوره واحده على الاقل للمنتج ان امكن
السعر واضحاً وان كان هناك مجال للتخفيض
المواصفات
الحاله وتوضيح اي مشاكل ان وجدت
وسائل الاتصال المتاحه
5- الاسلحه الحيه : طلب وعرض الاسلحه الحيه طبقاً للقانون الحالي فى مصر غير مسموح الا بترخيص
وبناء عليه وطبقا لقواعد المنتدى السابقه بشان المسؤوليه .. فالبائع والمشتري يفترض علمهم بالخطوات القانونيه
اللازمه لذلك .. يمنع التنويه فى المواضيع الى هذه النقطه بواسطه اعضاء اخرين لان ذلك يعتبر خروجاً عن الموضوع ..

[الأفوكاتو]

بما أن صاحب الموضوع اعتذر عن المواعيد التي لم يحضرها .. فهو بذلك عمل اللي عليه .. ولابد أن نلتمس له العذر .. ربما واجهته اي ظروف .. أما بالنسبة للمشرف فله وجهة نظر في حذف المشاركة التي من الممكن أن تتسبب في مشاحنات بين الأعضاء .. وتلاشي ذلك ذلك عن طريق حذف المشاركة .. وهي وجهة نظر تحترم .. ولا يلومه فيها أحد .. وبما أنه قد وضح لك ذلك في رسالة خاصة .. أهذا جزاؤه ؟
والإدارة ليس لها اي علاقة بعمليات البيع التي تتم في المنتدي .. ولا تضمن جودة السلعة ولا مصداقية التاجر .. وليس لها اي علاقة بالتجار .. فلا داعي للاتهامات الباطلة .. حتي لا تؤخذ عليك
خالص تحياتي للجميـــــــــــــــــــــــع

[sadaany]

اولأ اود التنبيه ان التكرار للمشاركه بغرض مشاركه باقى اعضاء الاداره والغير مشتركين فى الموضوع الاساسى
ثانيآ مخالفه القاعده التانيه ملهاش علاقه بيا وبشكوتى على مافهمت لانى لااشتكى صاحب الموضوع ولاكن اشتكى فعل مشرف القسم ومعتقدش ان ده ليه علاقه بالنص اللى حضرتك مظلله
اولآ سيادتكم حكمتم على اى اساس ان المشاركه فيها تطاول هوا انا لما اقول حقيقه مافعله هذا الشخص يبقى ده تطاول وبعدين ياريت قبل ماتقولوا كلام اول حاجه تعرفوا معنى الكلام لان حسبى الله ونعم الوكيل ليست دعاء كما يقول الاخ الفاضل وممكن ترجعوا فيها لاهل العلم علشان منخشش فى جدل غير مفيد ثانيآ الاخوه الافاضل اللى تعجلوا وايدوا المشرف انتوا شفتوا النص بتاع المشاركه اللى الاستاذ حزفها ولا تسرعتم بالحكم وخلاص بناء على كلام الاستاذ وعمومآ الموضوع مش مستاهل لان الحمد لله حقيقه هذا الشخص صاحب الموضوع بانت للجميع وهوا ده الهدف من المشاركه لافيد باقى زملائى المحترمين فى المنتدى حتى احميهم من كذب هذا الشخص ووفر عليهم الاذى الذى تأذيته منه ومحدش يعرف قدر الضرر اللى صابنى علشان يقولى ادعوا عليه ولا مدعيش وهل اعتذاره الكاذب يرد لى حقى وياريت تكتب الاداره ان حسبى الله ونعم الوكيل تعتبر ممنوعه ولاتجوز فى المنتدى علشان متكررش تانى مع صاحب حق

[Mohamed Mahmoud]

لية حضرتك مكبر الموضوع جدا حضرتك بتقول ان صاحب الاعلان كذاب هل دة مش تطاول
وبرضة قولت ان انا مسحت مشاركتك علشان ان اعرف صاحب الاعلان دة برضة مش تطاول
يا سيدى الفاضل كدة كتير جدا كل دة وانت اللى صح وانا اللى غلط

[sadaany]

اقلك ليه مكبر الموضوع لان انا اللى اتلطعت 4 ساعات رايح جاى ومستنى البيه لان كان عندى مشوار هام وكنت مسافر اسكندريه وبسبب البيه سافرت الساعه 12 بليل فى عز القلق مع مراتى واولادى ولغيت المشوار بتاعى والبيه فضل معايه على التليفون لحد مرحت مصر الجديده وبعد موصلت البيه بقى يكنسل وميردش على الرغم من انه عارف انى فى الشارع وجايله من الهرم فى عز الزحمه 9 مساء ولما اجى واكتب اللى حصل وانبه الاعضاء واتحسبن عليه علشان يخلى عنده دم ويعرف انه بيئزى الناس البيه مهموش ولا حتى اعتزر على الرغم انه معاه تليفونى وحضرتك اللى زعلت عليه قوى وبعدين ياريت تراجع كلامك علشان كلامك فى تناقد وبعدها ياريت نقفل الموضوع خالص لان الغرض اتحقق وهوا فضح الاخ صاحب الموضوع انتى بتقولى ان كذاب تطاول مهيا دى حقيقه البيه ولا المفروض ان الكذاب نقوله ايه خوفآ على مشاعره مش عارف وبعدين فى اكثر من مشاركه بتتهمه فيها بالكذب انتا بتناقض نفسك ليه مش عارف وبعدين لما ده كله يحصل وتشيل المشاركتين اللى بوضح فيهم حقيقه البيه يبى البيه هيفضل يستهبل الناس ويسوحهم يبقى لازم اشك ان فى بينك وبينه حاجه لو مفسرتك فعلك اللى حتى الان انتا مش عارف تفسره وبعد كده الحمد لله اكثر من عضو كشفوا حقيقته فتفش غليلى والغرض اتحقق فأنتهى الموضوع والحمد لله

[العربى]

المشاركة الأصلية كتبت بواسطة sadaany

اقلك ليه مكبر الموضوع لان انا اللى اتلطعت 4 ساعات رايح جاى ومستنى البيه لان كان عندى مشوار هام وكنت مسافر اسكندريه وبسبب البيه سافرت الساعه 12 بليل فى عز القلق مع مراتى واولادى ولغيت المشوار بتاعى والبيه فضل معايه على التليفون لحد مرحت مصر الجديده وبعد موصلت البيه بقى يكنسل وميردش على الرغم من انه عارف انى فى الشارع وجايله من الهرم فى عز الزحمه 9 مساء ولما اجى واكتب اللى حصل وانبه الاعضاء واتحسبن عليه علشان يخلى عنده دم ويعرف انه بيئزى الناس البيه مهموش ولا حتى اعتزر على الرغم انه معاه تليفونى وحضرتك اللى زعلت عليه قوى وبعدين ياريت تراجع كلامك علشان كلامك فى تناقد وبعدها ياريت نقفل الموضوع خالص لان الغرض اتحقق وهوا فضح الاخ صاحب الموضوع انتى بتقولى ان كذاب تطاول مهيا دى حقيقه البيه ولا المفروض ان الكذاب نقوله ايه خوفآ على مشاعره مش عارف وبعدين فى اكثر من مشاركه بتتهمه فيها بالكذب انتا بتناقض نفسك ليه مش عارف وبعدين لما ده كله يحصل وتشيل المشاركتين اللى بوضح فيهم حقيقه البيه يبى البيه هيفضل يستهبل الناس ويسوحهم يبقى لازم اشك ان فى بينك وبينه حاجه لو مفسرتك فعلك اللى حتى الان انتا مش عارف تفسره وبعد كده الحمد لله اكثر من عضو كشفوا حقيقته فتفش غليلى والغرض اتحقق فأنتهى الموضوع والحمد لله

استاذ sadaany
لحظه عشان الكلام مايخدناش فى حته تانيه انت ليك عذرك فى اللى بتقوله والاستاذ محمد ليه برضه عذره وهو ان الموضوع بالنسبه ليه موضوع تنظيم مش اكتر وقانون المنتدى مش اكتر
على فكره فى حته غايبه عنك انت بتقول كدا عشان انت اللى حصل معاك كدا والمشرف عنده قانون بيقول ممنوع التحذير من عضو والمنتدى غير مسؤل عن اى مشاكل من قبيل ذلك بس فهو طبق القانون وحذف مشاركتك لان فى ناس تانى بتدخل على الموضوع عشان يتوظ العرض وممكن يكون صح او كذب فالمشرف بيطبق القانون على الكل فهمتنى ولا لا
وتحياتى ليك