مساء الجمال والفل

[ابن الوطن]

اية يا احلى اعضاء فى المنتدى بقالى يومين مش عارف ادخل على المنتدى خالص
حمد الله على السلامة وعايز احكلكم على حاجة حصلت معايا وياريت لو فية من السادة الاعضاء المحترمين
موظف فى الحكومة يقولى اية العقيدة والمنهج اللى هما ماشين علية دة
والموضوع يتلخص فى ان فجئة كدة جالنا تليفون من حد من العائلة بيطلب اجراءات معينة تخص والدى وهذة الاجراءات مينفعش اى حد يقوم بيها الا انا على اساس انى ابنة الوحيد المهم الاجراءات دية بتطلب انى اروح لجهة حكومية ورحت فعلان تانى يوم الصبح وسالت هناك قالوليلى ان بداية الاجراءات من سحب استمارة وخلافة انى لازم ادخل على موظفة وهى اللى فى ايديها الشغل كلة واول ما دخلت عليها لقيتها ست كبيرة فى سن ال 55 كدة بس اولا وشها عبوس خالص ومكشرة كدة وبسالها لقيتها بترد باسلوب وحش خالص وكل حاجة عندها لاء فاضطريت انى اعمل اهبل وانى طوع امرها علشان تمشيلى الاجراءات وفعلان تمت الاجراءات على مدار يومين رحت فيها للست الرخمة دية وفاضل مرة واحدة هروح الشهر الجاى هذة المصلحة الحكومية بس انا عايز اعرف لية موظفين الحكومة دايما بيعاملوا الناس معاملة سيئة ويتوهوا الواحد من اوضة لاوضة هل دة منهج عندهم ولا اية الموضوع بالضبط

[big man]

انت في مصر يحبيبي
بره مقيش اسهل من المصالح الحكوميه بتخلصها بتليفون من بيتك وانا متاكد من كلامي

[ابن الوطن]

حبيبى وصديقى ال big man
عامل اية ياريس واخبارك اية وشكرا على مرورك الحلو دة
طب انا عايز اعرف هل المرة الاخيرة اللى انا هروح فيها دية اعمل نفسى عبيط برضة ولا اتصرف بشخصيتى الحقيقة عشان انا مضايق اوى اوى من نفسى انى لقيت نفسى ادام الست دية الموظفة الرخمة دية مش عارف اتكلم والكلام بيطلع بالعافية مش عارف لية طبعا لقيت نفسى كدة من غير ما اءقصد هل دة بيحصل مع اى حد لما بيقابل حد رخم فى جهة حكومية مثلا

[العملاق المصرى]

امال لو روحت المرور هتقول اية بيعاملو الناس على انهم بهايم

[ابن الوطن]

طب تفتكر يا استاذ العملاق المصرى احنا كمواطنين مصريين اية التصرف المفروض نتصرفة فى حالة مقابلتنا مع موظف او موظفة رخمة يعنى هل الواحد يتعامل مثلا بنفس الاسلوب ولا يتوجة فورا لرئيسة فى العمل او يقدم شكوى ولا تفتكر ان لازم يكون فية منهج جديد للموظفين فى تعاملهم مع الجمهور ويتم تطبيقة وتفعلية والتنبية عليهم فى حالة معاملة الناس بطريقة سيئة هيتم محاسبتكم ويكون التنبية عليهم من اصحاب الكلمة العليا فى الوزارت اللى هما تابعين ليها لان الموضوع دة انا اخدت بالى منة اخيرا خصوصا انى بقالى ثلاث ايام بقراء قصص ومواقف على النت لاشخاص عانوا برضة من الموظفين الرخمين واللى بيتاعملوا مع الناس بطريقة سيئة جدا

[ابن الوطن]

وبصراحة كدة وانا مكنتش عايز اءقول اية اللى حصل بس انا علشان حاسس انى بين اخواتى وحبابيى واصدقائى فهقول
لما انا رحت للجهة الحكومية دية ودخلت على الموظفة دية كان الامر بالنسبالى عادى جدا فى الاول بس اول لما سالتها على الاجراءات ولقيت اسلوبها وحش لقيت نفسى برد بصعوبة وكمان بقيت مش مركز لا فى حركاتى ولا حتى فى دخولى للاوضة عليها وكانى تاية مثلا وزعلان جدا من نفسى على انى كنت بالشخصية دية هل دة بيحصل مع الناس كلها ولا اية