مدفع رمضان

[الأفوكاتو]

هو الموضوع ممكن يقال عليه شغل عيال .. وممكن يتم استغلاله أو استعماله كبديل رخيص
طب هو ايه ده اللي بديل رخيص .. وبديل عن ايه أصلا .. هقولكم
صواريخ رمضــــــــــــــــــان .. أيوة صواريخ رمضان
إذا كانت مسدسات الصوت في الأصل تستخدم فقط لإطلاق صوت عالي .. سواء للإشارة او الاستغاثة او بدء المسابقات وخلافه .. وبما أن فيه ناس كيفها تسمع صوت عالي .. وتسعي وراء ذلك الطموح كثيرا .. بل وتدفع الآلاف من أجله .. فقد جائتني فكرة هذه الصواريخ
طبعا عارف إن فيه ناس هيقولو إن المنتدي كدة بيتكلم في الصواريخ ومبقاش للصيد والمواضيع بقت عيالي اوي .. ولكن الفكرة تكمن في أن :
أرخص مسدس صوت مثلا (التونا) وأغلي مسدس صوت مثلا الكيمار أو الروم ، والفرق بينهم آلاف
طب ايه رأيكم إن فيه صاروخ بعشرة قروش بيطلع صوت أعلي من الروم ؟ تخيلو ؟
صاروخ رمضان سعره عشرة قروش صوته أعلي (بكثير وبوضوح) من مسدس الروم الألماني !
طبعا انا مش بيبيعها ! ولكن أنا بالفعل اشتريتها .. أيوة اشتريت علبة وناوي أشتري تاني
ايه اللي يخليني في رمضان كل يوم ساعة المدفع (ودي عادة) أضرب طلقتين ألماني علي الأقل بعشرة جنيه أو حتي تركي بمانية جنيهات ؟
يعني في الشهر 8 جنيه × 30 يوم = 240 جنيه بالنسبة للتركي (طلقتين في اليوم)
10 جنيه × 30 يوم = 300 جنيه بالنسبة للألماني (طلقتين في اليوم)
لأ .. أنا اشتريت العلبة بـ6 جنيه تقريبا .. يعني بثمن طلقة واحدة ألماني .. فرق شااااااااسع
وعلي فكرة .. انا مش بتكلم علي الصاروخ الأصفر بتاع زمان .. لأ .. ده تعبان
أنا بتكلم علي صاروخ نازل جديد من الصين .. لونه أسود .. وأطول وأتخن من الأصفر التقليدي (تحس أنه صاروخ محمل) العيال عندنا كانوا بيجيبو ماسورة صغيرة بتاعت عجلة ويتنوها حرف l ويسدوها من جوة بأي حاجة ولو حتة كرتونة أو أي شئ ويولعو الصاروخ ويرموه جوة الماسورة ويمسكوها نفس مسكة المسدس ويقوم مفرقع واسمع بقي صوت البيبي خرطوش ..
الموضوع يمكن يهم فئة معينة .. وممكن فئة تانية تقول عليه .. شغل عيال
خالص تحياتي للجميـــــــــــــــــــــع