خلاصة الكلام في التزييت والتشحيم التمام .

[msgm]

خلاصة الكلام في التزييت والتشحيم التمام .

بسم الله والصلاة والسلام على رسول الله ..


موضوعنا اليوم . عن شيئ مهم و ضروري عمله كل فترة وهو من أهم أعمال الصيانة الدورية ..

ألا وهو تشحيم وتزييت أجزاء السلاح و بالأخص بندقية ضغط الهواء .,

و يعتبر التنظيف والتشحيم من أهم عوامل المحافظة على البندقية و إطالة عمرها بإذن الله

و أيضا أثناء هذا الإجراء نقوم بالكشف بالنظر على أجزاء البندقية لمعرفة الحالة العامة لها . وحالة القطع الحيوية في السلاح

كالذراع الرئيسي و الثانوي الذي يليه والمفصلات و الزناد و قضبان السير . و كل ما يطاله نظرنا ..



نبدأ أولا بفك البندقية من الدبشك ..






و يظهر في الصورة السابقة و الجسم المعدني مقلوب على ظهره .. وما زالت بالشحم القديم والزيت القديم


كذلك الزناد في الصورة التالية بشحمه القديم ..







يظهر أيضا في الصورة التالية النابض " الزنبرك" السسوستة .. بالشحم القديم عليها ..







.. نبدأ بسحب ذراع التعمير من الوسط و سوف يخرج بسهوله .. وللعلم . تركيبه عكس طريقة إخراجه ..









و نقوم بإخراج زر الأمان بعد غطائه ..








.. الظاهر أن الحمامتين كانوا فاكرين البندقيه باظط لا قدر الله ..
عشان كده خدوا الأمان و قعدوا يتفرجوا .. لكن على مين .. قلتلهم صبركم بالله ... أما أخلص بس ..





طبعا هنا أنا مسحت كل الشحم القديم من على البندقية و كل الشحم الي كان عند الزناد . وإستهلكت كمية كبيرة من الأقمشة الديمة في البيت .
.. والشحم أزلته بالزيت ال 40-WB بيذيبه . كأنه مياه ,,

و ما ننساش نحط مسحة خفيفةجدا من الشحم على الجلبة الي في الماسورة ." الموجودة حول المكان الي بنحط فيه الرشه .::""








لاحظ أن الشحم القديم المزال من البندقية لونه أسود ..و الشحم يتحول لونه إلى أسود عندما يتعرض لحرارة عالية .أو يقترب مفعول التزليق من عمره الإفتراضي .. "" الكلام ده كلام مهندس ميكانيكا عندنا في الكلية .. كنت سألته من فتره""

وعشان كده في شحم حراري بيستخدم في المعدات التقيلة .. عندي منه علبة بس مش بأستخدمه لأنه تقيل ولزج زياده عن اللازم ..





طبعا أزلت الشحم القديم الي كنت عازل بيه الدبشك .عشان يحميه من الرطوبه ..
و أيضا عشان في الدبشك من جوه مناطق خشنه . . قد تخدش الدهان من كثرة الإحتكاك مع المعدن ..

وضعت قطعة صغيرة و وزعتها بإصبعي ..






و طبعا شحمت بقيت أجزاء البندقية زي ما إحنا شايفين مع بعض ..






مكان القضيب الي كنت رفعته في الأول ياخد شحم .. و السسوسته كمان .. و مجموعة الزناد تاخد خفيف .. زي ما شفتم في الصور الي فوق في الشحم القديم ...

و المفصلات الي في ذراع التعمير .. أنصح أنها تاخد زيت المكن . أو الزيت بتاع البنادق ... خلي بالك و إنتبه مش زيت 40-wb

الي حيحط 40-WB أنا ماليش دعوة .. ذنبه على جنبه ..

أما الصور الجاية دي بقى ...

أنا عايز قبل ما ننزل سوا ... نقول ماشاء الله ..
ولأن العين حق ..
الرسول صلواة الله وسلامه عليه . أمرنا لما نشوف حاجة تسرنا .. نقول ما شاء الله لاقوة إلا بالله ...
ما تنسوش تقولوها .. أمانه عليكم


بينا نشوف الصور ..






.
..
..
..
..
..
..
..
..
..
..
..
..
..
.




















آسف جدا على التقصير ..و على الإطالة ..
و أنا والله عارف إن الشرح مش وافي ... بس إن شاء الله حنكمل أي نقص مع بعض
وعشان كلنا أخوة:-
بأرحب بأي رأي أو تعديل ....عشان كلنا نستفيد من بعض ..إن شاء الله
ونحقق الهدف المرجو من إن شاء المنتدى ..


و أي نقل لخارج المنتدى يرجى ذكر المصدر www.egypthunt.net . وبخلافه .. أنا مش مسامحه ..


الموضوع بإجتهاد شخصي . 1000%. فمن أعجبه الموضوع أرجو أن يدعو لي بالخير .