صياد فااااااااشل !!!!

[ahmadkhalaf]

السلام عليكم ورحمة الله وبركاتة

منذ 10 دقائق قولت انزل اصطاد وبالفعل نزلت

و انا اتمشى وجدت 5 يمامات وقفين على الارض فقربت اليهم فكان بينى وبينهم حوالى 4 متر

فسميت ونشينت على واحدة وضربت فإذا اليمام يطير ولم اجد على الارض ريشة واحدة

فتبين لى انى صياد فااااااااااااشل يا إما النشان بااااااااااايظ (ياحلولى )

اية العمل يارجاااااااالة
اوعى حد يقولى ( ادولة سلااااح )

[ابو علي]

انا بصراحة مش شايف إنك صياد فاشل ولا حاجة .. لا سمح الله ..

انا شايف إن اليمام هو إلي فاشل ... علشان معرفش يموت ..

[boody]

دانت على كدة نزلت بعد الفجر على طول انت بتنزل فين يا احمد
انا ان شاء الله قريب حجيب بندقية وانزل معاك

[sameer]

لا يا عم ولا فاشل ولا حاجة بتحصل عادي خالص ده مرة كان بيني وبين يمامة كنت مستخبيلها ومكانتش شايفاني بتاع متر ونص وولا جت فيها حاجة وساعات بتيجي وبيطيرو عادي ولا يهمك


المهم الحصيلة ايه؟

[ahmadkhalaf]

انا نزلت تحت البيت

وبعد الموقف دة طلعت تانى وانا محبط

يعنى الحصيلة صفررررررررررررررررررر

[sameer]

المشاركة الأصلية كتبت بواسطة ahmadkhalaf

انا نزلت تحت البيت

وبعد الموقف دة طلعت تانى وانا محبط

يعنى الحصيلة صفررررررررررررررررررر

هههههههههههههههههههه ليه كدا يابني عادي بتحصل كتير كنت تكمل اليوم

[silver_5000]

لا يابو حميد متشيلش ف نفسك يا ريس , هو يمام الجيل الجديد بتاع اليومين دول مش نافع , يمام بايظ , انا اسمع ان زمان كانت اليمامة تبصلها تقع كدة , منه لله الدش و النت بوظو كل حاجة جديدة , يا راجل ده انا اسمع ان زمان كان الجوز 3 يمامات

[professional sniper]

السلام عليكم ورحمة الله تعالى وبركاته
انت مزعل نفسك كده ليه ,., يا استاذ احمد ,., المواقف دى بتحصل فى احسن العائلات ,., وبعدين العيب مش فيك العيب فى نيشان البندقيه ,., او ممكن تكون حضرتك اتسرعت ولا حاجه فى الضرب ,., هو حضرتك كنت بتضرب وانت واقف ولا وانت جالس !!!
خالص تحياتى ...

[messam]

ولا يهمك بتحصل كتير مع أفضل الصيادين .... المهم تبقى تمارس الرماية كتير وتنشن على أهداف مختلفة بأستمرار علشان تقوى مهاراتك وتقبل مرورى

[هشام سمير]

يا ابو حميد دا مش فشل ولا حاجه دا عاددددى وطبيعى جداً بس لو تسمحلى انى اقولك الفشل الحقيقى هو انك تركت الصيد ومكملتش ومقررتش تظبط النشان وتكمل طلعتك او تزعل منى (انا بهزر معاك ) انتا اخويا الصغير ولازم بكره تنزل وتورينا صور صيدك ماشى يا قناص ولا مش ماشى

[msa_79]

زي ما قال استاذ هشام سمير الصياد لازم يكون عنده اصرار وعزيمه امال فين روح الصياد الله يرحم زمان وانا لسه بتعلم كنت اطلع طلعه 4 ساعات واخلص فيها علبة رش وارجع بيمامه وعصفورتين ههههههه
بس هو مهم جداااانك قبل ما تبدأ تضرب علي يمام انك تتاكد ان الناشينكان بتاع البندقية مظبوط بانك تضرب علي هدف ثابت 3 رشات وتتاكد انها مظبوطه بس هوانت لتاقيك اول ما نزلت لقيت اليمام بيتمشي مقدرتش تمسك نفسك من الاغراء قمت ضربت قبل ما تظبط. صح ؟؟

[tarekvb]

لازم تظبط النشان تمام فى الاول وتتاكد من كيدا وعدين تحكم

[koktal]

متقلش كده يا أحمد ومفيش واحد بيتعلم ببلاش ..

[essam assem]

ياه يا ابو حميد الموقف دة يامة حصل معاية بس يا ابو حميد نصيحة اوعا تنسها التسمية قبل شد الزناد وبعد كدة التوفيق من عند ربنا وقبل دة كلة ناخذ بالاسباب طبط النشنكان والموضوع دة كلنا بنعملة قبل كل طلعة صيد تقريبا
ونصيحة مهمة جدا يا ابو حميد حاول تطلع مع حد خبرة فى الصيد كام مرة كدة هيفرق معاك كتير وبعدين الصبر وعدم اللياس وان شاء اللة عايزينك تفرجنا الطلعة الجاية هتعمل فيها اية
وتحيـــــــــاتى للجميع

[tamer el-henawy]

استاذ / احمد
لاتيأس فعليك بالصبر هو اساس الصيد

[ahmadkhalaf]

فعلا النشان مكنش مظبوط
وفعلا انا اتسرعت لما شوفت اليمام
وانا دلوقتى طالع اظبط النيشان

وشكرا شكرا على توعيتى وتحفيزى وانا باذن الله هنزل بكرة .....ويارب يوفق

تحياتى للجميييييع

[unknown]

بتعصبك يا فاشل؟؟؟؟
ههههههههههههههه ولا تزعل نفسك ابحث فى المنتدى عن مواضيع ضبط نيشان البندقية
بالمناسبة ما نوع البندقية

[ahmadkhalaf]

رمسيييييس نمرة 2

[koktal]

على فكرة سيادة القنصل الأستاذ/ جمال كان عامل موضوع خاص بيشرح فيه طريقة عمل نيشان فسفورى لجميع أنواع البنادق وكانت فكرة هائلة جدا ومبتكرة وتساعد ايضا على التجميع السريع ..

[sameer]

المشاركة الأصلية كتبت بواسطة ahmadkhalaf

رمسيييييس نمرة 2

يابني اسمها معااااااااادي مش رمسيس 2

[ahmadkhalaf]

النهاردة راحت عليا نومة
وقولت اجرب البندقية على السطح وكان النيشان مظبوط مية مية
علقت لمونة ضاربة على اول السطح ومن على بعد 12 متر فرتكتها بالرمسيييييس
وباذن الله بكرة هنزل اصطاد
دعواتكم بالتوفيق
تحياتى للجميع

[sameer]

المشاركة الأصلية كتبت بواسطة ahmadkhalaf

النهاردة راحت عليا نومة
وقولت اجرب البندقية على السطح وكان النيشان مظبوط مية مية
علقت لمونة ضاربة على اول السطح ومن على بعد 12 متر فرتكتها بالرمسيييييس
وباذن الله بكرة هنزل اصطاد
دعواتكم بالتوفيق
تحياتى للجميع

انتا بتغيظني برضه
يابني اسمها معادي ابوس ايدك عشان ما اركبش المشروع و اجيلك سيدي بشر و اوريهالك عالبندقية ههههههههههههه

[mahmoud11144]

المشاركة الأصلية كتبت بواسطة ahmadkhalaf

السلام عليكم ورحمة الله وبركاتة

منذ 10 دقائق قولت انزل اصطاد وبالفعل نزلت

و انا اتمشى وجدت 5 يمامات وقفين على الارض فقربت اليهم فكان بينى وبينهم حوالى 4 متر

فسميت ونشينت على واحدة وضربت فإذا اليمام يطير ولم اجد على الارض ريشة واحدة

فتبين لى انى صياد فااااااااااااشل يا إما النشان بااااااااااايظ (ياحلولى )

اية العمل يارجاااااااالة
اوعى حد يقولى ( ادولة سلااااح ):d:d

يا فاشل يا فاشل يا فاشل
هههههههههههههههههههههههههههههههه
ياباشا دي حاجة عادية جدا اكيد النشان مش مضبوط
وانت لازم يكون عند صبر وعزيمة والا متكنش صياد ...
تحياتي يا ابو حميد ...

[braveheart]

كان لازم تكمل ... و مش هتبقي صياد من طلعة و لا أتنين ... و في كل مرة ستكتسب خبرات جديدة و تضيفها إلي خبراتك السابقة ... و نصيحتي أنك يجب أن تظبط النشان قبل الخروج للصيد و تتأكد تماما أنك تستطيع أصابة نقطة بالحائط علي بعد 5 متر مثلا ... ثم تتوكل علي الله و تخرج ... و حاول عند الضرب ( بعد التسمية ) أن تسند بندقيتك علي أي شئ قريب منك كي تساعد نفسك و تحصل علي أدق ضربة ... و بالتوفيق في المرات القادمة إن شاء الله.

[smsmn8888]

تا نتيجة تاثير الامتحانات بس

[taimour]

بتحصل عادي ولا يهمك انا مش شايف إنك فاشل

[سرسور]

انت عايزهم يقولو الصيادين الاسكندرانية معندهم صبر
بكرة ان شاء الله نسمع اخبار حلوة
مش مهم اصتادت كام طائر المهم انك تصبر

[kemohabib]

انت زهقت من اول رشه انا طلعت 3 طلعات ضارب في كل طلعه حوالي 100 رشه وفي الاخر طلع السكوب مش مظبوط واول طلعه بعد ضبط السكوب اصطدت بطه من مسافه كبيره