يا تري هنساعد بعض ؟!! (رجاء الدخول هام)

[Orabi]

السلام عليكم ورحمة الله و بركاته
أخوتي المحترمين أعضاء هذا المنتدي المحترم الذي شَرِفتُ أن أكون أحد المنتمين اليه.
الموضوع ده مهم جداً و يا ريت فعلاً نتجاوب معاه و نساعد و ندعم إتمامه علشان المصلحه العامه. لاحظت مؤخراً إن في أعضاء كتير جداً جدد تايهيين و مش عارفيين يطلعوا يصتادوا فين و مع مين. مش كده بس ده كمان الأعضاء القدام كل واحد عامل جروب و مقفول عليه و عليهم ولو مطلعوش مع بعض لأن في حد إعتذر عن طلعة الصيد لأي ظرف يبقي الطلعه باظت ؛(
طب الموضوع ده يتحل إزاي الناس مش عارفه بعضها، و محدش عارف مين ساكن جنب مين و مين ممكن يطلع مع مين والله حاجه و لا مشوار مصر المعتاد في تصفيات كاس العالم .. دايخه و مدوخه المصريين معاها
طب نحل المتاهه دي إزاي وازاي نوسع شبكة علاقتنا ببعض ومعرفتنا ببعض و البدائل الكتير ان لو طلعه مترتبه باظت تعرف تظبط مع ناس تانيه طلعه تانيه بسرعه و متضيعش يوم حلو عليك.
طب يا سيدي خلصنا عايز تعمل ايه ؟؟!!
زاللي هعمله ده هيكون له تأثير إيجابي علي:
1- ترابط الأعضاء و توسيع شبكة معارف كل عضو بزملائه الصيادين.
2- المساعده علي إستمرارية هذه الهوايه الجميله
3- مرجع لكل الصيادين القدماء و الجدد للتوزيع السكني و أماكن الصيادين.
أنا عايز كل عضو موافق علي الأفكار اللي فوق و عايز يساعد الأعضاء القدامي و يكون مرشد للصيادين الجدد يدخل يكتب إسمه و رقم موبيله و المنطقه السكنيه (مثلا: الهرم - مصر الجديدة ... الخ).
المهم البيانات دي هتتجمع في ملف واحد إكسل مثلاً و نضعه علي المنتدي ليكون مرجع لتطبيق اللي أنا قلته فوق.

الموضوع ده طبعاً حاجه تطوعيه للي نفسه زي ما انا نفسي نكون أسره واحده متقاربه و متعاونه ونكون أقوي منتدي مترابط في مصر.

يا رب الفكرة تعجبكم و جزاكم الله كل خير.