احذروا - صيامكو - مصر الجديدة

[khaledshareef]

للاسف ضربت المشوار وانا على علم مسبق بجشع هذا الشخص
وكان ابني اتصل هاتفيا بهم و عرف ان سعر الرش نمرة واحد 25 جنيه
تصدقوا لما دخلت المحل
لقيته بيبيع مسدس البلي الالماني ب 2500 جنيه
ورش نمرة 1 جامو ماتش عدد 500 رشة ب 200 جنيه
ورش نمرة 1 جامو المدبب ب 500 رشة ب 250 جنيه
وبيقول انها اخر علبة عنده ؟

ساعتها قررت اروح العتبة عند ميشيل عازر
واشتريت الرش الجامو نمرة 1 المدبب عدد 500 رشة ب 30 جنيه

طب ده نعمل معاه ايه؟
نفسي اشتكي عليه لجهاز حماية حقوق المستهلك
لكن حال البلد لا يسمح بذلك حاليا

[Ebrahim Al Ansari]

نعمل اللى حضرتك عملته ده
طالما حصل مع أى واحد فينا تجربه شخصيه وإكتشف بسببها ان تاجر مستغل أو غشاش
ينبه باقي الأعضاء زي ما حضرتك عملت كده عشان مايتعاملوش معاه أو يتعاملو معاه بحرص ويسألو على سعر الحاجه بره قبل ما يجيبوها منه.

ومفيش أقوى من الدعايه السيئة

عارف يا استاذ خالد انت لو كنت تعرف سعر العلبه ومتأكد منه أصلا كنت اول ما يقولك ب 250 هتقولو ليه هيا ب 30 هيروح جايب ورا ويقولك عشان حضرتك ب 35 وده تخفيض لان حضرتك زبون المحل

[shotgun]

يا جماعة اية الاسعار دية انا عندى بجيب علبة الرش ب 5 جنية وفيها 100 رشاية ولو حد عايز اجبلو اوكى انا من الاسكندرية

[trainman]

لا حول و لا قوة إلا بالله العلى العظيم.

[mahmoudalaa]

انا مش فاهم هي الناس دية مش بتخاف علي سمعة محلاتها

[احمد المصرى]

هو صيامكو ده اللى جنب سوبر ماركت مترو؟؟
لو هو ده كان نفسي اكتب انه اكبر محل نصب فى الدنيا
كمان اسوأ معامله ولوجه الله والله بدون اى اغراض انصح عدم التعامل معه

[lastworld]

كل*التجار*دلوقتى*عايزه*تستغل*الظروف*اللى*احنا*فيها

[ahmadkader]

أيوة هو صيامكو اللى جنب مترو الخليفة المأمون ، و بصراحة رحتلهم مرة واحدة فقط و قرفت من المحل و من اللى واقفين فيه ، الحاجة اللى عندهم خردة و بيطلبوا فيها أكتر بكتير من الحاجات النضيفة اللى ف كل المحلات ، و كل ده و أسلوبهم فى التعامل زبالة ، و حاسين إنهم أحسن من الزبون ، أوعوا حد يفكر يروحلهم

[khaledshareef]

المشاركة الأصلية كتبت بواسطة ebrahim al ansari

نعمل اللى حضرتك عملته ده
طالما حصل مع أى واحد فينا تجربه شخصيه وإكتشف بسببها ان تاجر مستغل أو غشاش
ينبه باقي الأعضاء زي ما حضرتك عملت كده عشان مايتعاملوش معاه أو يتعاملو معاه بحرص ويسألو على سعر الحاجه بره قبل ما يجيبوها منه.

ومفيش أقوى من الدعايه السيئة

عارف يا استاذ خالد انت لو كنت تعرف سعر العلبه ومتأكد منه أصلا كنت اول ما يقولك ب 250 هتقولو ليه هيا ب 30 هيروح جايب ورا ويقولك عشان حضرتك ب 35 وده تخفيض لان حضرتك زبون المحل

مانا عارف سعرها - وهو عارف انه نصاب و عمره ما هايتراجع عن السعر
بيعتمد على الزبون الجديد و الظروف الحالية
اسوأ اخلاق التاجر الذي يستغل الظروف ربنا لا يبارك له

[Ebrahim Al Ansari]

المشاركة الأصلية كتبت بواسطة khaledshareef

مانا عارف سعرها - وهو عارف انه نصاب و عمره ما هايتراجع عن السعر
بيعتمد على الزبون الجديد و الظروف الحالية
اسوأ اخلاق التاجر الذي يستغل الظروف ربنا لا يبارك له

أنا كنت بقول كده من باب الدعابه طبعا مهو أكيد مش هينزل من 250 جنيه لـ 30 جنيه وإلا هيبقى بيفضح نفسه انه حرامي .... ويبقى متآمر وأهبل

[recent hunter]

لو امكن حد يقولى اين اجد الاهليه

[jamayka]

المشاركة الأصلية كتبت بواسطة recent hunter

لو امكن حد يقولى اين اجد الاهليه

امام سنترال الاوبرا
لو السنترال على يمينك هيبقى المحل على شمالك بعد 20 متر كده

[mishofun79]

دا انت كان لازم تهزقه و كمان تمسح بكرامته الارض دا مش نصاب دا حرامي

[mido axis]

حسبى الله و نعمة الوكيل

[أميجو]

لا حول و لا قوة إلا بالله العلى العظيم.

[khaledshareef]

المشاركة الأصلية كتبت بواسطة mishofun79

دا انت كان لازم تهزقه و كمان تمسح بكرامته الارض دا مش نصاب دا حرامي

المشاركة الأصلية كتبت بواسطة mido axis

حسبى الله و نعمة الوكيل

المشاركة الأصلية كتبت بواسطة أميجو

لا حول و لا قوة إلا بالله العلى العظيم.

اخي ميشو و ميدو و الحبيب اميجو
شكرا لمشاركتكم

[hema777h]

داااااااااااااا ابعد ما يكون من اخلاق التجارة داااااااااااا جزارررررررررر

[hossam _alking]

حسبي الله ونعم الوكيل على كل ظالم

[بدر]

الاخوة الافاضل
السلام عليكم ورحمة الله وبركاتة
حقيقى حاجة تحزن ومش قادر افهم الناس دى يعنى فية تفاوت فى الاسعار دة شئ عادى بس بالشكل دة يبقى حراااااااااااااام دة نصب علنى وحسبى الله ونعم الوكيل
علشان كدة نصيحة لكل الاعضاء الجدد محدش يشترى حاجة من اول محل لازم تتعب وتلف شوية
تحياتى

[كريم الشامي]

او تعليقا علي كلامك يا هندسة اي حد بيفكر يشتري اي حاجة ممكن يستشير و يسأل باقي الاخوة في المنتدي واكيد حنفيد بعض و حنمنع ولاد الذين دول من الاحتكار و السرقة

[m3g_553]

انتوا الرش عندكوا غالى اوى
انا من المنصورة علبة الرش 100 خردقه نمرة واحد ماركه نضيفه ب 2.50
انا لسه نازل شاريها اول امبارح علبتين ب 5 ج.م

وفاكر انا كنت بجيب النوع النضيف من سنتين ب 1 ج.م العلبة اللى فيها 100 خردقه وعندى النوع ممكن اصورلكم العلبة وارفعها على النتدى بس حد يقولى الصور بتترفع ازاى ؟؟؟؟

[osha966]

محل صيامكو دا حرامية وبلطجية

[hokaboka]

المشاركة الأصلية كتبت بواسطة khaledshareef

للاسف ضربت المشوار وانا على علم مسبق بجشع هذا الشخص
وكان ابني اتصل هاتفيا بهم و عرف ان سعر الرش نمرة واحد 25 جنيه
تصدقوا لما دخلت المحل
لقيته بيبيع مسدس البلي الالماني ب 2500 جنيه
ورش نمرة 1 جامو ماتش عدد 500 رشة ب 200 جنيه
ورش نمرة 1 جامو المدبب ب 500 رشة ب 250 جنيه
وبيقول انها اخر علبة عنده ؟

ساعتها قررت اروح العتبة عند ميشيل عازر
واشتريت الرش الجامو نمرة 1 المدبب عدد 500 رشة ب 30 جنيه

طب ده نعمل معاه ايه؟
نفسي اشتكي عليه لجهاز حماية حقوق المستهلك
لكن حال البلد لا يسمح بذلك حاليا

مسدس البلي ده هو walther cp 99 COMPACT?

[وليدعادل]

ياباشا دا كان في عز الازمه بيبيع الرصاصه الصوت ب 6 جنينه ال 8 ملي و واحد جاري في المنطقه اشتري من عنده لمسدس الماني ساقيه 9 ملي الطلقه ب 10 جنيه
انا اول معرفتي بالاسلحه عموما كانت الايام دي بس انا من زمان بحب السلاح اوي و مكنتش بسال و كده علشان مافيش حد حواليا زي كده
المهم روحتلوا ساعة الاحداث بمسدس اس ام الماني كان عايز يتنظف قولت اروح اشوف ايه النظام عنده بصلي بقرف كده قالي اه الرصاصه ب 6 قولتلوا دا عايز يتظف اداني كارت لواحد في شبرا 100 شارع شبرا و قام قايلي خد الطلق معاك و روحله قولتلوا لأ لما اصلحه الاول افرض مش هايشتغل اقعد انا اتفرج علي الطلق قدامي
المهم كان اسلوبه زفت الصراحه
في واحد جنب سينما هيليوبليس اسمه سمير دا راجل محترم جدا فك المسدس حته حته و نظفه و تمام و اخد 15 جنيه صيانه و اداني الطلقه ال 8 ملي ب 3 جنيه
الناس كانت بتشتري من عنده اسلحة صوت و كده المهم اسعاره كانت في عز الازمه كويسه اوي 1250-1300 في حين اني كنت بسمع علي النت ارقام فلكيه و 2000 و ساعات 3000
جاري ليا معاه مسدس جامو Auto 45 CO2 راح شغله عند صيامكوا ب 200 جنيه علبة رش جامو 100 ادهالوا ب 125 و انبوبتين CO2 ب 75 جنيه الكلام دا من اسبوع
بس بجد والله من غير مبالغه المنتدي هنا فعلا عامل شغل جامد جدا و الاعضاء كلهم ناس محترمين فعلا و بيوجهوا الناس للصح دايما و كل اللي عنده معلومه مايبخلش علي حد بيها فعلا ناس محترمه جدا جدا ماشاء الله و دا فعلا اللي هايساعد علي عدم استغلال الناس لاني ببساطه مكنتش اعرف حاجه عن الاسلحه ولا اماكن ولا اي حاجه و لما دورت علي النت علي موضوع المسدس البلي دا لاقيت المنتدي و سجلت و استفدت الصراحه منكوا اوي و بقي عندي خبره لاباس بالاسلحه و الاسعار و الاماكن و كده و دا علشان انا بحب اسال الاول اهل الخبره علشان مايضحكش عليا و علي الناس اللي اعرفها كمان البهوات اللي هما عايزين كل حاجه علي الجاهز كده زي زاحد صحبي بالصدفه البحته من 3 ايام بالظبط بيقولي علي مسدس حي رايح يشتريه ب 2500 طلع انه بلي و الراجل الحرامي بيقول عليه حي و جي عن طريق ناس ف اللي هو بيخدم يعني
شكرا بجد و اسف للاطاله

[ahmadkader]

المشاركة الأصلية كتبت بواسطة وليدعادل

ياباشا دا كان في عز الازمه بيبيع الرصاصه الصوت ب 6 جنينه ال 8 ملي و واحد جاري في المنطقه اشتري من عنده لمسدس الماني ساقيه 9 ملي الطلقه ب 10 جنيه
انا اول معرفتي بالاسلحه عموما كانت الايام دي بس انا من زمان بحب السلاح اوي و مكنتش بسال و كده علشان مافيش حد حواليا زي كده
المهم روحتلوا ساعة الاحداث بمسدس اس ام الماني كان عايز يتنظف قولت اروح اشوف ايه النظام عنده بصلي بقرف كده قالي اه الرصاصه ب 6 قولتلوا دا عايز يتظف اداني كارت لواحد في شبرا 100 شارع شبرا و قام قايلي خد الطلق معاك و روحله قولتلوا لأ لما اصلحه الاول افرض مش هايشتغل اقعد انا اتفرج علي الطلق قدامي
المهم كان اسلوبه زفت الصراحه
في واحد جنب سينما هيليوبليس اسمه سمير دا راجل محترم جدا فك المسدس حته حته و نظفه و تمام و اخد 15 جنيه صيانه و اداني الطلقه ال 8 ملي ب 3 جنيه
الناس كانت بتشتري من عنده اسلحة صوت و كده المهم اسعاره كانت في عز الازمه كويسه اوي 1250-1300 في حين اني كنت بسمع علي النت ارقام فلكيه و 2000 و ساعات 3000
جاري ليا معاه مسدس جامو auto 45 co2 راح شغله عند صيامكوا ب 200 جنيه علبة رش جامو 100 ادهالوا ب 125 و انبوبتين co2 ب 75 جنيه الكلام دا من اسبوع
بس بجد والله من غير مبالغه المنتدي هنا فعلا عامل شغل جامد جدا و الاعضاء كلهم ناس محترمين فعلا و بيوجهوا الناس للصح دايما و كل اللي عنده معلومه مايبخلش علي حد بيها فعلا ناس محترمه جدا جدا ماشاء الله و دا فعلا اللي هايساعد علي عدم استغلال الناس لاني ببساطه مكنتش اعرف حاجه عن الاسلحه ولا اماكن ولا اي حاجه و لما دورت علي النت علي موضوع المسدس البلي دا لاقيت المنتدي و سجلت و استفدت الصراحه منكوا اوي و بقي عندي خبره لاباس بالاسلحه و الاسعار و الاماكن و كده و دا علشان انا بحب اسال الاول اهل الخبره علشان مايضحكش عليا و علي الناس اللي اعرفها كمان البهوات اللي هما عايزين كل حاجه علي الجاهز كده زي زاحد صحبي بالصدفه البحته من 3 ايام بالظبط بيقولي علي مسدس حي رايح يشتريه ب 2500 طلع انه بلي و الراجل الحرامي بيقول عليه حي و جي عن طريق ناس ف اللي هو بيخدم يعني
شكرا بجد و اسف للاطاله

إنتا راجل برنس ، إنتا هتقوللى على عمنا سمير زكى ؟ ده من أنضف الشخصيات اللى أنا قابلتها فى عالم السلاح ، و الله تتعامل معاه كأنك بتتعامل مع أبوك ، و الله بدون مجاملة. و من ناحية الأسعار أهه يعنى يعتبر فى المعقول ، بس إبعد عن إبنه بقى ) هاهاها ، هو عم سمير نفسه عارف إن إبنه حراق شوية ، هاهاهاهاها

[وليدعادل]

المشاركة الأصلية كتبت بواسطة ahmadkader

إنتا راجل برنس ، إنتا هتقوللى على عمنا سمير زكى ؟ ده من أنضف الشخصيات اللى أنا قابلتها فى عالم السلاح ، و الله تتعامل معاه كأنك بتتعامل مع أبوك ، و الله بدون مجاملة. و من ناحية الأسعار أهه يعنى يعتبر فى المعقول ، بس إبعد عن إبنه بقى ) هاهاها ، هو عم سمير نفسه عارف إن إبنه حراق شوية ، هاهاهاهاها

والله ابنوا هو اللي حاسبني علي الشغل اللي اتعمل
وانا واقف و عم سمير بذات نفسه لما لاقي الحته اللي معايا سأل الصنيعي اللي بيفك قاله دي أس ام قاله اه قعد يقولوا اعمل كذا و اعمل كذا و بعدين جيبت الطلق و حطيته لاقينا ان السوسته بتاعة الخزنه بتتحشر قام و فكها هو بنفسه و قعد يعدل فيها قعد فيها 10 دقايق حسيت فعلا انهم محترمين جدا

[ahmadkader]

المشاركة الأصلية كتبت بواسطة وليدعادل

والله ابنوا هو اللي حاسبني علي الشغل اللي اتعمل
وانا واقف و عم سمير بذات نفسه لما لاقي الحته اللي معايا سأل الصنيعي اللي بيفك قاله دي أس ام قاله اه قعد يقولوا اعمل كذا و اعمل كذا و بعدين جيبت الطلق و حطيته لاقينا ان السوسته بتاعة الخزنه بتتحشر قام و فكها هو بنفسه و قعد يعدل فيها قعد فيها 10 دقايق حسيت فعلا انهم محترمين جدا

يا باشا و هو إنتا هاتقولى عليهم ؟ دول بشوات ، ربنا يسترها عليهم و يغنيهم بالحلال ، عم سمير ده أصله كمان جارنا ، و تخيل هقولك بقى على حاجة ، تخيل إنه كان موزع على سكان العمارة اللى هو ساكن فيها أول كام يوم فى الأحداث مسدسات صوت عشان يحموا نفسهم ؟ شوفت باشا أكتر من كدا ؟

[osha966]

سمير زكى فعلا ناس محترمة وعايزة تبيع...

[xman]

seamco, bad place

[essam assem]

صيامكو مش هقدر اقول غير حسبنا اللة ونعم الوكيل فى الراجل دة

[سمسم]

صيامكو كل يوم جمعة اعلانات اد كده في الوسيط و لما تكلمه حاجة مختلفة و طريقة زفت

[hema777h]

والهي انا قولتكم دااااا جزاررررررررر شوووف الوسيط بتاع الجمعة بتاريخ18-3-2011 هتلاقي الاسعار بتاعت الاعلانات بقت الضعف بطريقة غريبة جداااااا انا مش عارف لية

[anaboora]

ده محل زباله و ناس زباله و نفسى نقفلوهوله و يعمل اعلانات فى الوسيط بكلام و تكلمه يقولك كلام تانى و لما تروحله يقولك كلام تانى خالص

[AHMED IS MAHMOUD]

صيامكو محل سئ جدا جدا و يقوم عليه مجموعه من البلطجيه الذين لايحترمون الناس اطلاقا تخيلو رحت اسأل على مسدسات الصوت قالى على التركى 2000 جنيه p29 ,و لما سألت على الألمانى قالى مش عندى بس اقل حاجه 4000 جنيه

[Eng Badran]

مين قالك حال البلد لا يسمح بذلك
انا لسه شاكي شركة موبينيل عشان خدمة موبينيل موبايل انترنت

[tiesto]

السلام عليكم
يا رجاله صيامكو اللى فى الخليفه المامون جمب ميترو ده ناس ولاد تييييييييييييييييييييييت
و انا رحتله مره لقيته بيستهبل اوى قررت اغلس عليه فى الرايحه و الجايه من الاخر بتلكك لهم
و كل ما بعدى من هناك انا مش هشترى ولا حاجه ولا هتفرج بس اخش اغلس عليهم و اعد اضحك و استاهزاء بيهم فى وشهم لقيته بيبيع رش موريس مان العلبه الحمرا ال 100 ب 30 جنيه فا اول ما قلى السعر اعدت اضحك اضحك كائنى سمعت نكته جمده و كل مره بعدى عليه اسال على حاجه يدينى سعر الناس المجانين اعد اضحك و اكهكه فى وشه بس مبرحلوش مخصوص لما بكون معدى عليه صدفه فى طريقى او قريب منه و مزاجى سامح انى اتريق و اضحك بعدى عليه
و السلام عليكم

[Astromic]

انا عن نفسي مابستريحش غير مع فتح الله (فرع الاسكندرية فقط) و ميشيل عازر في القاهره, و الاكثر مع ميشيل عازر لانهم ناس في منتهى الذوق و الادب, و انا بتعامل معاهم من زمان جدا من سنين و كلمتهم واحده دايما و بيعملوا حساب سمعتهم اول كل شىء. و للاسف انتشرت اشاعات عليهم من بعض التجار الحاقدين لكن اتعرفت بسرعة انها مجرد اشاعات موجهه للتأثير على زباينه.
و فيه بردو مجل محترم جدا بس اسعاره زياده عن البلد بجنيهات قليله و هو في المعادي لكن مش عار وصف عنوانة بالضبط, و حاجته نظيفة جدا و بيحترم الزبون و بيعمله الف حساب.