الأسعار بدأت ترجع زى الأول يا رجاله مبروك علينا و عليكم

[Zero]

أمبارح سمعت أن الأسعار بدأت ترجع تانى زى الاول بصورة كويسة بس لسه فيه محلات كتيرة لسه شغاله بسعر عالى برضة يعنى لسه حوالى 200 أو 300 جنيه كدة نقص فى الأسعار و الدنيا هتبقى حلوة دا على حسب كلام واحد أعرفة بيفهم فى أسعار المسدسات لأنى مبتدئ لكن ربنا يسهل و الأمور ترجع زى ماكانت و برضة أنا مش هجرب أجيب حاجة غير لما ترجع بالظبط زى أيام قبل الثورة يعنى مش هيتضحك عليا ولا هيتم أستغلالى حتى لو فى جنيه واحد و دا مبدأى عمتا و مبدأ ناس كتيرة

و على فكرة من مصلحة المحلات إنها ترخص الأسعار تانى لأن بدل ماتكسب مثلا 300 جنيه من حته واحدة و تبيع 10 يعنى 3000 جنيه ممكن تكسب 100 جنيه و تبيع 50 حته يعنى 5000 جنيه يعنى بمبدأ المكسب الصغير و البيع الكتير و محدش يقولى بقى محل و كهربا و تأمين و الكلام دة كله لأنه مش مبرر لأرتفاع الأسعار و الأستغلال

و للى أشترى بسعر غالى معلش بقى عوضك على الله أنت جيبته عشان تحمى نفسك بيه مش جيبته للأتجار و خليه معاك يفيدك أو لو عايز تبيعه بيعه بالسعر الطبيعى لأن ده مش سعر السلعة نفسها و يا جماعة خلوا عندكم مبدأ أسمه تقبل الخساره لأنى مينفعش أجيب حاجة و أستهلكها و يكون ليها عمر أفتراضى و أبيعها بنفس السعر حتى لو متضربش بيها طلقة انا مش بقول كدة عشان الناس ترخص من حاجتها لأ عادى جدا أعرض بالسعر إلى أنت عايزة بس مش هتجبر الناس تشترى بالسعر دة و كمان يمكن ناس كتيره تم أستغلالها لأن فيه ناس مكانتش تفهم فى السلاح و دخلت فيه بعد الثورة عشان تحمى نفسها و دا إلى فتح باب جامد للأستغلال فبلاش يتم معالجه الأستغلال بالأستغلال و أستعوض ربنا فالى راح


و أنتظروا إن شاء الله فى خلال الشهرين دول أن الأسعار ترجع زى الأول و أحسن كمان
و يا رب الموضوع ميكونش ضايق حد منى

[جنرال]

فعلا الأسعار بدأت تنزل وده علشان الناس بدأت تتوقف عن الشراء لأن المسدسات بقت ممنوعة حتى ولو صوت . فيه لجان بتمسك اللي شايل مسدس ولو صوت.

[Zero]

المشاركة الأصلية كتبت بواسطة جنرال

فعلا الأسعار بدأت تنزل وده علشان الناس بدأت تتوقف عن الشراء لأن المسدسات بقت ممنوعة حتى ولو صوت . فيه لجان بتمسك اللي شايل مسدس ولو صوت.

كله بسبب التحويل لبلى و الكلام ده أنا مش بعيب فى إلى بيحول بلى لو كان مضطر و غير كدة أحنا كشعب برضة أغلبنا مش عارف الفرق بين المسدس الصوت والمسدس الحى لدرجة أن فيه ناس مش عارفة أصلا أن فيه مسدسات صوت وفاكرين أن أى حد ماسك سلاح يبقى حى على طول و النوعيه دى طبعا كل واحد فينا يعرفها لأن 80% من الشعب بتاعنا مالوش فى السلاح

[mdfd5]

صحيح الأسعار بدأت تهدى بس لسه مبقتش زي الأول
و كمان بنادق الرش أسعارها لسه عالية و حاسس انها لسه بتزيد و عقبال متنزل أسعارها هي كمان

[moneey1975]

خبر جديد وجميل جدا وربنا يوفق

[Zero]

المشاركة الأصلية كتبت بواسطة mdfd5

صحيح الأسعار بدأت تهدى بس لسه مبقتش زي الأول
و كمان بنادق الرش أسعارها لسه عالية و حاسس انها لسه بتزيد و عقبال متنزل أسعارها هي كمان

مانا يا باشمهندس بقول لسه شهرين كدة ولا حاجة و كمان فيه ناس كتيره مش عايزة تشترى عشان عارفة أن الأسعار زادت و فيه ناس كتيره خايفة من أصله تشترى حاجة دلوقتى و ناس تانيه بتقول أن الجو بقى هادى شوية دلوقتى و كل دى بتخلى السعر يبتدى يرجع لكنه لسه مرجعش و إن شاء الله شهرين كدة و ترجع الدنيا زى الأول

المشاركة الأصلية كتبت بواسطة moneey1975

خبر جديد وجميل جدا وربنا يوفق

إن شاء الله يا باشمهندس و كمان والله كل إلى أعرفهم فى المنطقة بيعرفوا فى السلاح قالولى إنها بدأت بس لسه شوية و إن شاء الله فتره قصيره و هتبقى الأسعار زى زمان دا لأنى مبتدئ شوية فمش عارف بالظبط الأسعار كانت أية و بقيت أيه و إن شاء الله يبقى خير للتاجر و خير للمشترى و للجميع إن شاء الله

[Android man]

ايوه كده قولو اخبار حلوة عايزين ننزل نشتري شوية حاجت

[بسام سعيد]

يا مسهل يارب

[Zero]

المشاركة الأصلية كتبت بواسطة android man

ايوه كده قولو اخبار حلوة عايزين ننزل نشتري شوية حاجت

والله أنا للأسف عرفت المنتدى قريب كان نفسى أكون من زمان هنا و عرفت الموضوع بتاع السلاح كله قريب فللأسف محضرتش الأسعار الحلوة و كان نفسى أشترى لكن لما لقيت فيه مواضيع قديمه بأسعار أحسن من كدة قولت والله مانا جيب و هعمل مقاطعة غير لما الناس تقولى دا الأسعار دى كانت كدة زى قبل الثورة و سئلت ناس من المنطقة إلى ليهم فى الموضوع دة أو إلى أصلا لفتوا نظرى للموضوع دة و قالولى بدأت ترخص شوية لأن فيه مشاكل عمتا زى ماقولنا فى الردود عشان السلاح و إن شاء الله شهرين كدة الأستغلال دة يكون تم القضاء عليه نهائيـــــــــــا

المشاركة الأصلية كتبت بواسطة بسام سعيد

يا مسهل يارب

منور يا باشا و يــــا رب دعواتكم بقى ياجماعة أن السوق يرجع زى الأول

[hesham[MaFya]a]

طيب الحمد لله ربنـــا يسهل.

[Zero]

حبيت أرفع الموضوع تانى عشان أفكركم أننا قولت ان الأسعار هترخص شوية
و يا مسهل زقة كمان و تبقى زى الأول و بعدها تبقى أحسن كمان و دى أستفاده للتاجر و للمشترى لو الأسعار بقيت أرخص

المشاركة الأصلية كتبت بواسطة hesham[mafya]a

طيب الحمد لله ربنـــا يسهل.

أمين يا رب

[NSAA]

يا سلام بقى لو حد من الناس القديمة يقولنا أسعار زمان كانت إيه علشان نعرف الفرق و يبقى عندنا مرجعية

[aly406]

يا جماعة الكلام دة جميل بس عمرة ما حاييجى مرة واحدة كدة نستنى شوية على الاقل لاحد اخر السنة دى ولحد ما يبقى فيه حكومة وريس ومجلس شعب الدنيا حاتهدى وربنا يسهل ويمكن كمان تبقى احلى من الاول علشان حايبقى فية شغل كتير وتجار كتير كمان

وربنا يسهل ونرجع زى الاول تانى

[don'tshoot]

المشاركة الأصلية كتبت بواسطة nsaa

يا سلام بقى لو حد من الناس القديمة يقولنا أسعار زمان كانت إيه علشان نعرف الفرق و يبقى عندنا مرجعية

فيه موضوع في قسم الأسلحة النارية عن الثورة وتأثيرها علي الأسعار.... يعني مثلا المسدس الروم ال 9 ملل كان بيتباع ب 1500 جنيه ودلوقتي 2500 لو لقيته....

[Zero]

المشاركة الأصلية كتبت بواسطة nsaa

يا سلام بقى لو حد من الناس القديمة يقولنا أسعار زمان كانت إيه علشان نعرف الفرق و يبقى عندنا مرجعية

موضوع فى قسم الأسلحه الناريه أسمة تأثير الثورة على بيع و شراء الأسلحه حاجة زى كدة كما ذكر الأستاذ دونت شوت أسمة

المشاركة الأصلية كتبت بواسطة aly406

يا جماعة الكلام دة جميل بس عمرة ما حاييجى مرة واحدة كدة نستنى شوية على الاقل لاحد اخر السنة دى ولحد ما يبقى فيه حكومة وريس ومجلس شعب الدنيا حاتهدى وربنا يسهل ويمكن كمان تبقى احلى من الاول علشان حايبقى فية شغل كتير وتجار كتير كمان

وربنا يسهل ونرجع زى الاول تانى

مش أستعجال بس مش عايزين حد يتضحك عليه أو ناس تستغل ناس أو تجار كبار يستغلوا الموقف كمان و يعملوا صفقات صح على حسابنا

المشاركة الأصلية كتبت بواسطة don'tshoot

فيه موضوع في قسم الأسلحة النارية عن الثورة وتأثيرها علي الأسعار.... يعني مثلا المسدس الروم ال 9 ملل كان بيتباع ب 1500 جنيه ودلوقتي 2500 لو لقيته....

منور و شكرا على الأضافة
و معرفش الروم فعلا ليه نط النطة دى أنا عارف أنه من أفضل المسدسات إلى دخلت مصر بس أية يا جدعان إلى بيحصل ده دا كان وصل لـ4 ألاف فى عز الثوره دا الحى كان أرخص