علشان ما تنضربش علي قفاك

[جنرال]

المشاركة الأصلية كتبت بواسطة Zero

على فكرة يا جماعة الراجل عمره ماتكلم عن الجيش كلمة وحشه "و كمان يا ريت نبقى شعب أوعى من كدة منبقاش شعب زراعى زى ماصدقنا الكلام عن البرادعى و قولنا برضه أمريكا و الكلام دة" أة أنا معاكم أن أمريكا هيا أسرائيل و هيا عدونا الأول و الأخير لكن مش كل ماكلمة تتقال نصدقها من غير ماندور وراها
أنا قبل كدة شوفت فيديو ليه كان بيتكلم أن لو الشرطة فشلت الجيش هينزل و ساعتها الشعب هيسلم البلطجيه للجيش و كان بيقول أن الجيش هيروق البلطجيه و كان قبل ثورة الغضب أتكلم عن الثورة نفسها تحس إنه عارف سيناريو الشرطة كله و إلى هيتم فيه و أتكلم عن البلطجيه و هروب ظباط شرطة و ضرب النار و عمره ماقال كلمة عن الجيش وحشه و خلوا بالكم لأن فيه صور بتتفبرك زى ترجمة جوجل و الفيس بوك و الكلام دة كله فمحدش يصدقها
و كمان حتى لو الراجل شخصيه مش محترمة مش دة برضة كلام قانونى ولا أية ؟ ولا عشان هنعرف حقوقنا و ظباط الشرطة هيكون ليها حدود فى التعامل معانا هيبقى الراجل غلطان و بيقومنا عليها ؟
و على فكرة أنا بجد بحترم العضو doos99 جدا بكل صدق لأن الراجل على ماأظن فى وزارة الداخليه و لكنه بأمانه اقسم بالله العظيم يا رب أشوفه و أشكره جدا و أقولة إلى زيك هما إلى هيحموا البلد و هينضفوها و يا رب كل الداخليه تكون زى حضرتك و تعرف إنها بتحمى الشعب و أن الشعب له حقوق و أن المواطن المصرى بنى أدم زيه زى ظابط الشرطة

مع إحترامي لحضرتك ياريت تدخل موقعهه (عمر عفيفي) على الفيس بوك وتشوف هوا بيقول إيه على الجيش وبيهيج الناس إزاي.لو ملاقيتهوش بيهيج الناس وبيكذب حاجيبلك كلامه برضه من الفيس بوك.
أما عن البرادعي فأحب أقولك أن كل اللي بيعمله في مصر ليه إرتباط بينه وبين أمريكا.
للمعلومية أنا أشتغلت مع البرادعي 3 سنين يعني ما بسمعش من حد ولا محتاج ترجمة جوجل.
طبعا مشكور الراجل منزل الكتاب ودي حاجة كويسة هو مش بيدافع ولا يهاجم لكن بيقدم الموضوع بموضوعية كبيرة وتعليقى أنا شخصيا مش ضد عمر عفيفي أو الأستاذ doos أنا بقول معلومة علشان كلنا نستفيد.واكرر معلومة مش إشاعة ولا المعلومة معروفة عن طريق حد.
مع إحترامي للجميع