الأسلحة النارية و محدثات الصوت

[ahmedmh_ali]

بسم الله الرحمن الرحيم
و
بة نستعين

أخوتى أعضاء و رواد منتدى الصيد فى مصر ، تحية طيب .. أود أن أشكر كل من أنضم لفكرتى اللى تناولت الحد من تعديل المسدس الى بلى ، و كتابة تعليقات مثل مؤثرة / قوية / مميتة ، و طبة معدلة لضرب البلى و غيرها .. و أحب أن أشكر ..


- الأستاذ أمين حجازى .
- الأستاذ أبو سيف .
- الأستاذ محمد أحمد العنانى .
- الأستاذ شادى ماجد .
- الأستاذ محمد ياقوت .


و أشكر كل من أيد الفكرة و أنضم اليها و ساندها ، و لكن قد قمت بعمل هذا الموضوع لأقول لكم أنى متأسف فلتقوموا بأرجاع كل شىء كما كان سابقا ، و على كل من يريد كتابة تعليق أو مصطلح فلا بأس .. و قد توقفت عن أستكمال تلك الفكرة و متأسف مرة أخرى لجعلكم تقومون ببعض التغيير فى مواضيعكم الشخصية و فى طريقة البيع ...

و فقط للعلم بالشىء ..

الطبة الطويلة ( يعاقب عليها القانون )
الطلقات البلى ( يعاقب عليها القانون )
تعديل الماسورة ( يعاقب عليها القانون )
فتح المسدس الغير مفتوح من المصدر ( يعاقب عليها القانون )


توضيح بسيط : أرجو من جميع من قاموا بالتعديل أن يتركوة بالمنزل ... و لا داعى لحملة الا للضرورة الحتمية التى تستوجب الدفاع عن النفس ضد الموت لا قدر الله ..

شكرا للجميع ...

[kiko_2015]

انا عن نفسي مش هغير السياسه دي و هكمل.....كده انضف.انا مش معاك ف اليأس ده .وشكرا يا احمد علي مجهودك

[amin hegazy]

اولا الشكر لحضرتك مش لينا عشان انت كنت صاحب الفكرة
ثانيا اكيد فيه سبب خلاك تقول الكلام ده ياريت لو فيه حاجه تشارك باقى اعضاء المنتدى احنا كلنا زي الاسرة الواحده
ثالثا هنضمن للاستاذ أبو سيف ومش هغير السياسة دي

[tarekvb]

والمسدس المفتوح من المصدر هيتعرف ازاى يعنى مثلا فيه مسدس جاكال مقفول واخر مفتوح من المصدر الضابط هيعرف منين ان هو مفتوح من المصدر او كان مقفول وصاحب المسدس هو اللى فتحه ؟؟ وكيفية معرفة الضرورة الحتمية ؟؟؟ البلطجية بيطلعو دلوقتى فى عز النهار وهو الواحد لما ينزل هيبقى عارف فيه حد هيتهجم عليه ولا لا ؟ عشان يبقى ياخد باله ؟؟؟

[ahmedmh_ali]

المشاركة الأصلية كتبت بواسطة tarekvb

والمسدس المفتوح من المصدر هيتعرف ازاى يعنى مثلا فيه مسدس جاكال مقفول واخر مفتوح من المصدر الضابط هيعرف منين ان هو مفتوح من المصدر او كان مقفول وصاحب المسدس هو اللى فتحه ؟؟ وكيفية معرفة الضرورة الحتمية ؟؟؟ البلطجية بيطلعو دلوقتى فى عز النهار وهو الواحد لما ينزل هيبقى عارف فيه حد هيتهجم عليه ولا لا ؟ عشان يبقى ياخد باله ؟؟؟

تحياتى ليك يا أستاذ طارق .. أنا كلامى مش سيف و لا أجبارى و لا حتمى ، دة رجاء شخصى اللى عايز ياخد بية دى حاجة ترجعلة اللى مش عايز دى حاجة ترجعلة ، حضرتك انا قلت كلام بناءا على ان بفضل الله تعالى انا عندى من العائلة شرطة و قوات مسلحة و قلت الكلام دة قبل كدة ..

- رقم 1 : المسدس الصوت حاليا بيدخل معمل جنائى معرفش حضرتك تعرف الكلام دة و لا .
- رقم 2 : الضرورة الحتمية معلش بقى يا أستاذ و حضرتك قبل لما المسدسات الصوت تنتشر حضرتك كنت بتنزل ب أر بى جي أو حاجة ؟

أنا عندى 5 مسدسات صوت و كلهم مفتوحين و كلهم بطبات أقسم بالله من يوم لما جبتهم ما نزلت بواحد فيهم لا صوت و لا بلى أحنا مش شيكاغو و لا فى ليبيا خلاص ضرب النار يعنى مش شغال 24 ساعه .. الكلام يبقى بالمنطق و بالعقل المسدس دة مينفعش يتشال 24 ساعه الضرورة الحتمية أنك بترجع بالليل متأخر شغلك يكون فى مناطق الكيلو اللى هى صحراء ، بتسافر كتير كدة ، أنما انت رايح شغلك و راجع و بتنزل بالليل مع صحابك متزعلش منى لو فى حد بيمشى بالمسدس فى التوقيت دة دى فشخرة كدابة او دة انسان عندة نقص ..


و أوعى تفكر ان كل الناس اللى بتشترى المسدسات دى بتشتريها علشان الحماية الشخصية لا مش كلة يبقى بتضحك على نفسك لو صدقت الكلام دة ، لا .. دول بيتباعوا علشان كل ممنوع مرغوب و كلة عايز يجرب .. و دى حاجة جديدة علينا ، ما أحنا قبل كدة محدش كان يعرف حاجة عن الموضوع اية يعنى متنا ؟ نقصنا أيد و لا رجل ؟ لا عايشين و زى الفل و الحمد لله و لازم تعرف ان أنتشارة زى لما حيقع فى أيديك ح يقع فى ايدين ناس زبالة ، و خلى بالك انا بحمد ربنا أن فى ناس زى أبو سيف و كريم أبو القاسم و غيرهم مش بييعوا لأى حد فى ناس جاتلهم كان سنها صغير و ناس شكلها غلط و محدش فيهم رضى يبيع ليهم ، ناس تانية ممكن تبيع و تبقى العملية سداح مداح ..

و علشان أوفر عليك .. معرفش بردة أذا كنت حضرتك تعرف الكلام دة و لا أى حاجة فى المسدس الصوت بخلاف أذن و مواصفات الأستيراد تعتبر تعديل يعنى تعتبر جناية سواء فتح مسدس أو طبة طويلة أو تعديل ماسورة أو طلق بلى أيا كان ...


و ربنا يحفظ الجميع و يعافى عن الكل ... و سامحنى فى اللى حقولة دة أنا من ساعه لما دخلت المنتدى برد على حضرتك و أتعاملت معاك بكل أدب و أحترام لكن بجد سامحنى طريقة كلامك المرة دى مش حلوة ، و أول مرة أشوف حضرتك بتتكلم كلام مش منطقى و بطريقة مش لطيفة ...


شيل المسدس 24 ساعه مش رجولة ............... دة نقص .

[ahmed6394]

+11111111111