المواقف الغريبة فى حياتنا

[ابن الوطن]

مساء الفل يا احلى شباب واعضاء اية الاخبار كلة تمام
انا فكرت كدة فى حاجة ان كل واحد مننا يكتب على المواقف الغريبة او المرعبة اللى اى حد مننا اتعرضلها فى حياتة ومتهيالى من وجهة نظرى انة هيكون حوار وموضوع شيق

وانا هبدء بنفسى وهقول ان فية موقف غريب انا اتعرضلة وهو انى فى يوم من الايام وانا نازل الصبح من بيتى وادام باب العمارة فوجئت بكلابين دوبر مان ادام باب العمارة قاعدين على الرصيف كدة طبعا انا اتسمرت مكانى ومتحركتش وهما طبعا بيزوموا وطلع ان صاحبهم اساسا بينزل يتمشى بيهم كل يوم من غير اى سلسلة كدة بس فى اليوم اللى انا شفتهم فية هما جريوا منة وحظى السىء انهم جم عند عمارتنا طبعا انا عملت مشكلة جامدة جدا معاة تكاد تكون الاقرب الى فتح محضر فى القسم لانة غلطان جدا جدا وكانوا ممكن يتسببوا فى قتل احد
وهو دة اكتر موقف غريب اتعرضلة
هههههههههههههههههه

[هشام سمير]

موضوع ظريف
ياريت اعضاءنا يشاركو فيه
وانا عندى موقف من اغرب المواقف فى الدنيا بس مستنى عليه لما الناس تحكى مواقفها
بس بالنسبه ليك انتا على ما اعتقد موقفك كتير اخرهم الست اللى الشباب ضربوها

[ابن الوطن]

مهو انا عرفت القصة بتاعتهم كانت اية
هههههههههههههه
بس انتا عرفت ازاى انى انا رغم انى غيرت اسمى
اة يا عفريت

[abo amar]

انا عن نفسى هحكى قصه من اغرب ما رات عينى كنت بشتغل زمان مع دكتور فى الاثار وبعدين كان كبير فى السن يكبرنى بحوالى 25 سنه ولكنى كنت متعلق بيه لثقافته وحضوره الجميل وعلمه الواسع وبعدين قلى تعالى نروح مشوار لحد مدينه السلام والكلام ده كان فى وقت متاخر من الليل وبعدين روحنا حته اسمها سبيكو فى مجمع هناك كده فى محلات كتير كان فيه هناك كوافير حريمى قلى ايوه هنا كده انا استغربت احنا جايين هنا نعمل ايه وبعدين روحنا دخلنا المحل لاقينا الناس اللى شغالين فى المحل واصحاب المحل دخل متكلمش كتير وانا معاه فى ضهره ها ايه الموضوع قالوله المحل لوحده كده بدون مقدمات مبقاش يخش فيه زبونه من بتاع اسبوع
راح قعد يقول كلام غريب جدا خلاص ماشى املي طبق مياه كبير للبنت اللى شغاله البت دخلت ملت طبق مياه كبير وانا مش عارف ايه الموضوع ومش فاهم اى حاجه راح قلى خش يا محمد شوف الحمام كده مفتوح قاعده التواليت يعنى دخلت قولتله ايوه مفتوحه قالى طيب كويس راح دخل الحمام حط حاجه جمب القاعده عرفت فى الاخر انها زئبق وقلى يلا اخرج خرجت وهو خرج ورايا ووقفنا على باب المحل كلنا والناس اللى شغالين وكله راح قايل ماشى خلاص الاكل هناك بس بصوت اجش كده هوب راح ماسك طبق الميا والبت ماسكاه معاه لانه كان طبق مياه كبير راح قعد يقول شويه كلام مفهمتش اى حاجه برده منه على المياه وهوب قلها ارميها على ارض المحل كله والله يا جدعان المياه نزلت على ارضيه المحل بقت كلها دم بنى ادمين بيغلى نار راح قالها ايه ده ايه ده ده الحاجه اللى معموله شديده جدا شايفه وانا واقف مذهووووووووووووول ذهوووووووول التنين مش فاهم ايه الفيلم الاجنبى اللى انا بتفرج عليه ده المهم الدم قعد يغلى شويه قلها كده خلاص بس هنروح البيت نشوف البيت انتى حضرتى الارنب قالتله ايوه من بدرى وانا برده مش فاهم ايه اللى داير ادامى روحنا البيت عندها لاقيت الست جايبه ارنب صاحى وشقى جدا محدش عارف يمسكه من شقاوته راح المعلم ماسكه وشوشه فى ودنه وهوب يا معلم وكان الارنب خد مخدر كلى لاقيتلك الارنب سطح على ضهره ونام زى البنى ادمين وقعد يوطى ويوشوش فيه وانا مش عارف ايه اللى داير ده خلصنا وقالها اعملى شويه حاجات كده طول الطريق مبقتش عارف انا فى حلم ولا فى علم وعرفت بعديها بيومين انو مخاوى وبتاع وشغل قرف من ده وانو بيغضب ربنا اوقات علشان يعمل حاجه زى دى مقابل الفلوس لانه كان بياخد فلوس كتير جدا فى الحوار ده لانه كان بيجيب من الاخر والشافى هو الله طبعا المهم قطعت علاقتى بيه ولا من شاف ولا من درى كان الكلام ده اغرب حاجه قابلتها فى حياتى وشوفتها

[ابن الوطن]

وكمان فية موقف برضة هو يعتبر محرج بالنسبالى
كنت فى سوبر ماركت اسمة مترو فى فرع مدينة نصر المهم مديت ايديى فى ثلاجة الطيور المجمدة واخدت بطة
المهم بعد ما رحت وزنتها عملت بالضبط 75 جنية والمشكلة ان اللى وزنها حسبها على طول المفروض يشوفها الاول بكام ويقولى وانا مكنش معايا فى جيبى الا 60 جنية فقط طبعا حصل مشادة بينى وبينة على اساس انى مينفعش ارجعها ولازم اخدها فاضطريت انى اسيب البطاقة وطخيت مشوار لغايت البيت ورجعت تانى وكل دة بسبب ان الراجل حسبها على طول