بنادق رش جديدة ب 300 جنيه

[khaledabdelnaby]

يا اخوانى انا عقلى هيطير منى انا لسه شايف قائمة طويلة من بنادق ومسدسات مصرح بها لصغار السن والمراهقين فى اوروبا وامريكا باسعار تخبل بتبدا من 24 دولار لحد 180 دولار على الرابط ده

http://www.pyramydair.com/cgi-bin/sh...&category_id=9

هو فيه كده بجد طب واحنا مصيرنا ايه فى مصر

[smsmn8888]

حضرتك تا خارج مصر كل حاجة ارخص من هنا بمراحل

[khaledabdelnaby]

بس مش للدرجة دى

[sayed allaa]

لالا للدرجة دي
احنا عندنا تجار السلاح بيستغلونا استغلال فظيع
مثلا بره في السعودية سعر الاير كنج 54 يعادل 2500 جنيه مصري
ده السعر اللي بتتباع بيه هناك
ده بتمن الشحن و النقل و المكسب و كل حاجة الاجمالي
ما بالك هية خارجة من المصنع على كام ؟؟
احنا هنا بيستغلونا عشان التجار اللي في مصر قليلين و معدودين على الاصابع
عشان كده بيحصل الاستغلال الفظيع ده هنا في مصر

[khaledabdelnaby]

يبقى الحل ان لازم يتعمل محل او شركة عشان حد يقدر يستورد السلاح بجودة عالية غير الدرجات المتدنية اللى بيجيبوها مصر والاسعار نتحكم فيها شوية

[khaledabdelnaby]

يا اخوانى حد يقدر يعرف ايه اجراءات استخراج تراخيص محل ادوات واسلحة صيد فقط دون السلاح الحى

[fendeka]

لازم نطالب كلنا بتغيير القانون الزباله ده

لازم نقف ايده واحده ضد جشعهم

لازم نعمل شوي جماعيه

االي موافقني يضم صوته

[khaledabdelnaby]

ياسيدى انا موافق بس لازم نفكر بعقلانية شوية عشان نقدر نتصرف

[مصراويي]

يلا بينا يا جماعة علينا وعلى الفيسبوك Facebook
نعمل صفحة ونطالب باللي شايفينو

[osamaboha]

صح هو الفيس بوك
نعمل جروب بتخفيض اسعار بنادق الصيد ومسدسات الصوت وفتح باب الاستيراد حتي للاشخاص العادين يستوردو يعني مش لازم هو التاجر اللي يستورد ولو كده

واستيراد اجود االخامات وفرز اول بلا شك

[sayed allaa]

اه والله هوة الفيس بوك اللي بيوصل كل حاجة و بينشر الكلام بسرعة
ممكن والله
بس مينفعش كده 3 و 4 بس اللي يكونوا عليه
لازم الاول كده كلو يتجمع و كل اللي في المنتدى هنا يضيف الصفحة و العدد هنا مش شاء الله مش قليل
بس على التنفيذ بقى

[BASiC]

انا معاكم قلبا وقالبا ده حق لازم ناخده

انا عملت صفحة للموضوع على الفيسبوك

لو عايزين نعملها الصفحة الرئيسية للموضوع يبقى تمام ولو في أي تعديل انا معاكو

http://www.facebook.com/pages/معا-ضد...693296?sk=wall

[BASiC]

وكمان فيه حاجة لو حد ليه في القانون أو يعرف القوانين والضوابط للموضوع ده يا ريت يشاركنا ويعرفنا القانون ايه عشان نتحرك وتبقى دي نقطة البداية ونحاول نعرض الموضوع على الجهات المختصة

[professional sniper]

انا معاكو ا فى الموضوع وانا اشتركت فى الصفحه اللى فى الفيس بوك

[professional sniper]

المشاركة الأصلية كتبت بواسطة osamaboha

صح هو الفيس بوك
نعمل جروب بتخفيض اسعار بنادق الصيد ومسدسات الصوت وفتح باب الاستيراد حتي للاشخاص العادين يستوردو يعني مش لازم هو التاجر اللي يستورد ولو كده

واستيراد اجود االخامات وفرز اول بلا شك

انا مع حضرتك فى الكلام اللى حضرتك بتقوله , بس مينفعش ان الاشخاص العادين يستوردوا سلاح كده لان ده فيه خطر وضرر على الامن ومش كل الناس نيتها سليمه .

والله اللى انا نفسى فيه من اعضاء هذا المنتدى الجميل نشترك مع بعضنا البعض وممكن احنا اللى نستورد البنادق دى , والذى يفيدنا فى ذلك هم خبراء المنتدى لأنى لا افقه شئ فى هذا الموضوع.

[صائد البوم]

وانا كمان معاكم ان شاء الله بس المشكله

[khaledabdelnaby]

السلام عليكم ورحمة الله وبركاته

يا اخوانى اولا انا لى تعقيب على اسم الجروب بتاعنا اللى على الفيس بوك كنت عايز نعدله الى اسلحة الصيد بدل من الاسلحة على العموم عشان الناس متفهمناش غلط وممكن نستقطب مهتمين جدد انما الاسم كده هيخلى الناس تفتكر اننا من المافيا

ثانيا كان فى موضوع تم اقتراحه منذ فترة فى نفس الشان وتم اغلاقه على لا شئ وتم اقتراح فيه انشاء محل من قبل اعضاء المنتدى والمهتمين بهذه الهواية او شركة لنفس الغرض ثم اخر راى اقترحه سيادة القنصل ان احنا نكون مجموعات تقوم بالشراء مرة واحدة من محل ما للحصول على تخفيض كبير

ثالثا انا اقترح ان احنا نختار مكان عام نتجمع فيه مرة كل اسبوع او كل شهر لمناقشة هذا الامر لايجاد حل مؤثر وفعال وهذا لاننى اخترت هذا الموضوع وعنوانه الجذاب ( بندقية رش جديدة ب 300 جم ) لكى اوضح للناس مدى الاستغلال اللذى نحن واقعين فيه

او لو موضوع التجمع صعب يبقى هذا الموضوع مكان لمناقشة هذا الامر لاننى بصراحة دمى اتحرق لما شوفت اللينك دى لان مكتوب فيها ( بعد الترجمة ) ان الاسلحة دى ممكن يستخدمها الاطفال والمراهقين بدون تصريح خاص ولذلك فهى باسعار فى متناول الاطفال يعنى احنا هنا فى مصر ((( انا اسف ))) محصلناش الاطفال

واخر حاجة عشان نكون متفقين عليها من الاول اذا قررنا ننفذ المشروع ده هيكون قاصر على سلع وادوات معينة منعا للشبهات بمعنى ان يقتصر على بنادق الرش المصرح بها ومسدسات الصوت والرش المصرح بهما فقط فى مصر ومستلزماتهما من رش وادوات تنظيف وخلافه يعنى اى حاجة ممنوعة او يجب لشرائها او بيعها تصريح او رخصة فلن نتعامل فيها حتى لا يتدخل المغرضين لافشال الفكرة وده برضه هيحجم سقف راس المال بحد اقصى 7500 جم لاغلى قطعة وهى بندقية رش ديانا 56 ولا يجب ان نبدا بمشروع ضخم بل من الممكن ان نبدا بمشروع صغير براس مال معقول والحاجات الغالية اوى تيجى بالطلب وعشان اخواتنا اللى ياما خدموا الناس فى شراء اسلحة باسعار معقولة برضه دورهم موجود لان هم اللى هيوردوا برضه الاسلحة فى الاول زى أ / هشام سمير بدل ما ييجى مرة كل اسبوع ونتقابل فى الشارع ييجى على المحل او الشركة ويكون هو و أ/ جمال القنصل و أ / بدر وجميع الناس الخبراء مشرفين على هذا المشروع لخبرتهم الكبيرة واللى يقدر يساعد بوقت او مجهود هيكون مشكور لان فى الاول اى حد هيشارك هيكون عمل تطوعى لحد ما المشروع يقف على رجليه

انا عارف انى طولت اوى عليكوا بس انا فتحت الموضوع ولاقيت اهتمام قليل من المشاركين لذلك ارجو تثبيت الموضوع من الادارة ومشاركة الجميع بالافكار والاقتراحات حتى نصل لحل

[BASiC]

خالد باشا موضوع تغيير اسم الصفحة سهل وتم بالفعل .....

بس انا ليا تعقيب على كلام حضرتك في موضوع المحل ده ...... ده موضوع صعب لأن المفروض يبقى فيه تجمع يومي
بين الشركاء أو القائمين على الموضوع يعني لو بدأ بحماسة مش هيكمل بيها ......

انا اللي شايفه فعلا ان احنا نحط ايدينا على النقط اللي تمنع استيراد أسلحة الصيد وأسلحة الصوت إلا برخصة في القانون ومن هنا تبدأ الدنيا توضح ,,,نعرف الجهة المختصة ونقدم طلب بتعديل القانون أو نرفع قضية طبعا باشتراك عدد كبير من الأعضاء ونوصل من هنا ان طبعا القانون ده سهل جدا اثباته طبعا على محامي ....عشان اللي يخلى السلاح ده موجود وبيتم تداوله وبيتباع عادي يبقى يخليني أجيب بندقية لنفسي من برة أو وانا جاي من السفر

وكمان مؤقتا ممكن نتبنى فكرة ان الي عايزين يشترو يحمعو طلبهم مرة واحدة وياخدو عليه تخفيض .... وطبعا كل ده عن طريق المنتدى

يعني أنا شايف ان فيه ناس كتير عايزين كرال تركي يقوم حد فيهم يعمل موضوع .. واللي عايز كرال يضم صوته في الموضوع ويتم تجمع الأعضاء دول بطريقة ما,,,,, ويتم تفويض احدهم بالتفاوض مع محلات السلاح للحصول على أفضل سعر وانا شايف ان أحد من كبار المنتدى أو من له قدرة تنظيمية قوية ان يتولى الموضوع ده

[khaledabdelnaby]

استاذ بيزيك ( لحد متشرف باسم سيادتك الحقيقى ) انا سعيد بمشاركتك واهتمامك طيب كلام حضرتك جميل جدا ومنطقى بس هستسمح حضرتك عندى ملحوظتين معلش يمكن فى ناس كتير متعرفش جزء من خلفية حياتى الشخصية انا خريج كلية الحقوق جامعة عين شمس دفعة 2005 واشتغلت محامى لمدة 4 سنوات خلونى قررت ان اسيب مهنة المحاماة والقانون نهائيا لما بها من فساد وظلم ابسط مظاهره بطء الاجراءات القضائية ما بين الخصوم وبعضهم فما بال سيادتك ان حضرتك عايز تقوم بالغاء قانون ماش ياسيدى اول حاجة لازم تثبت عدم دستورية هذه المادة المختصة وده اذا كان حظر الاستيراد بنص قانون وليس قرار سيادى من جهة ما ولما توصل لمصدر الحظر قدامك طريقيت لو نص قانون يبقى تطعن فى عدم دستورية النص قدام المحكمة الدستورية العليا ودى متوسط الجلسات شهرين بين كل اجراء واخر او جلسة واخرى والطريق التانى لو جهة سيادية مثل قرار وزير او جمارك او او او فيبقى عليك وعلى مجلس الدولة وده اقل شوية حوالى 40 يوم وده طبعا لما ربنا ياذن وتتحددلك جلسة بعد كام سنة فى الحالتين نكون مش شايفين ننشن على اى هدف وده مش الهدف لمحاربة الغلاء ده محاولة لفتح باب الاستيراد اللذى ممكن يفتح علينا طاقة جهنم من الجمارك انما اللى انا بفكر فيه ان احنا نقدر نوفر السلاح خامة جيدة منغشش الناس زى ما بعض المحلات بتعمل وفى نفس الوقت ميكونش هدف المشروع الربح لاكن يكون هامش ربح يغطى تكاليفه فقط

وبالنسبة للفكرة التانية هى حل كويس جدا مؤقتا بس الاخوة اللى من محافظات تانية هيعملوا ايه يعنى اعتقد تقريبا ان العدد الاكبر من القاهرة فيقدروا ينفذوا الحل ده نوعا ما انما الخوة اللى من محافظات تانية مش هيقدروا يخدوا نفس الخصم اللى بنفكر فيه

واخيرا بالنسبة للخصم هيكون كام البندقية الديانا على سبيل المثال بتتباع فى مصر متوسط 6500 وبتتباع فى الدول العربية بحد اقصى ما يعادل 2500 جم مين محل فى مصر هينزل بالسعر للدرجة دى مع العلم احتساب الجمارك والنقل والمكسب

[khaledabdelnaby]

ارجو من الجميع الاهتمام والمشاركة هذا الموضوع يهم جميع اعضاء المنتدى والمهتمين بالاسلحة والصيد

[BASiC]

اولا انا اسمي احمد سعد ....... وشكر اليك انك فتحت الموضوع ده للنقاش ......

ثانيا : بصراحة انا مكنتش اعرف بالضبط ان الموضوع هياخد وقت قد ايه ...... بس حتى لو هياخد وقت وكبير كمان ولو عمر بحالو يبقى اولادنا يلحقو يصطادو من غير ما كل رشة تطلع من السلاح كأنها طالعة من جسمهم من كتر الغل من الإستغلال ده ........يعني قصدي الواضح ان طريق الألف ميل بيبدأ بخطوة أدينا بنشارك وكمان بندور على حقنا .......

ثالثا : بقى حضرتك محامي ؟؟؟؟؟؟ طيب ممكن استشارة صغيرة ....... الموضوع ده لو فعلا عملناه ورفعنا قضية سواء بطعن في الدستورية أو بطعن في قرار سيادي تتكلف كام كده عشان الموضوع ده انا حاسس ان هوة هيبقى البداية في الحصول على هواية نقية بدون استغلال ....

رابعا : موضوع ان الأعضاء اللي في المحافظات مش هيحصلو على الخصم فده مش صحيح لأن شراء السلاح ده مش حاجة يومية يعني انا مبشتريش سلاح كل يوم .... يعني انا لو جيت على نفسي يوم اتجمعت مع زملائي في المنتدى عشان نقضي المصلحة دي ومنه نتعرف على بعض مش هيتعبني في حاجة لأن معظم تمركز محلات السلاح بالقاهرة يعني كده كده احتمالية انو يجي القاهرة كبيرة فتبقى بمصلحة بقى .....
ولو حصل اللي بقول عليه ان واحد من الأعضاء المحترمين يتولى الموضوع ده وبدل ما كل اللي عايزين نوع واحد يتجمعو لأ ده كل الناس الي طلباتهم متشابهة يتجمعو ويتم التفاوض مرة واحدة يعني اللي عايزين بام مع اللي عايزين كرال مع اللي عايزين جامو ويتم التفاوض بالاعداد المطلوبة على ان لا يقل العدد عن 4 مثلا ليكون هناك مجال للخصم .........

بس
والله الموفق والمستعاااان <<<<<< أحلى كلمة (الكلمة اللي فرقعت مبارك )

[jamayka]

استاذ خالد أحييك على تفكيرك و تحمسك للفكرة دى اللى كلنا محتاجينها جدااااا ... بالنسبة لموضوع فتح نشاط توفير اسلحة صيد و صوت مرخص يشرفنى انى اضم صوتى ليك و لكل الاعضاء معانا

[lastworld]

المشاركة الأصلية كتبت بواسطة fendeka

لازم نطالب كلنا بتغيير القانون الزباله ده

لازم نقف ايده واحده ضد جشعهم

لازم نعمل شوي جماعيه

االي موافقني يضم صوته

انا معاك
احنا نبدا من الفيس بوك ممكن نعمل حمله ضد القانون اللى بيحرمنا من حاجات كتير

[khaledabdelnaby]

معلش يا جماعة انا تاخرت فى الرد عليكم كان عندنا دلوقتى فاصل من مسلسل البلطجة الشبه يومى
يعنى حلقة اليوم كان ابطالها اهالى قتلى الخميس الماضى يبحثون عن البلطجية القتلة عن طريق ضرب اعيرة نارية عشوائيا لاجبارهم على الخروج

المهم نكمل اللى كنا بنقوله عشان الناس اللى عمله حملة ضد حيازة اى نوع سلاح للدفاع عن النفس سواء صوت او رش او حى ميزعلوش مننا

انا احب ابلغهم انا سمعت الكلام وقفلت باب البيت كويس بالمفتاح ودخلت مراتى وابنى فى ابعد غرفة عن الشارع ورجعت عشان نكمل موضوعنا الجميل

[braveheart]

و أنا معاكم ع الفيس بوك.

[khaledabdelnaby]

انا اتشرفت بمعرفتك يا أ / احمد
هه كنا بنقول ايه اه تكلفة القضية بالنسبة لتكاليف اى قضية فى مصر اكبر مصاريف قضائية ممكن تتخيلها هى المصاريف النسبية ودى فى الدعاوى المدنية اما فى حالتنا دى فتكلفتها كلام فاضى انما التكلفة الحقيقية هى اتعاب المحامى اللى هيتمرمط فى المحكمة سنين ويعالم هيكسب ولا هيخسر اصل احنا معندناش قضاء عادل احنا عندنا قضاء وقدر هههههههه

من نكات المحامين

[khaledabdelnaby]

اما عن موضوع الفيس بوك ماعتقدش وانا اسف فى اللى هقوله ان مصر مستحمله مطالب فئوية فى الوقت الحالى كفاية اللى عاملينه المدرسين والطلبة والكهرباء والمترو والسكة الحديد والنقل العام و و و و و و و و و ومصر هتقول ياريت الثورة منجحت الناس عاملة زى العيال اللى متشعبطة فى جلابية امها لحد ( مهيوقعوها ) على وشها

[khaledabdelnaby]

ياريت يجماعة نكمل مناقشة فى موضوعنا وياريت الكل يشارك

[khaledabdelnaby]

ياريت يا اخوانى لو هنقفل باب المناقشة فى الموضوع ده على كده وكل واحد مع نفسه قولولى عشان انا مش دون كيشوت ولا ينفع افضل انادى ومحدش يرد عليا

[Consul]

يا حبايب قلبي سبق وأثرنا هذا الموضوع وتناقشنا فيه من قبل...والبعض إقترح نعمل شركة للإستيراد وإختلفنا على شكلها القانوني...إلخ إلخ...ما تتعبوش نفسكم قريبا إن شاء الله سيتم إيقاف العمل بقانون الطوارئ ويرفع الحظر على الإستيراد...ويرجع كل شيئ لوضعه الطبيعي...لكن الآن لن ينظر أحد لمطالبنا...الصيد وأدوات الصيد تعتبر من الكماليات والترفيه...فى أولويات وحاجات ثانية في نظر المسئولين والقائمين على هذا البلد أهم وأكثر إلحاحا وتمس قطاع عريض من الشعب...فلا تشغلوا بالكم وفكركم بهذا الآن...خالص تحياتي...

[amer ibrahim]

موضوع رائع، لكن هذا ليس وقته في ظل الظروف الحالية والأفضل أن نقوم بتأخير الموضوع قليلاً..

[BASiC]

المشاركة الأصلية كتبت بواسطة consul

يا حبايب قلبي سبق وأثرنا هذا الموضوع وتناقشنا فيه من قبل...والبعض إقترح نعمل شركة للإستيراد وإختلفنا على شكلها القانوني...إلخ إلخ...ما تتعبوش نفسكم قريبا إن شاء الله سيتم إيقاف العمل بقانون الطوارئ ويرفع الحظر على الإستيراد...ويرجع كل شيئ لوضعه الطبيعي...لكن الآن لن ينظر أحد لمطالبنا...الصيد وأدوات الصيد تعتبر من الكماليات والترفيه...فى أولويات وحاجات ثانية في نظر المسئولين والقائمين على هذا البلد أهم وأكثر إلحاحا وتمس قطاع عريض من الشعب...فلا تشغلوا بالكم وفكركم بهذا الآن...خالص تحياتي...

سيادة القنصل لو فعلا لو اللي حضرتك بتقولو ده صح بالنسبة ان قانون الطوارئ هوة اللي عامل المشكلة دي في استيراد الأسلحة التي لا تحتاج الى ترخيص فتبقى المشكلة كده اتحلت
بس ده برضو ميمنعش ان احنا نكمل مع بعض ونتجمع على كلمة واحدة اننا مش هنقبل أي نوع من الاستغلال إذا كان مادي أو نفسي يعني المحل اللي معاملته تبقى مش قد كده يبقى نجتمع على عقابه بعدم الشراء منه .....

[sadek]

و انا معاكم بس اعرف عليا ايه اعملو

[مسلم]

السلام عليكم
الحمد لله اخيراً بقينا نتجمع ونبقى ايد واحدة حتى ولو كماليات
انا معاكم يا شباب وانا اشتركت بالفعل فى الصفحة الموجودة على الفيس بوك
فى أمان الله

[osha966]

أنا معاكو يا جماعة لازم نطالب وزارة التجارة والجهات المسؤلة سواء أمنية أو أقتصادية مراجعة قوانين استيراد السلحة وعدم الأحتكار والجمارك خصوصا اسلحة الصيد-وأيضا يجب المطالبة بتسهيل اجراءات ترخيص السلاح الحى لكل مواطن شريف تتطلب ظروف عمله وحماية بيته وأمواله حمل السلاح.المرخص -لأن جميع البلطجية والمسجلين خطر لديهم اسلحة حية وغير مرخصة. وهذا شيء ضد أمن المواطن.

[mosho]

انا سئلت تاجر
ممكن انا استورد؟؟؟ قال لا
بس لو جاى من بره و معاك بندقيه ممكن بس حتتجمرك

[مسلم]

السلام عليكم
ايه يا اخوانى مفيش مناقشات ما فيش شئ محدش مهتم بالصفحة ليه
العدد 58 بس مفيش صيلدين فى مصر ولا ايه
http://http://www.facebook.com/pages...66926326693296

[zmbugany]

ثورة ثورة ثورة على الفاسد والمفترى والى استغل حاجة الناس فى الايام السودا الى فاتت الفكرة ان المشاركة الفعالة ممكن تعمل صوت المهم انك تشارك ثورة ثورة ثورة

[ahmed8620]

طيب انا عندي اقتراح .....البندقيه عادة مكونه من بعض القطع الحديديه والخشبيه ويايات (حسب ثقافتي المتواضعه في بنادق الرش) احنا ممكن نعمل reverse engineering لأفضل بندقيه موجوده حاليا ونأخذ مقاسات كل قطعه من مكوناتها ثم نتفق مع مخرطه حديثه تقوم بتصنيع القطع الحديديه اما القطع الخشبيه فأعتقد انه في ورش نجارة ممكن تعملها ......وعذرا علي الاطاله

[BASiC]

المشاركة الأصلية كتبت بواسطة ahmed8620

طيب انا عندي اقتراح .....البندقيه عادة مكونه من بعض القطع الحديديه والخشبيه ويايات (حسب ثقافتي المتواضعه في بنادق الرش) احنا ممكن نعمل reverse engineering لأفضل بندقيه موجوده حاليا ونأخذ مقاسات كل قطعه من مكوناتها ثم نتفق مع مخرطه حديثه تقوم بتصنيع القطع الحديديه اما القطع الخشبيه فأعتقد انه في ورش نجارة ممكن تعملها ......وعذرا علي الاطاله

فكرة جميلة يا باشا بس لو الموضوع بالسهولة دي ....
الموضوع مش عملية تصنيع وبس ده خامات وسبائك ..... ولو معاك العناصر المكونة للمعدن ده هتكون البلوكات اللي هتخرطها فين ........
والخشب (الدبشك) : برة اكيد بستخدمو أدوات حفر بالكمبيوتر(cnc) عشان التصميم يطلع متوازن مش ملووح وكمان السهولة والسرعة ...... الحل الوحيد اليدوي وده حضرتك اكيد عارف تكلفته ايه .....أقرب مثال (السجاد الالي مهما كان بيبقى كام ألف اتنين تلاتة بس اليدوي بيوصل لارقام خيالية عشرين تلاتين خمسين ألف يعني اكترر من أربعين ضعف ...))
وبعد كل ده هتوصل لمنتج مهما كان جودته مش هتبقى زي الديانا الألماني ولا الوبلي الانجليزي ولا ولا ....
وللأسف هو ده اللي احنا عايزنه الوصول لنفس المنتجات بسعرها الحقيقى بدون مضاعفات .....
وربنا يستر.!!

[ahmed8620]

انا بتكلم علي المدي الطويل هل ممكن البدء في مشروع زي ده ويكون مربح ؟
خط انتاج البندقيه رمسيس اللي في الهيئه العربيه للتصنيع كم سيبلغ تكلفه تأجيره مثلا ؟؟

[mahmoud el masry]

لو الاستيراد رجع تانى البنادق هترخص جامد!!!!

[BASiC]

مين قال ان الاستيراد كان مقفول ..... اظن ان هوة كان مفتوح بس للي معاه رخصة لتجارة السلاح ...... متقنعيش ان كل اللي التجار بيبوعوه ده مخزون ........!!!!