لو سمحتوا يا جماعة ارجو الافادة

[bolika_dj]

انا من زمان نفسى اجيب سلاح كويس بس قله الخبرة طبعا و انى مش بفهم فى الاسلحة هيا كانت العائق الوحيد و طبعا السن القانونى اللى هوا 21 سنة و انا الحمد لله هبقى 21 كمان شهرين بأذن الله انا من زمان كنت اشوف والدى الله يرحمة كان عندة بنادق صيد كتير منها الخرطوش و المورس و مسدس من نوع cz بلجيكى و كان دايما يعلمنى انا و اخويا الكبير ازاى نضرب بيهم و كان بيعلمنا النشان و من هنا طبعا ابتديت اعشق الاسلحة بس طبعا كلهم اتباعوا قبل ما يموت

المهم انا قررت انى اعمل بحث عن احسن انواع المسدسات و عجبنى اوى نوع اسمه Glock بس المشكلة ان فى منه انواع كتير اوى منه و انا مش عارف ايه الفرق بينهم بصراحة و كمان فى انواع غير الجلوك كتير بس مش عارف ايه احسن حاجة فيهم و مع العلم فقط بالشىء انى بعشق المسدسات ذات العيار الكبير و القوية و مش اقصد الثقيلة لا انا اقصد المسدسات القوية

يا ريت يا جماعة لو ممكن حد منكوا يفيدنى بنوع كويس او اذا كان نوع الجلوك دة موجود فى مصر و بكان و اسعاره و يا ريت لو حد يقدر يجيبلى صور و اسعار و مواصفات لانى طبعا مش عايز اشترى على حسب الصور و شكرا جزيلا

[blow c06]

انت واضح انك بتتكلم عن الحى و مستنى سن 21 سنه عشان تطلع رخصه... انا الى اعرفه ان الرخصه من 25سنه من كلام الاعضاء هنا ولا ده كلام غلط؟

[bolika_dj]

انا دورت و جبت القانون الخاص بترخيص الاسلحة و الشروط الواجب توافرها فى المتقدم للحصول على رخصة لحمل السلاح و هيا دى

مادة 6
لايجوز منح الترخيص بحيازة السلاح أو احرازه المنصوص عليه فى المادة 1 من هذا القانون الى (أ) من تقل سنه عن 21 سنة ميلادية (ب) من حكم عليه بعقوبة جنائية وكذلك من حكم عليه بعقوبة الحبس لمدة سنه على الأقل فى جريمة من جرائم الاعتداء على النفس أو المال أو العرض وكذلك من صدر عليه أكثر من مرة حكم با لحبس ولو لأقل من سنة فى احدى هذه الجرائم. (ج) من حكم عليه بعقوبة مقيدة للحربة فى جريمة مفرقعات أو اتجارة فى المخدرات أو سرقة أو شروع فيهاأو اخفاء أشياء مسروقة (د) من حكم عليه فى جريمة من الجرائم الواردة فى البابين الأول والثانى من الكتاب الثانى من قانون العقوبات (ح) من حكم عليه فى أى جريمة استعمل فيها السلاح أو كان الجانى يحمل سلاحا أثناء ارتكابها متى كان حمله يعتبر ظرفا مشددا فيها (و) المتشردين والمشتبه فيهم والموضوعين تحت مراقبة الشرطة . (ز) من ثبت اصابته بمرض عقلى أو نفسى . (ح) من لا تتوافر فيه اللياقة الصحية اللازمة لحمل السلاح وتحدد شروط اللياقة الصحية واثبات توافرها بقرار من وزير الداخلية . ( ط) من لايتوافر لديه الألمام بأحتياطات الأمن الواجبة عند التعامل مع السلاح ويحدد وزير الداخلية بقرار منه شروط احتياطات الأمن . وفى جميع الأحوال يلغى التصريح الممنوح اذا طرأ على المرخص له احد الأسباب المشار اليها فى البنود من (ب) الى (ج) من هذه المادة .

[unknown]

السن القانونية لأستخراج السلاح هى 21

ممكن حضرتك تقولنا امكانياتك المادية لحد كام علشان نقدر نساعدك؟؟

[محمد نوح]

احسن نوع جلوك هو ال18 و هو اشهر نوع جلوك وهو من 35000 الى 40000
وانا هاحاول اجيب لحضرتك و احد بس ماوعدكش

[bolika_dj]

اوبااا دا الجلوك طلع غالى اوى يا جماعة ليه كدة ؟؟؟


طب يعنى انا عايز حاجة مثلا تكون مش غالية اوى و تكون طبعا بتتميز بالقوة و العيار الكبير و كمان ما تكونش تقيلة علشان انا كنت شوفت فى موضوع هنا ان كل ما المسدس يكون تقيل دا بيأثر على قوة الارتداد بتاعتة و بالتالى بيأثر على اتجاة الطلقة و كمان بيبقى مش عملى خالص فى اوقات الحاجة اليه

اما عن الامكانيات المادية ممكن تقول مثلا انا معاك لحد 10000 او اكتر بحاجة بسيطة بأذن الله


و يا ريت لو حد يعرف الاسعار الحقيقية للجلوك و هل هوا فعلا غالى اوى كدة و تمنة بيوصل ل 35000 و اكتر ولا ايه ؟

[محمد نوح]

هو الجلوك فعلا غالى لانة رشاش و المادة الى مصنوعة منة هو البلاستيك لكن بلاستيك لا يسيح الى بعد 200 درجة مئوية فعلشان كدة هو خفيف