حراااااااااااااااااااااااام يا نااااااااااااااااااس

[sniperff]

جبت البام 22 و ركبت عليها تليسكوب بي اس ايه 32 و بعد حوالي 100 رشة كسرت الصليبة الي جوه:mad: طب اعمل ايع ماركبش اسكوب

[omarmagic]

انا بقول ان السبب ان حضرتك كنت بتنشن على شى قريب جدا وصلب جدا ومن هذا نستنتج استرداد الرشة للسكوب ولولا وجود السكوب لقدر الله كانت هتصيب عينك وقدر الله ماشاء فعل
والحمد لله انها جت سليمة

[sniperff]

لا لا لا مش كده خالص الي حصل ان رد فعل البندقية عالي جدا فكسرت الصليبة الي جوه

[bekhet]

قدر اللة ومشاء فعل وتتعوض بس لوتفتكر أن نوهتك على الموضوع دة وقولتك رد الفعل قوى جدا ومتجبيش أى أسكوب عموما إضرب بالنشان العادى ومتستعجلش وجيب أسكوب بعد كدة بس تكون إتعودت على النشان العادى ويكون حاجة محترمة فى إسكوبات كثير فى السوق بس منها كتير مضروب وممكن إنت تكون إستخدمتة غلط أو إتخبط منك

[dr_mohasan]

اتصل بعادل عبده و هو يعرف يصلح السكوب

[omarmagic]

انا انا اسف انا فكرت الرشة ارتدد
وقدر الله ماشاء فعل

[adel_7768]

السلام عليكم اخي الكريم نظرا لقوة البام 22 المفرطه يفضل استعمال تليسكوب ماركة كويسه عشان يستحمل ردة الفعل ولو اني افضل ان حضرتك تتعود علي البندقية الاول من غير تليسكوب وربنا يعوض عليك

[القناص2010]

اخى الفاضل انصحك بانك تفك العدسة الامامية الناحية الدبشك تمام تلفها عكس عقارب الساعة وتبص كويس هتلاقى الكروس وقع عبارة عن حلقة من السلك وفيها كروس سلك برضو دقيق جدا زى شعرة الراس تحاول تثبتها ممكن تستخدم الهوفراو الامير وتسيبها لما تجف واحرص على انك تحطها فى مكانها مظبوط لدقة التنشين ولو مانفعتش قولى وانا اقولك على حل تانى وبسيطة ان شاء الله

[ahmed yasser]

انا كنت جايب اسكوب ووانا بنضفه من جوا قطعت الصليبة ومش عارف اعمل ايه فلو حد بيبيع الصليبة او يركبها اكون شاكر