Diana 52 and the tok tok

[charesma]

السلأم عليكم ورحمه الله
ازيكم يا احلى صيادين
وايه اخبار الصيد معاكم ؟؟؟
انا ملأحظ ان مافيش مشاركات كتيره ليه فى المنتدى فين وفين لما الأقى مشاركه ليه كدا
على العموم انا يوم الخميس والجمعه الى فاتوا دول طلعت اصطاد
بس مش اى صيد انا فكرت فى فكره جامده جدا والحمد لله عملتها وكانت جامده اوى
انا قلت بدل ما انزل الف فى الالحقول والغيطان واتعب من اللف ومش بغطى برده اماكن كتيره قولت استاجر
توكتوك من التكاتك الى مليه مصر دى انا اجرته من الساعه 10 الصبح لحد الساعه 6 المغرب وب 40 جنيه بس بس كانت متعه تانيه خالص لأنى لفيت فى كل حته تقريبا وكمان انا كنت بضرب الهدف من جوه التوكتوك وانا قاعد مكانى وكمان الطيور لما انا كنت بقربلها بالتوكتوك ما كانتش بتخاف منه لكن لما كنت انا بتمشى لوحدى كانت بطير علشان كده فكره التوكتوك عجبتنى جداا والحمد لله اصطدت طائر اسمه العنس بس الفلاحين بيقولو عليه وز عراقى وكمان اصطدت فاخ الميه وشويه حمام ويمام على الماشى وبس بس للاسف انا الموبايل بتاعى فى التوكيل بيتصلح علشان كدا انا ماعرفتش انزل الصور على المنتدى لأنى بصورها بالموبايل وبس كدا وياريت اسمع ردودكم على الموضوع ده واعرف رايكم فيه ايه؟وياريت ماكونش طولت عليكم