زيدان مصر ينسحب من المنتدى بكرمته بسبب الاخ كريم عيد

[زيدان مصر]

السلام عليكم يا اغز الصيادين
شكرا على احلى 6 اشهر امضتها فى المنتدى .... وشكرا على احلى اصدقاء اتعرفت عليهم بفضل الله وحده . ولكن بعد عمل اول موضوع لى http://http://www.egypthunt.net/showthread.php?t=26724 انسحب بكرمتى من المنتدى بسبب الاخ المحترم كريم عيد حيث لم يحافظ على اصول اللياقه ف الحديث معى و الحمد لله الاصحاب المحترمين و المؤدبين كتير بفضل الله مع تمنياتى لكم جميعا بدوام الصحه و العافيه . شادى زيدان
السيد كريم عيد الساده اعضاء المنتدى اليكم الاسباب
ما شاء الله لا قوة إلا بالله


انا حذفت الكلام و الصور اعتراضا على لهجة السيد المحترم كريم عيد (من طاقم الاداره ) الغير مقبوله وانا بانتظار رد الأدارة على تصرفات افردها ..... وانه لشرف لى ان يغلق او يحذف الموضوع بالكامل بظلم خاصا بعد تهديد السيد كريم عيد لى فى رسالة والفاظه الغير مقبوله اطلاقا .,....اسف اسف لباقى الاعضاء المحترمين لحزف الصور حتى ارى رد الاداره و رأيها ...... و شكرا
[/CENTER]
إهداء الى أعضاء منتدى الصيد فى مصرغير مسموح بالنقل
إهداء خاص للعضو المرح الساخر المحترم fishtic ( ربنا معاك يا رامى وناجح ان شاء الله با باشمهندس)

أنا عارف ان احنا فى منتدى مش فى خناقه ..... الكلام ده علشان الايضاح علشان محدش يزعل تانى؟؟؟؟!!!.... الكليمات الفى اول الموضوع من اغنيه شعبيه اسكندرانيه شهيرة و معروفه اسمها اتحاد القمه لفيلو وبندق وتيتو و هى دى الاغنيه الانا و العضو المحترم omarmagic بنردد كليمتها فى التعليقات والكليمات غير موجهه الى اى شخص ... .. مع فائق احترامى
التعديل الأخير تم بواسطة زيدان مصر; اليوم، الساعة 03:26 PM سبب آخر: تعديل

مش معنى إنك معاك قرن إنك صايع وبتاع حكيات..... ممكن أوى تكون إبن ناس وبتحب تجمع الأنتيكات ........ وعجبى !!!!!!!!
[/quote]

اقتباس:
المشاركة الأصلية كتبت بواسطة زيدان مصر مشاهدة المشاركة
مش معنى إنك معاك قرن إنك بلطجى وبتاع خناقات..... ممكن أوى تكون محترم وبتحب تجمع آثريات ........ وعجبى !!!!!!!!


مش يصح قبل ما تكتب فى المنتدى على الموضوعات تعديلات ..... تركز الأول كويس و تقراء و تفعم معنى كل التعليقات ....... عشان عيب لما تقول علينا ان أحنا بتوع خنقات ........ مش كده برده يا صياد ...... وعجبى يا اداره !!!!!!!!
[/quote]

ارجو من لاداره ارسال رساله لى تشرح فيها اسبابي التعديل فى موضوعى ارجو ان يكون الراسل احد غير السيد كريم عيد و ذلك لخروجه عن الاداب العامه للكتابه فى رساله ارسلها لى على الخاص وهى غير مقبوله نصا و موضوعا .... ارجو من الاداره توضيح تصرفات السيد كريم عيد ... و من هو المسؤل عن ما كتبه لى السيد كريم عيد و تفضلو ولكم فائق الاحترام و التحيه شادى زيدان
التعديل الأخير تم بواسطة زيدان مصر; اليوم، الساعة 03:38 PM سبب آخر: تعديل
تعديل / حذف المشاركة

المشاركة الأصلية كتبت بواسطة Karim Eid

لقد تم التعديل في موضوع المطاوي بسبب الكلام المكتوب واي كلمة سوف تكتب خارجة عن نص الموضوع سوف يحذف الموضوع باكمله
لانه ليس بموقع للمشاجرة وانما موقع صيد وترفيه

وبعد ان ارسل لى بهذه الرساله ارسلت له رساله لن اضعها هنا وهى معى اذا ارادت الاداره نسخه منها ولكنى ارسلتها ايضا للاعضاء المحترمين consul >>> omarmagic>>>>>fishtic>>>> و عادل عبده . وتم نقل الموضوع بعدها الى قسم الشكاوى و الاقتراحات بدون اى رساله من الاداره ......... وشكرا والسلام عليكم و رحمة الله وبركاته

[Angel]

كريم عيد ميعملش كدة غير لو كان فى سبب مقنع مليون فى المية

[ahmed6394]

المشاركة الأصلية كتبت بواسطة angel

كريم عيد ميعملش كدة غير لو كان فى سبب مقنع مليون فى المية

+111111111111111111

[ebrahem]

من وجهه نظر شخصية انا لا اتعاطف ابدا مع موضوعات المطاوى ولكن طرحك للمشكلة ناقص وغير مفهوم بمعنى لو حبيت تشهد حد على حد لازم تورينا الموضوع بالكامل لكن انت بتكلم بألغاز وبتهاجم كريم احنا هنا على الاغلب رجالة محترمين وملناش فى تعاملات وألفاظ الناس الخارجة علآداب العامة والدين والتعامل الراقى بين الأعضاء ولما كريم يقول : لانه ليس بموقع للمشاجرة وانما موقع صيد وترفيه.. اكيد لاحظ شيء غلط قبل ما يقول كدة وفى النهاية اطرح لنا الموضوع بالكامل عشان نقف فى صفك لو الحق معاك. تحياتى

[Angel]

انا كلمت كريم عيد و المشكلة كلها فى كلمة الى لية شوق فى حاجة يعملها و احنا موجودين

اكيد دى مش كلمة تتقال فى منتدى محترم طبعا يا باشا دى كلمة بيرددها البلطجية الى واخدين الدنيا بالدراع

[dr_mohasan]

يا أستاذ شادى , انت من افضل الأعضاء فى المنتدى أدباً و أخلاقاً , والكلام ده حقيقى والله مش مجاملة.
ولو كان لى أى خاطر عندك فإسمحلى اقولك كلمتين بما يرضى الله , لا هانحاز ليك ولا لكريم , ولكنى سأتكلم بما يرضى الله عز وجل

[dr_mohasan]

أنا متابع مشاركاتك منذ فترة فى المنتدى و أعلم مدى خلقك واحترامك

و أعرف كريم و قابلته و أعرف انه على خلق عالى جدا ومش سهل انه يغلط فى حد

تعودنا دائما كمصريين عندما نتكلم اننا بنستخدم أدوات كتير فى كلامنا غير الكلام نفسه زى تعبيرات الوجه و حركات اليدين و درجة ارتفاع الصوت او انخفاضه .... الخ
والمشكلة فى التواصل عبر الانترنت اننا ماعندناش غير الكلام المكتوب فقط , علشان كدة بنفقد حوالى 80% من قدرتنا على توصيل آرائنا وانفعالاتنا
وعلشان كدة انت ممكن تقرأ كلام انا كاتبه على سبيل الهزار او النصيحة أو حتى أداء الواجب العادى .. على انه كلام مسىء ليك و العكس صحيح

كلام كريم فى رسالته ليك مافهوش أى شىء يسىء ليك , وانما هو تنبيه فقط على جملة فى كلامك اعتبرها هو مش مناسبة , و يمكن هو يكون فهم هذه الجملة بشكل غير ما تقصده انت , وقد تكون انت بنفس الطريقة فهمت كلامه على غير ما يقصده

وهاقولك كلمة فى سرك وبما يرضى الله وبدون مجاملة لأى حد , أنا كمان لو كنت شفت الجملة دى فى الموضوع كنت هاحذفها برضه

المقصود فى النهاية انك شخص محترم جداً , ولا يجوز انك تقف عند هذه الأشياء الصغيرة و تكبّرها و تعمل منها موضوع كبير وهو فى الأصل لا يستحق كل هذا العناء

ولو انت لسة مقتنع ان كريم غلطان , فأنا باعتذرلك عن أى شىء زعّلك , وأرجو انك تعمل لى خاطر و تقدّرنى وتنهى هذا الموضوع حالاً , ونوفر وقتنا و مجهودنا لأشياء أهم من ذلك

أنا كان ممكن أنقل الموضوع لقسم الشكاوى أو حتى أحذفه لأنك مكرر الموضوع فى أكثر من قسم , ولكنى تركت الموضوع عالعام حتى تكون راضى باعتذارى لك و تطييب خاطرك امام الجميع

أنا هاقفل الموضوع على كدة و منتظر منك رسالة على الخاص تقوللى فيها ان الموضوع كدة انتهى