اية رأيكم في الصورة دي

[النشنجي]

دي صورة أوزة عراقية أو كركي أنا صايدها وقلت أوريها لكم يا رب تعجبكم

[النشنجي]

أنا مش عارف يا جماعة انتم بترفقوا الصور إذاي أنا مش عارف أنا كل محاول أنزلها من المرفقات مش عارف حد بس يعرفني إذاي بترفقوا الصور لان الصورة جميلة بس أنا خبرتي ضعيفة في المشاركة في المنتديات

[prince of hunt]

فى يابشا وانت بتكتب الموضوع تحت هتلقى مكتوب ادارة المرفقات دوس عليها كليك وبعدين اختر
Browse
واختر الصور المطلوبة

[galal khalifa]

فين ياعم الصور انا جهزت الحلل ومستني الاكل علشان بحب الاوز

[النشنجي]

السلام عليكم ورحمة الله وبركاتة

[النشنجي]

متشكر لاخونا برنس أنا اتبعت الطريقة والحمد لله نزلت وبالنسبة لجلال بية حبيبي كل يا عم برحت وعبي الحلل وفضيها من هنا للصبح

أما تعقيبا على هذة الصورة أولا أنا شكلي أوسم من كدة بكتير لكن أنا كنت متبهدل جدا وقعدت ماشي فالطين في مشتل الارز لما رجليا بقت لركبتي في الطين وبفضل الله اصطدتها في رأسها من على بعد حوالي أربعين متر
بالبندقية الرش إللي في إيدي في الصورة دي فطبعا بصراحة كنت يوميها حالتي مايعلم بيها إلا ربنا والصورة متصورة بالموبيل فيعني مترسموش ليا الصورة المبهدلة دي في خيالكم

أما التعقيب الثاني الوزة دي بعد التنضيف من الريش كان وزنها ستة كيلو حاجة رهيبة يا جماعة والله والكلام دة كان الصيف إللي فات فعز الحر وبالمناسبة أنا من المنصورة من ميت غمر لو تسمعوا عنها

أخيرا هو الطائر دة الاسم الشعبي لية عندنا فالبلد يا عمدة بكثر الدال بيسموة العنز لكن أنا مش عارف هوة وز عراقي وللا كركي وللا لقلق أنا مش عارف وكفاية كدة لقلق في الكلام وسلامو عليكوا ومستني تعليقكم

[galal khalifa]

احلي صورة لصيد الله ينور بس الي ياكل لوحدة يزور كان المفروض تقول علشان نيجي ونغب في الحلل المهم بالهنا والشفاء

[Gamo]

بالهنا والشفا يا نشنجى بس اعمل حسابك المره الجاية انا معاك فى الصيد والاكل

[charesma]

لسلأم عليكم ازيك يا نشنجى عامل ايه؟ اتمنى انك تكون بخير
بالنسبه للطائر ده اسمه الحقيقى اللقلق ولو عملته بحث على النت هاتلأقى اسمه اللقلق
وده طائر بيتغذى على الضفادع والحشرات وبيحب كمان الاماكن الى بيكون فيها حرائق لأنه عارف ان لما بيكون فى حريقه فى الأراضى الحشرات بتهرب وهو بيشوفها وبيكلها بس
واللقلق ده انا بشوفه برده فى الصيف بس وبحب اصطاده جدا
بالتوفيق ومستنين مزيد من الصور .

[mohamed reda]

السلام عليكم ازيك يا نشنجى عامل ايه؟ اتمنى انك تكون بخير بالف صحة. الصسد موفق و مياميا
انا عندى سؤال هو البندقية نوعها اية ؟؟؟

[النشنجي]

متشكر يا جماعة على الردود الجميلة دي أما بالنسبة لاخونا اللي بيسأل على نوع البندقية هي بندقية صيني لكن هية صاحبها كان شريها من خمستاشر سنة وكان عاينها مستعملهاش خالص فهية قوية جدا اظاهر ان إيامها الصينيين كانوا بيتقوا ربنا في شغلهم

[النشنجي]

وأنا اشتريت البندقية دي منة

احب اهنى النشنجى على صيده و بالهنا والشفا بس البندقية دى صينى ولا لأ؟؟؟؟؟؟؟؟؟؟؟

[مصراوي]

مبرووووووووووووووووووووووووك
علي الصيد وعقبال الغزال

ربنا يبارك لك فيه

[النشنجي]

البندقية صيني يا جماعة والله بس أنا صدتها في دماغها
عشان كدة الصيني اصطادتها أمال أنا إسمي النشنجي لية بنلعب إحنا وللا بنلعب

[ابو فرح س]

ياجماعه دا اسمه الناشنجى ليه بتسالوم على نوع البندقيهدا لو بنبله حيصيدها يعنى حيصيدها

وبالهنا والشفا

[النشنجي]

شكرا يا أبو فرح على المجاملة الكوميدية اللطيفة دي
دإنتا كان ناقص تقول دلو بصلها هيوقعها

[ramy100]

بس انا حاسس ان الطائر دى يتحنت ... ميتكلش