لا حول ولا قوه الا بالله

[هشام عزب]

السلام عليكم
اعضاء الاداره المحترمين
ما تفسير ان يحذف موضوعان بهما مشاركات ايضا لاعضاء محترمين
احدهما فيه حديثان لرسول الله صلي الله عليه وسلم واسم الموضوع حديثان مهمان لرسول الله صلي الله عليه وسلم
والموضوع الاخر قصه اسلام احد الاشخاص ببريطانيا واسم الموضوع لا تستصغر الذنب قصه وعبره
وان لم يكن عندكم تفسير
فأقول
لا حول ولا قوه الا بالله
وفي انتظار حذف هذا الاستفسار

[هشام عزب]

اين رد الاداره المحترمه ؟؟؟؟؟؟

[za2r2lel]

منتظرين رد الاداره المحترمه

ومش عارفين ايه معنى الكلام ده فعلا؟؟؟

مش عاوزين نعمل فتنه داخل المنتدى كمان

[سامح عاشور]

فيه قسم المقترحات والشكاوي
http://www.egypthunt.net/forumdisplay.php?f=45

[ahmadkhalaf]

علشان مواضيع دينية ....... ادارة غريبة ....... تحياتى

[gamopt80]

المشاركة الأصلية كتبت بواسطة ahmadkhalaf

علشان مواضيع دينية ....... ادارة غريبة ....... تحياتى

هي المواضيع الدينية دلوقتي بقت ممنوعه!!
لا حول ولا قوة الا بالله

[abdo92]

يا رجاله ياريت الي يواجه مشكله حذف المواضيع يبعت رساله علي الخاص للمشرف بتاع القسم ويستفسر منه
علشان المنتدى مش ناقص
امال هما عملو الرسائل الخاصه ليه ؟

[essam assem]

السلام عليكم الاخوة الكرام باختصار لاني بشارك من التليفون بخصوص حذف المواضيع الدينة الحذف تم من الادارة مباشر وليس من طاقم الادارة وباذن الله سوف يحدث اتصلات بيننا وبين الادارة الممثلة في الاستاذ المحترم احمد حسن للوصل الي حل معة في هذا الموضوع مع العلم انها يوجد فعلا بند من بنود قوانين المنتدي يمنع كتابت اي مواضيع دينية غير متعلقة بالصيد ولكن أسوة باغلب المنتديات الأخري سوف نحاول اقناعة باستثناء هذا البند علي الاقل في هذا الشهر الكريم وتحياتي للجميع

[gamopt80]

استاذ عصام يارب تبقى بخير الاول
بنسبه لموضوع منع المواضيع الدينيه لانها خارج تخصص المنتدى, امال هو القسم العام اتعمل ليه ؟ مش علشان يتحط فيه مواضيع خارج نطاق الصيد!!
ياريت الادارة تلغي البند ده لان عيب يبقى مسموح لكل المواضيع السياسيه وغيره ولما يبقى في موضوع في الدين يتمسح!!
ولازم نفرق بين مواضيع دينية ومواضيع حوارية في الاديان ودي انا مع الادارة لانها فعلا بتعمل مشاكل ومش مكانها هنا
,,لكن الدين مكانه في كل مكان, او الاحسن نلغي القسم العام بقى

[mman2005]

ما شاء الله، ممنوع كتابة المواضيع الدينية فى المنتدى، كويس توضيح هذه المعلومة التى لم نكن متأكدين منها جيداً.

[ahmadkhalaf]

استاذ جامووو والاستاذ mman2005 .... حضراتكم مخالفين للقانون .... لوضعكم ايات واحاديث دينية ....... الى المعتقل !!! .........هههههههههه دا اللى ناقص يقولوه ....... تحياتى .... خلصنا من امن الدولة جالنا امن المنتدى هههههههه

[mman2005]

المشاركة الأصلية كتبت بواسطة ahmadkhalaf

استاذ جامووو والاستاذ mman2005 .... حضراتكم مخالفين للقانون .... لوضعكم ايات واحاديث دينية ....... الى المعتقل !!! .........هههههههههه دا اللى ناقص يقولوه ....... تحياتى .... خلصنا من امن الدولة جالنا امن المنتدى هههههههه

طب أشيل التوقيع بتاعى بقى بما أنه ضد قوانين المنتدى، وأحط حاجة فريحى قبل ما ألاقى رسالة حظر، لقد تم حظرك لتكسيرك قوانين المنتدى ووضع حديث فى توقيعك، مما يؤدى إلى تدمير قيم المنتدى التى نحرص على إحترامها.

[koktal]

المشاركة الأصلية كتبت بواسطة mman2005

طب أشيل التوقيع بتاعى بقى بما أنه ضد قوانين المنتدى، وأحط حاجة فريحى قبل ما ألاقى رسالة حظر، لقد تم حظرك لتكسيرك قوانين المنتدى ووضع حديث فى توقيعك، مما يؤدى إلى تدمير قيم المنتدى التى نحرص على إحترامها.

ههههههههههه .. لا لا متوصلش للدرجه دى ..

[gamopt80]

المشاركة الأصلية كتبت بواسطة ahmadkhalaf

استاذ جامووو والاستاذ mman2005 .... حضراتكم مخالفين للقانون .... لوضعكم ايات واحاديث دينية ....... الى المعتقل !!! .........هههههههههه دا اللى ناقص يقولوه ....... تحياتى .... خلصنا من امن الدولة جالنا امن المنتدى هههههههه

والله حاجه غريبه فعلا, ونفسي اعرف ليه تتمنع يعني؟؟
الي مدايق من المواضيع الدينيه ميدخلهاش!! , لكن عيب نقول ممنوع مواضيع دينية وخاصة ان في قسم عام يعني مخصص لكل انواع المواضيع
واعتقد برضه ان محديش هنا بينزل مواضيع تجرح اي حد او تهين او تتعرض لاي دين سماوي لان دا مش من دينا اساسا ومن غير قوانين الي بيعمل كده احنا مش هنسكتله

[koktal]

صاحب الموقع ممكن تكون نظرته .. ناحية الإخوه الأعضاء المسيحيين مثلا عشان ميكونش فيه نوع من أنواع الحساسية تقريبا والله أعلم بفكر صاحب الموقع ..

[هشام عزب]

اولا احترامي لكل الاداره والمشرفين علي القسم العام
وانا فعلا كنت حاسس ان الحذف مش منهم نهائي
وعارف ان الحذف من صاحب المنتدي
ورسالتي الي صاحب المنتدي
انا عملت اكثر من 20 موضوع سابق عن الاسلام وبعض المواضيع الدينيه وعرفت انك شخصيا كنت بتحذفهم
ولا اعلم لماذا ولكني تاكدت الان ان الموضوعات الدينيه مبتجيش علي هواك وده انا حسيته
من كتابات علي مدونتك الخاصه ولكن انك تخش مخصوص وتحذف المواضيه الدينيه ؟؟؟؟؟؟؟؟
علي العموم لو عايز تحذف عضويتي يشرفني انها تتحذف
واخر كلامي
وفقك الله لما انت أهل له
ولا حول ولا قوه الا بالله

[ahmedmh_ali]

* شروط الاستخدام :
5 - يمنع كتابه مواضيع دينيه او سياسيه غير متعلقه بالصيد بشكل مباشر.

دة شرط من شروط الأستخدام فى المنتدى ، و لكن مثلا لقد قمت بعمل موضوع منذ فترة عن النقيب أيمن سعد العوضى فى مسابقة تلاوة القرأن ولم يتم حذفة ، و قد قام أحد الأعضاء بعمل موضوع عن متعلقات الرسول ( صلى الله علية وسلم ) الشخصية و لم يتم حذفة ، أذا فالبتالى من المواضح أن بند ( غير مباشر ) يقصد بة الأحداث التى قد يكون البعض لا يعرفها و الهدف منها نشر المعلومة ، و مع أن الدين جزء لا يتجزء فقد يكون للأدارة رأى أخر و سوف يتم التوصل بأذن الله الى حل ، هذا و الله أعلم .


شكرا لصبركم و تحياتى ...

[هشام عزب]

المشاركة الأصلية كتبت بواسطة ahmedmh_ali

* شروط الاستخدام :
5 - يمنع كتابه مواضيع دينيه او سياسيه غير متعلقه بالصيد بشكل مباشر.

دة شرط من شروط الأستخدام فى المنتدى ، و لكن مثلا لقد قمت بعمل موضوع منذ فترة عن النقيب أيمن سعد العوضى فى مسابقة تلاوة القرأن ولم يتم حذفة ، و قد قام أحد الأعضاء بعمل موضوع عن متعلقات الرسول ( صلى الله علية وسلم ) الشخصية و لم يتم حذفة ، أذا فالبتالى من المواضح أن بند ( غير مباشر ) يقصد بة الأحداث التى قد يكون البعض لا يعرفها و الهدف منها نشر المعلومة ، و مع أن الدين جزء لا يتجزء فقد يكون للأدارة رأى أخر و سوف يتم التوصل بأذن الله الى حل ، هذا و الله أعلم .


شكرا لصبركم و تحياتى ...

وهل يا اخي احمد قصه اسلام شخص ببريطانيا قد اذت احد من الاداره
ولماذا يوجد قسم عام معنون بانه غير متعلق بالصيد
اليس هذا معني ان كل الاعضاء لهم حريه ان يضعوا فيه اي موضوع
وللاداره ان تري ان كان الموضوع غير لائق او لائق واظن ان المواضيع الدينيه ينطبق عليها كلمه لائق
وشكرا لمداخلتك