تنبيه واجب لأعضاء المنتدى

[dr mohamed kamal]

الاخوه الاعضاء الكرام بيع السلاح الابيض مثل الخناجر و الذخيرة الحية و المسدسات الحية بدون ترخيص سيعرض صاحبه لعقوبة من 3سنوات إلى 15 سنة ,و ضبط البائع سيكون فى منتهى السهولة ,بأن يتصل به مشترى ويوهمه بالشراء ويكون فى إنتظاره كمين ويضبط متلبس و يحول على القضاء العسكرى والعقوبة من 3إلى 15 سنه ,حفظنا وحفظكم الله

[احمد فتحي]

فعلاآ كلام حضرتك 10/10والمفروض المنتدي للصيد وليس للاتجار في الاسلحه الغير مرخصه

[kiko_2015]

طب بالنسبه للطلق البلي ؟؟

[سيدخالد]

فعلا كلامك يا دكتور مظبوض وياريت الناس تتعظ وكفاية السلاح الابيض الايام ديت حامله فقط بياخد 3 سنين مش 6 شهور لانها احكام عسكرية بالكم من بائعها فاعتقد العقوبه هتزيد وربنا يسترها وياريت نقنن من هذه المعاملات

[dr mohamed kamal]

المشاركة الأصلية كتبت بواسطة kiko_2015

طب بالنسبه للطلق البلي ؟؟

المفروض ده صوت وتحويله إلى شىء ممكن يسبب القتل ,يضعك تحت طائلة القانون ,حفظك الله

[xman]

تسلم ايد سعادتك

[tarekvb]

استاذ احمد قادر هيزعل منكم اوى اوى

[hassan moneer]

طيب انا بحب الخناجر من زمان و بجمع اشكال مطاوي كتير اولت ابيع يمكن فيه حد بيحبهم زيي ولا كمان الشرطة هتدخل البيوت واللي تلاقي عنده سكينة مطبخ يروح ياخدله كام سنة سجن هو احنا بنتقدم ولا بنرجع للوراء

[hazeeeeem]

المشاركة الأصلية كتبت بواسطة tarekvb

استاذ احمد قادر هيزعل منكم اوى اوى

الراجل بينصح ليس الا
ماقلش حاجه غلط


والله الموفق والمستعان

[hazeeeeem]

المشاركة الأصلية كتبت بواسطة dr mohamed kamal

الاخوه الاعضاء الكرام بيع السلاح الابيض مثل الخناجر و الذخيرة الحية و المسدسات الحية بدون ترخيص سيعرض صاحبه لعقوبة من 3سنوات إلى 15 سنة ,و ضبط البائع سيكون فى منتهى السهولة ,بأن يتصل به مشترى ويوهمه بالشراء ويكون فى إنتظاره كمين ويضبط متلبس و يحول على القضاء العسكرى والعقوبة من 3إلى 15 سنه ,حفظنا وحفظكم الله

جزاكم الله خيرا ع النصيحه .

والله الموفق والمستعان

[محمد احمد العنانى]

كل المعروض على مسؤلية صاحب العرض والمنتدى ليس علية الى مسؤلية واللة يسترها علينا وعليكم وتعدى المرحلة دى ع خير

[hassan moneer]

انا بشكرك عالتنبيه بس انا قصدي احنا هنرجع تاني لقانون الظواريء اي حج في اي حتة من غير ميعمل اي حاجة يتفتش و يتاخد اشتباه 24 ساعه لمجرد ان حظة العثر خلاه يقابل ميكروباص فيه مخبر

[smsmn8888]

لازم يتمسك واحد من المنتداء ويدخل بعد تلات سنين ويحكي قصتة في السجن

[tarekvb]

المشاركة الأصلية كتبت بواسطة hassan moneer

طيب انا بحب الخناجر من زمان و بجمع اشكال مطاوي كتير اولت ابيع يمكن فيه حد بيحبهم زيي ولا كمان الشرطة هتدخل البيوت واللي تلاقي عنده سكينة مطبخ يروح ياخدله كام سنة سجن هو احنا بنتقدم ولا بنرجع للوراء

كلمة احنا بنتقدم ولا بنرجع لورا موجهة لمين اذا كان الراجل بيقول نص القانون مجبش حاجة من عنده وقالوها زمان اللى بيشيل قربة مخرومة بتخر على دماغه يعنى سيبك من كلامه وبيع الخناجر بتاعتك ومطاويك بس لو لقيت ساعتها البوليس هو اللى مستنيك هتعرف ساعتها ان الراجل ده بيتكلم صح وساعتها هتفتكره كويس اوى وهما اللى هيقولولك هناك سكاكين المطبغ عليها كام سنة سجن بالتمام ساعتها هيكون الوقت طويل وتسالهم براحتك يا عم

[tarekvb]

المشاركة الأصلية كتبت بواسطة hassan moneer

انا بشكرك عالتنبيه بس انا قصدي احنا هنرجع تاني لقانون الظواريء اي حج في اي حتة من غير ميعمل اي حاجة يتفتش و يتاخد اشتباه 24 ساعه لمجرد ان حظة العثر خلاه يقابل ميكروباص فيه مخبر

السلاح الابيض ماله ومال قانون الطوارئ ملوش دعوه والاشتاه وارد انت حضرتك عايز البوليس يعدى على ناس شكلهم مدمنين او معاهم حاجات شكلها مسروقة مرتبكين ويتسابو وميتفتشوش ولا يتخدوه اشتباه حضرتك راجل محترم بس فيه ناس كتير تشوفهم تبقى عايز تضربهم بالنار مش تخدهم اشتباه بس

[hassan moneer]

المشاركة الأصلية كتبت بواسطة tarekvb

كلمة احنا بنتقدم ولا بنرجع لورا موجهة لمين اذا كان الراجل بيقول نص القانون مجبش حاجة من عنده وقالوها زمان اللى بيشيل قربة مخرومة بتخر على دماغه يعنى سيبك من كلامه وبيع الخناجر بتاعتك ومطاويك بس لو لقيت ساعتها البوليس هو اللى مستنيك هتعرف ساعتها ان الراجل ده بيتكلم صح وساعتها هتفتكره كويس اوى وهما اللى هيقولولك هناك سكاكين المطبغ عليها كام سنة سجن بالتمام ساعتها هيكون الوقت طويل وتسالهم براحتك يا عم

انا في بيتي اشيل اللي انا عايزو ولو بوليس جه اهلا وسهلا و الحاجة اهي معايا و بردو محدش ليه حاجة عندي انا مش ماشي فاتحها عالناس

[زيكوووو]

يا عم يروحو يتشطرو علي البلطجيه الأول وبعدين يبقو يعملو فيها رجاله

[زيكوووو]

مش اما يرجع الأمان في البلد كتهم ستين نيلآ وانا مع الحق كفايه فساد بقي وفرقعه كلآم في الهوا

[زيكوووو]

شرطه ال هي فعلآ الشرطه رجاله علي الشرفاء وبس

[shoor80]

مشكوووووور علي النصيحه

[sniper1]

كلام مظبوط وصحيح ليس فيه جدال

[hassan moneer]

المشاركة الأصلية كتبت بواسطة tarekvb

السلاح الابيض ماله ومال قانون الطوارئ ملوش دعوه والاشتاه وارد انت حضرتك عايز البوليس يعدى على ناس شكلهم مدمنين او معاهم حاجات شكلها مسروقة مرتبكين ويتسابو وميتفتشوش ولا يتخدوه اشتباه حضرتك راجل محترم بس فيه ناس كتير تشوفهم تبقى عايز تضربهم بالنار مش تخدهم اشتباه بس

انا معاك لو واحد عمل حاجة علط او باين عايه انو شارب حاجة لاكن الشخص الطبيعي المحترم بيبان عليه و غير كدة الظبات عندهم خبرة يعرفو ازاي تفرق مبين المظبوط و الغير طبيعي

[basemzero]

المشاركة الأصلية كتبت بواسطة dr mohamed kamal

الاخوه الاعضاء الكرام بيع السلاح الابيض مثل الخناجر و الذخيرة الحية و المسدسات الحية بدون ترخيص سيعرض صاحبه لعقوبة من 3سنوات إلى 15 سنة ,و ضبط البائع سيكون فى منتهى السهولة ,بأن يتصل به مشترى ويوهمه بالشراء ويكون فى إنتظاره كمين ويضبط متلبس و يحول على القضاء العسكرى والعقوبة من 3إلى 15 سنه ,حفظنا وحفظكم الله

جزاك الله خيرا على النصيحه يا دكتور....

[dr mohamed kamal]

المشاركة الأصلية كتبت بواسطة hassan moneer

انا في بيتي اشيل اللي انا عايزو ولو بوليس جه اهلا وسهلا و الحاجة اهي معايا و بردو محدش ليه حاجة عندي انا مش ماشي فاتحها عالناس

أخى العزيز إحتفظ فى منزلك بالسكاكين والخناجر كما تشاء لكن تنزل بها الشارع وتظبط معاك هنا تكون الطامة الكبرى , حفظكم وحفظنا الله

[dr mohamed kamal]

المشاركة الأصلية كتبت بواسطة hassan moneer

انا معاك لو واحد عمل حاجة علط او باين عايه انو شارب حاجة لاكن الشخص الطبيعي المحترم بيبان عليه و غير كدة الظبات عندهم خبرة يعرفو ازاي تفرق مبين المظبوط و الغير طبيعي

طب إفرض إنه طلع ضابط من إيياهم إيه الحل وقتها ...............؟,ده سجن ومحاكم عسكرية ولا يوجد مجال للتخمين ,تحياتى للجميع

[hassan moneer]

المشاركة الأصلية كتبت بواسطة dr mohamed kamal

طب إفرض إنه طلع ضابط من إيياهم إيه الحل وقتها ...............؟,ده سجن ومحاكم عسكرية ولا يوجد مجال للتخمين ,تحياتى للجميع

مش من حقه اكتر من انو يتاكد من البطاقة الشخصية و عموما من اياهم دول بقرشين و نرجع للرشوة تاني احسن من البهدلة لحد ميركبو كميرات في عربيات الشرطة زي برة

[ahmadkader]

المشاركة الأصلية كتبت بواسطة tarekvb

استاذ احمد قادر هيزعل منكم اوى اوى

و أنا إيه اللى يزعلنى بس يا أستاذ طارق ، أنا معايا رخصة حيازة سلاح شخصى ، سلاح نارى مش سلاح أبيض

[hema777h]

المشاركة الأصلية كتبت بواسطة ahmadkader

و أما إيه اللى يزعلنى بس يا أستاذ طارق ، أنا معايا رخصة حيازة سلاح شخصى ، سلاح نارى مش سلاح أبيض

مبروووووك علي الصورة الرمزية الجديدة

[ahmadkader]

المشاركة الأصلية كتبت بواسطة hema777h

مبروووووك علي الصورة الرمزية الجديدة

إيه رأيك ؟ روشة ؟

[sameer]

جزاك الله كل خير

[tarekvb]

المشاركة الأصلية كتبت بواسطة hassan moneer

انا في بيتي اشيل اللي انا عايزو ولو بوليس جه اهلا وسهلا و الحاجة اهي معايا و بردو محدش ليه حاجة عندي انا مش ماشي فاتحها عالناس

سامحلى اوضحلك يا باشا لما البوليس يجى ساعتها ولا اهلا ولا سهلا القانون بيعاقب على مجرد حيازتها اى امتلكها ووجودها بدون حتى لما تفتحى على الناس او تستعلمها يعنى فيها بس 3 او خمس سنين حيازة سلاح غير مرخص اما لما حضرتك تفتحها على الناس فبضيف على الخمس سنين دول نتيجة استخدامك سواء عاهة مستديمة قتل على حسب دى عقوبة تانية ... يعنى حيازته وامتلاك للسلاح الغير مرخص او سلاح ابيض يسجنك للاسف ده القانون ولا بيحميك ولا بيخليك تحمى نفسك

[tarekvb]

المشاركة الأصلية كتبت بواسطة hassan moneer

مش من حقه اكتر من انو يتاكد من البطاقة الشخصية و عموما من اياهم دول بقرشين و نرجع للرشوة تاني احسن من البهدلة لحد ميركبو كميرات في عربيات الشرطة زي برة

بلاش كلمة مش منحقة دى عشان حقة يعمل حاجات كتير اوى ولو حظك طلع فى ظابط مش مرتشى ؟ تحب اقولك يا باشا على سريع ممن الظابط يعمل ايه وبالقانون عشان متقولش كلمة مش من حقة لو شاف معاك مسدس صوت اوهو حاجة مشروعة ولا يعاقب القانون عليها ممكن يعمل الاتى:
1- قضية ترويع امنين باستخدام مسدس صوت
2- عدم معرفة نوع السلاح اذا كان نارى او صوت (طبعا بالظلم) وارسال السلاح الى الطبيب الشرعى لمعرفة نوعه ودى فيها حبس شهر او شهر ونص لحين ورود التقرير و يا عالم هيجى امتى
3 - انتحال شخصية ظابط شرطة باستخدام مسدس الصوت
وكله بالقانون يا باشا مجبنا حاجة من بره ايه رايك حقة ولا مش حقه ؟؟؟

[حازم6/10]

طب ممكن يرخص يريح نفسة ويشيل اللى عايزة ويبقى حقة

[braveheart]

المشاركة الأصلية كتبت بواسطة dr mohamed kamal

الاخوه الاعضاء الكرام بيع السلاح الابيض مثل الخناجر و الذخيرة الحية و المسدسات الحية بدون ترخيص سيعرض صاحبه لعقوبة من 3سنوات إلى 15 سنة ,و ضبط البائع سيكون فى منتهى السهولة ,بأن يتصل به مشترى ويوهمه بالشراء ويكون فى إنتظاره كمين ويضبط متلبس و يحول على القضاء العسكرى والعقوبة من 3إلى 15 سنه ,حفظنا وحفظكم الله

كلام مظبوط 100 % .. شكرا لك ... و نتمني تواجدك معنا دائما.

[tarekvb]

المشاركة الأصلية كتبت بواسطة حازم6/10

طب ممكن يرخص ب70 جنية ويريح نفسة ويشيل اللى عايزة ويبقى حقة

يطلع المريخ وهو جاى يعدى على القمر اسهل من استخراج ترخيص سلاح يكفى احد اعضاء المنتدى انه صاحب محل صرافة اى عنده سبب واقعى للترخيص حيث انه دائم حمل الاموال ذهابا وايابا اخذ سنة ونص وبصعوبة عرف يطلعه لان شروط استخراج السلاح اشبة بالمستحيل ... وتفتكر لو كان ب70 جنيه يشيل سلاح مرخص كان حد غلب ولا حد عمل طلقات بلى ولا اصلا كان فى حاجة اسمها مسدس صوت كان كله شال حى

[dr mohamed kamal]

المشاركة الأصلية كتبت بواسطة tarekvb

يطلع المريخ وهو جاى يعدى على القمر اسهل من استخراج ترخيص سلاح يكفى احد اعضاء المنتدى انه صاحب محل صرافة اى عنده سبب واقعى للترخيص حيث انه دائم حمل الاموال ذهابا وايابا اخذ سنة ونص وبصعوبة عرف يطلعه لان شروط استخراج السلاح اشبة بالمستحيل ... وتفتكر لو كان ب70 جنيه يشيل سلاح مرخص كان حد غلب ولا حد عمل طلقات بلى ولا اصلا كان فى حاجة اسمها مسدس صوت كان كله شال حى

الاخ العزيز طارق شكرا على مداخلاتك الواقعية جدا ,و أرجو من الاعضاء الكرام أن يأخذوا الموضوع مأخذ جد ,لان الموضوع جد خطير وفيه ضياع للعضو ومستقبله ,أرجوووووووووووووووووووووكم...الاهتمام

[صقر ابوحسانين]

سيدى الفاضل كلامك صحيح تماما من يومين صدر حكم على احد تجار السلاح بتوع الفرد المحلى الصنع المهم هو كان اتمسك فى كمين للجيش فى مركز ديروط محافظه اسيوط من حوالى اسبوعين المهم اتحول الموضوع الى القضاء العسرى والذى اصدر حكمه من يومين بس تخيلوا خد كم سنه فى فردين خرطوش تمنهم 600 جنيه ؟؟؟؟ اخد 15 سنه سجن مشدد ......................... البلد كده هتتمسك من الانفلات والبلطجه وقله الادب اللى حاصله عندنا السلاح بشكل شنيع روسى وامريكى واسرائيلى وحتى طبنجات نبيجريا جابوها ولسه ياما هنشوف

[jamayka]

المشاركة الأصلية كتبت بواسطة ahmadkader

إيه رأيك ؟ روشة ؟

الصورة تمام التمام يا باشا سامحنى الظروف مخلتنيش اشكرك على العطلة اللى اتسببتلك فيها و الحتة تمام التمام (كلمة السر)

[dr mohamed kamal]

المشاركة الأصلية كتبت بواسطة صقر ابوحسانين

سيدى الفاضل كلامك صحيح تماما من يومين صدر حكم على احد تجار السلاح بتوع الفرد المحلى الصنع المهم هو كان اتمسك فى كمين للجيش فى مركز ديروط محافظه اسيوط من حوالى اسبوعين المهم اتحول الموضوع الى القضاء العسرى والذى اصدر حكمه من يومين بس تخيلوا خد كم سنه فى فردين خرطوش تمنهم 600 جنيه ؟؟؟؟ اخد 15 سنه سجن مشدد ......................... البلد كده هتتمسك من الانفلات والبلطجه وقله الادب اللى حاصله عندنا السلاح بشكل شنيع روسى وامريكى واسرائيلى وحتى طبنجات نبيجريا جابوها ولسه ياما هنشوف

شكرا أخى الكريم على مرورك ,ويارب الناس تتعظ ,وبناقص من الكام جنيه مكسب دول ويبص لبيته وأسرته إلى ممكن يجنى عليهم,وربنا يسترها على الجميع

[tarekvb]

المشاركة الأصلية كتبت بواسطة dr mohamed kamal

الاخ العزيز طارق شكرا على مداخلاتك الواقعية جدا ,و أرجو من الاعضاء الكرام أن يأخذوا الموضوع مأخذ جد ,لان الموضوع جد خطير وفيه ضياع للعضو ومستقبله ,أرجوووووووووووووووووووووكم...الاهتمام

الشكر لله بس فعلا المضوع خطير ومحير بين ان الواحد يدافع عن نفسه وبين المسالة القانونية ربنا يستر مع الجميع

[dr mohamed kamal]

ضبطت سلطات مطار القاهرة الدولى، سيفين مع راكب مصرى قادم على الخطوط الجوية القطرية من الدوحة مساء أمس الأحد، وصاعقين كهربائيين مع راكب صينى قادم من الدوحة على نفس الرحلة.

وأفادت مصادر أن السلطات اتخذت الإجراءات القانونية اللازمة مع الراكبين وتحفظت على المضبوطات، فيما سهلت سلطات مطار القاهرة الدولى إجراءات وصول 65 راكبا صينيا قدموا إلى مصر على متن طائرة خطوط الاتحاد من أبو ظبى بغرض السياحة.

وكان الفوج السياحى الصينى ضمن أفواج سياحية متعددة قد توافدت على مصر خلال الفترة الماضية بعد هدوء الأوضاع فى الشارع المصرى عقب ثورة 25 يناير.هذا الخبر من موقع اليوم السابع

[tarekvb]

المشاركة الأصلية كتبت بواسطة ahmadkader

و أنا إيه اللى يزعلنى بس يا أستاذ طارق ، أنا معايا رخصة حيازة سلاح شخصى ، سلاح نارى مش سلاح أبيض

ههههههههه انا اصدى عشان انت بتبيع سلاح ابيض ودى دعوه لعدم بيعه دى كل الحكاية وربنا يباركلك ويسترها معاك بس لو ممكن تقولينا ازاى حصلت على الرخصة لو مفيش احراج يعنى فى خانة اسباب الترخيص يعنى فيه ارض امتلاك محل لان اعتقد ده مووضع محير الكل والناس نفسها ترخص

[محمد احمد العنانى]

السلام عليكم ورحمة اللة وبركاتة

البلد فى ظرف استثنائى ومرحلة تحول فرضت علينا انة لازم يكون ف سلاح ف البيت والسيارة حتى تحت المخدة والسلاح يعنى قوة والقوة بدون عقل يسيطرعليها تصبح فوضى فرسالة لكل حامل سلاح مرخص او غير او صوت اخر حاجة تفكر فيها انك تستخدمة الا..... ف الضرورة القصوى
بي للاسف بيحصل غير كدة . وربنا يسترها على ام الدنيا تحياتى

[hassan moneer]

المشاركة الأصلية كتبت بواسطة tarekvb

بلاش كلمة مش منحقة دى عشان حقة يعمل حاجات كتير اوى ولو حظك طلع فى ظابط مش مرتشى ؟ تحب اقولك يا باشا على سريع ممن الظابط يعمل ايه وبالقانون عشان متقولش كلمة مش من حقة لو شاف معاك مسدس صوت اوهو حاجة مشروعة ولا يعاقب القانون عليها ممكن يعمل الاتى:
1- قضية ترويع امنين باستخدام مسدس صوت
2- عدم معرفة نوع السلاح اذا كان نارى او صوت (طبعا بالظلم) وارسال السلاح الى الطبيب الشرعى لمعرفة نوعه ودى فيها حبس شهر او شهر ونص لحين ورود التقرير و يا عالم هيجى امتى
3 - انتحال شخصية ظابط شرطة باستخدام مسدس الصوت
وكله بالقانون يا باشا مجبنا حاجة من بره ايه رايك حقة ولا مش حقه ؟؟؟

اكيد الي يلفق القضايا دي كلها مرتشي ماهي مفرقتشي متير في الحالتين ظلم و ربنا يستر

[tarekvb]

المشاركة الأصلية كتبت بواسطة محمد احمد العنانى

السلام عليكم ورحمة اللة وبركاتة

البلد فى ظرف استثنائى ومرحلة تحول فرضت علينا انة لازم يكون ف سلاح ف البيت والسيارة حتى تحت المخدة والسلاح يعنى قوة والقوة بدون عقل يسيطرعليها تصبح فوضى فرسالة لكل حامل سلاح مرخص او غير او صوت اخر حاجة تفكر فيها انك تستخدمة الا..... ف الضرورة القصوى
بي للاسف بيحصل غير كدة . وربنا يسترها على ام الدنيا تحياتى

كلامك صح بس اسمحلى السلاح فى السيارة برده خطر فى اى لجنة هيتم التفتيش فيها اصبحت قضية حيازة سلاح غير مرخص وملهاش حل ولا شرطة ولا جيش هيسمى على اللى شايله ولا هيقتنع ان شايلة للدفاع

[braveheart]

المشاركة الأصلية كتبت بواسطة tarekvb

بس اسمحلى السلاح فى السيارة برده خطر فى اى لجنة هيتم التفتيش فيها اصبحت قضية حيازة سلاح غير مرخص وملهاش حل ولا شرطة ولا جيش هيسمى على اللى شايله ولا هيقتنع ان شايلة للدفاع

للأسف ... كلامك صح ..

[osha966]

يوم أمس تم ضبط أحد المخرجين واسمه جمال ..يبلغ من العمر 51 سنة وبتفتيش سيارته عثر على طبنجة براوننج بدون ترخيص .وقال انه يحمله للدفاع عن نفسه ..وهذا فى الكيلو 28 القاهرة اسكندرية الصحراوى ..وهو معرض للسجن مده لا تقل عن 7 سنوات فى ظل القوانين المشددة !!!!!!

[Aboyassin]

السلام عليكم
ولكن لا يوجد ترخيص للصوت.
فكيف يسألونه عن ترخيص؟؟

[بدر]

المشاركة الأصلية كتبت بواسطة aboyassin

السلام عليكم
ولكن لا يوجد ترخيص للصوت.
فكيف يسألونه عن ترخيص؟؟

الاخ الفاضل
البروننج اكيد اللى معاه حى مش صوت دة على حسب ما انا فاهم
بس لو صوت برضة ممكن يرخم علية ويعملة مشكلة وحصلت مع احد اصدقائى ماشى بعد الحظر وبتفتيش السيارة كان معاه مسدس صوت وبعد حوارات خد منة المسدس وسابة يمشى
تحياتى

[Mahmoud]

المشاركة الأصلية كتبت بواسطة aboyassin

السلام عليكم
ولكن لا يوجد ترخيص للصوت.
فكيف يسألونه عن ترخيص؟؟

يا باشا مهو المسئول عن تحديد انه صوت او حي مش الضابط اللي بيوقفك و يسأل عن الرخصة المسئول عن ده جهة اخرى بالرغم من انه اكيد هيكون عارف انه صوت مش حي ، بس ده مش شغله هو لو حب ينفذ القانون هيقرفك

[max666666]

طيب لما بقى فى نظام فى البلد والامان بقى 100/100 لدرجة انهم بياخدو السلاح من المواطنين العادين ياترى قبضوا على (المساجين والبلطجية والمسجلين )الى مالين البلد بنسبة 100/100 ؟؟؟؟؟؟؟؟؟؟؟؟؟؟؟؟؟

[tarekvb]

المشاركة الأصلية كتبت بواسطة osha966

يوم أمس تم ضبط أحد المخرجين واسمه جمال ..يبلغ من العمر 51 سنة وبتفتيش سيارته عثر على طبنجة براوننج بدون ترخيص .وقال انه يحمله للدفاع عن نفسه ..وهذا فى الكيلو 28 القاهرة اسكندرية الصحراوى ..وهو معرض للسجن مده لا تقل عن 7 سنوات فى ظل القوانين المشددة !!!!!!

مش معرض ده هيتحبس بالفعل حيازة سلاح غير مرخص مفهاش كلام ده القانون بتاع بلدنا

[احمد العوضى]

100[QUOTE=max666666;77900]طيب لما بقى فى نظام فى البلد والامان بقى 100/100 لدرجة انهم بياخدو السلاح من المواطنين العادين ياترى قبضوا على (المساجين والبلطجية والمسجلين )الى مالين البلد بنسبة 100/100 ؟؟؟؟؟؟؟؟؟؟؟؟؟؟؟؟
مائيد كلامك 100

[dr mohamed kamal]

أحبائى أعضاء المنتدى الكرام ,كان فيه صديق معانا فى المنتدى وكان ماشى بالبندقية النوريكا مارفك نمرة2 وكانت فى الجراب وقفه ضابط وسئله إيه إللى فى الجراب فرد عليه بكل أدب وإحترام بندقيتى الرش ضغط هواء نمرة2 فقال الضابط دى ممنوعة وخده القسم وحرره محضر حمل سلاح نارى بدون ترخيص فرد عليه العضو المحترم وقال حضرتك دى بندقية ضغط هواء وليس لها ترخيص وكان الرد من الضابط ده مش شغلى,ونادى وقال يا امين محمد إيه رائيك فى البندقية دى نارى ولا لاء فئال الامين محمد نارى يا باشا ,فكرنى بفيلم إسماعيل ياسين فى الجيش لما الصول عطيه ئال لمجانص شربه دى ولا لاء يامجانص ئله شوربه يافندم وهيه ميه وسخه ,وأردف الضابط قائلا النيابة حتحولها للمعمل وهو الذى يقول ذلك وتم تحريز البندقية وحجز العضو للعرض على النيابة ,الذى بدورها حتحبسه لحين ورود تقرير المعمل الجنائى ودوخه وبهدله وياعالم حيحصل إيه ,الاحداث دى تمت من عام مضى والاحوال فل الفل لاثورة ولا غيره ,وطبعا الضابط كان عارف إن دى بندقية ضغط هواء ولكن غتاته منه وشغل فى نفس الوقت إنه يجيب قضايا ويبين إنه شغال ودائرة القسم مابتعديش النملة,الادهى من ذلك إنه كان حيودى النيابة حاجه تانيه مثل فرد خرطوش أو أى حاجه تثبت القضيه على عضونا المحترم ولكن ربنا لايرضى بالظلم كما أن عضونا المحترم نيته سليمه جدا جدا جدا .......غدا سأكمل باقى القصه,تصبحوا على خير

[tarekvb]

مستنين يا باشا قصة الظلم

[dr mohamed kamal]

المشاركة الأصلية كتبت بواسطة tarekvb

مستنين يا باشا قصة الظلم

الظلم ظلمات يوم القيامة ,حالا سأكمل باقى القصة

[بكار]

مشكووووووووووووووراخى "وتقبل مرورى"

[osama2011]

جزاك الله خيرا علي النصح وللرشاد

[waleedrahmy]

من ظلم وافتراء الشرطة قبل الثورة انهم كانوا بيعملوا اي حاجة وفي حراسة قانون الطوارئ

[black scorpion]

نشكرك علي هذة انصيحة الغالية يا اخي الكريم وتقبل مروري

[dr mohamed kamal]

المشاركة الأصلية كتبت بواسطة dr mohamed kamal

أحبائى أعضاء المنتدى الكرام ,كان فيه صديق معانا فى المنتدى وكان ماشى بالبندقية النوريكا مارفك نمرة2 وكانت فى الجراب وقفه ضابط وسئله إيه إللى فى الجراب فرد عليه بكل أدب وإحترام بندقيتى الرش ضغط هواء نمرة2 فقال الضابط دى ممنوعة وخده القسم وحرره محضر حمل سلاح نارى بدون ترخيص فرد عليه العضو المحترم وقال حضرتك دى بندقية ضغط هواء وليس لها ترخيص وكان الرد من الضابط ده مش شغلى,ونادى وقال يا امين محمد إيه رائيك فى البندقية دى نارى ولا لاء فئال الامين محمد نارى يا باشا ,فكرنى بفيلم إسماعيل ياسين فى الجيش لما الصول عطيه ئال لمجانص شربه دى ولا لاء يامجانص ئله شوربه يافندم وهيه ميه وسخه ,وأردف الضابط قائلا النيابة حتحولها للمعمل وهو الذى يقول ذلك وتم تحريز البندقية وحجز العضو للعرض على النيابة ,الذى بدورها حتحبسه لحين ورود تقرير المعمل الجنائى ودوخه وبهدله وياعالم حيحصل إيه ,الاحداث دى تمت من عام مضى والاحوال فل الفل لاثورة ولا غيره ,وطبعا الضابط كان عارف إن دى بندقية ضغط هواء ولكن غتاته منه وشغل فى نفس الوقت إنه يجيب قضايا ويبين إنه شغال ودائرة القسم مابتعديش النملة,الادهى من ذلك إنه كان حيودى النيابة حاجه تانيه مثل فرد خرطوش أو أى حاجه تثبت القضيه على عضونا المحترم ولكن ربنا لايرضى بالظلم كما أن عضونا المحترم نيته سليمه جدا جدا جدا .......غدا سأكمل باقى القصه,تصبحوا على خير

وفى ظل هذا الموقف الصعب لعضونا المحترم تذكر صديق له رئيس نيابة فقام على الفور بلاتصال به وقص عليه الموضوع وعلى الفور طلب رئيس النيابة بإعطاء التليفون للضابط وأخذ رئيس النيابة فى توبيخ الضابط وما كان من الضابط إلا القول تحت إمرك ياباشا وقام بلاعتذار لعضونا المحترم بعد أن سلمه البندقية ومزق المحضر الذى لو ذهب للنيابة لضاع عضونا المحترم ولولا رئيس النيابة المعرفة لكان عضونا فى خبر كان,وصاحبنا الضابط معدوم الضمير قام بتوصيل عضونا حتى باب القسم بل وعرض عليه أن يوصله إلى أى مكان يريده بل وقال له سلملنا على الباشا وبلغه إعتذارى مرة أخرى,هذه هى الشرطة التى لن تتغير أبدا ,تقبلوا إعتذارى عن تأخرى فى سرد باقى القصة حتى هذا الوقت ,تحياتى للجميع

[احمد فتحي]

اكيد الكلام ده بعد الثوره هيتغير خالص

[dr mohamed kamal]

المشاركة الأصلية كتبت بواسطة aboyassin

السلام عليكم
ولكن لا يوجد ترخيص للصوت.
فكيف يسألونه عن ترخيص؟؟

كلام حضرتك صحيح يا أبو ياسين ,ولكن ده حسب مزاج الضابط والقصة السابقة توضح ذلك ,تحياتى

[dr mohamed kamal]

المشاركة الأصلية كتبت بواسطة احمد فتحي

اكيد الكلام ده بعد الثوره هيتغير خالص

نتمنى ذلك ,تحياتى

[dr mohamed kamal]

http://gate.ahram.org.eg/Category/4/...ادث-محلية.aspxألقت أجهز الأمن بأكتوبر القبض على تاجر بحوزته كمية كبيرة من الذخيرة الحية أثناء استقلاله سيارتة بطريق القاهرة الإسكندرية الصحراوى.
تلقى اللواء عمر الفرماوى مساعد أول وزير الداخلية ومدير أمن 6 أكتوبر إخطاراً من الرائد مدحت اليمنى الضابط بالإدارة العامة للمرور والمعين خدمة مرور بالطريق الصحراوى بالكيلو 4 حيث تمكن هو والقوة المرافقة من ضبط المدعو محمد خليل ( 55 سنة ) تاجر فاكهة أثناء قيادته السيارة رقم ( ق ف 8152 ) مصر وبتفتيشها عثر على 600 طلقة آلية و 250 طلقة 9 مم و 2 طلقة خرطوش عيار 16 وبمواجهته بما أسفر عنه الضبط اعترف بحيازته للمضبوطات بقصد الاتجار.
تحرر محضر بالواقعة وجار العرض على النيابة.

[dr mohamed kamal]

أصدرت المحكمة العسكرية العليا أحكاما ضد 16 من الخارجين على القانون، وذلك فى إطار استمرار جهود القوات المسلحة فى تأمين المجتمع وإعادة الانضباط إلى الشارع المصرى، واتخاذ الإجراءات الصارمة ضد أعمال البلطجة والخروج على القانون.

وإصدار حكم فى القضية رقم (168/ 2011) ) جنايات عسكرية الإسكندرية، بالسجن المشدد 10 سنوات، وغرامة 500 جنيه، مع مصادرة المضبوطات، ضد "عزت.ع"، لحيازة وإحراز سلاح أبيض وذخائر.

الحكم فى القضية رقم (1147 / 2011) جنح عسكرية شمال، بالحبس مع الشغل والنفاذ لمدة 5 سنوات مع مصادرة المضبوطات، ضد "علاء.ع"، لحيازة وإحراز سلاح أبيض واستعراض القوة والعنف وخرق حظر التجوال.

وحكمت فى القضية رقم (1658/ 2011) جنح عسكرية الإسكندرية الكلية بالحبس لمدة3 سنوات وغرامة 500 جنيه، مع مصادرة المضبوطات، ضد كل من "محمد.ح" و "ورأفت.ع" لحيازة وإحراز سلاح أبيض .

وأصدرت المحكمة العسكرية العليا حكما فى القضية رقم (1671/ 2011) جنح عسكرية الإسكندرية بالحبس مع الشغل والنفاذ لمدة 3 سنوات وغرامة 500 جنيه مع مصادرة المضبوطات، ضد "محمد.ف"، لحيازة وإحراز سلاح أبيض واستعراض القوة والعنف.

وأصدرت حكما فى القضية رقم (1720/ 2011) جنح عسكرية الإسكندرية بالحبس مع
الشغل والنفاذ لمدة 3 سنوات، وغرامة 500 جنيه مع مصادرة المضبوطات، ضد "أحمد.ع" لحيازة وإحراز سلاح أبيض، وتواجده بالطرقات العامة أثناء حظر التجوال.

وحكمت المحكمة فى القضية رقم (1729/ 2011) جنح عسكرية الإسكندرية بالسجن مع
الشغل والنفاذ، لمدة 3 سنوات وغرامة 500 جنيه مع مصادرة المضبوطات، ضد "عمرو.م" لحيازة وإحراز سلاح أبيض.

والحكم فى القضية رقم (1731/ 2011) جنح عسكرية الإسكندرية بالحبس مع الشغل والنفاذ لمدة 3 سنوات وغرامة 500 جنيه مع مصادرة المضبوطات، ضد "محمد.ع"، لحيازة وإحراز سلاح أبيض.

كما أصدرت المحكمة حكما فى القضية رقم (1734/ 2011) جنح عسكرية الإسكندرية،
بالحبس مع الشغل والنفاذ لمدة 5 سنوات مع مصادرة المضبوطات، ضد "إيهاب.ع"، لحيازة وإحراز سلاح أبيض واستعراض القوة والعنف لترويع وإصابة المواطنين.عن جريدة اليوم السابع,أرجو من الجميع إيقاف بيع وتداول الاسلحة البيضاء من سكاكين وخناجر و ذخائر حية وعدم التفاعل معها ,ياجماعة الاحكام العسكرية مشددة جدا, ربنا يحفظنا

[ahmadkader]

يا جماعة أنا عايز أنصحكم نصيحة لوجه الله ، السلاح شاطر و ممكن يودى اللى شايله فى داهية و بمنتهى السهولة ، أنا شخصيا معايا طبنجة 9 ميللى ووارث رخصتها عن والدى و مع ذلك مش بشيلها خالص عشان أسباب كتير جدا أولها إن السلاح خاين و ممكن يوديك فى داهية بسهولة و الله ، و الواحد لما بيكون شايله بيركبه ستين عفريت و بيقى متحفز لأى خناقة و دى عن تجربة ، أما بالنسبة للحماية فأنا سبق و قلت فى مواضيع كتير إن الحامى ربنا. و بالنسبة للناس اللى بتقول إنى ببيع سلاح أبيض ، هو فيه حد هنا شافنى ببيع سنجة أو مطوة قرن غزال ، لما الواحد يبيع خنجر قيم أو سيوف و خناجر للزينة و التعليق على الحائط ممكن نقول عليها أسلحة بيضاء ؟ و حتى المطاوى السوستة دى معظم الناس بتقتنيها عشان حامية و عملية مش عشان تمشى بيها فى الشارع و خلاص. أنا مقدر خوف الناس من الأحكام اللى بتتكتب فى الجرايد بس بلاش الخوف يقلب بهستيريا ، ياريت يبقى فيه قبضة حديدية للأمن بجد ، أنا نفيى فى كدا ، إنما يا جدعان دا الناس بتكسر الإشارة و الظابط واقف بيتفرج ، و بعدين لما هو المسدسات الصوت ممنوعة و المطاوى كمان و الإلكتريك شوك و على حد كلام أحد الأعضاء أسلحة ضغط الهواء ممكن كمان تعمل مشاكل ، الناس بقى تحمى نفسها بإيه ؟ يا ريت تقترحوا على الناس بدائل ، ممكن ؟ ماينفعش أقول لواحد ماتحميش نفسك ، فى شرع مين ده ؟ فيه أى دولة فى العالم كدا ؟ إنتوا عارفين يوم 29 يناير أنا كنت ماشى فى شنطة العربية إيه ؟ بلطة .... و فى الصالون شومة ... و فى التابلوه خنجر ... و كنت سايب الطبنجة فى البيت و علمتهم إزاى يستخدموها ، الدنيا كانت خربانة ... لجان شعبية و قرف ... الشباب كانوا ماشيين فى الشارع بسواطير، و الصيع اللى كانوا شايلين فرد خرطوش هما اللى كانوا بيحرسوا المنطقة ، ثقافة السلاح هى اللى فضلت تحكمنا طول الثلاث شهور الماضية .... أنا واحد من الناس نفسى بقى الكابوس ده ينتهى بأى شكل

[Consul]

المشاركة الأصلية كتبت بواسطة ahmadkader

يا جماعة أنا عايز أنصحكم نصيحة لوجه الله ، السلاح شاطر و ممكن يودى اللى شايله فى داهية و بمنتهى السهولة ، أنا شخصيا معايا طبنجة 9 ميللى ووارث رخصتها عن والدى و مع ذلك مش بشيلها خالص عشان أسباب كتير جدا أولها إن السلاح خاين و ممكن يوديك فى داهية بسهولة و الله ، و الواحد لما بيكون شايله بيركبه ستين عفريت و بيقى متحفز لأى خناقة و دى عن تجربة ، أما بالنسبة للحماية فأنا سبق و قلت فى مواضيع كتير إن الحامى ربنا. و بالنسبة للناس اللى بتقول إنى ببيع سلاح أبيض ، هو فيه حد هنا شافنى ببيع سنجة أو مطوة قرن غزال ، لما الواحد يبيع خنجر قيم أو سيوف و خناجر للزينة و التعليق على الحائط ممكن نقول عليها أسلحة بيضاء ؟ و حتى المطاوى السوستة دى معظم الناس بتقتنيها عشان حامية و عملية مش عشان تمشى بيها فى الشارع و خلاص. أنا مقدر خوف الناس من الأحكام اللى بتتكتب فى الجرايد بس بلاش الخوف يقلب بهستيريا ، ياريت يبقى فيه قبضة حديدية للأمن بجد ، أنا نفيى فى كدا ، إنما يا جدعان دا الناس بتكسر الإشارة و الظابط واقف بيتفرج ، و بعدين لما هو المسدسات الصوت ممنوعة و المطاوى كمان و الإلكتريك شوك و على حد كلام أحد الأعضاء أسلحة ضغط الهواء ممكن كمان تعمل مشاكل ، الناس بقى تحمى نفسها بإيه ؟ يا ريت تقترحوا على الناس بدائل ، ممكن ؟ ماينفعش أقول لواحد ماتحميش نفسك ، فى شرع مين ده ؟ فيه أى دولة فى العالم كدا ؟ إنتوا عارفين يوم 29 يناير أنا كنت ماشى فى شنطة العربية إيه ؟ بلطة .... و فى الصالون شومة ... و فى التابلوه خنجر ... و كنت سايب الطبنجة فى البيت و علمتهم إزاى يستخدموها ، الدنيا كانت خربانة ... لجان شعبية و قرف ... الشباب كانوا ماشيين فى الشارع بسواطير، و الصيع اللى كانوا شايلين فرد خرطوش هما اللى كانوا بيحرسوا المنطقة ، ثقافة السلاح هى اللى فضلت تحكمنا طول الثلاث شهور الماضية .... أنا واحد من الناس نفسى بقى الكابوس ده ينتهى بأى شكل

بارك الله فيك أخي الحبيب...حبيب قلبي ذكرت أسباب عدم حملك للسلاح الذي ورثت رخصته عن والدك ( رحمة الله عليه وعلى أمواتنا وأموات المسلمين جميعا ) وكلامك كله محل تقدير وإحترام...ونسيت أهم سبب...ألا وهو أنك أنت نفسك شخصيا لا تحمل رخصة حيازة وحمل سلاح ناري للدفاع الشخصي...رخصة حيازة وحمل السلاح رخصة شخصية وليست عائلية...وتلغى ويوقف العمل بها بمجرد وفاة حاملها...ولا تورث...ولا بد أن يبلغ بوفاة حاملها ويسلم السلاح والرخصة للقسم التابع له...إلا في حالة تقدمك للجهات الأمنية بطلب شخصي بإسمك للترخيص بحيازة وحمل سلاح ناري للدفاع الشخصي وإستوفيت الشروط وتمت الموافقة عليه...في هذه الحالة من حقك أن تطلب إثبات وإضافة المسدس الذي كان مرخصا وورثته عن الوالد المتوفي رحمة الله عليه...وأعذرني أخي الحبيب على مداخلتي...كان لا بد من التوضيح حتى لا يلتبس الأمر على بعض الأخوة الأعزاء الأفاضل...خالص تحياتي...

[ahmadkader]

المشاركة الأصلية كتبت بواسطة consul

بارك الله فيك أخي الحبيب...حبيب قلبي ذكرت أسباب عدم حملك للسلاح الذي ورثت رخصته عن والدك ( رحمة الله عليه وعلى أمواتنا وأموات المسلمين جميعا ) وكلامك كله محل تقدير وإحترام...ونسيت أهم سبب...ألا وهو أنك أنت نفسك شخصيا لا تحمل رخصة حيازة وحمل سلاح ناري للدفاع الشخصي...رخصة حيازة وحمل السلاح رخصة شخصية وليست عائلية...وتلغى ويوقف العمل بها بمجرد وفاة حاملها...ولا تورث...ولا بد أن يبلغ بوفاة حاملها ويسلم السلاح والرخصة للقسم التابع له...إلا في حالة تقدمك للجهات الأمنية بطلب شخصي بإسمك للترخيص بحيازة وحمل سلاح ناري للدفاع الشخصي وإستوفيت الشروط وتمت الموافقة عليه...في هذه الحالة من حقك أن تطلب إثبات وإضافة المسدس الذي كان مرخصا وورثته عن الوالد المتوفي رحمة الله عليه...وأعذرني أخي الحبيب على مداخلتي...كان لا بد من التوضيح حتى لا يلتبس الأمر على بعض الأخوة الأعزاء الأفاضل...خالص تحياتي...

كلام حضرتك صح 100 فى المية ، فعلا بيبقى ليك فترة زمنية تروح تسلم السلاح و الترخيص القديمة و بتقدم طلب بإسمك لترخيص جديد و بنفس السلاح القديم يا إما الداخلية بتقدملك مقابل مادى عن السلاح و بتسحبه منك ، و لو معملتش كدا بتبقى قضية حيازة سلاح بدون ترخيص و اللى بيلبسها الإبن الأكبر ، و الطلب بيخلص بسرعة أكتر من الطلب اللى من الأول عشان غالبا بتكون الأسباب واحدة و بتكون وارث نفس الأملاك و الأراضى ، و كله كان بيخلص بتفتيح المخ و ربنا يهدى الأحوال ، و هو ده اللى أنا عملته ، تحياتى يا فندم على التوضيح

[M.AbdelKader]

مظبوط و يا ريت الناس تاخد بالها

[dr mohamed kamal]

عايز تفسير للمعلومات دى

الاخوة الاحباء مساء الخير تحذير هام من انواع المسدسات التي تجمع في الاسكندرية ومصدرها معروف للجميع وهي : -

1- الفولجا وهو شبية للمسدس التونة 8 ملل وهو خطر واستعمالة يؤدي الي حدوث اصابات في مستخدمة تم اصابة اربع اشخاص بالوجهة اصابة خطرة
2- سيج زور الرهيب بيضرب في وش من يستحدمة وتم اصابة اكثر من 10 افراد
يقوم تاجر معروف بالاسكندرية بتجميع هذة المسدسات في مصنع مملوك لتاجر كبير من اشهر التجار بمدينة الاسكندرية وهو غير مطابق لاي مواصفة من مواصفات الامان نهائيا وهذا تحذير هام للجميع
ويقوم ببيعة صبي ( نجار باب وشباك ) من صبيانة الي جميع التجار الصغار باسعار ذهيدة وطبعا الجشع اعماهم ونسوا انهم يتعاملوا مع ناس ابرياء وتخيلوا انهم سحبوا معظم اعلانتهم في منتدي الخراب ( الصوت في مصر ) خافوا من الابلاغ عنهم بعد اصابة العديد والكثير اتقوا الله يا ظلمة يا من تتجارون بارواح الناس

[سيدخالد]

[جزاك الله خيرا يا دكتور على المعلومات القيمة والتحذير لنا من جراء هذه المسدسات ............................مشكورا لحضرتك

[hamam]

جزاك الله خير

[smsmn8888]

بعد اذنك هل الكلام تا في اي تاكيد او اثبت علي تعرف احد معرفة شخصية من المصابين مثلا ارجو التوضيح

[abdalla nabel]

المشاركة الأصلية كتبت بواسطة smsmn8888

بعد اذنك هل الكلام تا في اي تاكيد او اثبت علي تعرف احد معرفة شخصية من المصابين مثلا ارجو التوضيح

ارجو الرد شكرا

[ahmadkader]

المشاركة الأصلية كتبت بواسطة smsmn8888

بعد اذنك هل الكلام تا في اي تاكيد او اثبت علي تعرف احد معرفة شخصية من المصابين مثلا ارجو التوضيح

المشاركة الأصلية كتبت بواسطة abdalla nabel

ارجو الرد شكرا

حضرتك عرفت المعلومات دى إزاى ؟؟؟ أنا ليا مشاركة النهاردة برضه مستغرب فيها من اللى بيحصل ده

http://www.egypthunt.net/showthread....147#post134147
ياريت حضرتك تنورنا عشان نحاول نفهم كويس إيه اللى بيحصل اليومين دول ؟؟

[محمد احمد العنانى]

الدكتور فين المصابين الكلام دا لو حصل فعلا يبقى الموضوع خطير ووصلى السج زاور وبصراحة مفهوش اى مشاكل وشغال يونفرسال ...... الكلام لازم يكون بدليل مش مجرد اقاويل سامحى يا دكتور انى لا اخشى ف الحق لومة لائم .

[بسام سعيد]

الكلام الي بيتقال ده انا حاسس انه لعبة جديده

[smsmn8888]

المشاركة الأصلية كتبت بواسطة محمد احمد العنانى

الدكتور فين المصابين الكلام دا لو حصل فعلا يبقى الموضوع خطير ووصلى السج زاور وبصراحة مفهوش اى مشاكل وشغال يونفرسال ...... الكلام لازم يكون بدليل مش مجرد اقاويل سامحى يا دكتور انى لا اخشى ف الحق لومة لائم .

يونيفرسال يا معلممممممممم بصراحة العدد الذي بيقول عليهم الدكتور كبير يعني اكيد في دليل

[sultan]

المشاركة الأصلية كتبت بواسطة dr mohamed kamal

عايز تفسير للمعلومات دى

الاخوة الاحباء مساء الخير تحذير هام من انواع المسدسات التي تجمع في الاسكندرية ومصدرها معروف للجميع وهي : -

1- الفولجا وهو شبية للمسدس التونة 8 ملل وهو خطر واستعمالة يؤدي الي حدوث اصابات في مستخدمة تم اصابة اربع اشخاص بالوجهة اصابة خطرة
2- سيج زور الرهيب بيضرب في وش من يستحدمة وتم اصابة اكثر من 10 افراد
يقوم تاجر معروف بالاسكندرية بتجميع هذة المسدسات في مصنع مملوك لتاجر كبير من اشهر التجار بمدينة الاسكندرية وهو غير مطابق لاي مواصفة من مواصفات الامان نهائيا وهذا تحذير هام للجميع
ويقوم ببيعة صبي ( نجار باب وشباك ) من صبيانة الي جميع التجار الصغار باسعار ذهيدة وطبعا الجشع اعماهم ونسوا انهم يتعاملوا مع ناس ابرياء وتخيلوا انهم سحبوا معظم اعلانتهم في منتدي الخراب ( الصوت في مصر ) خافوا من الابلاغ عنهم بعد اصابة العديد والكثير اتقوا الله يا ظلمة يا من تتجارون بارواح الناس

اقسم بالله انا جسمى قشعر من الكلام ده مشكور يا دكتور على النصيحه وربنا يستر على البلد

[tamer el-henawy]

شكراً يادكتر على النصيحه

[dr mohamed kamal]

ياجماعه الموضوع ده على مواقع كثيرة و منتدانا أخر من يعلم ,ومن ناحية المصابين الموضوع ده حصل أمامى و نوهت على ذلك كثيرا ,ولكن أنا لن أيأس من ذلك حتى ينتهى تجار الموت و القلق و الضوضاء الذين نغصوا على الناس مضاجعها و روعوا الاطفال من صوتها المزعج و أقلقوا راحة المرضى وكبار السن ,ألا تستحوا أيها التجار ألم تشبعوا بعد ,و أنا قد تقدمت بطلب فتوى من مشيخة الازهر الشريف عن هذه المسدسات لما تسببه للناس من فزع ورعب وترويع للامنين و المرضى والطلبة و فور صدور الفتوى سأعرضها فى موضوع مستقل ,تحياتى للجمبع

[smsmn8888]

المشاركة الأصلية كتبت بواسطة dr mohamed kamal

ياجماعه الموضوع ده على مواقع كثيرة و منتدانا أخر من يعلم ,ومن ناحية المصابين الموضوع ده حصل أمامى و نوهت على ذلك كثيرا ,ولكن أنا لن أيأس من ذلك حتى ينتهى تجار الموت و القلق و الضوضاء الذين نغصوا على الناس مضاجعها و روعوا الاطفال من صوتها المزعج و أقلقوا راحة المرضى وكبار السن ,ألا تستحوا أيها التجار ألم تشبعوا بعد ,و أنا قد تقدمت بطلب فتوى من مشيخة الازهر الشريف عن هذه المسدسات لما تسببه للناس من فزع ورعب وترويع للامنين و المرضى والطلبة و فور صدور الفتوى سأعرضها فى موضوع مستقل ,تحياتى للجمبع

حضرتك المنتدايات التانية دي بالذات انا عارفة كويس وهي ايضا رافضة للموضوع تا اساساااا فبلاش تاخذ بكلامهم خالص نصيحة شخصية لو في دليل يعني في حالة عندك في المستشفي عند صديق ماشي لاكن كلام لا بلاش لانك عملت رعب لناس كتيرررررررررررر اوى دون تاكيد علي المعلومة خاص ان المصدر تا بالذات لن ولن اصدق ما يقال بة بخصوص القصة دي ابدااااااااااا
غير علشان خاطر ربنا بلاش نجيب من عندهم اي معلومة علشان دول بيخافو اوى علي معلوماتهم لا تخرج برة فهمت