بندقية ديانا موديل 25 نمرة 1

[احمد يونس]

بسم الله الرحمن الرحيم

تم البيع بفضل الله
السلام عليكم ورحمة الله وبركاته

قال رسول الله صلي الله عليه وسلم " البيعان بالخيار ما لم يفترقا فان صدقا وبينا بورك لهما في بيعهما وان كذبا وكتما محقت بركة بيعهما "

عندي بندقية ديانا موديل 25 رقم 1 للبيع

البندقية فيها

1) تحتاج الي نشان

2) فيه لحام في الدراع السفلي للبندقية ولكنه لا يؤثر علي الاطلاق علي البندقية والله شهيد لكن ذكرته للامانة

مميزات البندقية

1) البندقية خفيفة جدا

2) سرعة الطلقة عالية مع اني لم اغير لها جلدة وسوستة

سبب البيع : البندقية عايزة نشان وبحكم الدراسة وبحكم اني في بلد فلاحين
عايزة وقت عشان ادورلها علي نشان
والسبب التاني اني عايز اشتري بندقية جديدة ان شاء الله

انا كنت اتصلت بالاستاذ جلال عشانها وشكر لي فيها

انا واضح تماما عشان كده ياريت اللي نيته سيئة او بيلعب ميتصلش لأني مش هبيعها له .

السعر : انا مش هحدد سعر مبدأي لأني فعلا معرفش سعر مبدأي لكن انا هسأل ناس في السعر

قبل البيع والاستاذ جلال ربنا يكرمه هاخد رأيه بمشيئة الله.

البيع 0143058657

وربنا يبارك لي فيها وفي بيعها

.الصور

[AMR EBID]

ربنا يوفقك

[احمد يونس]

اللهم امين
شكرا ليك يا عمرو ,

[darkshaft]

تب قلنا على سعر حضرتك و سرعتها اد اى؟؟

[احمد يونس]

الاستاذ جلال حدد لي سعرها لكن انا منتظر تقييمكم

[darkshaft]

انا مفهمش فيها عشان كده بسئل حضرتك

[adel_7768]

طيب ياريت لو ممكن ترفع لنا صور البندقيه

[احمد يونس]

انا قاعد و الله عالنت بالعافية الفلاشة بطيئة جدااا

ياريت اللي يتواصل معايا يكون بالموبايل لاني ممكن مفتحش النت لفترة طويلة

وان شاء الله هبيع علي سعر الاستاذ جلال

شكرا,

[احمد يونس]

العرض مازال مفتوح لم يتم البيع
بيع او استبدال

[messam]

الله يبارك للشارى والبائع

[waleedrahmy]

حاول تصورها بموبيل زميل وحط صور ليها عشان تساعد الناس علي تقييمها

[BASiC]

ربنا يوفقك في بيعها .....

ويا اخي طالما عرفت السعر ومرتضيه يا ريت تحطه ....... ويا ريت كمان صور عشان الناس تقيم مبدأيا مناسبة السعر مع حالة البندقية ( الوصف مش كفاية )

[احمد يونس]

حاضر ان شاء الله هرفق صور

الاستاذ جلال ربنا يبارك له فصل البيع 1500 وهوا معانا في المنتدي

لكن الاعضاء اللي اتصلوا بيا نزلوا في السعر وانا معنديش علم تماما والله بسعرها ومنتظر الاستاذ جلال يعقب

[Batman]

المشاركة الأصلية كتبت بواسطة احمد يونس

العرض مازال مفتوح لم يتم البيع
بيع او استبدال

بعد التحيه . . .
مش تقول السعر الى حضرتك شايفه مناسب علشان المهتم من الاعضاء يتفاعل معك ؟؟
حضرتك استشرت خبير ، قلك كام ؟؟
بالتوفيق ان شاء الله . . .

[Batman]

المشاركة الأصلية كتبت بواسطة احمد يونس

حاضر ان شاء الله هرفق صور

الاستاذ جلال ربنا يبارك له فصل البيع 1500 وهوا معانا في المنتدي

لكن الاعضاء اللي اتصلوا بيا نزلوا في السعر وانا معنديش علم تماما والله بسعرها ومنتظر الاستاذ جلال يعقب

تمام كده .
و نصيحه لو العروض مقاربه ، اتكل على الله لو عندك نيه البيع .

[بكار]

بالتوفييييييييييييييييييييق

[احمد يونس]

تم اضافة صور

[بكار]

fبالتوفيييييييييييييييييييييييييييييييييق

[رمزى البيلى]

موفق ان شاء الله احترم فى حضرتك الصراحة والامانة شكرااااااااااااااا

[fugativ]

يا باشا انت الى بتبيع لازم تحدد سعر

[احمد يونس]

الف شكر يا استاذ رمزي

انا حددت السعر يا fugativ

1500 وزي ما قلت ده مش فصالي ده فصال الاستاذ جلال

[احمد يونس]

انا خفضت السعر 1350

[احمد يونس]

بحمد الله تم البيع

اشتريت BSA Air Sporter ربنا يباركلي فيها

لكن عندي سؤال للخبراء بحس ان النشان بيتغير كل مرة يعني مكان الطلقة بيتغير ؟؟!! وهل ده عيب له حل

تنصحوني ازاي اعدل النشان

وانا عايز اغير النشان الخلفي و الامامي اجيبهم منين وسعرهم في حدود اد ايه

[mishofun79]

المشاركة الأصلية كتبت بواسطة احمد يونس

بحمد الله تم البيع

اشتريت bsa air sporter ربنا يباركلي فيها

لكن عندي سؤال للخبراء بحس ان النشان بيتغير كل مرة يعني مكان الطلقة بيتغير ؟؟!! وهل ده عيب له حل

تنصحوني ازاي اعدل النشان

وانا عايز اغير النشان الخلفي و الامامي اجيبهم منين وسعرهم في حدود اد ايه

الاير سبورتير بها عيب في النيشان كما قلت في مواضيع كثيره سابقه هذه البندقيه نازله بها عيب في دقة النيشان وعن تجربه في اكثر من بندقيه