بداية ~ تحت الصفر ~

[Pingz]

بسم الله الرحمن الرحيم
السلام عليكم ورحمه الله وبركاته

في البداية احب اقولكم انا سني صغير شوية "14 سنة" ولكن هواية الصيد مسكت في دماغي وعجبتني وإن شاء الله هجيب قريب بندقية ضغط هواء شنجاهاي b3-2 او نوريكا 56 والي بتقولو عليها كرال تركي مش لاقي بندقية بالاسم ده في جوجل فبالطريقة دي معلوماتي قليله عنها, انا بسأل لو فيه حد ينصحني بنوع معين من البنادق, ويا ريت ميكونش الانواع الرديئة المصرية زي "الرمسيس او المعادي"!, وهل تنصحوني بشراء سكوب للبندقية وممكن ابقا استعمله بعد ما اتعلم انشن عادي؟, وهل الافضل اني اشتري من هنا ولا اشتري مثلاً من السعودية البندقية والسكوب ؟ وهل هيبقا في مشاكل في السفر والكشف على الشنط ؟ وايه الإجراءات الي بتتاخد ؟ وهل البندقية الرش هيا نفسها بندفية هوا او ضغط هوا ؟


ومنطقتي فيها تقريباً انواع متميزة من الحمام واليمام .. الاهم بقا الناس ومشاكلهم وصوت البندقية "تقريباً بيبقا صوت هوا بس مش عارف ممكن حد يسمعه!" اصل إحنا عندنا ناس اخر جدعنه "ممكن يبلغوا عني من اول رشه !!" فهل فيه طريقة اكتم الصوت ؟ ولو واحد شافني وانا ماشي بالبندقية ولو ان بصطاد قدام طريق سريع لو عمال البناء شافوني بالبندقية الله اعلم إذا كنت هرجع البيت سليم إذا كنت هرجع اصلاً !!

هل لو ظابط ولا عسكري شافني بالبندقية يقدر يعمل حاجة ؟ والمفروض يكون ردي عليه ايه ؟ وهل لازم يكون الوالد ملازمني في كل مكان اصطاد منه ؟ "ديه هتكون مشكلة لأن الوالد مش بيكون فاضي"

طيب مثلاً انا هروح الغابة المتحجرة "خارج اسوار المحمية الطبيعية" .. هل هلاقي حاجات كويسة هناك ؟ وايه هي انواع الحيوانات والطيور الموجودة هناك ؟.

على فكرة انا قرأت معظم مواضيع المنتدى ودروس كتير .. ولو لقيت حلول لمشاكلي إن شاء الله هكون متأكد إني هبدأ صيد قريب.

يا ريت يا جماعه محدش يديني المواضيع الشاملة للمبتدئين لأني قراتهم كلهم و اتمنى إجابة لكل سؤال ليا, معلش هتعبكم معايا


~ وجزاكم الله خيراً ~

[DR SNIPER]

اولا السلام عليكم ورحمه الله وبركاته بالنسبه لموضوع البندقيه لازم الاول تحدد انت ميزانيتك كام ولا هى ميزانيه مفتوحه اما استخدام الاسكوب فده بعد تعلم النشان واتقانه وبخصوص موضوع الشراء من السعوديه هيكون فى مشاكل عند دخولها المطار وممكن تتصادر منك اما عن الصيد فى الحى بتاعك فبلاش صيد فى المناطق السكنيه اصلا تجنبا للمشاكل ولو قابلك ظابط او عسكرى اتكلم معاه بثقه وعرفه ان دى بندقيه ضغط هوا للصيد وحاول تتعامل معاه ومع اى حد عادى جدا وبعدين يستحسن متخرجش لوحدك عشان سنك ضغير واصلا الخروج للصيد لوحدك مش ممتع زى الخروج مع واحد صاحبك اما بقه موضوع الغابه المتحجره ده انا معرفش عنه حاجه اتمنى اكون افدتك ...... وتقبل مرورى