مساعدة ضرورية جدا جد جدا في علي اكسبريس

[medo magdy]

لو سمحت انا عملت اوردر عشان اشتري ساعة

الأوردر عملتو من 4 ايام تقريبا

وبعتلي ايميل في ساعتها

لكن جه النهاردة وبعتلي ايميل تاني

اهه

Full Shipment Made for Order No. xxxxxxxxxx Dear Mohammed Magdy,Order
xxxxxxxxxx has been shipped on 27 Dec 2011 07:11. You can track your order with this tracking number: xxxxxxxxxxxxx at China Post Air Parcel. Please confirm as soon as you receive the shipment to release your payment to the supplier. If your shipment was not delivered satisfactorily (or failed to arrive), please use "Open Dispute" to begin the refund process before 04 Feb 2012 07:11. If you do not confirm or submit a dispute within 27 days, your payment will be automatically released to the supplier.
Wishing you the very best of business,
AliExpress.com
27 Dec 2011 07:11

انا فهمت ان السلعة طلعت من الصين ولا هوا يقصد ايه

وايه معنى باقي الكلام. وايه هوا اللي خلال 27 يوم

وازاي اتتبع الشحنة واعرف هيا وصلت لفين وايه حالتها

وهل هيوصلوهالي للبيت ولا انا هروح اجيبها من اقرب مكتب بريد

وهتوصل خلال اد ايه

ارجو الرد ضروري من الناس اللي عارفة ومجربة

شاكر لكم جدا

[pooforever_2010]

بالتوفيق محمد باشا
اسف مليش تجارب فالاستيراد
ان شاء الله حد يفيدك
تحياتى

[medo magdy]

المشاركة الأصلية كتبت بواسطة pooforever_2010

بالتوفيق محمد باشا
اسف مليش تجارب فالاستيراد
ان شاء الله حد يفيدك
تحياتى

ولا يهمك ياكبير
تسلملي ياحبي

ربنا يكرمك يارب
بس حاول تبص بصة.....في حاجات جميلة وشيك ورخيصة جدا كمان

نورت التوبيك ياحبي

[pooforever_2010]

يا عم مش ناقصه وجع دماغ
وشده اعصاب وانتظار
هههههههههههههههه
وبعدين فمصر مفيش حاجه متلقيهاش
الراجاله خدوا توكيل الصين
وعملوا خط ميكروباص بين مصر والصين
لنقل البضايع
ههههههههههههههههههههه
تحياتى يا باشا

[medo magdy]

المشاركة الأصلية كتبت بواسطة pooforever_2010

يا عم مش ناقصه وجع دماغ
وشده اعصاب وانتظار
هههههههههههههههه
وبعدين فمصر مفيش حاجه متلقيهاش
الراجاله خدوا توكيل الصين
وعملوا خط ميكروباص بين مصر والصين
لنقل البضايع
ههههههههههههههههههههه
تحياتى يا باشا

ههههههههههههههههههههههههههههه

ربنا ييسرها للجميع
نورت ياكبير

[w-m-a]

بيقول لسيادتك ان لو ما استلمتش او المنتج طلع مش هو تتظلم او تشتكى قبل 4 فبراير 2012 الساعه 7.11
وهى مشحونه من خلال بريد الخطوط الجويه الصينه والرقم ده للاستعلام

[medo magdy]

المشاركة الأصلية كتبت بواسطة w-m-a

بيقول لسيادتك ان لو ما استلمتش او المنتج طلع مش هو تتظلم او تشتكى قبل 4 فبراير 2012 الساعه 7.11
وهى مشحونه من خلال بريد الخطوط الجويه الصينه والرقم ده للاستعلام

شاكر لك جدا جدا جدا ربنا يكرمك يارببب

طيب بالنسبة للتتبع موقع ايه اللي اتتبع منو الشحنة

[الطيار]

طيب مش كنت تسالنى انا وانا كنت رديت عليك

عموما بص ياباشا هو بيقولك ان المورد بعت السلعة من يوم 27 ديسمبر تمام بس طبعا هتاخد 4 او 5 ايام لحد متتشحن من الصين وبعد كده هتاخد يومين لحد متوصل مصر وبعد كده هتاخد 5او 6 ايام فالجمارك والشغل دا وبعد كده هتتبعت على العنوان اللى انت حاطو

الملخص المفيد انها بالظبط بتاخد من 20 ل25 يوم لحد متوصلك للبيت وبتدفع جماركها فالبيت عادى جدا للمندوب لو مجتش للبيت يبقى انت تسأل عليها برقم التتبع اللى هما ادهولك فالبريد

بالنسبة لفتح النزاع او Open Dispute دا تقدر تعملو لو المنتج جه غلط مثلا او فيه حاجة بس بيقولك اخر ميعاد قبل 4فبراير تقريبا فوق لكن بعد كده ميعرفكش هيصرف الفلوس للمورد

وبالنسبة للتتبع بالرقم فى موقعين ممكن تتابع منهم بس دا مش قبل اسبوع لان قبل كده هيقولك مفيش بيانات

اول حاجة
http://egyptpost.org/services.aspx?Services_id=4

وتانى موقع

http://www.17track.net/IndexEn.html

واى خدمة يا معلم

[mcflono]

بعد لما تستلم المفروض تأكد إن البضاعة وصلتك .....لو البضاعة موصلتش في خلال 27 يوم بتبلغ الموقع عشان تسترد فلوسك... وموضوع استرداد الفلوس ممكن يدخل في 4 شهور....

أما موضوع التتبع من خلال موقع شركة الشحن بس ده لو كان الشحن عن طريق
DHL, Fedex, UPS...
وده البضاعة بتوصل خلال 3 أيام لاسبوع

أما لو بريد عادي مفيش تتبع ... بتلاقي البوسطجي بيكلمك في اليوم الي هيجبلك فيه الطرد علي التليفون الي أنت حاطه في معلومات الشحن

وده البضاعة بتوصل خلال اسبوعين لثلاثة

و الحالتين بتدفع جمارك عند الاستلام....

بس لو أنت جايب موبايل أو
gps أو ipad

هيكلموك يقولولك لازم تروح تجيب موافقة الجهاز القومي لتنظيم الاتصالات في مدينة نصر

وده مشوار ملوش أي تلاتين لازمة غير انك تتلطع هناك كم ساعة... ده حتى مبتدفعش أي رسوم...


لو عايز أي مساعده.... أنا ممكن اساعدك

[saskon]

عزيزى صاحب الموضوع أولا انا تقريبا شارى من Aliexpress أكتر من 20 مرة خلال الشهور الماضية. ثانيا بالنسبة للتتبع فأى حاجة بتتبعت من هناك لها تتبع سواء كانت أرامكس او دى اتش ال او يو بى اس او البريد العادى اللى هما بيسموه China post ثالثا مفيش اى مشكلة فى الجى بى اس او الأى باد أو الموبايل الوحيد اللى لازم ليه موافقة من مرفق الاتصالات هو الجهاز اللاسلكى واحيانا بيحتاج موافقة امنية. (ده طبعا غير اى حاجة متصلة بالأسلحة)
ادخل الموقع باليوزر وكلمة السر هتلاقى فى تاب فوق اسمه My Aliexpress دوس عليه هتلاقى نزل قايمة فيها My orders دوس عليها هتلاقى كل اللى انت شاريه وتقدر تعمل Tracking أو Dispute او Confirm delivery وهكذا

خلى بالك من الجمارك لأنها غالية. بالنسبة للشحن بيبتدى ب 8 أيام لل DHL يصل الى 35 يوم كحد أقصى لل China post حاول تبعد فى الشحن عن الشركات الكبرى زى DHL, ARAMEX لأنهم بيدفعوا مصاريف تخليص جمركى كبيرة (غير الجمارك).

موقع Ali Express ميزته ان الجودة للمنتجات اللى بتتباع فيه عاليه جدا لكن الاسعار برده عالية جدا متحسش انك شارى من الصين ( فى اسعار حاجات أغلى من ebay و من انجلترا!) انما لو عايز اسعار كويسة وجودة تتراوح من ضعيفة الى جيدة يبقى عليك وعلى موقع DHgate

وأخيرا موضوع escrew وهو برنامج حماية المستهل فى الموقع كويس جدا وانا استخدمته وهو فعال