افيدوني بخبرتكم يااهل المنتدي الكريم

[eng Ahmed Tpozada]

السلام عليكم اهل المنتدي الكرام . اريد ان اعرف احسن بندقية ضغط هواء لواحد مبتدئ خبرتو مع الاسلحة هي المسدس البلاستيك ابو خرز بلاستيك بردو . انا سني 23 سنة لتفتكروني صغير علشان المسدسات البلاستيك دي بصراحة نفسي اتعلم الرامية من زمااااان ولكني فوجئت بعد اطلاعي علي مواضيع المنتدي ان هناك فرق بين الرماية والصيد وايضا فرق بين اسلحة الرماية والصيد .وعرفت بردو ان البندقية مش للرامية . بس بصراحة انا بعشق حاجة اسمها بندقية(فهل يمكن استخدامها في الرماية ثم بعد ذلك انتقل الي الصيد حيث اني اري ان الواحد لازم يعرف الرماية الاول قبل الصيد) وايضا لاحظت ان كل مقتني سلاح يعتبره الافضل من وجهة نظرو . منعا للاطالة ومن الاخر . ارجو معرفة انسب بندقية صيد ابتدي بيها . وان كان صعب الاتفاق علي نوع واحد فارجو تحديد احسن ثلاث او خمس انواع مرتبين من الاحسن للاقل(ارجو تحديد موديل البندقية داخل عائلتها مثل جامو هنتر مثلا) . وارجو تحديد العيار والثمن . يريت لو في غلط في المعلومات اللي انا كتبتها تعرفوني علشان ممكن اكون فهمت غلط . اسف علي الاطالة وجزاكم الله عني خيرا

[هشام سمير]

اهلاً وسهلاً بحضرتك معانا يا بشمهندس
اولاً نعم الهوايه قصدت
ثانياً افضل بندقيه ممكن تبتدى بيها بترجع لامكانياتك الماديه يعنى حضرتك حدد المبلغ اللى انتا مستعد تدفعه وحنا نرشحلك افضل بندقيه تنسب سعرك
مع العلم ان مفيش حاجه اسمها ابتدى بيها انتا لو جبت بندقيه وحشه حتكرهك فى الصيد وفى الرمايه وفينا احنا كمان
ثالثاً معظم البنادق صالحه للرمايه طبعاً
تقبل مرورى

[talha]

اهلا بيك معانا في المنتدى هو في b-3 دي انا بردوا لما كنت بسأل قالولي عليها وجبتها وهي حلوة جدا

[eng Ahmed Tpozada]

بجد انا مشفتش زوق كدة . بارك الله فيكم اخوتي الكرام . وردا علي سؤال أ/سمير فالمبلغ المتاح 1000 جنية مصري وريت بردو اعرف احسن خمسة بنادق متوفرة في السوق المصري وثمنهم بحيث ممكن استنا شوية واجيب حاجة محترمة علطول من الاول . جزاكم الله عني خيرا

[بدر]

المشاركة الأصلية كتبت بواسطة eng ahmed tpozada

بجد انا مشفتش زوق كدة . بارك الله فيكم اخوتي الكرام . وردا علي سؤال أ/سمير فالمبلغ المتاح 1000 جنية مصري وريت بردو اعرف احسن خمسة بنادق متوفرة في السوق المصري وثمنهم بحيث ممكن استنا شوية واجيب حاجة محترمة علطول من الاول . جزاكم الله عني خيرا

الاخ الفاضل
اهلا بيك وسط اخوانك على فكرة انا لسة مبتدىء زيك بس اعتبرنى اخوك الكبير 40 سنة .المهم خبرتى محدودة فى مجال البنادق ولكن كنت ناوي اشترى بندقية وبعد المشاهدات و الاسئلة قررت انة فى البداية مش لازم تجيب حاجة غالية حتى لو الامكانيات متاحة.انا عن نفسى بدأت بالكرال التركى وعن تجربة هيا بندقية جامدة جدا تنفع للصيد والرماية وتعمل 1000 جنية اخوك تم استغلالة واخدتها باكتر من كدة المهم مش دة الموضوع . وطبعا البام 21 من البنادق القوية اللى سعرها ممكن تعمل من 1600 الى 1800جنية.طبعا لو دخلت على الجامو احسن واحسن بس تلاحظ ان كبار الصيادين فى المنتدى بدأو من الاغر فالاكبر فى الموديلات.وحاجة تانية مهمة ان فى الاول عند اول استخدام هتلاقى عدم تركيز يعنى الموضوع محتاج شوية ممارسة لحد ما هتحس انك بقيت قناص.معذرة على الاطالة وربنا يوفقك

[eng Ahmed Tpozada]

نزداد شرفا اخي الكريم أ/ بدر وشكرا علي المعلومات المفيدة

[بدر]

الشرف لى واحنا كلنا تحت أمرك