هل سعر النوريكا جت 1 يساوى نوريكا جت 2

[messam]

السلام عليكم ورحمة الله وبركاتة على أحلى شباب المنتدى انا عاوز اخد رأيكو فى حاجة انا من كام يوم رحت عند العراقى الى فى الزقازيق وسئلتو عن النوريكا جت نمرة 1 قالى ب 1800 وقالى نمرة 2 بنفس السعر انتو اية رأيكو فى الكلام دة هل دة صحيح ولا اية وسعر نمرة 2 بكام لو الكلام دة مش مظبوط

[braveheart]

هو نمرة 1 سعرها كدة ممتاز ... لو كانت فرز أول .. أما نمرة 2 ... مش عارف بصراحة بس مظنش أكيد 2 أغلي.

[msa_79]

الفرق بين ا لبندقية نمره واحد واتنين في معظم انواع البنادق هو القطر الداخلي للماسورة فقط
ولذلك فإن سعرهم يكون متقارب جداا

[messam]

شكرا يا باشا على مداخلتك انا كمان عارف ان نمرة 2 اغلى بس فى بعض الموديلات نمرة 1 ونمرة2 نفس السعر

[messam]

انت اكيد تقصد سعرهم صح

[msa_79]

أسف تم تعديل المشاركة وفعلا اقصد السعر
بالنسبة للسرعة بالطبع سرعة مره واحد اعلي

[msa_79]

موديلات قليلة اللي بيكون فيها اختلافات كبيرة بين 1 و 2 ومعظمها موديلات قديمة لكن اغلب الانواع بيكونو نفس حجم القميص والبستم والدبشك والاختلاف يكون في قطر الماسورة فقط.

[messam]

ممكن توضح بعد أذنك يعنى اية القميص وهو اى جزء البضبط فى البندقية

[msa_79]

استاذي العزيز
البندقية الهوائية تتكون من التالي
1- الدبشك وطبعا ده معروف
2- القميص او الشميز زهز الجزء الثابت من البدقية الذي يتم ربطه بالدبشك وهو يحتوي بداخله لعي السوسته والبستم وفي اخره من الاسفل يقع الزناد.
3- الماسورة وهي الجزء الامامي من البندقية والذي يتم كسرها في البنادق ذات التعمير بالكسر
طبعا بالاضافة الي الناشينكان الخلفي والذي يتم وضعه في اغلب المويدلات في في نهاية القميص من اعلي
والناشينكان الامامي الذي يوضع في كل انواع الموديلات في نهاية الماسورة من اعلي
وتقبل احترامي

[messam]

شكرا يا باشا على الشرح المستفيض وتقبل تقديرى واحترامى الشديد على اهتمامك

[msa_79]

لا شكر علي واجب أخي العزيز وأتمني ان اكون قدرت افيدك فعلا

[messam]

هل تعرف سعر النوريكا جت نمرة 2 فرز اول

[waleedrahmy]

علي ما اظن سعر النوريكا نمرة 2 يعدي الالفين جنيه