استفسار عن المسدسات الرش وخصوصا البريتا 92

[fesal]

حد جرب المسدس دوت ابل كدا بيقال انه امبوبتين غاز و2 خزنه بيضرب 14 طلقه

1- به ساقيتان لضرب 14 طلقة فى وقت واحد
2- سرعة الطلقة 110 متر فى الثانيه
3- العيار 4,5 mm (.177)
4- القوة <7,5 Joules
5- الوزن 750,00 gr
6- المدى 225 متر
7- العرض 34 مم
8- الطول 130 مم

هل تعتب رالمواصفات ديت قويه في عالم المسدسات الرش من حيث القوه والكفائه والتصويب ؟
ان اواحد صحبي كان معاه جامو بيضرب علي ضرفه خشب بتخش حوالي 3 ملي جوا
هلي فيه مشكله تسريب غاز؟

يريت تفيدوني في موضوع المسدسات الرش وايه الحجات الكويسه في الاماني لاني سمعت عن مشاكل تسريب الغاااز


كنت شوفت علي يوتيوب فييدوا لمسجس الماني بيتحطله خزن رفيعه زي خزنت المسدس الحقيقي وبيشد اجزاء لو حد عنده فكره ويريت تقولولي فكره عن الاسعااار بردو

[fesal]

يريت لو حد عنده معلومه يقدر يفيدني بيها لاني هشتري اريب اوي انهردا او بكرا لان الي عرضه عليا اخره الساعه 8 وانا مكاني بعيد عنه فيريت تفيدوني

[بسام سعيد]

بس يا باشا
هو مسدس حلو بس عاوز حذر اثناء استعمالة
نظرا لانة مصنع من البلاستيك
فهو في حالة التعامل معة بعنف كد يتلف
لكن هو مسدس جميل

[بسام سعيد]

وبالتوفيق ان شاء الله

[fesal]

طيب يا ترا ف يحاجه اقوي منه ف يالاداء وجسم معدن ؟

[بسام سعيد]

بس هو من ناحية الاداء جميل جدااا
لكن الجسم انا شفت عند شريف ابوضيف في المهندسين الولتر cp99
وده من غير نقاش جميل
وتقريبا كان ب 1500
تحياتي

[ahmadkader]

بسام باشا ، عندى ليك مفاجأة بقى ، عندى مسدس بريتا 92 صناعة يابانى بيشتغل بالغاز سرعة الطلقة بتاعته حوالى 120 متر ثانية ، جسم المسدس كله من المعدن ، و المفاجأة إنه نوع الغاز بتاعه مش co2 و مافيهوش لا مشاكل جلبة و لا دياوله و سعره تحفه 850 جنيه فقط
على فكرة المسدس ده من الالومنيوم يعنى مش سهل الكسر ووزنه خفيف و بيضرب بلى 6 ميللى و شبه البريتا طبق الأصل

[بسام سعيد]

بتاعي ياباشا
بس امال بيشتغل اذاي
لما هو مش co2

[بسام سعيد]

انا مش عارف انت بتجيب الكلام ده منين

[ahmadkader]

بص يا باشا ممكن تطلع على الصفحة دى و هتلاقى تفاصيله و ممكن تشوف كمان سعره خارج مصر كام ، و على فكرة أنا اللى معايا كمان يابانى يعنى المفروض أغلى

http://www.pyramydair.com/s/m/Berett...al_pistol/1614

[ahmadkader]

المشاركة الأصلية كتبت بواسطة بسام سعيد

انا مش عارف انت بتجيب الكلام ده منين

هاهاها ،،، أى خدمة ،،ن و عشان الناس الحلوة كمان هحسبهلهم 800 بس

[sniper1]

على اللينك بيقول انه بيشتغل بال green gas وده متوفر فين وسعره كام والطلق ال 6مم بتاعه شكله ايه وبينباع فين وانبوبة الغاز بتاعته cartidges زى الco2 بتتركب فى مكان الخزنة والطلق بيتركب فى ساقية ارجو الافادة يا استاذ احمد وشكرا لك

[fesal]

يريت لو حد عنده خبره في الانواع يكتبلنا مواصفات وسعر الحجات المتوفره في السوق المصري ومدي قوتها وتجربته الشخصيه ان امكن

[darkshaft]

الاقوى هوه walther cp88 المسورته ٦ انش و ده شكله
http://www.pyramydair.com/p/walther-...pensator.shtml
يليه gamo pt-80/90
يليهم اى حاجه تانيه و ده التقسيمه من حيث القوه و طبعا الرش افضل للاختراق عن البلى فالبلى لا يخترق،تقبلوا مرورى و الله اعلم

[fesal]

المشاركة الأصلية كتبت بواسطة darkshaft

الاقوى هوه walther cp88 المسورته 6 انش و ده شكله
http://www.pyramydair.com/p/walther-...pensator.shtml
يليه gamo pt-80/90
يليهم اى حاجه تانيه و ده التقسيمه من حيث القوه و طبعا الرش افضل للاختراق عن البلى فالبلى لا يخترق،تقبلوا مرورى و الله اعلم

طيب وايه اخبار الوالتر Cp90 كوي سولا تعبان
انا بصراحه اهتمامي بالحجات الي تخرق الخشب وكمان عدد الطلق فيها كبير

[wknm]

fesal باشا

انا عندي المسدس ده
اسمه فالترو 92 و قوي جدا
بس عيبه انا ثقيل شويه

YouTube

YouTube

و موجود عند بوندي - شبرا ب1350

تحياتي

[darkshaft]

المشاركة الأصلية كتبت بواسطة fesal

طيب وايه اخبار الوالتر cp90 كوي سولا تعبان
انا بصراحه اهتمامي بالحجات الي تخرق الخشب وكمان عدد الطلق فيها كبير

اولا انا لم اسمع بهذا النوع من قبل ثانيا مسدس الرش معمول للرمايه و ليس للدفاع عن النفس و فى حد علمى ان الممكن يعمل كده و يخرم خشبتين من نحيتين هوه مسدس الحى و بنادق الرش ولاكن المسدس سيحدث خرم فالخشبه طبعا على حسب سمكها و انا مصور ده على فيديو بس مش حتعديها من نحيتين و انا بتكلم عن جميع المسدسات،و الله اعلم

[darkshaft]

المشاركة الأصلية كتبت بواسطة wknm

fesal باشا

انا عندي المسدس ده
اسمه فالترو 92 و قوي جدا
بس عيبه انا ثقيل شويه
http://www.youtube.com/watch?v=QGkTOWYRxwI
و موجود عند بوندي - شبرا ب1350

تحياتي

مسدس جميل ربنا يبركلك فيه بس كده بقى عيزين نشوف فيديوهات و حضرتك بتجربه،مع العلم ان الفرق بسيط مبين المسدسات فى السوق المصرى فالقوه و الخامات معاده فى وجه نظرى cp88،تقبلوا مرورى

[tarekvb]

سبحان الله وبحمده سبحان الله العظيم
بالتوفيق

[sahbany]

اعتقد ان المسدسات دى كلها لا تستطيع اختراق الخشب لان سرعتها لا تتعدى 125م يعنى اقل من البندقية الرمسيس

[mo_rateb]

المشاركة الأصلية كتبت بواسطة fesal

حد جرب المسدس دوت ابل كدا بيقال انه امبوبتين غاز و2 خزنه بيضرب 14 طلقه

1- به ساقيتان لضرب 14 طلقة فى وقت واحد
2- سرعة الطلقة 110 متر فى الثانيه
3- العيار 4,5 mm (.177)
4- القوة <7,5 Joules
5- الوزن 750,00 gr
6- المدى 225 متر
7- العرض 34 مم
8- الطول 130 مم

هل تعتب رالمواصفات ديت قويه في عالم المسدسات الرش من حيث القوه والكفائه والتصويب ؟
ان اواحد صحبي كان معاه جامو بيضرب علي ضرفه خشب بتخش حوالي 3 ملي جوا
هلي فيه مشكله تسريب غاز؟

يريت تفيدوني في موضوع المسدسات الرش وايه الحجات الكويسه في الاماني لاني سمعت عن مشاكل تسريب الغاااز


كنت شوفت علي يوتيوب فييدوا لمسجس الماني بيتحطله خزن رفيعه زي خزنت المسدس الحقيقي وبيشد اجزاء لو حد عنده فكره ويريت تقولولي فكره عن الاسعااار بردو

المسدسات الغاز دى منطقتى اللى حضرتك بتتكلم عليه ده غالبا هو الفالترو 92. و لا ده ميعتبرش قوى بالنسبة لحاجات تانبة كتير. غير انو مش شد اجزاء. لكن سعره مناسب و متوفر فى مصر. الجامو فيه مشاكل كتير غير التسريب ابعد عنو لانك كل شوية هتحتاج تغير جلبة. من وجهة نظرى انضف حاجة فى مصر هو الوالتر cp99 من بعده هات الفالترو. و لو بتتكلم على الحاجات اللى برة مصر اللى بخزن و كدة بص على الموضوع ده.
http://www.egypthunt.net/showthread.php?t=9319

[mo_rateb]

المشاركة الأصلية كتبت بواسطة ahmadkader

بص يا باشا ممكن تطلع على الصفحة دى و هتلاقى تفاصيله و ممكن تشوف كمان سعره خارج مصر كام ، و على فكرة أنا اللى معايا كمان يابانى يعنى المفروض أغلى

http://www.pyramydair.com/s/m/berett...al_pistol/1614

المسدس ده airsoft مش رش.

[H_SRM]

السلام عليكم

الاخوة الافاضل اخي صاحب الموضوع تحيتي ليك.

اولا انا الحمد لله اشتريت الفالترو الاربعاء الماضي الحقيقة انا ماجربتش تجربة عملية بمعنى ان المسافة اللي ضربت منها 10 متر ومحتاج اضرب من مسافة اكبر وهقولك التجربة دي هي غريبة شوية بس لاني كنت اول مرة استخدم المسدس وانا جايبه يوم الاربع اللي فات.

المسدس بيشتغل بأنبوبتين غاز بيكفوا تقريبا من 80 الى 90 ضربة مع العلم ان الانبوبتين اللي جربتهم مافيش عليهم ولا كلمة وبصراحة مش مرتاحلهم اوي .

صوته وده الجديد من وجهة نظري اقوى صوت مسدس رش صوته عالي جداً اول مرة ضربت بيه اتفاجأت وافتكرت فيه مشكلة بالانابيب فشيلتهم للاسف ههههه.

الدقة من خلال اني جربته في 11 متر نشنت في ازازة ليتر كنت مالي نصها يعني 500 جرام الحقيقة اللي حصل اني مانشنتش صح بالتالي الرشاية جت او حفت في طرف الازازة وقعتها وخبطت في الحيطة دي تجربة اولى

الثانية من نفس المسافة الرشاية جت في الحيطة ونوعها ماستر بوينت وشها بئا شبه أفاها يعني راسها اتسمحت مسح.

لسة التجربة الفعلية ما حصلتش لاني لسة مانزلتش بيه تحت البيت واجربه من مسافة 15 متر مثلا

لكن كتير بيشيدوا بالمسدس ده لانه اولا خفيف لكن قوي هو مش بلاستيك هو فيبر.

اضافة الى ان فيه 14 طلقة بس انا استخدمت بكرة واحدة حشيتها والتانية لها.


فخلاصة القول انا شايف ايجابيات المسدس ده في انه مش تقيل, وانك تقدر تضرب بيه 14 طلقة, وان بيركبله انبوتين ومش بيسربوا انا سبتهم فيه من الخميس لامبارح وانا اللي فضتهم بايدي وواحد اعرفه معاه نفس المسدس بيقولي هما فيه بقالهم اسابيع وزي ما هما يعني موضوع الجلب في المسدس ده الايطاليين اتغلبوا عليها بشكل كبير ماشاء الله.



واخيرا ده رد اخي الفاضل اللي معاه المسدس الاستاذ شريف sherifsn وده كان رده عليا

أخي العزيز H_SRM

أنا و أخي ياسر إشترينا كل واحد مسدس Valtro Airgun 92من حوالي شهر ومميزاته كما يلي:

سرعته 120م/ث (360 قدم/ث) - أما بالنسبة للوالتر فموديله هو Walther CP99 CO2 Gun و سرعته 109م/ث (360 قدم/ث) أي أقل من Valtro.

رش رقم 1 (.177).

يوضع به عدد 2 خزنة يوضع بكل واحدة 7 رشات أي إجمالي 14 رشة.

يوضع به عدد 2 أنبوبة غاز مضغوط CO2وده أكيد بيديله قوة أكبر ووقت أطول في الإستخدام.

يمكن الضرب العادي بسحب المطرقة للخلف أو أوتوماتيك بالضغط المتكرر على الزناد.

وبالنسبة لموضوع التسريب فهذا غير موجود بحمد الله في المسدس Valtro وأنا لسه مجربه أول أمس وكان بنفس قوته و على فكرة أنا ما غيرتش الأنبوبتبن حتى اليوم منذ شرائه وضربت بيه حتى الآن أكثر من 50 رشة ولم يحدث أي تسريب للغاز وأيضاً مسدس أخي ياسر.

أما بالنسبة لموضوع الصيد فأعتقد أن الصيد أفضل بالبندقية لقوتها و وفاعليتها و لسهولة التنشين بها ، أما بالنسبة للمسدس الغاز فدقة التنشين به مش مرتفعة ولكن يمكن إصابة هدف بدقة من 10 أمتار، و إليك ما قاله العمدة / جلال خليفة عن تجربته لهذا المسدس: (للجميع المسدس تحفة وانا جربتة وقوي جدا والحمامة من مسافة 12 متر قفلت ومحطتش منطق).

والقرار ليك وباذن الله اول تجربة فعلية هعرضهالك .
وربنا يوفقك للخير والصالح

وشكراً

[darkshaft]

المشاركة الأصلية كتبت بواسطة mo_rateb

المسدسات الغاز دى منطقتى اللى حضرتك بتتكلم عليه ده غالبا هو الفالترو 92. و لا ده ميعتبرش قوى بالنسبة لحاجات تانبة كتير. غير انو مش شد اجزاء. لكن سعره مناسب و متوفر فى مصر. الجامو فيه مشاكل كتير غير التسريب ابعد عنو لانك كل شوية هتحتاج تغير جلبة. من وجهة نظرى انضف حاجة فى مصر هو الوالتر cp99 من بعده هات الفالترو. و لو بتتكلم على الحاجات اللى برة مصر اللى بخزن و كدة بص على الموضوع ده.
http://www.egypthunt.net/showthread.php?t=9319

يا سيدى الفاضل الجلبه انا عمرى مغيرتها عشان بحافظ على المسدس بعدم ترك انبوبه غاز فى المسدس و بالتالى لا بشتكى من تسريب غاز ولا حاجه،ثانيا مشكله المسدس الجامو فى الجلده o-seal الفوق وراء الساقيه و ده ب٢ جنيه فمش مشكله خالص بس ميزته سعره رخيص و قطع غيار متوفره و قوته و معظمه حديد معاده،تقبل مرورى

[mo_rateb]

المشاركة الأصلية كتبت بواسطة darkshaft

يا سيدى الفاضل الجلبه انا عمرى مغيرتها عشان بحافظ على المسدس بعدم ترك انبوبه غاز فى المسدس و بالتالى لا بشتكى من تسريب غاز ولا حاجه،ثانيا مشكله المسدس الجامو فى الجلده o-seal الفوق وراء الساقيه و ده ب٢ جنيه فمش مشكله خالص بس ميزته سعره رخيص و قطع غيار متوفره و قوته و معظمه حديد معاده،تقبل مرورى

حضرتك لو دورت هنا هتلاقى ناس كتير عانت منو. يمكن يكون حضرتك بتعامله بطريقة مختلفة. لكن طبعا مفيش مقارنة بينه و بين الوالتر مثلا.

[darkshaft]

المشاركة الأصلية كتبت بواسطة mo_rateb

حضرتك لو دورت هنا هتلاقى ناس كتير عانت منو. يمكن يكون حضرتك بتعامله بطريقة مختلفة. لكن طبعا مفيش مقارنة بينه و بين الوالتر مثلا.

هههههه طبعا بهتم بيه،و مفيش مقارنه فالخامات فده لا اقدر ان اتحدثعنها ليس لان جامو خامته سيئا ولاكن لان والتر افضل خامه فى السوق،ولاكن هنالك فرق فالاسعار فرق كبير و فى توافر قطع الغيار و فى اسعارها و هنا يكسب الجامو،و ايضا الجامو هوا الاقوى الا لو قرنته مع والتر cp88 المسورته ٦ انش و ليس ٤ و لاكن لو فارنت جامو مع الباقى فالجامو يكسب و كمان معظمه حديد،و نقبلوا مرورى

[fesal]

الي عايز اعرفه هل موضوع انه بياخد انبوبتين عامله فرق معاه جامد ؟ ف يالقوه
يعني هوا ولا الوالتر الالماني؟

[H_SRM]

بص ياباشا الاغلبية بيشكروا في الوالتر بس المسدس ده لسة مش معروف يعني نازل او مصنع من شهور تقريبا لكن الوالتر سرعته اعلى بحاجة بسيطة.

لكن انا من وجهة نظري ده بيمتاز عن الوالتر بصوته عالي فعلا والانبوبتين من حيث القوة اعتقد ده اضافة الى ان الانبوبتين بيخلصوا وراء بعض يعني بدل ما تخلص واحدة وتركب الثانية انت بيكون عندك فرصة تضرب ضعف اللي هتضربه بانبوبة .

وانا باذن الله هجربه يوم الجمعة بشكل اكبر من مسافة اكبر من 11 متر وهقول النتيجة