برجاء الرد للأهمية

[tomcruies_egy]

وأنا بقدم أوراق ترخيص السلاح في قسم الساحل
فوجئت بالأمين بيطلب مني شيك مقبول الدفع بقيمة 70 جنيه لصالح مدير مصلحة التدريب بوزارة الداخلية ... عشان أدرب على ضرب النار
الكلام ده مظبوط ولا اشتغالة وتعقيد
ارجو الرد للأهمية

[احمد العوضى]

طبعا الكلام مضبوط 100 فى 100 لانك عمرك ما هتستلم السلاح بدون تدريب عليه وبعدين الراجل بيطاب منك شيك معروف هيروح فين مش فلوس تحياتى

[tomcruies_egy]

انا قصدي فيه حد من السادة اعضاء المنتدى حصل معاه كدة قبل ما ياخده منه الورق
ولا هو بيعقد الامور

[احمد العوضى]

يا استاذ انا معى ترخيص سلاح بس من فتره طويله وحصلت عليه وانا فى القوات المسلحه لاكن طبيعى الى بيحصل لان الاجرائت على الكل انت اشتريت ولا لسه مختش الارنيك

[tomcruies_egy]

يا استاذ احمد انا لسه هقدم الورق الفيش والصور وغيره
ومش معقولة هروح افتح حساب في البنك عشان احرر شيك بـ 70 جنيه
فهمت قصدي

[احمد العوضى]

مهو من شروط حمل السلاح ان يكون عندك حساب فى البنك وبتتعامل فى فلوس كتير ولا انت حمله بظروف مهنه

[tomcruies_egy]

اه .. أنا محامي استئناف وبترافع في جنايات ,,, وطبعا دلوقتي البلد ملخبطة بعد هرورب المساجين والمسجلين وانا بسافر كتير

[احمد العوضى]

يعنى لو الموافقه جت بنان عن المهنه وده صعب بنسبه للمحامى الا اذا كان اسم كبير ومعروف جدا ومعرفه كتير لاكن لاذم الشيك ولاكن ممكن تساله انك تجبله حواله بريديه بنفس القيمه ولنفس الجهه

[tomcruies_egy]

هي دلوقتي مبقتش محامي معروف او مش معروف ... دلوقتي السلاح مع اللي يسوى واللي ميسواش .... بعد ما اتنهبت اسلحة الاقسام ومديريات الأمن ...
هما بقى يعقدوها عشان معروف ولا مش معروف .... كانوا سابوا البلد سابت ليه .؟؟

[احمد العوضى]

يا استاذ انت اكتر علم منى بالقانون وتعقيداته لاكن الترخيص ملوش دعوه بالبلد فيها ايه بس لو عيذين يوقفو المراكب السيره بيوقفوها

[احمد العوضى]

وعلى فكره الترخيص مغلق الى الان والى بيحصل ده كله اونطه لاكن حاول مش هتخصر حاجه

[tomcruies_egy]

انا عامة هقدم ,,, ولو الطلب اترفض ان شاء الله هرفع قضية ,,, وهطلع الترخيص بحكم محكمة
انا معايا سلاح بس كنت عايز امشي قانوني لا أكثر ولا اقل
والف شكر لإهتمامك يا أستاذ أحمد

[احمد العوضى]

خد بالك لحسن السلاح الى معاك مش ممكن ترخيصه ابدا والى هترخصه ان شاء الله هتشتريه بعد ما تستلم الارنيك

[tomcruies_egy]

قاهم يا استاذ احمد اني هشتري .. بس ادعلنا ربنا يوفقنا ونعرف نرخص عشان دلوقتي لو فيه مشكلة واتصلت برئيس المباحث تقوله انزل شوف المشكلة يرد عليك وبيقولك احنا ما مبننزلش هات كل الاطراف وتعالى عالقسم
شوف بقوا جبنا اوي من كتر السلاح اللي مع البلطجية والمسجلين

[احمد العوضى]

لا همه مش جبنه ولا حاجه ده للاسف اسلوب لو دراع عشان نعرف ايمتهم ولما ينذلو بجد محدش يقلهم تلت التلاته كام ومحدش يتعرض لهم تانى لاكن العنجهيه والنفخه الكدابه لسه موجوده

[m.e]

المشاركة الأصلية كتبت بواسطة احمد العوضى

لا همه مش جبنه ولا حاجه ده للاسف اسلوب لو دراع عشان نعرف ايمتهم ولما ينذلو بجد محدش يقلهم تلت التلاته كام ومحدش يتعرض لهم تانى لاكن العنجهيه والنفخه الكدابه لسه موجوده

كلام صح الصح بس تقول لمين نص الشعب بيقبلهم بالشكولاته علشان احنا غلطنا فى حقهم ولازم نتأسف ومش نافع برده والمصيبه انهم بيعملو مظاهرات وبيهددو بالاستقاله علشان زمايلهم اللى بيتحكمو علشان قتلو الشباب مشفتش مسخرة اكتر من كده

[احمد العوضى]

ضربنى وبكه وسبقنى واشتكه

[Ahmed Nada]

المشاركة الأصلية كتبت بواسطة tomcruies_egy

وأنا بقدم أوراق ترخيص السلاح في قسم الساحل
فوجئت بالأمين بيطلب مني شيك مقبول الدفع بقيمة 70 جنيه لصالح مدير مصلحة التدريب بوزارة الداخلية ... عشان أدرب على ضرب النار
الكلام ده مظبوط ولا اشتغالة وتعقيد
ارجو الرد للأهمية

ممكن الاستاذ الموقر يقول لنا ماهى الأوراق المطلوبة للترخيص, دى هتكون مساعدة ممتازة لأعضاء المنتدى

[المهندس]

باشا ممكن تسال في البنك حتلاقي الموضوع سها ان شاء الله

[المهندس]

شهادات نظر و باطنة و بيان بالاملاك و فيش و 2 صورة شخصية

[hhhhh]

هذا الطلب طبيعي لن الشئ الذي عملتة قبل اجراءات الترخيص عملت شهادة صحية تقريبا نظر وباطنة ثم دفعت مبلغ تقريبا 70 جنية وأخذت جواب ورحت بة مكان لضرب النار سلمتهم الكتاب وبعد كدة جلس معي أمي شرطة قام بتدريبي على السلاح وعوامل الأمان بس بدون ضرب نار وبعدها مشيت الإجراءات

[tomcruies_egy]

ازيك يا ادمن الله ينور عليك
انا النهاردة خدت جواب من القسم الي رئيس مركز التدريب بمديرية أمن القاهرة قالولي هتاخد الجواب وتروح بيه اول طريق الاسماعيلية ..... يا ريت تشرحلي المكان فين بالظبط واروح امتى وايه اللي هيتم ؟؟ بالتفصيل

[sanset]

يا ريت يا اخى تسألنا على الاوراق المطلوبة بالنسبة لاصحاب الشركات والمحلات التجارية واصحاب المصانع
ويبقا جزاء الله خيرا يا اخى

[hema777h]

بالتوفيق باذن اللة