|
| الإعلانات |
|
|||||||
| صور وفيديو الصيد ورحلاته ميديا عن الصيد والاسلحه ورحلات صيد الاعضاء. |
|
|
أدوات الموضوع | إبحث في الموضوع | انواع عرض الموضوع |
12-12-12, 11:36 AM
|
#1 |
|
صيــــــــاد محتـــــــــرف
تاريخ التسجيل: Feb 2012
المدينه: الاسكندريه
المشاركات: 2,659
معدل تقييم المستوى: 141   |
مذبحة اليوم ( فلاح كفر الهنادوه )
بسم الله الرحمن الرحيم
صباح العسل على كل اعضاء المنتدى الجواب باين من عنوانه وبدون مقدمات او تفاصيل كتير طلعت طلعه فى مكان اول مره اروحه منطقه زراعيه اسمها ( القاهر) ووصلت هناك بدرى شويه والحمد لله مكانش فيه شبوره النهارده وبدأت صيد والجو كان جميل والشمس طالعه وبعد تقريبا ساعه صيد وصلت عند شوية شجر جزورين وقعدت اصطاد فيهم وكان فيه شوية بيوت متنطورين فى المنطقه دى يعنى مثلا كل 2000 متر موجود بيت من بيوت الفلاحين ولمحت من بعيد راجل مزارع ومراته قاعدين وسط الزراعه فى ارضهم ومع اول ضربه نزلت يمامه بتفرفر على الطريق ولقيت الراجل ده هو ومراته جايين جرى عليا والراجل كان فى طريقة كلامه شبه فلاح كفر الهنادوه اللى بيجى فى كاريكاتير جريدة الاخبار  ودار الحوار ده بينا انا كلامى باللون الازرق والراجل باللون الاحمر ومراته باللون الاخضر انت بتعمل ايه ياجدع انت؟ باصطاد ياحاج هاكون باعمل ايه يعنى هو انت بجى اللى بتجتل ( بتقتل ) الحمام بتاعنا؟ اسكتى يابه ( يابت ) متفتحيش بقك ياجماعه انا مش باصطاد غير يمام او حمام جبلى وبعدين انا اول مره اجى المنطقه النهارده حمام ايه اللى بتقولو انى قتلته قبل كده ده؟ انت كمان بتكدبنا مانت لسه ضارب حمامه من بتوعنا جدام عنينا دلوجت حرام عليك ياشيخ ربنا ينتقم منك وحسيت ان الجو بدأ يتكهرب قلتلو دى يمامه ياعم الحاج والله مش حمامه وقمت مخرجها من الشنطه وقلتلو اهى شوف لا دى حمامه من البرج بتاعنا ياللى تنشك فى لسانك انا عارفه حمامنا كويس قلت لنفسى وبعدين بقى فى الناس دى اللهم طولك ياروح انا شكلى كده هاخرب عليهم وانشهم كل واحد طلقه واخلص ههههههههههههههههههه دى يمامه والله ياست ومفيش يمام اصلا بينام فى ابراج او حتى بيتربى فى البيوت ولقيت راجل عجوز جاى علينا وقرب مننا وباين عليه الشيبه والوقار  قلت لنفسى الحمد لله الراجل ده اكيد هاينجدنى من المخلوقات الغريبه دى كلامه باللون الاسود فيه ايه يابوسالم مالك بتتشاكل ليه؟ ردت مراته وقالت مسكنا الراجل ده وهو بيسرق الحمام استهدو بالله بس لما نشوف الحكايه انا قلت لنفسى يانهار اسود هى حصلت للسرقه وكنت خلاص هاشتم بس مسكت نفسى عشان دى ناس كبيره فى السن وحمدت ربنا انى مكانش معايا حمام خالص فى الشنطه والا كانت بقت مصيبه اذا كان عاملين موال عاليمام ايه النظام بقى لو شافو معايا حمام ههههههههههههههههههه ياحاج انا باصطاد يمام والله مش حمام وبص فى الشنطه اهى لو لقيت فيها حمامه واحده انا هاسيبلكو الشنطه كلها وامشى قام الراجل ماسك الشنطه وبصلى بصه كلها استحقار كده وقال مش حرام عليك تبقى زى الشحط كده يابنى وتسرق فى حمام الناس؟ انا اتصدمت ومبقتش عارف ارد ومش لاقى حاجه اقولها تانى واقتنعت ان كده خلاص الكلام مبقاش يجيب فايده قمت ماسك الشنطه من الراجل وبصيت حواليا اتأكدت ان مفيش حد شايف الحوار ده كله غيرنا احنا الاربعه وقلتلو ياعم انتو هاتقرفونا ليه عالصيح منا قلتلكو مش حمام احلفلكو على مصحف يعنى وكنت خلاص قربت افرقع من الغيظ والاستغراب وقمت سايبهم وماشى بخطوات سريعه و سمفونيه من الشتيمه بقى اشتغلت عليا وانا ماشى شتيمه من اللى تحرق الدم ا زى مثلا والله لو شفتك هنا تانى لأخلى العيال يجطعوك  لو شفتك هوبت ( قربت )الناحيه دى تانى هاقطع رجلك  روح الهى تنشك فى قلبك يابعيد  هههههههههههههههههه وطبعا انا مقدرتش ارد عليهم الشتيمه عشان دى ناس كبيره فى السن من مقام والدى ووالدتى وسبتلهم المنطقه خاااااااااااااالص ورحت على مكان تانى قريب من مزرعة دواجن كملت صيد والحمد لله كان يوم جميل فى الصيد وفى الجو وربنا كرمنى بحصيله حلوه البندقيه طبعا الكرال ورش جامو ماتش 23 رشه تم ضربهم 17 الحصيله النهائيه     
__________________
*لـيس كـل مـن حــمـل السلاح كـان صيـادا* *ولكن كل من كان صياداً كان للأخلاق عنوانا* |
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ( طلعة اليوم ) مذبحة اواخر رمضان | القبطان المصرى 77 | صور وفيديو الصيد ورحلاته | 35 | 12-08-29 05:50 PM |
العرض الشجري