سوال عايز اعرف اجابتة

[فيلمعربى]

كنت النهاردة راكب الاتوبيس وسمعت اتنين بيتكلموا مع بعض عن الكلاب وفية واحد منهم عايز يشترى كلب بس هو محتار فى انواع الكلاب وانة عايز يجيب كلب يعرف يتعامل مع بلطجى وبسرعة علشان مديش فرصة للبلطجى انة يقتلة وطبعا صاحبة رد علية قالة عليك وعلى الولف اللى هو جيرمن شيبرد
كان نفسى ارد عليهم واءقولهم ان الجيرمن شيبرد تقيل الى حد ما فى الحركة بس خفت انهم يحرجونى علشان ادخلت فى الحوار معاهم
ثانيا وهو دة اللى محيرنى فعلان انهم اتكلموا فى حاجة مهمة وفعلان انا عايز اعرف اجابتها من اخواتى الاعزاء فى المنتدى هل لو حد اشترى كلب بس سنة كبير هل ينفع ان الكلب ياخد علية وما هى الاساليب والافعال اللى تخلى الكلب ياخد على حد وهو كبير لان الاتنين اللى انا كنت سامعهم النهاردة من ضمن كلامهم ان اللى بيسال صاحبة دة عايز يشترى الكلب كبير بس خايف انة مياخدش علية

[ahmadkhalaf]

بص ياباشا انا ابن خالتى معاة كلب جيرمن شيبرد اصلى جايبة وهو عند سنة ونص وطبعا مش واخد عليه
وكان المفروض ان الاسبوع اللى بعد اليوم دا يودية يحرص عمارة
فكل اللى عملة انة كان بيربطة فى ماسورة فى المنور وينزل عليه ضرب بس ميعورهوش ولا يكسرو طبعا
وبعد كدة يحطلة طبق مليااااان فرااااخ وتانى يوم يعمل معاة نفس الحكاية لغاية نهاية الاسبوع كان بيمشى معاة بدون سلسلة

وانتا مخطئ بالنسبة لقولك ان الجيرمن بطئ بالعكس دة لو بطئ مكنش هيبقى منة تبع الشرطة
وطبعا بيفرق كلب عن كلب التدريب وان كان اصلى ام لا .

واتمنى ان تكون قد استفدت واى استفسار انا فى الخدمة

[boody]

طب بيضربوا لية يا احمد؟؟؟؟؟

[deeb_no_comment]

ا ية اية يا خونا دا
ضرب اية و فراخ مين دا كان زمان فى الفلا حين تخيل انت لو واقف عمال تضرب الكلب
و الكلب طبعا كبير و ما يعرفكش حيهيج و يتضايق و حيحاول يفك السلسة و كلاب كتير جدا بتقدر تقطع الطوق لو حصل البيضربو دا حبكون وضعة ازاى ؟؟ الاجابو ميت مية فى المية
دى طريقة فشلة خااااااااااااااااااااالص
اما بالنسبة لسؤالك فكلب الجيرمن من اسرع الكلاب و اكفئها
بس هو لو عايز كلب بتعامل مع البلطجى فهو يجيب اى كلب حراسة كويس
سواء كان جيرمن , دوير , روت لكن ما يجبش كلب زينة جولدن مثلا و يأ ويلك يصد البلطجى
الاهم من كدا بقى انو بعد ما يجيب كلب الحراسة دا يدربو على الهو عايزو دا اهم حاجة فى الموضوع لان حتى الكلاب الشرسة جدا زى البوكسر و البيت بول لو اتربت تربية نعمة وسط العيال
و بتنام على السرير حتبها الحباة معها حلوة و تخاف بسرعة فالنقطة الحاسمة فى الموضوع
انك تجيب كلب نوعة مناسب للغرض الانت عايزة و تضربة كويس على الحاجة الى انت عايزها منة

اسف لو طولت

[الرمز المفقود]

بص يابرنس اسمحلى ادخل فى الموضوع واقولك اللى اعرفه من خلال تجربتى

اولا انت عايز كلب حراسه بكل المعانى قدامك 3 انواع ممكن تعتمد عليهم اعتماد كلى

1_ جيرمن شيبرد \ الراعى الالمانى

2_ روت وايلر الالمانى مش الامريكى

3_ البيت بول

لو هتجيب الكلب ده وهو جرو وتربيه هيبقى افضل لو هتجيبه كبير يبقى تتبع الطرق الاتيه

اولا لما تشتريه تاخده وتحطه فى مكان لو حده اول يوم تعد جنبه بس يكون فى حاجو بينك وبينه وتحاول تلفت نظره

بأى شئ عشان تعرف مدى تركيزه وانتباهه يعنى مثلا ارمى مفاتيح ع الارض وشوف هيتصرف ازاى اول يوم ابتدى

حطله الاكل من بعيد وبعد كده حاول انك تقرب منه بلطف بس اوعى تحسسه انك خايف منه لازم يحس ان شخصيتك

هى الاقوى وان انت المسيطر عليه الكلب هيتعود انه يشوفك يوميا وتبتدى تلعب معاه كده هيكون اخد عليك

اما لتمرين الشراسه والحراسه انت هتربط الكلب بسلسه وطوق جامدين اوى وتخلى حد من اصحابك غريب عن الكلب

يقف بعيد ويناغشه يعنى يحاول يستفزه فى المرحله التانيه خليه مثلا يشد معاك فى الكلام او يضربك قال يعنى بيتخانق معاك

وشوف رد فعل الكلب لكن فى حاجه انصحك لو مبتدئ بلاش البيتبول لانه تركيبه معقده وعنيد لابعد الحدود

يعنى ده لازم تجيبه جرو

وفى حاجه كمان عشان تبقى مطمن عليه لو هتربطه فى مكان حراسته ازاى تخليه مايكلش من ايد اى حد غيرك انت

او اشخاص يتعود عليهم وده يتم كالاتى

هتجيب حد غريب عن الكلب يحطله الاكل اول مايقرب منه تشخط فيه وتهوشه وتكرر الحكايه دى لحد ماتحس ان

الكلب بقى قادر انه يتحكم فى شهوته ضد الاكل والتمرين ده عشان خاطر لاقدر الله لو حد غريب حطله سم مثلا

وعموما الكلاب فيها وفاء غير عادى وبيحس بشعور صاحبه تجاهه

ارجو انى اكون مصدعتكش ههههههه

تقبل مرورى

هانى ....

[talha]

انت طبعا قبل ما تشتريه لازم تروح عنده معا صاحبه وتطبطب عليه وتبقى انت اللي تحطله اكل ومرة بمرة هيتعود عليك بس في انواع لازم تبعد عنه
1-الجريت دان(الدنواه)
2-الجولدن ريتريفر
3-وطبعا كل كلاب اللولو

[talha]

وبلاش موضوع الضرب ده خالص

[boody]

طب لية الجريت دان ابعد عنة ده منظرة مرعب وحجمة كبير جدا
هو مش بيتشرس!!!؟؟

[deeb_no_comment]

لا بتشرس و كل حاجة بس هو اصلا كلب طيب بتاع لعب و جرى و حجات من دية و بيحب الاطفال جدا
انما مش كلب حراسة حلو يعنى مستحيل يبقى شرس زى الروتويلر او الدوبر فالناس بتبعد عنو فى الحراسة لاكن لو عايز كلب شكلة كبير تربية هواية يعنى فالدنواة حلو

[talha]

المشاركة الأصلية كتبت بواسطة boody

طب لية الجريت دان ابعد عنة ده منظرة مرعب وحجمة كبير جدا
هو مش بيتشرس!!!؟؟

الجريت دان منظرة مرعب انا معاك في كده وحجمة كبير برده بس طبيعته جبان
بص انا هديلك مثال انا مهتم بموضوع الكلاب بقالي فترة فعرفت ان الجريت دان طبيعتة جبان ففي مرة كنت واقف في البلكونة لقيت كلب اسود كبير كان جريت دان وكان لابس طوق المهم نزلت بالعربية مسكت الكلب على طول مع ان الكلب كان شكله مرعب جدا ولونه كله اسود ومع ذلك مسكته من غير ما اخاف وان كان حصل موقف كده لو عايز ابقا احكيهولك بعدين المهم لو كان ده كلب روتويلر او دوبرمان كمثال كنت هفكر الف مرة قبل لما اقرب منهم ليه لأن شعورهم ناحية الغرباء عدواني جدا وهم كلاب بطبيعتهم شرسين وفي انواع كتير ده مثال بس
في حاجة بس انا كنت عايز اقولها ان انا سمعت ان الجريت دان غبي وصعب تدريبه بس انا شفت في منه كلاب متدربه و اعتقد انه ممكن يدرب شراسه بس هيبقى صعب شويه

[oteote2010]

المشاركة الأصلية كتبت بواسطة ahmadkhalaf

بص ياباشا انا ابن خالتى معاة كلب جيرمن شيبرد اصلى جايبة وهو عند سنة ونص وطبعا مش واخد عليه
وكان المفروض ان الاسبوع اللى بعد اليوم دا يودية يحرص عمارة
فكل اللى عملة انة كان بيربطة فى ماسورة فى المنور وينزل عليه ضرب بس ميعورهوش ولا يكسرو طبعا
وبعد كدة يحطلة طبق مليااااان فرااااخ وتانى يوم يعمل معاة نفس الحكاية لغاية نهاية الاسبوع كان بيمشى معاة بدون سلسلة

وانتا مخطئ بالنسبة لقولك ان الجيرمن بطئ بالعكس دة لو بطئ مكنش هيبقى منة تبع الشرطة
وطبعا بيفرق كلب عن كلب التدريب وان كان اصلى ام لا .

واتمنى ان تكون قد استفدت واى استفسار انا فى الخدمة

ايه ده ايه ده ايه ده ايه ده .؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!! !!!!!!!!!!!!1

ضرب ايه بس
انا شفت التعليق بتاعك حصللي ذهول وماهتمتش اقرا باقي التعليقات
كل اللي انت قلته ده غلط ضرب ايه
ماينفعش تضرب كلبك اساسا حرام عليك

في اساليب كتير الناس مجرباها
وهي انك تخلي الكلب يحبك
زي انك تلاعبه وانت بتاخده من صاحبه
وتجيبله اكل تاكلهوله قطع لحم او لانشون مثلا او دراي فود
وتخليه ياخد عليك
في اساليب كتير جدددددددددددددددددا غير اللي انت قلته ده

[~__e__~]

اولا انت لما تضرب الكلب اوعي تفتكر انو هيبقي شرس
دا هيكون جبان
لانو هيكون خايف علي طول
ومجرد ان اي حد يهوشة هيفتكر انو هيضربة وهيخاف
ولان الكلب زي الانسان انت لو جة حد ضربك وانت شايفة اقوي منك واكبر منك هتخاف ولا لا ؟؟ علي الاقل هتقلق ؟صح؟ اتخيل دا كلب فكتر الضرب بيخالي الكلب جبان علي فكرة
الحنية والطيبة في المعاملة هتخالي كلبك يحبك ويسمع كلامك في كل حاجة
وعلي فكرة الكلاب اوفي من الانسان يعني اعرف حاجة كلبك هو انت وانت هو كلبك انا اسف في التعبير بس دا فعلا حقيقي او انا بتكلم عن نفسي
كلبي دا بمعني الكلمة روح قلبي
كفاية الوفاء الي فيهم بس
لو انت حنين علي كلبك حد يقدر يضربك ؟؟ او يهزر معاك هزار تقيل ؟؟
علشان كان كلبك قطعة ؟
اسف علي الاطالة في الكلام بس اتنرفزت شوية من موضوع الضرب دا