الحكم بالبراءه هههههههههه

[kiko_2015]

الحكم ببراءة المغربي و غالي و الفقي
و تاجيل الباقي
عقبال التمهيد لبراءة حسني و العادلي
واحنا يمكن نتحبس مكانهم عشان معانا مسدسات صوت..امال مين اللي هيخش السجن يعني
والجكم بالسجن فقط كان علي شخص هارب اصلا ههههههههههه

انا حاسس ان الناس دي في السجن عشان السجن حمايه ليهم من الشعب..عشان هما لو بره الشعب هيقطعهم

حمايه في السجن..الظابط بيعمل شاي لاحمد عز بيه..عمار يا مصر

[elexlns1]

تصدق بالله

الواحد دمه محروق

لازم نعمل ثورة تانية

[kiko_2015]

مهرجان البراءه للجميع..تحت رعاية السيده الفاضله سوزان مبارك

[هشام سمير]

باشا انا زعلان منك جداً

[koktal]

ليه بس يا هشام بيه .. دا أبو سيف بتخط على الجرح يطيب .. هوا زعلك فى إيه .. إوعا يكون كلام سر ولا حاجه .. ويا سيدى قول إحنا مافيش بينا أسرار ..

[kiko_2015]

كنت نايم والله يا اتش معلش

[koktal]

عامل إيه يا أبو سيف؟؟ .. معقوله بردو أستاذ/ هشام يزعل منك عشان نايم ؟؟ .. أكيد فيه حاجه تانيه .. قول ماتتكسفش .. متقول حاجه يا أستاذ/ هشام ..

[gamopt80]

مش عارف ليه كده حاسس ان احنا بيتلعب بينا
لو الموضوع قلب استهبال واستعباط بعقولنا والله ما هنسكت, نعملها عشر مليون المره دي
وخلينا نشوف اخرتها مع ولاد الـ.....

[kiko_2015]

المشاركة الأصلية كتبت بواسطة koktal

عامل إيه يا أبو سيف؟؟ .. معقوله بردو أستاذ/ هشام يزعل منك عشان نايم ؟؟ .. أكيد فيه حاجه تانيه .. قول ماتتكسفش .. متقول حاجه يا أستاذ/ هشام ..

شكلك جاي تهدي النفوس يا كوكتيل.. خلينا في موضوعنا..ايه رايك لو نعمل ثوره تانيه؟؟
هل هي ضروريه دلوقتي؟؟ولا ملهاش لازمه؟؟ولا هو ده وقتها؟؟
وليه الناس الفاسدين ماسكين في السلطه؟؟ حتي بعد ما بعدو عنها؟؟ هو سرقة الشعب بقت ادمان خلاص؟؟

وليه الفاسدين قليلين في البلد دي بس كلهم ماسكين مناصب؟؟ حد يجاوبني يا عالم

[koktal]

انتا عارف بقا ان شغلتنا هى تهدية النفوس يا أبو سيف مش أكتر ..وبعدين يا عم انتا هتجيب لنفسك المشاكل ليه .. الفاسدين موجودين ليوم الدين .. ومش بإيدك انتا أو غيرك تمنعهم أو توقفهم .. لأن دى سنة الله فى الأرض .. هتيجى انتا يا عبد يا ضعيف وتقول لربنا (لأ) لحكمتك .. أصل انا عايز دى كده ودى كده .. لأ طبعا سيب اللى ينهب ينهب واللى يسرق يسرق .. ماهو انتا مش هتحاسب حد .. لا .. دا اللى خلقك هو اللى هيحاسب ..

[gamopt80]

يا ابو سيف هم عارفين ان لو حصل استهبال الشعب مش هيسكت وهينفجر فيهم كلهم
والله لو بيفكروا يلعبوا بينا يبقى نهايتهم
بس احنا لازم نهدي الجو دلوقتي لحد ما نشوف هنوصل لفين

[احمد حسن ادريس]

انتا عارف بقا ان شغلتنا هى تهدية النفوس يا أبو سيف مش أكتر ..وبعدين يا عم انتا هتجيب لنفسك المشاكل ليه .. الفاسدين موجودين ليوم الدين .. ومش بإيدك انتا أو غيرك تمنعهم أو توقفهم .. لأن دى سنة الله فى الأرض .. هتيجى انتا يا عبد يا ضعيف وتقول لربنا (لأ) لحكمتك .. أصل انا عايز دى كده ودى كده .. لأ طبعا سيب اللى ينهب ينهب واللى يسرق يسرق .. ماهو انتا مش هتحاسب حد .. لا .. دا اللى خلقك هو اللى هيحاسب

السلام عليكم ورحمة الله وبركاتة
هوة فعلاً مش هنحاسب حد بس متنساش دم 800 مصرى اللى ممكن يروح دمهم هضر ولازم الواحد يعمل اللى علية دى ثورة الكرامة عايزين حق الناس دول والفلوس اعمل اللى عليك وسيبها على الله وربنا مايرضاش بالظلم

[كفافى1]

ههههههههههههه ههههههههههههههههههه ههههههههههههههههههههه هههههههههههههههههههههه

[محمد المهدى]

حسبنا الله و نعم الوكيل

[smsmn8888]

للاسف الشديد لازم يكون في دليل قوى وتا للاسف غير موجود الا واحد بس هو العادلي لو خرج احنا هنخلص علية بمعرفتنا

[h_hafiz]

واضح انهم ابتدوا يكتبوا سيناريوا النهاية ودة اختبار لرد فعل الشعب
وكله بالحنية هيفواك

[koktal]

من علامات يوم القيامة كثرة الشرط .. ومحدش يقولى التغيير لأن كدا هنبتدى نخرف .. مع إحترامى للجميع طبعا ..

[pooforever_2010]

ابو سيف باشا
اللى محدش يعرفه ان مبارك فالمستشفى
عشان اتصاب فالمظاهرات
ومش بعيد تطلع انت اللى اصبته
هههههههههههههههههههه
بكرة تشوف

[sherothebest]

اساتذنا المحامين الكبار قالوا تعليقا على الموضوع ده ان العبرة دائما باسباب الحكم لان المحكمة بتتعامل مع ادلة ومستندات وقالولى غالبا ان البراءة صحيحة لان الناس دى مش اغبياء انها تسيب دليل وراها يعنى مستنداتهم وورقهم صح والدليل على كدة ان الوزير السابق محمد ابراهيم سليمان قبل كدة لما جم يحققوا معاه النيابة حفظت التحقيق لانهم لم يجدوا اى مستند يدينه لان تاشيرته الرسمية دائما على الورق كانت " اوافق فى حدود القوانين واللوائح " وتاشيرته الفعلية كانت بتتبلغ شفوى باى طريقة تانية غير رسمية زى مثلا التليفون ودى طبعا مستحيل تمسكها الا اذا كان تليفونه محطوط تحت المراقبة ....... يعنى العبرة دنيويا بالوضع الظاهر ليتبقى الحساب النهائى عند الله عز وجل ميزان العدل السماوى الذى يملك المحاسبة حتى على ما بالقلوب بل ان حتى قاعدة الاخذ بالظاهر دنيويا مطبقة شرعا فى الدين اذ انه حتى وبالنسبة للمنافقين يُجْرَى عَلَى الْمُنَافِقِينَ أَحْكَامُ الإِسْلاَمِ الظَّاهِرَةُ ، مَا دَامَ كُفْرُهمْ مَخْفِيًّا غَيْرَ مُعْلَنٍ ، وَكَانُوا يُظْهِرُونَ الإِسْلاَمَ ؛ لأِنَّ كُفْرَهُمْ مَظْنُونٌ غَيْرُ مَعْلُومٍ ، وَيُبْعَثُونَ يَوْمَ الْقِيَامَةِ عَلَى نِيَّاتِهِمْ .... هذا طبعا كله والله سبحانه وتعالى اعلم العالمين

[fidodido]

و لسه "حسبى الله و نعم الوكيل"

[الجزار]

هو في حلين
الاول اما نروح علي التحرير ونقول a7a
التاني : نمشى بنظريه (ك م) اي كبر مخك واعمل عبيط