رسالة إلي أ/ جلال خليفة .. من الأفوكاتو

[الأفوكاتو]

منذ يوم الخميس الماضي .. وأثناء المشادات والمشاحنات السابقة بين المنتديين .. قصدني صديق لإستعارة اللاب توب الشخصي لعيد ميلاد طفلة صغيرة .. وأحضره لي يوم الجمعة مساء
وكان هذا الموقف أمام الاستاذ ابراهيم (hema777h) .. ولم أدخل علي النت يوم الخميس ولا الجمعة إلي أن أحضره لي .. وحتي يوم السبت (أمس) لم ادخل علي النت بسبب مقابلة بعض أعضاء المنتدي ، وهم : العربي مشرف قسم السوق .. سمسم مشرف قسم الأسلحة .. ابراهيم (hema777h) عضو بالمنتدي .
ومن يومها (الخميس الماضي) لم ادخل علي النت من جهازي وأشارك إلا اليوم (الأحد) .. إلا أنني بالأمس تصفحت بعض مواضيع المنتدي أثناء جلوسي مع العربي بواسطة جهازه الشخصي في الكافيه ..

وعرفت منه أنه تم الاتفاق علي حذف جميع المواضيع التي يختلف فيها أعضاء المنتديين (وهذا في حد ذاته شئ جميل) .. وبالفعل أدخلني العربي علي منتدي الصيد المصري ووجدنا كل الموضوعات قد حذفت وعدلت بواسطة أ/ جلال خليفة .. ولكــــــــن .. اسمي ما زال موجود هناك .. عن طريق عضو جديد اسمه الصياد زيكو شارك بمشاركة لم أقرأها حتي لأنها حذفت تقريبا ولكن من الواضح من الردود أنه ذكر أسمي .. وقام أ/ جلال بالشك فيه علي أنه الأفوكاتو وقالها له بالنص اكثر من مرة .. وقام هذا العضو بالايضاح له بأنه ليس الأفوكاتو وقام بإرسال رقم هاتفه لكي يثبت ذلك .. ومن هنا أحب أن أوجه رسالة للأستاذ جلال :

يا استاذ جلال .. انا مش الصياد زيكو اللي عمل عضوية جديدة عندك وحضرتك دخلت فيه شمال علي أنه أنا وفي الأخر بتقولله عايز تشارك أهلا وسهلا .. لو كنت أنا كنت هعمل العضوية باسم الأفوكاتو بردو أو علي الأقل كنت هوضح لك أني هذا الشخص بالفعل ومش هكدب أو اتخفي .. وأظن أن العربي وضح لك أن الأفوكاتو ليس عنده نت بقاله يومين .. فضلا علي أنكم هناك مش هتعملولي حاجة يعني عادي لو مرغوب فيا هتقولولي ولو مش مرغوب فيا بردو أكيد هتقولولي وهنسحب مافيش مشاكل .. ولكن لا داعي للشك في معظم الأعضاء الجدد ورميهم بالباطل حتي لو كان واحد فيهم بيدافع عني .. انا مش فاضي علشان اخلي حد يدخل يدافع عني .. وبردو مش هحاول أضيع وقتك .. وأسأل العربي اللي بتثق في كلامه وهو يقولك مين الأفوكاتو ..

ثانيا .. لسة بردو مصمم علي حكاية طالب .. مع أني وضحت أني ليس طالب .. انا خريج حقوق جامعة القاهرة وأعمل موظف في نفس الجامعة .. وهناك أعضاء زاروني في مقر عملي أكثر من مرة
وحتي لوكنت ما زلت طالب علم فهذا لا يعيبني في شئ علي الإطلاق .. طلب العلم فريضة
وكنت هموت واعرف جبت حكاية الطالب دي منين إلي أن توصلت انك اتصلت بكريم (braveheart) وسألته : مين الأفوكاتو .. وهو غلط وقالك إني طالب في كلية الحقوق ولكن هو كان لا يعلم .. وقد وضحت له الامر بالأمس في مكالمة هاتفية .

ثالثا .. زعلت مني (مع انك اصلا متعرفنيش قبل كدة) بسبب موضوعي عن بيع المنتدي والاحتمالات المطروحة وكان من ضمنها إن صاحب منتدي منافس يشتريه .. ليك حق تزعل .. وكان يمكنك أن تفعل أي شئ لكي توضح موقفك أو تراسلني لكي أعدل المشاركة .. ولكن .. وبمنتهي الوضوح ليس لك الحق في أن تقذف الناس بالباطل وتقول الأفوكاتو عايش الوهم وبيعمل مواضيع غبية وفاشل في عمله (مع انك اصلا متعرفش انا بشتغل ايه) يمكن اكون ناجح وسيادتك متعرفش !
فضلا عن اتهامي بقولك أن الأفوكاتو طلب منشطات هو وطارق وشجعو البائع .. بالله عليك واحنا داخلين علي رمضان اهو ، انت قرأت ليا أي مشاركة في هذا الموضوع ؟ اللي انا اصلا ملحقتش اشوفه !
لو عندك دليل قدمه .. ولو فاكر اي كلمة من الجملة اللي انا شاركت بيها في هذا الموضوع قولها

وانت يمكن ملحقتش تقرأ مشاركتي في الموضوع الذي أغلق .. ولكن هذا الموضوع موجه لك شخصيا .. انت اتهمتني وانت لا تعرفني .. فعليك بتقديم دليل علي كلامك ..

في النهاية بردو عايز أؤكد لك .. اني مش العضو الجديد اللي اسمه الصياد زيكو .. ولا هو تبعي ولا اعرفه أصلا ولا اعرف حتي قال ايه عليا .. هو العربي اللي فرجني علي المشاركة بالأمس وقاللي إنها اتحذفت .. واللي فهمته انك شاكك فيه .. والله بس علشان حرام قولت أوضح أنه لا يخصني بشئ
وعايز أؤكد لك أني مش طالب .. انا ليسانس حقوق وأعمل موظف بجامعة القاهرة .
وأني مش بتاع منشطات ولا شوفت الموضوع ده أصلا ولا شاركت فيه .. وبردو العربي يقدر يؤكد كلامي بالدليل لأنه مشرف قسم السوق ويقدر يعرف ويتصفح الموضوع المحذوف ويقدر يسأل الأستاذ محمد محمود مشرف السوق أيضا وهو يؤكد أنه حذف الموضوع دون مشاركتي فيه .

وكلمة أخيرة .. مشاركتي الخاصة ببيع المنتدي وشراؤه عن طريق صاحب منتدي منافس .. هذه المشاركة ليس فيها اي إهانة لشخصك .. ولو كان فيها ذرة إهانة انا مكنتش كتبتها أصلا ..

[koktal]

هههههههههه .. إيه يا عم انتا داخل سخن ليه كده؟؟ ..

[الأفوكاتو]

المشاركة الأصلية كتبت بواسطة koktal

هههههههههه .. إيه يا عم انتا داخل سخن ليه كده؟؟ ..

انت بتضحك كدة ليه .. هو انا كاتب نكت ؟

وبعدين معلش يا سيدي .. استحمل .. من اللي اتقال عليا ..

[koktal]

أنا مقصدش حاجه والله كنت بهزر معاك .. متزعلش يا أفو .. وحقك ترد طبعا .. تحياتى لك ..

[العربى]

خلاص انت قلت وجه نظرك والموضوع خلص يا افكاتو والكلام دا اتاكد منه الاستاذ جلال بنفسه والموضوع خلص الرجاء من اداره القسم العام اغلاق الموضوع ورجاء عدم مشاركه احد تانى فى الموضوع وتحياتى للجميع

[الأفوكاتو]

أسف جدا يا عم محمد .. انا لا اطلب غلق الموضوع .. ومستني رد أ/ جلال

[koktal]

المشاركة الأصلية كتبت بواسطة elarbi2009

خلاص انت قلت وجه نظرك والموضوع خلص يا افكاتو والكلام دا اتاكد منه الاستاذ جلال بنفسه والموضوع خلص الرجاء من اداره القسم العام اغلاق الموضوع ورجاء عدم مشاركه احد تانى فى الموضوع وتحياتى للجميع

مع إحترامى لك .. صاحب الموضوع له حق .. فى إذا كان يغلق أو لأ .. أنا معاك إن الأستاذ/ هشام تنازل لكن المتر لم يتنازل .. وله حق إنتظار رأى الطرف الأخر ..

[smsmn8888]

بصراحة حاجة غريبة جداا يعني التشهير باحد الاعضاء والقول انة بيبع منشطات وادوية ممنوعة شئ سهل عادي وان انسان المفروض انة كان رمز لنا يقول كلام ذي دا بدون وعي ومن غير ما يتاكد من الموضوع ويهين العضو ويشهر بة بمجرد ان قال ان صاحب ممتداء منافس يفكر ان بشترى المنتداء كدا هو اخطا واجرم طيب لو كان قال علية كلام اخر مثل ما هو قال علية كان اة الموقف للاسف الموضوع متقفلش لانة تم التشهير باعضاء المنتداء دون وعي او تاكد خاص انة بيتكلم عن عضو لا يعرفوة ولم يقابلة من قبل ولا اعتقد ان الرد ممكن يحل المشكلة للاسف لان الرد ممكن يكون اسواء

في نقطة برضو ما اسهل الكتابة من وراء الكمبيوتر والتاليف والكلام دون اثباتات تا سهل اوىىىىىىىىى

[العربى]

المشاركة الأصلية كتبت بواسطة koktal

مع إحترامى لك .. صاحب الموضوع له حق .. فى إذا كان يغلق أو لأ .. أنا معاك إن الأستاذ/ هشام تنازل لكن المتر لم يتنازل .. وله حق إنتظار رأى الطرف الأخر ..

وانت بقى صاحب الموضوع ولا عندك وكاله لو سمحت متدخلش ماشى
لما يكون موضوع ابقى اتكلم

[الأفوكاتو]

والله يا سمسم انا اللي وصلتله لغاية دلوقتي من العربي .. انه قاللي انهم هناك عرفو وتأكدو من هو الصياد زيكو واللي اتضح انه مش انا ولا يخصني بشئ .. وأطلب من العربي أن يعرفنا من هو .. لأني والله ما اعرفه

أما موضوع المنشطات فلقد طلبت من العربي مراجعته للتأكد من عدم مشاركتي به علي الإطلاق .. وقد تم بالفعل التأكد من ذلك ..

وأنا من هنا بطلب شهادة العربي مشرف قسم السوق .. إذا كنت شاركت في هذا الموضوع أم لا

لكي أثبت لكل الأعضاء صدق أو كذب كلام أ/ جلال .. رمز المنتدي .. الذي يرمي الناس بالباطل

أما موضوع طالب أو مش طالب .. فالحمد لله مش محتاج أثبت لنفسي شئ لان باختصار شهادة التخرج بتاعتي مرمية في درج المكتب .

[koktal]

المشاركة الأصلية كتبت بواسطة elarbi2009

وانت بقى صاحب الموضوع ولا عندك وكاله لو سمحت متدخلش ماشى
لما يكون موضوع ابقى اتكلم

أنا مغلطش فيك عشان تكتب الكلمتين دول .. على العموم متشكر جدا على أدبك وذوقك فى الكلام يا (محترم) .. ومش هغلط زى ما غلطت .. سعيد بمحادثتك ..

[العربى]

المشاركة الأصلية كتبت بواسطة koktal

أنا مغلطش فيك عشان تكتب الكلمتين دول .. على العموم متشكر جدا على أدبك وذوقك فى الكلام يا (محترم) .. ومش هغلط زى ما غلطت .. سعيد بمحادثتك ..

انت خبط فى صاحب الموضوع وبعد كدا فيا انت عايز ايه فهمنى
من تدخل فى ما لا يعنيه وانت عارف الباقى

[العربى]

شهادت حق الافكاتو لم يشارك فى موضوع المنشطات اصلا وانا راجعته اكثر من مره
واتفقت مع الافكاتو على ان دى اخر مشاركه وهو اللى هيطلب غلق الموضوع يا عم كوكتيل
ماشى

[الأفوكاتو]

المشاركة الأصلية كتبت بواسطة elarbi2009

شهادت حق الافكاتو لم يشارك فى موضوع المنشطات اصلا وانا راجعته اكثر من مره
واتفقت مع الافكاتو على ان دى اخر مشاركه وهو اللى هيطلب غلق الموضوع يا عم كوكتيل
ماشى

طيب بعد اذنك .. طلع مين العضو اللي اسمه الصياد زيكو ؟

[العربى]

على العموم انا غلطان اللى نتكلم معاك لما تقدر كلام الكبار ابقى قولى يا افكاتو
سلام

[الأفوكاتو]

الحمد لله .. ظهر الحق .. وما زلت منتظر رد أ/ جلال خليفة علي شهادة الأستاذ عربي مشرف قسم السوق .. الذي تفضل مشكورا بتصفح الموضوع المحذوف (لأنه عنده هذه الإمكانية كمشرف) وأثبت عدم مشاركتي فيه من الأصل .. وما ولت منتظر رد ا/ جلال .

وأشكر العربي .. رغم أنه زعل مني لعدم غلق الموضوع (ومش عارف عايز يغلقه ليه) انا بدافع عن نفسي .. ولا هو لما يتهمني يبقي علي العام وشهادة الحق نغلق لها الموضوع ؟

لازم الناس كلها تعرف الحقيقة .. وتعرف مين الصادق ومين الكذاب !

[koktal]

المشاركة الأصلية كتبت بواسطة elarbi2009

انت خبط فى صاحب الموضوع وبعد كدا فيا انت عايز ايه فهمنى
من تدخل فى ما لا يعنيه وانت عارف الباقى

يا أخى والله انتا لوحدك موضوع !!!!! .. أولا أنا مخبطش فى أفوكاتو, أنا عارف إنه متضايق ودخلت على أساس أهزر معاه أخفف عنه يعنى .. هو إفتكرنى بتريأ عليه .. بس كده .. ولما خبط فيك انتا بقه على أساس إنك دخلت مره وحده وقلت ** الموضوع يغلق ** .. وهل انت صاحب الوكاله اللى بتقولى عليها .. إذا كنت بتقوم بالصلح بين الناس فربنا يقويك .. وأنا مش عايز حاجه أنا بس عايز سلامتك ..
إبعد عنى بقه وشوف أفوكاتو عايز منك إيه .. كل سنه وانت طيب ورمضان كريم ..

[الأفوكاتو]

المشاركة الأصلية كتبت بواسطة elarbi2009

على العموم انا غلطان اللى نتكلم معاك لما تقدر كلام الكبار ابقى قولى يا افكاتو
سلام

انا مش عارف ليه عايز تغلق موضوع بدافع فيه عن نفسي ؟

[د.مهندس]

كل سنة و انتم طيبين و رمضان كريم

[الأفوكاتو]

وانا لم اقصد إلا التوضيح .. وهذا الموضوع مش معمول للتجريح ولا للهانة ولا لاشعال الفتنة

هذا الموضوع يا أ/ جلال لتوضيح موقفي ليس الا

اني لست بطالب .. ولم اقوم بإهانتك في موضوعي ولا اني طلبت برشام (وهذا بشهادة العربي) ولا انا هذا العضو عندك الجديد .. وانا كنت علي وشك بعمل عضوية عندك لتوضيح هذا الأمر

[الأفوكاتو]

المشاركة الأصلية كتبت بواسطة galal

العزيز الغالي العربي
من حق الاخ ان تسأل وانا شرحت لة الموضوع ولكن برجاء عدم فتح اي مشاحنات لانها سوف تجعل المناقشات مفتوحة وقد يحدث ما لا نتمناة وهذا خطأ كبير ولكم جميعا التحية والشكر

انا كنت عايز اثبت برائتي مش اكتر وأنا لم اقوم بطلب برشام .. والحمد لله ظهر الحق أمامك .. وبرجاء توضيح الأمر للأعضاء في المنتدي الآخر لتحسين صورتي التي شووهت

[mero1x]

الاخ الكبر الاستاذ الفاضل / جلال خليفة
واخى الاصغر الاستاذ الفاضل/ افوكاتو

اولاً :احب اقولكم كل سنة وانتم طيبين
ثانياً : بشكر الاستاذ/جلال على مرورة الكريم فى منتدانا
واخيرأ يا ريت الكلام فى المضوع دة ينتهى لأننا عارفين الطرفيين كويس جداً وواثقين فى اخلاقهم الحميدة وما مر علينا من خلافات قد زال ( ورمضان كريم )

[braveheart]

المشاركة الأصلية كتبت بواسطة mero1x

الاخ الكبر الاستاذ الفاضل / جلال خليفة
واخى الاصغر الاستاذ الفاضل/ افوكاتو

اولاً :احب اقولكم كل سنة وانتم طيبين
ثانياً : بشكر الاستاذ/جلال على مرورة الكريم فى منتدانا
واخيرأ يا ريت الكلام فى المضوع دة ينتهى لأننا عارفين الطرفيين كويس جداً وواثقين فى اخلاقهم الحميدة وما مر علينا من خلافات قد زال ( ورمضان كريم )

أتفق معك تمام يا أمير ... و بالمناسبة فقد جري إتصال هاتفي بالأستاذ جلال خليفة من طرفي أنا و أمير يوم الأربعاء الماضي و قمنا بإقتراح أن يتم حذف الموضوعات في كلا المنتديين .. كما عزز تدخل الأخ العربي و الأستاذ سيد لبيب المبادرة و لهم جزيل الشكر و التقدير.

و أتمني من الأفوكاتو و أنا أتحدث معة الأن كأخ أصغر لي ... و هو يعلم مدي معزتي و حبي له بأن نكف عن التحدث في هذا الموضوع ... كما أدعو الأستاذ جلال خليفة و أعضاء منتداه الكرام بعدم ذكر أي عضو أو التنويه له .. لعدم تكرار ما حدث مرة أخري ... و كل عام و حضراتكم بخير .. و تحياتي للجميع.

[braveheart]

ملاحظة :

سيبقي هذا الموضوع بدون حذف حتي مساء اليوم ... و ذلك كي تصل الرسالة إلي جميع الأطراف .. كما أرجو من أعضاء منتدانا الإلتزام بعدم المشاركة بهذه الموضوعات و التي أعتبرها مضيعة للوقت و الجهد بدون أدني إفادة ، فلا جدال و لا نقاش من فضلكم ... و أعلمكم بأنه تم الأتفاق علي حذف الموضوعات المسيئة من هنا و هناك و قد وعدنا و إلتزمنا بوعدنا ، كما إلتزم به المنتدي الأخر و أعضاؤة ... فلا نريد أن يقوم أحدا بفتح موضوعات مشابهه لهذا الموضوع ...فالمنتديات لم تنشأ للتشهير أو لتصفية الحسابات ... مع كل الأحترام لكل الأطراف.

و كل عام و أنتم بخير.

[Android man]

نت اتهمتني وانت لا تعرفني .. فعليك بتقديم دليل علي كلامك ..

يتقدم بدليل او يعتذر علي الملاء امام كل الاعضاء يا استاذ افوكاتو ان اساء اليك وانو علطان في حقكك
وده الي المفروض يتعمل لو هوا غلطان

[msa_79]

المشاركة الأصلية كتبت بواسطة braveheart

ملاحظة :

سيبقي هذا الموضوع بدون حذف حتي مساء اليوم ... و ذلك كي تصل الرسالة إلي جميع الأطراف .. كما أرجو من أعضاء منتدانا الإلتزام بعدم المشاركة بهذه الموضوعات و التي أعتبرها مضيعة للوقت و الجهد بدون أدني إفادة ، فلا جدال و لا نقاش من فضلكم ... و أعلمكم بأنه تم الأتفاق علي حذف الموضوعات المسيئة من هنا و هناك و قد وعدنا و إلتزمنا بوعدنا ، كما إلتزم به المنتدي الأخر و أعضاؤة ... فلا نريد أن يقوم أحدا بفتح موضوعات مشابهه لهذا الموضوع ...فالمنتديات لم تنشأ للتشهير أو لتصفية الحسابات ... مع كل الأحترام لكل الأطراف.

و كل عام و أنتم بخير.

كريم باشا بعد اذنك احب التنويه الي انه بالرغم من انتهاء المشاكل بيننا وبين المنتدي الاخر وبالرغم من اننا نتكلم عنهم والحمد لله بكل احترام الا انه بالرغم من عدم سب منتدانا هناك الا انه مازال هناك اسلوب الهز واللمز والتحدث عن المنتدي واعضاءه بشكل غير لائق ولا اريد ان انقل هذه الموضوعات كما كانو يفعلون ولكني اوجه لهم رساله من منتدانا المحترم الموقر الذي يحترم الجميع ايا كان الانتماء او المهنه او السن والعمر اوجه لهم طلب ورجاء بعدم التحدث عن منتدانا الا بالخير كما نفعل نحن تماما فنحن اعضاء محترمون وهم ايضا اعضاء محترمون والمنتديان لا يقلان عن بعضهم في شيء فكلاهما منتديان محترمان
كذلك نرجو منهم عدم الاخذ بظن السؤ دائما وتوخي الحذر دائما قبل توجيه الاتهامات لاي شخص عد الاخذ بالشك وشكرا جزيلا للجميع ورمضان كريم

[braveheart]

المشاركة الأصلية كتبت بواسطة msa_79

كريم باشا بعد اذنك احب التنويه الي انه بالرغم من انتهاء المشاكل بيننا وبين المنتدي الاخر وبالرغم من اننا نتكلم عنهم والحمد لله بكل احترام الا انه بالرغم من عدم سب منتدانا هناك الا انه مازال هناك اسلوب الهمز واللمز والتحدث عن المنتدي واعضاءه بشكل غير لائق ولا اريد ان انقل هذه الموضوعات كما كانو يفعلون ولكني اوجه لهم رساله من منتدانا المحترم الموقر الذي يحترم الجميع ايا كان الانتماء او المهنه او السن والعمر اوجه لهم طلب ورجاء بعدم التحدث عن منتدانا الا بالخير كما نفعل نحن تماما فنحن اعضاء محترمون وهم ايضا اعضاء محترمون والمنتديان لا يقلان عن بعضهم في شيء فكلاهما منتديان محترمان
كذلك نرجو منهم عدم الاخذ بظن السؤ دائما وتوخي الحذر دائما قبل توجيه الاتهامات لاي شخص عد الاخذ بالشك وشكرا جزيلا للجميع ورمضان كريم

يا سيدي الفاضل مش معقول طبعا ... أحنا واخدين وعد من أ / جلال بعدم ذكر أي عضو بالمنتدي أو التنويه لأحد من خلال مواضيع أو مشاركات .. و الرجل وعدنا بالفعل ، و قام بحذف الموضوعات المسيئة .. و أتمني ألا نعود لهذا الأمر مرة أخري ، و سأتابع الأمر بنفسي و في حالة تكرار ما حدث من أي من الأطراف سأقوم بالرد فورا و أعلان أنه لا يلتزم لاعهد أمام الجميع .. و هذا وعد مني بذلك ، و بالتالي أرجو من أعضاء منتدانا الكرام ... بالإلتزام و بضبط النفس ، و بالكف عن الدخول في جدال من هذا النوع و في هذا الموضوع بالذاااااااات ، و في حالة توجيه الأتهام لأحد الأطراف لابد من وجود دليل .. و كل عام و أنتم بخير.

[welly210]

اخي العزيز احب اوضح شيء هام الا وهو كل هذه المواضيع حدثت اثناء المشاحنات والحمد لله الموضوع انتهي والسحابة السوداء زالت وتاكد تماما انه لن تتكرر مثل تلك المواضيع او غيرها مرة اخري فدعونا يا جماعة ونحن في ايام مباركة لا ننظر الي الخلف ولكن ننظر الي الامام الذي سيكون ان شاء الله صيغته مبنية علي التعاون والود والاخلاق والتي نتمتع بها جميعا بحكم هوايتنا والتي هي عمل النبلاء والفرسان فارجو منك ان تمحو من ذاكرتك كل ما فات لان لا مجال له الان الرجل تفهم الوضع وهو يكن لكم الاحترام جميعا وما كان ليس الا سوء تفاهم حدث وتدخل الشيطان فثارت مشكلة وتصاعدت ولكن الان نحن ولله الحمد جميعا اخوة في الله تجمعنا هواية وشاغل واحد وفقنا الله جميعا الي ما يحبه ويرضاه وكل عام وحضراتكم بخير

[braveheart]

المشاركة الأصلية كتبت بواسطة welly210

اخي العزيز احب اوضح شيء هام الا وهو كل هذه المواضيع حدثت اثناء المشاحنات والحمد لله الموضوع انتهي والسحابة السوداء زالت وتاكد تماما انه لن تتكرر مثل تلك المواضيع او غيرها مرة اخري فدعونا يا جماعة ونحن في ايام مباركة لا ننظر الي الخلف ولكن ننظر الي الامام الذي سيكون ان شاء الله صيغته مبنية علي التعاون والود والاخلاق والتي نتمتع بها جميعا بحكم هوايتنا والتي هي عمل النبلاء والفرسان فارجو منك ان تمحو من ذاكرتك كل ما فات لان لا مجال له الان الرجل تفهم الوضع وهو يكن لكم الاحترام جميعا وما كان ليس الا سوء تفاهم حدث وتدخل الشيطان فثارت مشكلة وتصاعدت ولكن الان نحن ولله الحمد جميعا اخوة في الله تجمعنا هواية وشاغل واحد وفقنا الله جميعا الي ما يحبه ويرضاه وكل عام وحضراتكم بخير

كلام محترم جدا منك يا أخ وائل ، و أتمني أن يبقي الوضع هادئا إن شاء الله .. و شكرا لك ، و كل عام و أنت و الأسرة الكريمة بخير

[hema777h]

عفا الله عما سلف ونحن في هذااا الشهر الكريم

[الأفوكاتو]

المشاركة الأصلية كتبت بواسطة galal

تثبت برائيك او لاتثبتها هذا شانك انت وانا في مشاركتي السابقة لم اتحدث عن هذة النقطة اطلاقا ومشاركتي ما زالت باعلي الصفحة .
واعتد انك قلت انك ما شفتش الي انا كاتبة يعني حمامة سلام بلغتك ولا تعليق

كونك لم تتحدث في هذه النقطة تحديدا لأنك لا تستطيع أن تقول أنك كذبت علي أعضاء منتداك وقلت لهم أن الأفوكاتو طلب منشطات وجاء العربي مشرف السوق بعد مراجعة الموضوع وشهد أني لم أشارك في هذا الموضوع .. بعني باختصار أنت مجرد بتلقي اتهامات وخلاص ولكن بدون دليل .. زي مثلا لو انا جيت عملت موضوع (مثلا) وقولت فيه ان جلال خليفة تاجر خرطوش كبير .. ومن غير دليل طبعا محدش هيصدقني وكلو هيقول عليا كداب ومنافق .. وده بالظبط اللي حصل معاك .. شوفت انت حطيت نفسك في موقف عامل ازاي .. موقف وحش اووووووووووووووووي .. وصغير اووووووووووووووووووووي .. كل ده وبردو الناس عارفة ده مين وده مين .

[hema777h]

المشاركة الأصلية كتبت بواسطة الأفوكاتو

كونك لم تتحدث في هذه النقطة تحديدا لأنك لا تستطيع أن تقول أنك كذبت علي أعضاء منتداك وقلت لهم أن الأفوكاتو طلب منشطات وجاء العربي مشرف السوق بعد مراجعة الموضوع وشهد أني لم أشارك في هذا الموضوع .. بعني باختصار أنت مجرد بتلقي اتهامات وخلاص ولكن بدون دليل .. زي مثلا لو انا جيت عملت موضوع (مثلا) وقولت فيه ان جلال خليفة تاجر خرطوش كبير .. ومن غير دليل طبعا محدش هيصدقني وكلو هيقول عليا كداب ومنافق .. وده بالظبط اللي حصل معاك .. شوفت انت حطيت نفسك في موقف عامل ازاي .. موقف وحش اووووووووووووووووي .. وصغير اووووووووووووووووووووي .. كل ده وبردو الناس عارفة ده مين وده مين .

الاخ العزيز الافوكاتو كل عااام والجميع بخير

عفا الله عما سلف ونحن في هذاا الشهر الكريم وتعالي علي نفسك عشاااان خاطر الجميع وعشااان بردو ان السن لية احترامو والاستاذ جلال في مقام اخونا الكبير

[الأفوكاتو]

المشاركة الأصلية كتبت بواسطة hema777h

الاخ العزيز الافوكاتو كل عااام والجميع بخير

عفا الله عما سلف ونحن في هذاا الشهر الكريم وتعالي علي نفسك عشاااان خاطر الجميع وعشااان بردو ان السن لية احترامو والاستاذ جلال في مقام اخونا الكبير

هو انا يتقال عليا بتاع منشطات وبعدين أقول أخويا الكبير .. الكبير لازم يكون أد كلمته يا هيما

وكفاية ان كلامه طلع مش صحيح أمام الناس كلها ..

[hoka]

افوكاتو ليك رساله ع الخاص ياريت ترد عليا

[الأفوكاتو]

المشاركة الأصلية كتبت بواسطة hoka

افوكاتو ليك رساله ع الخاص ياريت ترد عليا

تم الرد يا حوكا .. شكرا لك

[هشام سمير]

الاخوه الافاضل
وعدنا بعدم المساس لهم من قريب او من بعيد فبناء على الوفاء بالوعد سيتم غلق الموضوع
ورمضان كريم عليكم جميعاً