بشرة خير وربنا يكرم

[noreldeen200]

السلام عليكم ياجماعه, اكيد طبعا اغلب الاعضاء لاحظوا ان الاخوه بتوع الشرطه بدؤا ينزلوا الشارع بشكل مكثف, اول مره ياجدعان اشوف رتب كبيره فى الشارع(لسه النهارده الكلام ده) وكانوا بجد مظبطين الشارع والعيال الصيع وبتوع الميكروباسات كانوا ميتين فى جلدهم!!!! وحتى الجماعه بتوع الاكشاك والنصبات المخالفه اللى بقوا ماليين تقريبا كل شبر من البلد بتوع الشرطه شالولهم الحاجه وروقوهم برضو!!!! انا شايف ان ده تطور كويس وحاينعكس بالايجاب على سوق السلاح وممكن فى خلال فتره قصيره الاسعار ترجع للمعدلات الطبيعيه بدل النصب والجنان اللى حاصل دلوقتى( تمن الطبنجه السيج ساور ممكن تروح تجيب بيه عربيه كيا سيراتو!!!!!!!! ):d

[حسام محمود]

الله الموفق وأتمنى أن ده يدوم على طول أول على الاقل حتى يتم ازالة كل أشكال الفوضى العارمة الموجودة فى كل شبر من البلد زى حضرتك ماقولت وشكرا لك

[adel152]

كل التوفيق والاحترام لكل ضابط شرطة محترم يطبق القانون بدون تجاوزات لرجوع الامن والامان لبلدنا الغالية.

[الطيار]

ربنا معاهم بس ياريت ميرجعوش زى الاول فالرخامة وبالزات بتوع المرور

دا الواحد من وقت الثورة لدلوقتى عايش حياتو بالعربية براحتو فاميه وستيكرات ومفيش رادار ومفيش حزام

ياريت ميرجعوش يرخمو تانى ويسحبو رخص والقرف بتاعهم ده

[أبو يوسف المصري]

المعيار في الموضوع أنه يكون فعلاً انضباط امني لمصلحة البلد وليس لمصلحة اعادة وضع الشرطه كما كان عليه في السابق ومجزرة شارع محمد محمود خير دليل أن السلطة سائره في هذا الطريق فهي تنظر إلي الامن بنفس نظرة النظام السابق
فنظرية الامن من وجهة نظرهم اضرب المربوط يخاف السايب وليس فرض النظام والتصدي للمجرمين والباعة الجائلين رغم كونهم يسببون أزمات في المرور ونحو ذلك لكنهم ليسوا بلطجيه ولا مجرمين يعني ناس غلابه وهما دول دائماً حمالين القسية للشرطة
واختلف معك أن ما يحدث مجرد مسرحيه لاقناع الناس ان الجنزوري هو المنقذ الأسطوري
ورغم أني عارف أنه ليس موضعه لكن ياريت تشاهدوا هذا الفيديو

YouTube

YouTube