صورة أسلحتى

[mman2005]

والله يا جماعة أنا مش عارف أقول إيه على كلامكم الجميل والمحترم وإلى فيه روح الأخوة والمودة، وبصراحة كلامكم ومشاعركم عندى أغلى من 100 بندقية ديانا ونوريكا.

المشاركة الأصلية كتبت بواسطة hossam _alking

والله انتى من كلامك أنسان قمة فى الأحترام
ربنا يكرمك انتى وأهل بيتك يارب

والله يا أخ حسام أنت من الناس الجميلة والمحترمة إلى بعتز بيها تقبل تحياتى وتقديرى.

المشاركة الأصلية كتبت بواسطة mazenger

اخى الكريم كل عام وانت بخير بكرة العيد ان عوزك تفرح وعمر الراجل كان بسلاحة كانت الرجال بحسن تصرفهم تحياتى اخى وان شاء الله بحسن استخدامك اسلحتك البسيطة ممكن تكون بفضل الله احسن ممن يمتلك ترسنه اسلحة ولا يحسن استخدامها اويستخدمها فى ما يغضب اللة عز وجل فمعا نعلو شعار نعم لرجال الشرفاء ولا لاستخدام السلاح الغير شرعى

كلام جميل من أخ فاضل أعتز به وأحترمه تقبل تحياتى وتقديرى.

المشاركة الأصلية كتبت بواسطة dr_mohasan

والله لا اجد تعليق أقوله غير أنك فعلاً رجل محترم

وأرجوك الا تنظر الى هذه التفاهات , فشخص مثل هذا لا يستحق حتى أن تتكلم عنه

والله يا دكتور محمد لو الناس بنصف أخلاقك كان أنصلح حال بلدنا تقبل تحياتى واحترامى وتقديرى.

المشاركة الأصلية كتبت بواسطة أحمد عطاالله إبراهيم

والله يا باشا حضرتك بجد محترم جدا جدا .. وفعلا على راى دكتور محمد حسن ده شخص مايستحقش ان حضرتك تتكلم عليه ..

بس على فكرة انا كمان عندى 15 سنة وطالب فى الاعدادية .. ف عايز اقول لحضرتك .. ان مش كل الناس وحشة .. لا زى ما فيه الوحش فيه الكويس

ولا انا غلطان

والله يا أبو حميد أنت بعقلك وتصرفاتك وأحترامك راجل وفعلاً أنا بحس من مشاركاتك أنك راجل حقيقى بمعنى الكلمة ولولا صورتك الجميلة والتى يظهر بها سنك كانت الناس فكرتك عندك 7 أولاد، تقبل تحياتى واحترامى.

المشاركة الأصلية كتبت بواسطة m777md62

أولا : كل عام وحضرتك بخير ,, ثانيا : عايز اقول لحضرتك ان الراجل مش بمجرد انه شايل مسدس ولا بندقية لكن الراجل بيبقى بأخلاقه وبشجاعته وشهامته ,, وأحب أحيى حضرتك ع أحترامك وأدبك ,, ولازم نقول ان الكبير كبير وحضرتك هتفضل كبير يعنى مش بمجرد ان واحد عنده 15 سنة قال كلمتين يبقى بيأخذوا فى الأعتبار ,,, وانا واحد من الناس بعتذر عن اى شخص اساء لحضرتك او ضايقك ,, وحضرتك ليك كل التقدير والأحترام ,, اخوك الصغير : محمد 16 سنة ,, تحياتى لحضرتك ,,,,,,,,,,

والله يا ريت الناس الكبار يكونوا بعقلك واحترامك، يسعدنى ويشرفنى أن يبقى ليه أخ مثلك تقبل تحياتى.

المشاركة الأصلية كتبت بواسطة أميجو

والله بغض النظر عن السخافات اللى سعادتك ذكرتها وحصلت معاك لكن شهادة حق موضوع السيلف دفينس انتشر فى منتديات البنات كطريقة بناتى لتأمين نفسهم فى وقت كان الصاعق الكهربى غير منتشر وعلى ما اتذكر أنها خلطة من الشطة السودانى والفلفل الاسود والخل مع ماء البطاريات الخاصة بالسيارات وممزوج بها مادة البوتاس وتوضع فى بخاخات للردع الشخصى .
ومعك حق تماما فى موضوع تأمين البيت فمن منا لم ينزل إلى الشارع وكان يحمل خشبة او عمود حديد او سلسلة اوسكين ؟
تحدثت فى تلك الايام مع صاحب محل لأدوات الدهان وذلك أيام الحظر مساء حينما كان يقف لحراسة المحل الخاص به وذكر ان كل مبيعاته ترتكز تلك الايام على الشوم ويقصد به الخشبة التى توضع فى الجاروف المستخدم فى البناء والسلاسل والمسامير .
إذن موضوعك لا غبار عليه من المصداقية والصراحة .
لذلك دعك من مثل تلك المهاترات التى تحدث من هم اقل منك خبرة ووعى وكان الافضل ان تبادر بالاتصال بصاحب المنتدى وتبدى ملاحظاتك .
اعد تفكيرك فى الموضوع صديقى العزيز وعيد سعيد
تحياتى وتقديرى للجميع

جزاك الله كل خير أخى أميجو على كلامك الجميل وأنت من الناس الجميلة التى يسعدنى رؤية مواضيعهم ومشاركتهم.

المشاركة الأصلية كتبت بواسطة mahmoud11144

اولا كل سنة وحضرتك طيب وكل استرتك طيبة وبخير
والقناص الصغير بافضل حال وبكامل صحة وعافية
حضرتك انسان محترم جدا ومن اخلاق الرجال الاحترام لكل شخص والواضح من كلام حضرتك انا هذا الشاب
لا يعرف شيئا عن هذا ولكن دعك من كل هذة التفهات
ايام ما كان الخطر في كل مكان في مصر اثناء الثورة كان كل واحد شريف وراجل كان يحمي اهل منطقتة بالكامل وليس اهل بيتة فقط وكان في ناس معاهم اسلحة غير مشروعة وكان بيعمل الي هو عايزة
مكنش حد عارف يكلمة ولما واحد فينا يعمل اي وسيلة دفاع عن نفسة واهل بيتة نيجي نعلق علية ونهاجمو
ونقلة دا غلط وانت شغال في الممنوع
ونقلب علية الدنيا
ونيجي عند البلطجي منعرفش نكلمة لية
عشان معاة سلاح !!!!!!!!!!!!!!!!
فيا اخي لا تخاطب الناس هكذا وهذا الرجل ليس من سنك ولا انت تعرفة عشان تكلمة بالطريقة دي
فهذا الرجل بشاكوش حمي بيتة واهلة وابنة وحرمة بيتة بل حمي منطقتة
فلماذا انت تعترض وماذا انت فعلت في مثل هذة الايام هل كنت تقف وتصد البلطجي او المجرم ؟؟؟؟؟؟؟؟؟؟
فيا اخي صلح من طريقة معاملة الاعضاء
فنحن هنا اخوة فان كنت غلط في هذا الرجل وقللت من احترامك لة كانك اسئت للجمع ونحن لا نسمح للاسائة لاعي عضو منا..
...........اخوك الصغير 19 سنة...

أحيك على روحك الجميلة وكلامك الأجمل ويسعدنى أن نكون أخوة قبل أن نكون أصدقاء تقبل تحياتى.

المشاركة الأصلية كتبت بواسطة سرسور

أخي الكريم كل عام وانت و الاسرة بخير
ارجو ان لا تلتفت الى اى كلام لا ينفعك او يضرك
فما فعلتة افضل بكثير مما فعلة من يمتلك اسلحة حقيقية
و ما تملكة ليس قليل فالشيئ ليس بثمنه او شكله و لكن بقيمته
فقد استطعت ان تستخدم المتوفر لديك كما فعل الجميع
وهذا لا يعيبك او يعيبنا لأننا تعرضنا لموقف لا يمكننا ان ننتظر لنبحث عن ما نشتريه
ولكن نستخدم كل ما هو متاح
فلا تشغل بالك فهذا فخر لك ولنا ان نجتاز هذه الاحداث بما كان متاح لدينا
و جزاك الله خيرًا

جزاك الله كل خير أخى الفاضل على كلامك الجميل الذى أعتز به وتقبل تحياى لك وتمنياتى بموفور الصحة والسعادة وكل عام وانت بخير والأسرة الكريمة وكل الأعضاء المحترمين.