استفسار عن المسدسات

[hunterxhunter]

انا بس كنت عايز أسال عن مسدس الغاز Co2 بكام و هل يحتاج الى ترخيص ولا لا؟وما هي افضل الانواع وما ارخص الانواع و متوسط سعرها كام و ايهما اقوى مسدس الغاز co2ام السوستة و نفس الكلام على بندقية الرش نمرة واحد و لكم جزيل الشكر

[hunterxhunter]

ارجو الردد

[darkshaft]

انا معاية gamo pt-80 ده احسن مسدس co2 فى الاسكندرية،و لو حابب تشوف تئسيرة دور فالمنتدي على gamo pt-80 حتلئني حاتت videos و انا بجربة.

[shahyn]

مسدسات الغاز منها عيارات مختلفة ومنها رش أو بلي، وضغوط مختلفة، إنت عامل زي اللي بيقول: عاوز أشتري عربية....بكام؟؟؟

[shahyn]

شوف ياسيدي: مسدسات الضغط فرعين أساسيين، ضغط مخزون: وده بيكون من 80إلى 300بار، ومصدر الضغط خرطوشة كربون أو نيتروجين أو هواء، وأفضلها النيتروجين بس مش معتمد لمسابقات الرماية، عيارات النوع ده 4.5 و 5.5 و 6.25 و 7.6 و 9مم، ومداه الفعال للطلقات القياسية 30 إلى 50م والمدى الدقيق للرماية 10 إلى 25م ومنه أنواع بلي عيار 6مم و4مم، أما الأسعار فتبدأ من 850جنيه للتركي العادي وحتى 16ألف للألماني بتاع الرماية

[shahyn]

الفرع الثاني هو سلاح الضغط الموضعي، وده برضه نوعين، منه نوع بضغط السوسته ونوع بمضخة غاز داخلية، ودول عياراتهم 4.5 و 5.5مم والمدى الفعال حوالي 50م والمدى الدقيق حوالي 10م والأسعار مماثلة للفرع الأول

[shahyn]

أنا شخصيا بفضل نوع من السلاح النادر شوية، تركي تصنيع يدوي لشركة إسمها "كرنك" في اسطنبول، بتعمل حاجات رهييييييييبة، أخدت منهم بندقية رماية عيار 7.6مم مع المنظار الألماني وقالب صب الطلقات (لأني عارفها مش متوفرة هنا) واسطوانة غاز إضافية ومضخة رفع الضغط (من ضغط اسطوانة النيتروجين التجارية اللي في السوق إلى ضغط اسطوانة السلاح)، والمجموعة دي كلفتني سنة 2009 حوالي 12ألف بس جاني فيهم 16السنادي ورفضت لأني مش حعرف أعوضهم ومتصنعين بالطلب.