بندقية نوريكا كويك للبيع

[adeltaher]

السلام عليكم
لدى بندقية نوريكا كويك نمرة 2 للبيع جديدة بالكرتونة وللجادين فقط نهائى سعرها 2900 جنية
يمكن الاتصال بى على تليفون رقم : 0122318579

[hassan_11176]

السلام عليكم
ممكن حضرتك ترفع صورها وهى نمره 1 او 2 وسرعتها كام متر فى الثانيه وربنا يحسن سوقها ويوفقك فى بيعها
تقبل مرورى /اخيك حسن الديب

[hoka]

يا استاذ حسن الراجل قال نمره 2 وقال كمان انها جديده بالكرتونه
فمش محتاج يرفع صورها واللى عاوزها هايروح يجربها على طول او يشوفها ع النت لو عجبته

[Youssef]

واعتقد كمان يا حوكا ان سرعتها 250 م/ث زى بندقية الأستاذ محمد عز

[hoka]

اها ما هو اللى عاوزها بقى يدور على امكانياتها وكده
واصلا هى ما شاء الله بندقيه حكايه بسبب خامات النوريكا الممتازه وسرعتها العاليه ديه
وربنا يوفقه ويبيعها ويبارك للى شاريها

[adeltaher]

اخوتى و اعزائى اعضاء المنتدى:
انا للاسف وضعت سعر البندقيه بسعر منخفض و الظاهر انها غلطه منى وده علشان انا مش تاجر و علشان ظروف معينة و مضطر لبيع البندقية بسرعة
لكن طبع المصريين مش حيتغير لما الواحد بيكون امين مع الناس و متواضع فى سعره مافيش حد بيشترى منه و لما التاجر بيرفع السعر و بيبيع بيع غناوه و ما بيديش فرصه للفصال الناس بتجرى وراه
على العموم اليوم ده اخر سعر لليندقيه و بعدين السعر حيتغير و ابقوا اشتروا من التجار اللى انتم عاوزينهم لان الظروف ان شاء الله حتمر زى اى حاجه بس انا اللى ساخسر البندقية و الفلوس

[mimic]

يا باشا انت مالك زعلان ليه ؟؟؟!!! محدش قال شيئ يزعل وممكن انت تعرض شيئ ميكنش حد عايز يشتريه او معهوش فلوس يشتري ... فمش شرط انك اول لما تعرض شيئ تلاقي الناس متاهفتة عليه وبعدين ما اعتقدش ان كل المصرين زي ما انت بتقول

لكن طبع المصريين مش حيتغير لما الواحد بيكون امين مع الناس و متواضع فى سعره مافيش حد بيشترى منه و لما التاجر بيرفع السعر و بيبيع بيع غناوه و ما بيديش فرصه للفصال الناس بتجرى وراه

ويا باشا محدش هنا في المنتدى سيئ زي ما انت بتظن كلنا هنا بنيسر على بعض في موضوع البيع والشراء واللي عايز يبيع بيبيع وبيخفض جزء من الفلوس علشان مش كل ظروف الناس كويسة او متيسر معاهم فلوس...
وبعدين يا باشا الكلام اللي بتقول فيه

على العموم اليوم ده اخر سعر لليندقيه و بعدين السعر حيتغير و ابقوا اشتروا من التجار اللى انتم عاوزينهم لان الظروف ان شاء الله حتمر زى اى حاجه بس انا اللى ساخسر البندقية و الفلوس

فيه الف واحد هنا عندو بنادق للبيع ممكن اي عضو يروح يشتري منو ومش شرط انو يروح يشتري منك دام انك يعني محسسني انك بتمن على السادة الاعضاء بالسعر اللي انت حاطو ...

على العموم انا شدتني طريقة كلامك وتعليقك اللي حسيت فيه انك بتأنب الناس هنا انهم مشتروش البندقية بتاعتك .. وحبيت اقولك بين البايع والشاري يفتح الله وربنا يوفقك في بيعها ان شاء الله

[Godzalla]

البندقيه دى لقطه يا جماعا لان النوريكا كويك دلوقتى فى السوق ب 3500 و استاذ جلال جبهالى ب 3200 فالسعر الاستاذ طالبه سعر لقطه بجد

ربنا يوفقك فى بيعها و يحسن سوقها

[القناص2010]

فين الروح الرياضية لالا مش دى اخلاق الرماة ابدا فين الصبر وطول البال واخلاق الفرسان بس انا بالتمس للاخ العضو العذر يمكن حد ضايقة وبخسلة السعر خالص فالمفروض انو ما يزعلش ويتقبل الامور بصدر رحب وتقبل مرورى وشكرا .,

[Godzalla]

براحه بس يا جماعا فى ايه مش كدا يا استاذ adeltaher محدش غلط فى حضرتك خاااااااااااالص الناس بتتكلم عن امكانيات البندقيه عادى و كل الناس داخله تقول لقطه و امكانيات و ما شاء الله فين الغلط بقى ..

و ايه دخل موضوع التجار فى الكلام احنا كلنا هنا هواه و اخوات و مفيش الكلام دا بينا

و صدقنى والله السعر الحضرتك عرضه دا تحفه بس فعلا ممكن ميكنش حد لسه دخل جاهز انه يشتريها

اصبر بس حضرتك يومين و ان شاء الله ربنا هيفكها و هيرزقك بكل خير

معلش يا جماعا اعذروا الاستاذ adeltaher اكيد هو زى ما بيقول عنده ظروف مش حلوه و مضايق معلش نستحمل بعض فى وقت الزنقه و الضيق استاذ mimic اصبر بس شويه حضرتك و طول بالك الراجل واضح انه مضايق من المشاكل العنده

و بخصوص السعر حضرتك براحتك تطلب السعر الحضرتك عايزه دى بندقيتك و انت احق واحد بتقديرها

و ان شاء الله ربنا يرزقك و يكرمك ببيعها و يفك كربك ان شاء الله

[محمد حافظ]

اخوتى و اعزائى اعضاء المنتدى:
انا للاسف وضعت سعر البندقيه بسعر منخفض و الظاهر انها غلطه منى وده علشان انا مش تاجر و علشان ظروف معينة و مضطر لبيع البندقية بسرعة
لكن طبع المصريين مش حيتغير لما الواحد بيكون امين مع الناس و متواضع فى سعره مافيش حد بيشترى منه و لما التاجر بيرفع السعر و بيبيع بيع غناوه و ما بيديش فرصه للفصال الناس بتجرى وراه
على العموم اليوم ده اخر سعر لليندقيه و بعدين السعر حيتغير و ابقوا اشتروا من التجار اللى انتم عاوزينهم لان الظروف ان شاء الله حتمر زى اى حاجه بس انا اللى ساخسر البندقية و الفلوس

برافو يا محمد يا صلاح كلامك كله صح و يا باشمهندس عادل أنا راجعت كل ألمشاركات لم أجد كلمة واحدة تسيئ أليك أو لعرضك ألسخى من وجهة نظرك و ألمصريين دول أهلك و أنت واحد منهم أسياد ألناس و ألعالم كله لولا بس ألظروف أللى جعلت أخلاقهم تنحدر ألى هذا ألمستوى حيث لا فرق بين مهندس أو طبيب و سواق ميكروباص أو بياع متجول فى سوق شعبى
أخيرا" لو كان حد كلمك عالخاص أو أتصل بيك و زعلك فبقية أخوانك ألآعضاء ليس لهم ذنب فى ذلك و ربنا يهديلك ألحال و ييسر لك كل عسير و يفك كرب كل مسلم و تقبل تحياتى أخيك مهندس / محمد حافظ

[adeltaher]

اولا اود ان اشكر على كل من رد على مشاركتى وانا واحد من الناس بيحترم راى كل واحد وان اختلفت معاه وعلى العموم ردودكم كلها فى غاية الاحترام وانا شاكر لكم
و لكنى ما زلت عند وجهة نظرى لانها حقيقه اصبحت ثابته و كلنا نعلم ذلك وانا شاكر للاستاذ محمد عز حيث اننا كلنا مصريين ودول اهلنا وده طبعا كلام سليم لكن ياستاذ محمد الواحد حزين على انهيار الدين و الاخلاق والقيم اللى اصبحت سمه فى شعبنا الا من رحم ربى وربنا يهدينا و يرحمنا و نرجع زى زمان

[hassan_11176]

السلام عليكم ورحمة الله وبركاته
اولا :- انا طلبت من حضرتك ترفع صورها مع انها جديده والسبب ان انا معرفش شكلها اساسا مع انى بصطاد بقالى 20 سنه سواء اكان بالبوص او البنادق الهوائيه
ثانيا :- لما قلت لحضرتك ترفع الصور ده افضل لحضرتك واعتقد ان الاستاذ محمد عز عارض بنادق بالكرتونه ولم تستعمل يا اخى
ثالثا :-لو كنت زعلت من كلامى فى موضوع رفع الصور فانا اسف للجميع واولهم حضرتك بس حضرتك قلت جديده فمن مصداقية العرض رفع صورها ولو بالكرتونه حتى يتثنى لجميع الاعضاء رؤيتها والى هيقدر يشترى هيتصل بسيادتكم
رابعا :-من السهل جدا بالنسبه لواحد زى ان اجيب اى بندقيه من الخارج وده لطبيعة عملى وطبعا هتكون بارخص من هنا بكتير وطبعا كل اعضاء المنتدى عارفين الكلام ده وانا لسه راجع من السعوديه من خمسه ايام والاسعار هناك طبعا بتفرق كتير جدا مش فى البنادق بس والموبيلات كمان

[adeltaher]

اخى العزيز hassan_11176

ارجوك ممكن تتصل بيه و موبايلى فى اول المشاركه

[هشام سمير]

البندقيه فعلاً سعرها كويس جداً لو جديده ولم تستعمل
ربنا يحسن سوقها