مجزرة اقتناص ( الكوبرا المصريه القاتله )

[القبطان المصرى 77]

السلام عليكم ورحمة الله وبركاته
بما انى اشتريت كرال اصدار خطيييييييييييييييير وجديد فى مصر
من الاستاذ احمد ( modmod (المحترم
مرعبه
مدمره
رهيبه
كاسره
قاتله
سرعتها 300 متر فى الكتالوج
وعلى الكرونو 290
وعلى فكره 90 %100 من اليمام تم اختراقه وخروج الرشه من الجهه الاخرى
خامات غير خامات الكرال نهاااااااائى
وزنها مختلف
شكلها مختلف
دبشكها مختلف
طولها مختلف
فى يومين ربنا كرم بيها بــ 80 يمامه وقمريتين

عملت بيها طلعتين فى اليومين اللى فاتو
ليل ونهار
وفى احد الطعات الليليه عطرت فى كوبرا مصريه طولها يجى متر ونص
وطبعا كلكو عارفين الكوبرا دى خطيره قد ايه ومرعبه قد ايه
والحمد لله انها مطالتنيش
لانى كان بينى وبينها اقل من متر
كانت قدام احد منازل المناطق الزراعيه
وصاحب البيت حلق عليها من الناحيه التانيه عشان ماتهربش
وانا اتعاملت معاها بالبندقيه واديتها طلقه فى دماغها
ولقيتها لسه بتلعب
قمت مديها كمان طلقه
وبرده فضلت لسه بتلعب
بس طبعا كانت حلاوة روح
وبرغم ان المفروض ان التعابين حاليا فى بيات شتوى
لكن مش عارف دى جت منين وايه اللى طلعها
يلا بقى من سوء حظها
وطبعا حبيبكو القبطان عمل معاها الواجب بالمدفع الجديد فى الراس
واثناء قتلها وتصويرها على الاسفلت عدى عليا كذا تكتك وقفو يتفرجو
والناس اتلمت بقى والعيال تهيص
والحريم تصوووووووووت
والمشكله ان كان فيه واحد معدى بس كان دمه خفيف زياده عن اللزوم
وقال هى لو قرصت حد مش هاتعملو حاجه
قلتلو طيب تعالى جرب كده
هههههههههههههههههه
وواحد منهم بيقولى تعبان ده ولا ايه
قلتلو حاجه زى كده
ده فيديو للكوبرا
https://www.youtube.com/watch?v=A5M7JtdTWw0
وااااااااااااااااادى صورها
وطبعا الصور مش هاتبين حجمها الطبيعى


وفى الليله دى كانت مجزره لليمام
الحصيله
22 الطلعه الاولى
20 يمامه
2 قمريه




الطلعه التانيه
58




الرش المستخدم
رمايه مصرى
وسمعنى سلام باودعك