مساعده بخصوص تل مجرى عتله

[tiesto]

السلام عليكم ورحمه الله و بركاته
انا اسمى احمد
جبت بندقيه تل مجرى عتله نمره 2
و غيرتلها السوسته بتاعتها و سوستتها دبل سوستيتين جوا بعض و غيرت الجلده كمان
بس ملقيتش فرق
وديتها لواحد صحبى احسن منى فى السلاح , شفط من فتحه البندقيه و فتح الجزره و قفلها و قالى ان الجزره فيها تسريب
يا ترى فى حد عنده حل للموضوع ده
عاوز حل لتسريب الجزره (المكان اللى بيتحط فيه الرشه) و لو حد عنده معلومات عن قوه البندقيه او سرعه الرشه بتاعتها او اى حاجه يا ريت يفيدنا و منكم نستفيد
جزاكم الله خيرا

[tiesto]

ايه يا جماعه هوا السؤال فيه فيزياء او رياضه ؟؟
كل المشاهدات دى و مفيش ولا رد ؟؟؟؟؟؟؟!!!!!!!!

[يهاء]

بسم الله ان كان عندك صديق خراط درجة اولا فك الجزرة ان كنت تعرف واجعل الخراط يصنع لك اختها وخلى بالك وانت بتفك الجزرة علشان فية بلية صغيرة متنطش منك اثناء الفك واما ترمى الحمل على التوفشكى وتجعلة يقوم بالموهما ولكن عليك بفتح الجزرة وكأنك حتعمر رشاييةواثناء ما انت رافع ودن التعمير اعمل اختبار للتنفيس حتى تعرف الى اى مدى هو وذلك عن طريق شفط الهواء بالفم من فوة الماسورة بفمك واثناءسحب الهواءتجعل شفتك العلياتسد فوة الماسورة هيبان مدى شد الماسورةللشفاة ودة هيسهل عليك معرفة قوة سحب الشفاة فى القديمة والجديدةان كان الجزرة الجديدة تمام ولا التوفاشكى بيشتغلك ولك الشكر واتمنا ان اكون قدمت ولو كلمة مفيدة وربنا يوفق وشكرا

[tiesto]

الف شكر يا ريس و هجرب الموضوع ده و هرد عليك فى الموضوع

[rock]

المشاركة الأصلية كتبت بواسطة يهاء

بسم الله ان كان عندك صديق خراط درجة اولا فك الجزرة ان كنت تعرف واجعل الخراط يصنع لك اختها وخلى بالك وانت بتفك الجزرة علشان فية بلية صغيرة متنطش منك اثناء الفك واما ترمى الحمل على التوفشكى وتجعلة يقوم بالموهما ولكن عليك بفتح الجزرة وكأنك حتعمر رشاييةواثناء ما انت رافع ودن التعمير اعمل اختبار للتنفيس حتى تعرف الى اى مدى هو وذلك عن طريق شفط الهواء بالفم من فوة الماسورة بفمك واثناءسحب الهواءتجعل شفتك العلياتسد فوة الماسورة هيبان مدى شد الماسورةللشفاة ودة هيسهل عليك معرفة قوة سحب الشفاة فى القديمة والجديدةان كان الجزرة الجديدة تمام ولا التوفاشكى بيشتغلك ولك الشكر واتمنا ان اكون قدمت ولو كلمة مفيدة وربنا يوفق وشكرا

كلام صح 100 100 ...لازم تخرط جزره جديده ... شكرا عالافاده يابهاء ... تحياتى .

[Mohamed Mahmoud]

المشاركة الأصلية كتبت بواسطة يهاء

بسم الله ان كان عندك صديق خراط درجة اولا فك الجزرة ان كنت تعرف واجعل الخراط يصنع لك اختها وخلى بالك وانت بتفك الجزرة علشان فية بلية صغيرة متنطش منك اثناء الفك واما ترمى الحمل على التوفشكى وتجعلة يقوم بالموهما ولكن عليك بفتح الجزرة وكأنك حتعمر رشاييةواثناء ما انت رافع ودن التعمير اعمل اختبار للتنفيس حتى تعرف الى اى مدى هو وذلك عن طريق شفط الهواء بالفم من فوة الماسورة بفمك واثناءسحب الهواءتجعل شفتك العلياتسد فوة الماسورة هيبان مدى شد الماسورةللشفاة ودة هيسهل عليك معرفة قوة سحب الشفاة فى القديمة والجديدةان كان الجزرة الجديدة تمام ولا التوفاشكى بيشتغلك ولك الشكر واتمنا ان اكون قدمت ولو كلمة مفيدة وربنا يوفق وشكرا

استاذ استاذ ومعلم كمان كلام 10/10

[mahmoud el masry]

معلش يا جماعة انا اسف فى السؤال هى اية الجزرة دى شكلها اية

[messam]

على فكرة العيب دة فى كل البنادق التل ام عتلة عن تجربة

[tiesto]

يا جماعه باركولى تم ابتكار حل و فعال 100 100x و البندقيه رجعت لحالت المصنع بحمد الله بدون خراط و رخيص جدا بالنسبه لحل الخراط

[bahy]

[QUOTE=tiesto;65077]يا جماعه باركولى تم ابتكار حل و فعال 100 100x و البندقيه رجعت لحالت المصنع بحمد الله بدون خراط و رخيص جدا بالنسبه لحل الخراط
الف مبروك بس انته اكتفيت بكده خلاص انك حليت المشكله وبس على العموم الف مبروك بس لما تبوظ منك تانى متبقاش تقولنا

[tiesto]

الحل طويل شويه يا جماعه و بيختلف من بندقيه لبندقيه بس لو حد عنده المشكله دى ممكن يكلمنى و انشاء الله افيدو بالعرفته و مش هتاخر عليه و فوق كل ذى علم عليم لو حد عاوز مساعد ممكن يكلمنى على الايميل ده
ahmed_aml@hotmail.com

[rock]

طب هو لو ممكن تاخد الثواب دفعه واحده ... وتعمل موضوع جامد ... وتبقى خليت علامه فى المنتدى ... فيه صيادين كتير معاهم بنادق قديمه وبجزره ... والعيب اللى حضرتك كنت بتشتكى منه بيقابل اعضاء كتير ... تحياتى .

[messam]

ياريت لو وقت حضرتك يسمح تشرح الطريقة علشان كل الأعضاء تستفيد وشكرا

[mero1x]

لو سمحت اتعب نفسك واشرحلنا ( على فكرة انا مش هستفيد من شرحك بس اكيد غيرى هيستفيد )
وبعدين اللى كتبلك قصة الخراطة كان حد غاصبة على كدا ؟!
ولا انا كلامى غلط يا اعضاء المنتدى ؟؟

[mero1x]

التعون حلو والله

[يهاء]

بسم الله الكلمة الطيبة صدقة خير الناس انفعهم للناس فاعلم ياخى ان الله لايحب عبدة المنان فصاحب العطاء والمنة هو الله فلاتخيل لنفسك انك تمن على اخوانك الاعضاء بمعلومة ولتعلم ياخى ان معظم من يحادثوك اهل علم ومعرفة وعلى الرؤس كمثال الاستاذ احمد عبد الغنى الذى تابع موضوعك بكل حب واهتمام كما ان الاخوة الاعضاء ناس اهل خير وتعاون فكن مثل اخوانك حتى تكسب حب اخوانك الاعضاء ولك الشكر

[mo7 faqih]

السلام عليكم ورحمة الله وبركاتة
اية ياجماعة زعلانين لية الموضوع دة موضوع فعلا سبب مشاكل ناس كتير اوى ومنهم انا حصل معايا من 3سنين تقريباً ومعرفتش اتخلص من الموضوع دة فكانت النتيجة انى بعت البندقية واتخلصت منها وكانت bsamk2
حل الموضوع دة لو حلين واحد عملى والتانى مش كويس وهو مشهور
اما الاول فهو عمل اويل سيل بين الجزرة والكانون وبين الجزرة والماسورة وممكن تكتفى باحدهم اذا كان الخلل من ناحية واحدة فقط كيفية عمله حتفك البندقية وتأتى بالجزرة من الجهتين وتقوم نحت ملى ونصف من الامام حول ثقب الرشه مكان التعمير وايضا بالمثل فى الجهة المقابلة بعد ذلك تاتى بمثبت للحديد وتضيفة على الاويل سيل وتقوم بكبسة بقوة وتضع شئ ثقيل على هذة الجهة لفترة لا تكون بالقصيرة وبالجهة المقابلة ايضا
وتقوم بالتشحيم وتركبها فى مكانها ستجد ان الاويل سيل حاجزاً وبارزاً ادخله وضع علية الشحم الشبه سائلى ولا انصح بالشحم الثقيل ولا تدخلها عفويا حتى لا يتأثر الاويل سيل بخدوش او جروح ثم بعد ذلك عمر بندقيتك وحرك الجزرة عدة مرات ستجدها صعبة وهذا فى جميع الاويل سيهات عموما وليس فى موضوعنا فقط يعنى هو حاصل معى الان فى rb2وبعد فترة بقت ناعمة ولطيفة بعد تقريبا 5 او 6 رحلا صيد حتبئى زى الفل ومتحسش انها صعبة فى عملية التلقيم هذا هو الحل الاول وهو جزرى
اما الحل الثانى وهو مشهور
انك تنكل الجزرة بمادة النيكل المطفى وهذه المادة تعطى زيادة قليلة جداً للجزرة وهو ما تحتاجة لالغاء عملية التنفيس
وان شاء الله واحد صديقى عندو واحدة حعملهالو واصور مراحلها وحرفعها على الموقع لكى تعم الفائدة على الجميع
مع تحيات اخوكم /محمد فكية والسلام عليكم ورحمة الله وبركاتة

[يهاء]

بسم الله افادك الله قدر عدد الحروف التى كتبتها لافادة اخوانك يا استاذ محمد شكرا

[tiesto]

معلش يا جماعه انا اتاخرت فى الرد لان مش فاضى تقريبا
بس انا حبيت افعل الموضوع و اشوف حلول الناس يمكن يكون فى حلول احسن من الحل بتاعى و على العموم موضوع النيكل ده انا مسمعتش عنه ابل كده بس موضوع الاويلسيل ده انا جربته و نفع الحمد لله تنزل تجيب الاويلسيلات من شارع شابليون فى بين رمسيس و التحرير و متتعبش نفسك و تلف و تدور روح للمحترفين على طول محل اسمع اويل سيل مصر مشهور جدا تسال اي حد فى شارع شامبليون عليه يدلك و تركب الاويلسيلات زى ما الاخ محمد و قال بس و انتا بتجيب الاويلسيل هات اكبر ب ربع ملى زياد و نقصان عشان سعات بتفرق بدل ما تنزل المشوار تانى و ترجع على رمسيس تروح لمحلات قطع غيار البوتجازات و السخانات تسال على شحم جرافيت برطمان صغير و الشحم لونه رمادى مائل للسواد و بيه بدره لامعه هوا برطمان صغير بحوالى 5-8 جنيه بس هيكفى و يفيض جدا انتا بتستخدم حاجه بصيته منه و تعمل زى ما الاستاذ قال هتلاقيها سعات تجيب شحم من الجنب معلش فكها و غير الاويلسيل اللى فى الجنب ده لحد ما مقاس من اللى انتا جايبهم يظبط و هتفاجاء ان الاويلسيل لا يزيد ثمنه عن 50 قرش فهات مقسات و كميه من كل مقاس و جرب هيا خدت منى حوالى 5 ايام لحد ما الاويلسيل منع التسريب تماما و تختبر ده ب 3 طرق اولا تفتح الجزره كانك هتحط رشه و تسحب من الماسوره و تشبكها فى شفتك و شوف قوه الكبس لو فى مشكله يبقى فى الجزره بعدين تفتح الجزره و تسحب و تشوف الكبس لو مش تمام يبقى فى مشكله فى الجلده و تتاكد اكتر لما تعمر البندقيه و تحط وضعيه مكان الرشه على الاطلاق و تختبر ال كبس لو فى مشكله يبقى شوف الجلده و انا صاينت بندقيه تل مجرى موديل 1988 و غيرتلها سوسته و جلده و سديت الجزره قتلت غراب لما اصابته فى رقبته على بعد 25 متر تقريبا و لو اي حد محتاج اعمله اى مساعده انا من مدينه نصر ممكن يجبهالى و انا تحت امره و ارجو ان محدش يزعل بس انا حبيت اشوف لو فى حلول احسن و اوفر و انا معرفش مدى فعاليه الحل ده لانى لسه عامله مكملش شهر بس الوضع تمام و على العموم انا مش عارف الناس هجمتنى ليه يعنى مكنتوش بتشاركو و لا باى حاجه و بعد ما الموضوع اتحل عوزين الحل من غير حتى اي محاولات سلام عليكم