عارفين المسدسات التركي بتتباع بكام في بلدها!!

[don'tshoot]

السلام عليكم ورحمة الله

فوجئت أثناء تصفحي لبعض المواقع الأجنبية التي تعرض مسدسات الصوت بتفاوت شديد في أسعار المسدسات التركية (والتي أشهرها الإيكول جاكل)

لكن لفت انتباهي أكثر موقع يعرض ثمن أعتقد أنه اقرب ثمن لهذه المسدسات في تركيا لأنه موقع بلغاري

وهذه أنواع المسدسات وثمنها بالدولار

TUNA 19$
VOLGA 26$
P29 31$
SPECIAL 99 31$
FIRAT 40$
JACKAL DUAL 55$

Blow C06 50$

RETAY BARON 53$
RETAY DESSERT EAGLE 58$

وشفت الجاكل علي موقع بلغاري آخر بـ 69 دولار ودي مش تركيا دي دولة بجوار تركيا!!!

[NSAA]

يا ترى ممكن يكون دى بسبب بعد المسافة ...
يعني كل ما تبعد ... البضاعة تغلى
شيئ إحتمال يدايق ..
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!

[smsmn8888]

ينهاررررر صدمة وما بعدها صدمة وكمان بيستوردو اسوء فرز لا بجد تا افتراءءءءءءءءءء

[الشبح المصرى]

ده طبيعى على شعب قبل بحكم الظالمين له 30 سنة اكيد التجار بتوع شعب قبل اللى قبله ومازال بيقبله هيكونو بالجشع ده وبموت الضمير ده

[gamopt80]

امال ايه الاسعار الي عندنا دي!!
حسبي الله ونعم الوكيل

[kingreveng]

يا ساتاذي الفاضل
الفكرة غير الجشع وكده
الفكرة انك لازم تحسب تمن شحن المسدسا علشان توصل للموزع ولازم تحسب الجمارك ولازم تحسب مكسب الموزع ولازم تحسب مكسب التاجر ومكسبه الجشع
وطبعا ما تنساش ثورة 25 يناير

[don'tshoot]

الثمن جملة وخصوصاً في الكميات الضخمة اللي بيشترو بيها في مصر (لإن هو واحد بس تقريبا اللي بيدخل البضاعة دي) هيكون أقل من كدا كمان ويمكن يوصل للنصف... والشحن مش هيبقي مؤثر لما تكون الكمية كبيرة

نيجي بقي للجمارك... التجار دول ما بيدفعوش جمارك دول بيدفعوا لبتوع الجمارك والبضاعة تخرج بأقل تكلفة (ودي السرقة الأولي اللي من الدولة)
وبعدين التاجر يلاقي نفسه بيبيع حاجة محدش بيبعها غيره ويضرب التمن في اربعة!!

وبعدين احنا عارفين المسدسات الحية بتتباع بكام بره وعندنا احنا بكام سرقة عيني عينك واذا كان عاجبك!!

انا لسه شايف موقع كويتي عامل عرض علي البنادق الهوائية جملة (خمس حتت وعشر حتت!) عارفين الجامو شادو1000 بـ 50 دينار يعني في حدود ألف جنيه الجامو ويسبر والرويل بـ 65 و 70 دينار يعني في حدود 1500 جنيه!!!!!... الكلام ده في الكويت اللي هي مش سوق خالص وأبعد مننا عن أوربا....!

اللي أنا عايز أوصله إننا بنتسرق مرتين آه مرة من الدولة قبل التاجر.... لكن إذا كانت الدولة بتسرقنا (ونرجو ان الاوضاع دي تتحسن بعد الثورة) فالتجار مش بيسرقونا دول بيــ........!!

[Biso007]

الموضوع ده عادى فى كل السلع المستوردة بنظام الاحتكار مش فى السلاح بس .. السرقة الاكبر بتكون من المستورد و باقى السلسلة بيحط هامش ربح معقول .. و المسألة عرض و طلب خصوصا اذا كان المستورد عارف ان السلعة لا يمكن تدخل الا عن طريقه ... و مثال أخر (بعيد عن السامعين طبعا) كيلو الهروين الصافى من مزارع كولومبيا لا يزيد ثمنه عن 15 الف دولار لكن حاول سيادتك تدخله مصر بأقل من 2 مليون و شوف النتيجة هههههه ... و شوف اللى حصل لاسعار السيارات لما الدولة سمحت بالسيارات الخليجى و شوف اصحاب التوكيلات حصلهم ايه و عملوا ايه ... اخذت بالك ؟؟؟؟