|
| الإعلانات |
|
|||||||
| صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
|
|
أدوات الموضوع | إبحث في الموضوع | انواع عرض الموضوع |
12-05-20, 09:50 PM
|
#1 |
|
صياد نشيط
تاريخ التسجيل: Oct 2011
المشاركات: 407
معدل تقييم المستوى: 18   |
أبو إسماعيل يعود من جديد فى تل حماد
تشرفت أمس بصحبة القناص مصطفى أبو إسماعيل بعد عودتة الحميدة من السعودية وكان معى كمان جارى مدحت عبد العظيم ذهبنا بعد الفجر إلى تل حماد وكانت طلعة صحبة جميلة وإستمتعت بضربات مصطفى باشا الرائعة منها يمامة على سلك ضغط عالى من حوالى 60 متر اليمام كان معقول والغربان أكلا سمن بلدنى ومركبة دروع مضادة للرصاص تسمع الرشة بتفركها فى سدرها وتطير وتقولك باى باى بس برضة مسبنهمش ووقعنا عدد لا بأس بة ولم نجد ديك سلطانى وفراخ المية قليلة جدا مشفناش غير إثنبن وإختفو فى ثانية كان الجو حر جداً فريحنا شوية تحت شجرة توت وشوفنا واحد جايب سنارة وقاعد بيصطاد سمك ففتكرنا الأخ أبو صفية وقولنا نقوم نجرب حظنا فى السمك بس مكنش معنا ملقاف ومكنش فى حاجة على وش المية فصرفنا نظر بس إستحضرنا النية فى المرة القادمة
ومن المواقف الطريفة لما عدينا قريب من بيوت لقينا عيال صغيرة كثير وكانت يمامة واقفة قريب ولما تم التصويب عليها إتسرقت وطارت و جت حطة على أحد أسطح البيوت وعينك متشوف إلا النور العيال هاجت ويجى 9 منهم دخلو البيت وطلعو فوق السطح وأصواتهم تتعالى دة غير بقية العيال الى فى الشارع وتطير اليمامة تانى وتهرب و تتعالى الصيحات مع هرولة يجى أكثر من 20 عيل ورها وملناش نصيب فيها موقف أخر إذ بنا نشوف يمامة فى الجانب الأخر من الطريق ويفصلنا عنها ترعة ويتم التصويب عليها وتتقفل ومصطفى باشا ينادى عيل من العيال ويقولو هاتها وإحدفها يقوم الواد يدور عليها ويلقيها ويحدفها فى نص الترعة بس على منين قولنا محناش سيبنها قعدنا نحدف طوب لغاية مقربت من حافة الترعة الى نحيتنا بس برضة بعيد وفى منحدر تنزلة لغاية متوصل لحافة المية فراح عم مصطفى جايب عيل وماسكة من إيدة وممسكة فى التانبة عصايا بوص وتقريبا الواد بقة نصة فى الترعة وهو عمال يحاول بالعصا لغايبة ماجاب اليمامة إلى أيدنا سالمة موقف كمان تحفة أبو إسماعيل إتخنأ من العيال فراح شاخط فيهم وهتهم شوية بس فى عيل فلت وفضل ورنا هو وأخواتة البنات وأبو إسماعيل يزعق فية وهو يقولة أنا مش ماشى وراك أنا رايح مكان تانى وكان الواد لابس طوق عوم وعريان من فوق سباح يعنى فشفنا يمامة تانى فى الجانب الأخر من الطريق فراح أبو إسماعيل يقولة هتعرف تعوم وتجبلنا اليمامة من النحية التانية والواد يقولو بس إنت إصطادها الأول وأسيبكم مع الصور والفيديوهات بالنسبة للولد الى نزل الترعة فدا كان بيعوم أساسا فى الترعة قدام بيتهم ووالدة جايب لة طوق للعوم ولما شفنا طلع يتفرج عليناطبعا دى حاجة غلط جدا ونحن لا نقرها ولكنها ثقافتهم كدة ولازم تتغير و صورتة بالطوق للتوضيح |
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| يعني إيه طبة صوت | TELEBK | محدثات الصوت | 6 | 22-09-28 02:27 PM |
| جديد من ريبان RayBan نظارة 3x1 يعني تشترى نظاره وتلبس 3 نظارات | bosysmile | مقتنيات الاعضاء | 26 | 12-07-28 04:38 PM |
| هتلر وجنسية أم أبو إسماعيل | وليد سعد زغلول | الموضوعات العامه | 3 | 12-04-14 01:31 AM |
| يعني ايه مصر....يعني ايه اسم البلد بتاعتك | Karim Eid | الموضوعات العامه | 11 | 12-02-05 10:15 AM |
| يعنى ايه؟؟ | hoka | بنادق ضغط الهواء ومتعلقاتها | 9 | 10-08-30 01:23 AM |
العرض الشجري