أرنب حظة وحش

[محمد سليمان]

دة فيديو شفتة على اليوتيوب و حبيت أشاركه معاكم يا أجمد صيادين فى الدنيا
ركزوا على اللى ورا الآيل او الغزال على الأرض بعد الضربه الاولى
معلش هو الفيديو ممل شويه فى الأول

http://www.youtube.com/watch?v=9WypbzC6mi8&feature=player_embedded

[gamal abdelhak]

سلمان باشا ده احنا اللى حظنا وحش الراجل بيقول ان ابنه هو اللى ضرب اهو اصطاد ارنب لكن انا عمرى مااصطد ارنب ودمتم .

[محمد سليمان]

انا كان قصدى انه كان بينشن على الغزال و مكنش يقصد الارنب.. بس و الله عندك حق ههههههههههههههههه
يا عينى الارنب اتفرتك
بالمناسبه بقى طالما الموضوع اتفتح هو احنا ممكن نصطاد أرانب فين فى مصر؟
و شكراً لمرورك يا أستاذ جمال

[مبتدئ]

هوا بصراحة فعلا الارنب حظة وحش بس يعنى الغزالة تسد عين الشمس مش عارف ينشل عليها امال لو كان بيصطاد يمام وعصافير كان عمل اية هههههههههههههه

[salahfareed]

انا شايف ان الايل هو اللى حظه حلو
بس الغريب انه لم يهتم كثيرا باطلاق النار
يظهر انه جعان اوى

[محمد طه]

هو يبدو ان الحصل حاجة من الاتي
1 البندقية ممكن تكون حوله
2 هو نفسه ممكن يكون احول
3 ممكن الارنب نفسة يكون احول وجه امام الطلقه
4 اكون انا احول ومشفتش الفديو كويس



5 ممكن يكون مش شايف الغزال خالص وبيضرب بالبركة وفي الحالة دي يبقي اعمىىىىىىىىىىى

[galal khalifa]

انا شايف حاجة تانية خالص ان الصياد فاهم غلط دا طالع يوقع طائرات مش غزال بس تقول اية اديني عمر وارميني البحر
عالم محظوظة .....

[salahfareed]

المشاركة الأصلية كتبت بواسطة محمد طه

هو يبدو ان الحصل حاجة من الاتي
1 البندقية ممكن تكون حوله
2 هو نفسه ممكن يكون احول
3 ممكن الارنب نفسة يكون احول وجه امام الطلقه
4 اكون انا احول ومشفتش الفديو كويس



5 ممكن يكون مش شايف الغزال خالص وبيضرب بالبركة وفي الحالة دي يبقي اعمىىىىىىىىىىى

هاهاهاهاهاهاهاهاهاهاهاهاهاهاهاه
اجمل واطرف تعليق شوفته فى المنتدى الجميل دة
يسلم فمك يا بوحميد
الا اذا كنت انا كمان احول

[طلعت بخيت بسكالس]

حبيب قلبي وكبيرنا صلاح باشا والغالي محمد طه مافيش حد في المنتدي ده أحول أنتوا أحسن صيادين في الدنيا الله يحول بيت أهله الجدع ده اللي عمل فينا كده
وتقبلوا حول التحيه ( عفوا كل التحيه)

[محمد سليمان]

يا جماعه بجد تعليقاتكم جميله قوى انا مت من الضحك اكتر ما ضحكت على الفيديو
على رايك يا استاذ مبتدئ امال لو كان بيصطاد يمام و عصافير. و مش بعيده على فكره انت شفت كميه العصافير اللى طارت اما ضرب الطلقه الاولى!!! يعنى مش بعيد اصلاً ان طلقه واحده من الدبابه اللى كان بيضرب بيها ديه تفرتك شويه عصافير كمان مع الارنب ههههههه

استاذ صلاح شكراً لانك شرفت موضوعى بمرورك انت و الاساتذه معلمينى دائماً استاذ جلال و استاذ طلعت و بجد انا استغربت برده جداً اما الطلقه الاولى اتضربت و الآيل يا دوب بص لدرجه انى فكره احط فى العنوان ارنب حظه و حش و آيل بارد

استاذ محمد طه بجد تعليق رائع حلو قوى التحليل الكوميدى ده

[Oonyx]

ما شاء الله أنا سمعت صوت مدفع بس للأسف هو حظه عكر وده اللي بيقولوا عليه "تيجي مع العمي طباش" ههههههههه . أو حظ ***** ايهما اقرب :d

[محمد طه]

شكرا صلاح باشا
شكرا للصديق الغالي م/طلعت
شكرا للعضو النشيط محمد سليمان


لاكن انا عندي سؤال بس من غير ضحك هي البندقية دى صوتها غبي كده ليه

[محمد سليمان]

اعتقد و الله اعلم يعنى ان صوتها عالى جداً كدا لمجرد ان الكاميرا جنب فوهه البندقيه فموجات الصوت بتطلع لزق فى مايك الكاميرا
انا شفت فى فيديوهات بردو على اليوتيوب كاميرات اصلا بتترج جامد مع الضرب و تحس ان مدفع ضرب مش بندقيه.. مش غريبه ان اللى مش متعود على صوت السلاح النارى ودنه تصفر اما يسمعه

[adel152]

ياجماعة ظلمتوا الراجل وابنه.
الواد وقع البندقية من غير مايقول لأبوه فالنيشان بتاعها ماكنش مظبوط حتى لو دققت فى الفيديو ح تلاقى الطلقتين فى نفس المكان بالظبط.
على فكرة البندقية صوتها عالى لأنها Remington Magnum 7mm .
وأليكم صورة الطلقة .

[محمد سليمان]

اه بالظبط يا استاذ عادل انا لسه واخد بالى من الموضوع ده و كنت مستغرب فى الاول ان الطلقتين فى نفس الحته برده... بس انا مش عارف ايه المدافع اللى بيضربوا بيها دى و الله انا بضحك اما بشوف شكل الرشايه جنب طلقه من دول.. و ده طبعاً مينفيش انى نفسى اضرب بحاجه جامده كده

شكراً لمرورك استاذ عادل و اونيكس

اه صحيح يا اونيكس عايزين صور طلعات جديده بقى (و ادعيلى اجيب البندقيه قريب ان شاء الله انا كملت تمنها اهوه )